Идеал аёл деганда мен ҳамиша зиёлилик даражасини биринчи ўринга қўйганман. Ақлий салоҳиятини ҳам, албатта.

© Чингиз Айтматов
https://t.me/Adabiyot_olami

Qadring bo’lgan joyda tur foydasi kam bo’lsa ham, qadring bo’lmagan joyda turma, oyog’ing ostiga tilla sochsa ham!

@KR_Abduvaliyeva

*Shu shaharda

Shu odamlar ichida bordir,
dili yara, yuragi hasta,
Dunyosini rozi qilguncha,
shu yurakni Allohim asra,
Nomardlarga ochilgan ko’ngil,
pushaymonlik o’tida yonar,
Aldangan qiz kulgusi uchun,
taqdir undan shodlik qizg’onar!

Shu shaharda kezar bir telba,
manzilini bilmaydi lekin,
Uning sodda, mas’um qalbini
bevafolar ulashgan tekin.
Hayotini huddi qimordek,
tavakkalga tikkanlar bisyor,
Niqoblari yechilgan kunda,
Hiyonatga etilgan duchor.

Shu shaharda daydib yuribdi,
kechirishdan charchagan sevgi,
Uning oppoq ishonchlarini,
qora dog’lar maydalab yedi.
Quyosh bilan zaminga singib,
ketmoq istar sadoqat, vafo!
Bir hiyonat qilgan kimsani,
o’n kechirmoq aslida xato!

Kamola Abduvaliyeva she’ri*

*Yolg’ondan rost kabi sevding azizim!

Qancha avaylamay, asramay, lekin,
Sevgimiz umrini yeding azizim,
Ayt seni ayt qanday unutmoq mumkin,
Yolg’ondan rost kabi sevding azizim!

Kiprigim ostida, qarog’larimda,
Zarra g’ubor qo’nmay keldi tuyg’ular,
Javob yo’q birorta so’rog’larimda,
Axir yolg’onlaring rostdek tuyular!

Seni yo’qotmoqdan zararim ko’pmas,
Faqat sog’inchlarga chidab bersam bas.
Faqat unutolsam vadalaringni,
Qolgani yuragim kuchiga kormas!

Kamola Abduvaliyeva she’ri*

*Sensiz ham baxtiyor yashay olaman!

Yana osmonimda kuladi quyosh,
Seni unutmoqqa yetadi bardosh,
Biroz tiyilolsa bo’lgani ko’z yosh,
Sensiz ham baxtiyor yashay olaman!

Yana gullar tutar kimdir qo’limga,
Vafodor sevgilim mushtoq yo’limga,
Umid uyg’onadi g’amnok dilimda,
Sensiz ham baxtiyor yashay olaman!

Sadoqatim bilan ishonch uyg’onar,
Yurak sof muhabbat vasliga qanar,
Va sendan kechadi, unutar, tonar,
Sensiz ham baxtiyor yashay olaman!

Qoldirgan g’amlaring chekinar asta,
Davo topiladi qolmayman hasta,
Axir ne oshiqlar turar payvasta,
Sensiz ham baxtiyor yashay olaman!

Biroz sabr qilsam bitar yaralar,
Ko’zlarim ochilib, hislar taralar,
Sohta tuyg’ularni anglab, saralar,
Sensiz ham baxtiyor yashay olaman!

Yana olamimga keladi quvonch,
Qayta tug’iladi toptalgan ishonch,
Baxtingni ko’rmasang netay, na iloj,
Sensiz ham baxtiyor yashay olaman!

Kamola Abduvaliyeva*

E’TIBOR

Bir tutam e’tibor bo’lmasa agar,
Bunday muhabbatni nima qilaman?
Sahardan shomgacha kelmasa xabar,
Mendan muhimrog’i bordir bilaman!

Bir tutam e’tibor bo’lmasa agar,
Havoga sovrilar qimmatli umr!
Yarim tun va bazan tonglarga qadar,
Meni kutmoq degan azobda qovur!

Bir tutam e’tibor bo’lmasa agar,
Bilib yolg’oningni ishonsam yana!
Aldaysan, avraysan har gal, har safar,
Zoriqqan yuragim qilmoqda ta’na!

Bir tutam e’tibor bo’lmasa agar,
Ketma -ket tug’ilar manosiz savol,
Jimligingdan jonim beayov qaxshar,
Uvol ketmoqda ishq, ketmoqda zavol!

Bir tutam e’tibor bo’lmasa agar,
Yonib kuyishlarim behuda, bekor!
Siqilsam so’zing yo’q menga asqotar,
Aldamay rad etgin, qil meni inkor!

Bir tutam e’tibor bo’lmasa agar,
Bunday muhabbatdan bormikan mano,
Talpindim, intildim, qilmading nazar,
Seni deb yonmog’im, xatodir, xato!

Bir tutam e’tibor bo’lmasa agar,
Muallah qolmoqda uzalgan qo’lim!
Seni yo’qotishdan qo’rqdim shu qadar,
Shu uchun, shu sabab kesilgan tilim!

Bir tutam e’tibor bo’lmasa agar,
Ishonchlarim majruh, umidim yupun!
Men bilan bir yo’lda boshlama safar,
G’irrom muhabbatga yasaylik yakun!

Kamola Abduvaliyeva she’ri
Kamola Abduvaliyeva hamda Sherzodbek Qurbonovlar o’qidi

@KR_Abduvaliyeva

G’IYBATCHILARGA

Molu, dunyo, mansabim, saroyim yo’qdir,
Gi’ybat, tuxmat, ig’voga parvoyim yo’qdir,
Ko’rolmas odamlardan davoyim yo’qdir,
Alloh uchun yashayman Sizlar uchunmas!

Yo’llarimga tog’ yasang tikonlar bilan,
Ishim yo’qdir ko’ngli kir insonlar bilan,
Sizga javob berayin imkonlar bilan,
Alloh uchun yashayman Sizlar uchunmas!

Duo qilgan bandaning himoyasi bor,
Dunyosiga ishonmang nihoyasi bor,
O’sha g’iybatchining ham hikoyasi bor,
Alloh uchun yashayman Sizlar uchunmas!

Mayli siz nomard bo’ling yarashib ketdi,
Ichingizda hudbinlik qalashib ketdi,
Yuzingizga hazinlik o’rnashib ketdi,
Alloh uchun yashayman Sizlar uchunmas!

Ishim tushmasin Sizga “yaxshi odamlar”,
Siz tomonga yurmasin yanglish qadamlar,
Bir kun ado qiladi, hasad, alamlar,
Alloh uchun yashayman Sizlar uchunmas!

G’ayrli bo’lmang inim, hayrli bo’ling,
Omadingiz kelmasa sabrli bo’ling,
Mana shu haqiqatni quloqqa iling,
Alloh uchun yashayman Sizlar uchunmas!

@KR_Abduvaliyeva she’ri

Kelsang

Ha, bizlar telbamiz kimlar uchundir,
Sen ularni qo’ygin, yarmimni to’ldir,
Barcha-barchasini Hudoga qoldir,
Kelsang huzurimga sevgi bilan kel!

Ruhingga halovat bag’ishlash uchun,
Ishqim og’ushida, tinch yashash uchun,
Atrofingga mag’rur, tik qarash uchun,
**Kelsang huzurimga sevgi bilan kel!

Kim oson erishgan atrofga qara,
Oshiq ko’ngillarni qilolmas qora,
Ishqimiz mustahkam bo’lar tobora, Kelsang huzurimga sevgi bilan kel!Qo’rqma, jovdirama, qilmadik xato,
Azal shu, gadoning dushmani gado,
Bizdek bo’lolmaslar qilar iddao,
Kelsang huzurimga sevgi bilan kel!@KR_Abduvaliyeva she’ri**

SEN BORSAN

Kimdir dasta dastalab,
gullar tutadi,
Kimdir yo’llarimni zor,
mushtoq kutadi,
Yana kimdir suydim,
deb maktub bitadi,
Men uchun bu dunyoda,
faqat sen borsan!

Mayli uning gullari
alvonrang bo’lsin,
Kibor bo’lsin, shoh bo’lsin,
hop bashang bo’lsin,
Garchi ishqimda yonib,
holi tang bo’lsin,
Men uchun bu dunyoda,
faqat sen borsan!

Bilasanmi bu dilim,
odamohunmas,
Na boyliging na mansab,
ishon muhimmas,
Yo’q-yo’q o’zgani xatto,
o’ylash mumkinmas!
Men uchun bu dunyoda,
faqat sen borsan!

Garchi bir nigohimga
zarlar sochildi,
Yursam qadamlarimga,
gullar ochildi,
Vaslimni ne oshiqlar,
orzu deb bildi,
Men uchun bu dunyoda,
faqat sen borsan!

Kechirsinlar umidvor,
o’shal oshiqlar,
Netay yurak bir senga,
Senga oshiqar,
Hayot teskari mudom,
kimga kim yoqar?
Men uchun bu dunyoda,
faqat sen borsan!

Senga o’xshay olmadi,
hech kimsa hamon,
Yoki sen yaxshiroqsan,
yoki men yomon,
Yillar o’tib oradan,
ozgarsa zamon,
Men uchun bu dunyoda,
faqat sen borsan!

Kamola Abduvaliyeva she’ri

@KR_Abduvaliyeva