Ha-a, bugun 20 ni qarshi oldim, hamma dekabrni yangi yil uchun kutsa, men tugʻilgan kunim uchun ham kutardim. 😁
Anchadan beri tugʻilgan kunimni bunisi kabi intiqlik kabi kutganim yoʻq edi, hay nima boʻlsada barchasi xayrli boʻlsin.

Bugun tugʻilgan kunini nishonlayotgan barchani tugʻilgan kuni bilan, qolganlarni tugʻilmagan kuni bilan tabriklayman 😄😄🎉🎊

#iqtibos

Hozir u oʻzining qisqa, oʻn toʻqqiz yillik umri bilan tanho qolgan, yigʻlashining sababi: bu umr uni tark etyapti...
*📚 Gʻarbiy frontda oʻzgarish yoʻq (Essizgina yoshligim)
✍ Erix Mariya Remark*

10 daqiqadan soʻng meni ham 19 yoshim tark etadi 🥲😄🫠

@maknunnnnnnn

#nazm

Kulgan boshqalardir, yigʻlagan menman,
Oʻynagan boshqalar, ingragan menman,
Erk ertaklarini eshitgan boshqa,
Qullik qoʻshigʻini tinglagan menman.

Boshqada qanot bor, koʻkka uchadir,
Shoxlarga qoʻnadir, bogʻda yayraydir-
Soʻzlari sadafdek, tovushi naydek-
Kuyini har yerda elga sayraydir.

Menda-da, qanot bor, lekin bogʻlangan...
Bogʻ yoʻqdir, shox yoʻqdir, qalin devor bor:
Soʻzlari sadafdek, tovushi naydek
Kuyim bor... uni-da devorlar tinglar...

Erkin boshqalardir, qamalgan menman,
Hayvon qatorida sanalgan menman..

1921 *© Abdulhamid Choʻlpon*

@maknunnnnnnn

Biz musulmonlar tabiiy ilmlardagi qoloqligimiz uchun hali juda ogʻir hisobga tutilamiz.

Inson namoz oʻqishi uchun yer yuzida bir metrga bir metr (1 kv.m) joy kifoya qilishi mumkin.

Ammo ana shu kichikkina masjidni dushmandan himoya qilish uchun u Yerdan Mirrixgacha, balki Quyoshgacha choʻzilgan bilim-maʼrifatga ega boʻlishi lozim.

Dardlar va davolar
© Shayx Muhammad Gʻazzoliy

@maknunnnnnnn

Toʻxtaganidan soʻng yurak siqilmas...

@maknunnnnnnn

#tarix

Davlatshoh Samarqandiy Umarshayx mirzo haqida:

Ammo, oliy darajali sulton Umarshayx bahodir sohibqiron Amir Temur koʻzining qorasi edi. Sohibqiron nazdida qudratli farzandlaridan birontasi unchalik oliy martaba egasi boʻlmagan. Dastlab Andugon (Andijon) otaluvchi Fargʻona mulkini unga inʼom qildi va [u] bagʻoyat shijoat va mardonalik bilan moʻgul xonlari popugini pasaytirib, Qamariddinni xarobu zaif etdi. Moʻgullar unga bosh egib, zoʻravonlik qoʻlini Fargʻona
sarhadlaridan tortdilar. [Hattoki], Umarshayxdan qoʻrqqanlaridan osoyishtaliklarini yoʻqotdilar.
[Umarshayx] bir muncha vaqt oʻsha diyorni idora etdi. Sohibqiron uning olamni bezovchi peshonasida sarvarlik nishonasini koʻrib, Forsni, —Basra va Xuzistongacha boʻlgan yerlar bilan qoʻshib, — unga inʼom qildi.
Ul oliy darajali... sulton, taqdiri azal tufayli, Rumga(aslida Misrga) lashkar tortib borayotganida, Xuziston qalʼalaridan birini olish paytida, oʻq tegib shahid boʻldi...

• Umarshayx Temurbekning farzandi boʻlgan, 1394-yilda vafot etgan.

@maknunnnnnnn

Kanal kuzatuvchilaridan biri ham men ishtirok etayotgan toʻyga kelgan ?

Toʻyga ketayotgan edim, ustma ust telefon, xayolim toʻyda boʻlib, taksi toʻxtatib
– Toʻyga debmanda??‍♂??

#sarhisob

Xoʻsh, taʼtilda oʻqiganlarimizni sarhisob qilsak:

1. Futbol qiroli. A. Nesin
2. Xotira siniqlari. Zulfiya
3. Amir Temur haqida hikoyalar. T. Hayit
4. Rivoyatlar kitobi. A. Muhammad Tursun
5. Jadid kulliyoti, Buloqlar. A. Choʻlpon
6. Begona. A. Kamyu
7. Tayoq yemasdan turolmayman. A. Nesin
8. Dunyoning ishlari (qayta). Oʻ. Hoshimov
9. Oʻn sakkizga kirmagan kim bor. Sh. Xolmirzayev
10. Kecha va kunduz. A. Choʻlpon
11. Dashtu dalalarda. Murod Muhammad Doʻst
12. Egilgan bosh. O. Muxtor
13. Sof oʻzbekcha qotillik. Xurshid Doʻstmuhammad
14. Adolat manzili. O. Yoqubov
15. Oq poshshoning qora tuni yoxud qanday hukumat shunday muxolifat. N. Qobul
16. Nasiba niyatga bogʻliq. A.A. Nemutlu
17. Mungli koʻzlar. X. Toʻxtaboyev
18. Faylasuf va etikdoʻz. J. Xalil Jubron
19. Tumordagi surat. O Henri
20. Shamol ortidan yugurib. X. Husayniy
21. Drakula. B. Stoker
22. Qatlnoma. N. Boqiy
23. Ayrilmas er. F. Dostoyevskiy.

Mutolaada Puankare (Abduqayum Yoʻldosh)

Siz, taʼtilda qaysi kitoblarni oʻqidingiz?
Javobingizni izohlarda yozing.

Ne ham derdik, xayrlisi boʻlsin degan soʻzdan boshqa ovunchoq boʻlmasa :(