شور
دللول الولد يبني دللول

دللو خاف اگلك يبني وتنام
عدوك موعليل ويحرگ اخيام
ابن هند اللعينه الساكن الشام
يمه الذبح ابوك امحشم الاقزام

ماضل صبر ردتك ضخر تالي العمر يوليدي
ياحرمله گبال المله حز منحرك وشبيدي

دللول الولد يبني دللول

//////((((((((((((((((
دللو يلولد يبني فلاكول
خذك سالم ابوك وراد مچتول
بعد متفيد عبدالله الدللول
والمذبوح نعرف نومته طول

وجه الضوه وجهك سوه چنك هوه ياروحي
گالومتت وانه شگلت من سمعت مذبوحي

دللول الولد يبني دللول
//////((((((((((((((((((

دللو يمه عبد الله يمظلوم
تمنيت اتمشه اگبالي وتگوم
يگلبي وگلب ابوك اعليك ملجوم
خالي المهد ظل بطرك الهدوم

عني ابتعد خالي المهد ياللوعد ومصيبتي
حتى الطفل هم ينجتل وين العدل يمصيبتي
دللول الولد يبني دللول
//////////(((((((((((((((

دللو يالولد بس للينامون
بعد ماكولهه ووليدي مدفون
يصورة مصرعك متعوف العيون
طحت ابين وادم مايرحمون

طير السعد مارد بعد والهم گعد بگليبي
ليش العده تموت الندى رايح فدى يگليبي
دللول الولد يبني دللول

///////////////((((((((((
ست اشهر بعد ماصارن اسنين
خذو منهه الكحل وبيضت العين
رد مذبوح شوفي بحض الحسين
مامذبوح اضنه وماشفت زين

من گربت ليه وشفت رأساَصحت عبدالله
رايح ظمي راجع دمي يل فاطمي عبد الله
===========
محمود رحيل التميمي

تم نشر برنامج محرم?ومن الله القبول

حميده ومسلم

ياعمي طالت سفرته ومامر علية
گلي شجراله وعطله بداعت رقية
دزله خبر گله سلامات
بنتك حميده اتگول لومات
شيسوي بيه شيسوي بيه
=================

ياعمي تحضني بشغف
                 ودموعك الهماله
طولت مسلم جيته
                يرجع عدل لولاله
لوماعليه صاير قدر
           يوجعني گلبي شماله
محلّه الابو بوكت المسه
                  من ينجمع بعياله

غالي انه ابوي و انت بس عمي بغلاته
ما شم هوه انه بلايه ابو اشتم ذكرياته
عل فطره طلعن مني چلمات
كله حميده اتگول لومات
شيسوي بيه شيسوي بيه
=================

خايف دليلي اعله الابو
            من حگه يكثر خوفه
مايرضه كلبي يطمئن
          جابوله طاري الكوفه
مدللني جان الجيته
            روحي شكثر ملهوفه
ماتطفه نيران البعد
                اله ويرد ونشوفه

لاسامح الله ومايرد بلوتنه بلوه
حتى الهوه لومارجع نشتمه گوه

ايام عمري تگضي صفنات
گله حميده اتگول لومات
شيسوي بيه شيسوي بيه
=================

الله ومحمد يل رحت
                يبرالك ويبرالي
الغالي لوفارگ هله
       يترك وراء جم غالي
عندي سؤال ارد اسئلك
              يابويه شاغل بالي
چتالك ايصير البشر
                وانه البعد جتالي

ياعمي دز مرسال اله يرجعلي كله
سيف الحقد خافن عليه وادم تسله
ارسله مره وبعد مرات
گله حميده اتگول لومات
شيسوي بيه شيسوي بيه
===============

ياعمي مامرتاحه احس
             ضاگت عليه انفاسي
احساسي كلي تيتمت
            من بيدك اتحس راسي
ضلت حميده بلايه ابو
                شنهل زمان القاسي
ياعمي بعيونك حچي
                سولف يبيرغ ناسي

والمثلي اليفارگله ابويموت ابحياته
ياعمي مسلم من مشه شوصه بناته
تنعد حميده اعله اليتيمات
گله حميدة اتگول لومات
شيسوي بيه شيسوي بيه
===============

لوغمضت عيني انه افز
              اصرخ كمت يابوياي
عطشانه بويه الجيتك
             يل شوفتك جانت ماي
عماتي خل يتحضرن
               ينعن على الغالي وياي
بل كوفه ابوي الوحده
             وهل الحقد ناس اهواي

ياعمي ضل بسكتتك انه ارد اريحك
مادام حملت الضعن مسلم ذبيحك
من راسي گامت تطلع اصوات
گله حميدة اتگول لومات
شيسوي بيه شيسوي بيه

محمود رحيل

هوسات الطف

حسين القائد عل قاده
خوانه تهد ويه ولاده
اهلا ياتربات الساده
مابيهم مات اعله وساده
صالو بيه طف خوانك

انصارك طبو وخوانك
وذلو عسكر عدوانك
اشتعلت نار ابميدانك
يل طف منهم تاخذ شانك
هوس بيه طف عباسك

حتى اليرضع بگماطه
فات بزوده وبزماطه
وينه الهدد بسياطه
عبدالله يطگه برباطه
شنهي الماي حسين الكوثر

كبار احنه الطف زغيره
حسين اليصعب تفسيره
ساده شيوخ اعله الديره
الشيخ حسين وموغيره
انطگ اظهور بيوم النيبه

حسين تفرج للحومه
وشوف الكافل وعلومه
شال الرايه وطب ليهه
وراس براس يطگ بيهه
يصطر بيه الجيش الكافل

محمود رحيل

شور

منين ماجيك اشمنك ورد
ادفه لوصيح حسين بنص برد
انه مخلوق الك خادم عبد

مشتاگ الشوفتك
من اوصل حظرتك
...اتخيل گبتك..........فردوسنه

اشيصبر عاشگ عن العشگ
ريه وهوى نختنگ من نفترگ
يحسين صاح الگلب لمن يدگ

عن مهرك من طحت
ياجدي جن صحت
ذكروك وفرفحت.......فردوسنه....
==================

منين ماجيك اشوفنك جرح
راس مرفوع ذبيح اعلى الرمح
تارس الناس حزن مات الفرح

مگطوعه رگبتك
وخيولهم داستك
شگدصعبه طيحتك.....فردوسنه

من گالو انذبح راس الضوى
اختنگت البشر ماضل هوه
بعلتنه عشنه جي مات الدوه

ماهمك العمر
مذبوح ومنتصر
ياقمت الصبر......فردوسنه
===============

منين ماشوف ظلم ذابح عدل
المثلك يعيش جريمه ينچتل
وچفوف العيال مومالت حبل

يامرسل كربله
ياشيخ القافله
ذبحوك المجهله....فردوسنه

خلني اصرخ ليش اسولف بل همس
يانعمه وبل حوافر تنرفس
يمصابك عايش هسه وامس

الناس الظلمتك
لوفهمت غايتك
چافزعت نصرتك.....فردوسنه
=================

حتى بنوم حلم يدفع حلم
شافت العين كفر يذبح سلم
راسه مگطوع المسكت الزلم

دخانه بل خيم
وبصدرك جم سهم
وناس ابلاشيم.......فردوسنه

ياحبك واجب اصبح وفرض
ياقمه من وگعت اعلى الارض
لمصابك كلشي بينه ينتفض

من عوفك للأبد
ياعون وياسند
من عندك المدد......فردوسنه
============
محمود رحيل

نزله مسلم ابن عقيل 

گلب مسلم من يدگ
والله موخوفن عشگ
                     عاشگ حسين

طب عليهم مبتسم
طشر ارگاب الزلم
              يسرة ويمين

===============
شلون هسه والحسين خبر من عنده نتظر
هوه مرسل والرسول ما يرد الا بخبر
لازم ايدزله  الجواب جيتك صارت خطر
كلهه ضدك يل حسين بشر وجروف ونهر

من  يگله لا تجون. 
بيكم الوادم تخون
            .     ابقى يحسين
سلو ابوجه السيوف.
  بلاخجل وبلايه خوف
                     ابقى يحسين

==============

من يگله البايعوك عافو المرسل وحيد
بل لسن كالو تعال والگلب مال اليزيد
صاح حيى اعله الجهاد فتوه گالوله نريد
جيبهه انه امن الحسين لان يدرونك بعيد

من يگله اهل الكتاب.
مايهم صبح سراب
                 ابقى يحسين
وادم اتحب الجفاء
عاشت الدنيه برياء
                  ابقى يحسين
============

اتركو مسلم سفيرك ياحسين الكاتبوك
ذره لوعدعم وفاء موتجيهم جايجوك
للمدينه ويعتنون ياحسين وبايعوك
مسلم الوحده تركوه يعني من هسه خذلوك

حتى قاتلهم قتال
گطع اركاب الرجال
                 ابقى حسين
مسلمك شافو شجاع
فزعو اعليه بل خداع
                     ابقى يحسين
===========

توالفت كل الوجوه والگلوب اتخالفت
والقبائل والجيوش ضده كلهه تحالفت
طبهه مسلم والجيوش ترجف وبيه سولفت
كلهه رجفت منه خوف والركب هم رجفت

كلهه ردت ليورى
وكفت ويا بس مره
                ابقى يحسين
من يگله اهل الكتب
وحده عافو بل حرب
                  ابقى يحسين
=======
محمود رحيل

ابوذيات  نعي

موخوي الااحشمنه و يربا
ربيبي الماخلف وعده ويربا
كالو عل نهر طايح ويربا
ستحه يرد بيهه لخيامي خليه

السمه لطمت على امصابه ورضها
الحافر  كسر  اضلوعه  ورضها
كوم  وصبر  اسكينه  ورضها
زعلت چا طول اغيابك عليه

كمت كل مامشيت اعثر بهاماي
خليه جربت الكافل بهاماي
يريت السيف شاطرني بهاماي
ولاشوف الخيم منكم خليه

/من احرورت الكافل وي الماي
الم جرحه انطبك بيه ويه الماي
احسن مشرعه بروحي ويه الماي
وكفيل اوجربته يصولون بيه

جرحي مستمر لجمه ويداي
وحك ضلع الزجيه امي ويداي
يبويه بسوط ضربوني ويداي
بحبل مجتوفه وانه الهاشميه

عطشن بالطف بنات حسين ياعن
وجرحي عله الجرالي ايهيج ياعن
شماته تصدلي بويه  بعين  ياعين
ضحكت من تشوف اجتاف ديه

تطشر دينهه اجداده ولما
لا اخ الحظر ذبحه ولما
وكع من المهرشفته ولما
وكع وكعت اهموم الكون بيه

محمود رحيل

نزله
يعباس اعوز من الماي صارت عازتك
يعباس زينب انه بصايت الله وصايتك
=========================

ليلي ون جومه والحومه تنشد وينك
كاض خاصرته من عفته خويه حسينك
گمت ادورنك  بعيوني  مره بروحي
دورت كلشي بنفاسي بونتي ونوحي
يعباس الهسه بعيون اختك ترف رايتك
======================

ظلمه دنيانه عافانه غمض عينه
صاحت ايتامي بخيامي ماردلينه
من يدك گلبي بظلوعي بسمك ناده
مايرد ليچن واليچن عم الساده
يعباس گتلي ماعوفچ وگد حجايتك
======================

ماتركني اله گطعوهن منه چفوفه
ظافن اعيونه وماردهن سهام ظيوفه
الكرم عاده والساده ماعافوهه
منطي چفينه لحسينه الكل شافوهه
يعباس ظلمه صارت بالعيون ولايتك
======================

حسين كظ ظهره يل كافل ونهد حيله
حيل موهينه من يوگع فارس خيله
صاح ياظهري يوجعني طاح احزامي
گال من دونك وعيونك ظلمه ايامي
يخي ليش ماشربت الماي نعرف غايتك
=====================

عايف حسيني بمصابك تهمل عينه
ون على چفوفك حسينه وياونينه
گال موهينه من يوگع حامل رايتي
غمضن عينك چفيني ياعكازتي
يعباس تصعب اعلي يابوفاضل حالتك
=====================

محمود رحيل

شجرت محمد.

حداد...   سواد.... نلبس للغالي

لطم.....    بچي... والدمعه تلالي
........       ........................

نلطم نون يكبر يضل بينه الحزن
انت الشمس عمر الشمس ماتندفن
حريه انت ومن طحت عشنه بسجن
شجرت محمد وگطعو منهه الغصن

خدم نصيرابفخر
ايون عليك الحجر...... يامولاي
بچي محرم سفر
عل خنصروعل نحر...... يامولاي

ذبيح......سليب...يل شاغل بالي
...............................    

انت السفينه البيهه كل المستقر
بسمك ندب موسى وشطر ذاك البحر
لولاكم انتم ربنه لادم ماغفر
چنكم ملاك اعله الارض ماچن بشر

انت الشمس والهوى
بظلمه وجهك ضوى...... يامذبوح
ابچي واون من صدگ
بياحق صدر ينسحگ......يامذبوح

الرمح..... يشيل....راسك للعالي

................................

نبچي وعلينه شگد حچه الظدك حچي
گال انذبح موتو ماداعي البچي
ماچني اسمع چلمة الناس التجي
حرورة مصابك تچوي بضلوعي چوي

ماعدهم اليشبهك
بلانسخه ربنه خلقك...يامظلوم
ذمو خدم منبرك
جي لطمو المنحرك.......يامظلوم

كلام....خبيث..... الهم مومالي
.........    ...................
الكلشي گالو عالخدم خنّگلهم
لمتونه والله الخالق الكون الهم
سبطينه الحدر الكساء وي جدهم
وأمهم وبوهم والوحي سادسهم

الله اليخصهم ذكر
اخدمهم انه بعمر....والخدام
للشلتو راسه برمح
ابچي واون للصبح.....والخدام
كفا.....ولك......لتمس اهلالي
.....................
محمود رحيل

ياصحبتك حياهم
بالطف حله ممشاهم
درع ورمح تلكاهم
اصحابك اصحابك
@@@@@@@@@@@@@

نسمة هوه طبوها
نجوم الظهر شوفوها
بسيف الركب جوها بل حومه بل حومه

رب العرش وياهم
يرعد رعد ملكاهم
وانت الصحت حياهم. بل حومه بل حومه

تأمرهم امر
يفدوك بعمر. اصحابك اصحابك

@@@@@@@@@@@@
صاحو تحزم بينه
للحومه من طبينه
لجل الحسين ودينه نكلبهه نكلبهه

شايبنه بعده بحيله
واليدنه الك ياويله
واحنه النرد العيله. تامرنه تامرنه

رحنالك فدى
يل جنك نده. اصحابك اصحابك
@@@@@@@@@@@@@@

دركه ورمح تلكانه
عزمك يهد ويانه
الناس الاجت خسرانه. بذن الله بذن الله

حسين الله يهوه انفاسه
شيخ وعگيد الناسه
نفدي الركاب الراسه. بذن الله بذن الله

صاحو بل حرب
يهواك الكلب. اصحابك اصحابك

محمود رحيل