چەمەڕایی چەم
(خەمیار هەورامی)
ھەوالی پەروەردەی شاری کرکوک
https://instagram.com/kirkuk_star_
Last updated 1 month, 4 weeks ago
Last updated 2 months ago
خەیاڵوو تۆ کەمێو سەرتەر جە جارانی کەرۆ یەلدا
کەسێو تەسکین وزۆ ڕۆح و دڵ و گیانی کەرۆ یەلدا
تۆ وێت یەلدا شەوێنی سەڐ هەزار دانێ سەروو دڵیەو
چـــەنی مـــاچا خـــەزان یاوۆ بە زمسانی کەرۆ یەلدا ؟!
چەمەڕایی چەم
حورمەت نەمەن دەگانە پەی ئاوەڕوو هەناری
چێوێو بیەن بەهانە پەی ئاوەڕوو هەناری
پایێز جە شەرمەساری کەوتەو دما جە ساڵێ
مدرا کەمێو زەمانە پەی ئاوەڕوو هەناری
ئەوسا شەرەف بە بەرزی شاهۆ ئاواتەکا بێ
حەیفا مرۆنە یانە پەی ئاوەڕوو هەناری
هەستوو خوەو هەناری چی سەردەمەو ورەشیۆ
هەرسی بە نانەشانە پەی ئاوەڕوو هەناری
ئێتر خشەو گەڵایەو پایێز مەکریۆ تەفسیر
شوکرانە جەژنەمانە پەی ئاوەڕوو هەناری
بێ حورمەتین بە وێما ئی ڕەسمە نالەبارە
دەردٚێوە ئاشنانە پەی ئاوەڕوو هەناری
بەشکەم دەسوو خەزانی مەڵهەم بدۆوە زامی
بەزمێو ، سیاچەمانە پەی ئاوەڕوو هەناری
پاییز ئاماوه و ده‌ردٚه‌داری من
خه‌زانوو وه‌شی و دڵ ئازاری من
هه‌واری چۆڵ و ئێنتزاری من
ته‌مه‌و سه‌ركه‌شا و خه‌فه‌تباری من
واره وارانوو بێ قه‌راری من
تره‌كا هه‌ناروو تاسه‌باری من
? ? ? ? ? ? ? ? ? ? ? ?
خش خشوو گه‌ڵای تاسێنێ خه‌یلێ
چه‌مێ جه تاسه‌و دیدٚاری كه‌یلێ
جه سڵه‌وه‌و خه‌ماو كه‌شوو بێ مه‌یلێ
كه‌وت ڕا جه خه‌م جه هه‌رسا سه‌یلێ
به‌ش به‌یۆ شنه‌ی گوڵعوزاری من
تره‌كا هه‌ناروو تاسه‌باری من
? ? ? ? ? ? ? ? ? ? ? ?
ده‌ردٚی خه‌زانی خاس كاریێنێ
په‌ڕ جه خه‌نجه‌رێ زامدٚاریێنێ
خه‌مێت عادٚه‌تێ ئێجباریێنێ
ئینه گردٚ وه‌شه‌بیماریێنێ
بۆ وینه ناڵه‌ی وه‌فادٚاری من
تره‌كا هه‌ناروو تاسه‌باری من
? ? ? ? ? ? ? ? ? ? ? ?
خه‌مت ئازیزا، چن خه‌م به‌ركه‌را
هه‌ناسه! خه‌مێت تا كۆگه‌م به‌را؟
سه‌ره‌ی بی سه‌ودٚا ئاخر كه‌ی سه‌را؟
ژیوای دوور جه تۆ باخی بێ به‌را
هه‌و ئازیز گوڵم! هه‌و نێگاری من!
تره‌كا هه‌ناروو تاسه‌باری من
? ? ? ? ? ? ? ? ? ? ? ?
هه‌زار پاییزێ به‌یا حه‌ر هه‌نی
حه‌ر تو قیبله‌نی نه تۆی دڵ مه‌نی
گۆرانیێ عه‌شقی مه‌گه‌ر وێت وه‌نی
دڵوو ڕۆزگاری به‌ش بۆ ته‌وه‌نی
تا كه‌ی بێ جواب ئێنتزاری من
تره‌كا هه‌ناروو تاسه‌باری من
? ? ? ? ? ? ? ? ? ? ? ?
ئه‌گه‌ر سپای خه‌م خه‌زانی بارۆ
چه‌م حه‌ر ڕوه‌كاو دووریت مژمارۆ
كه‌ی بۆ وارانوو وه‌هاریت وارۆ؟
پێوه‌ره خه‌مێ كه‌رمێوه شارۆ
حه‌ر تۆنی ته‌مای شه‌وبێدٚاری من
تره‌كا هه‌ناروو تاسه‌باری من
? ? ? ? ? ? ? ? ? ? ? ?
بۆرێوه كه‌سم با حه‌ر لاڵه بۆ
ئه‌ر سواڵه‌نه با سواڵه بۆ
ژیوای حه‌رتا كه‌ی بێ تۆ تاڵه بۆ؟
تا كه‌ی شه‌و و ڕۆم په‌ڕ جه ناڵه بۆ؟
مانگه‌و چواردٚه‌ی په‌ی شه‌وگاری من
تره‌كا هه‌ناروو تاسه‌باری من
? ? ? ? ? ? ? ? ? ? ? ?
خه‌میار فیدات بۆ حه‌ر تۆنی ژیوای
بیه‌یت زه‌روورا حه‌ر پێسه‌و هه‌وای
شاهم! سا ڕه‌حمێ كه‌ره به گه‌دٚای
ده‌ی نیم نێگایێ حه‌رچن په‌ی ده‌وای
شاهم! ئازیزم! چه‌م خوماری من!
تره‌كا هه‌ناروو تاسه‌باری من
? ? ? ? ? ? ? ? ? ? ? ?
وەشتەرین بەزموو زەمانەی تاتە ڕۆن
تــا دەسێ گـێرا بــەهــانەی تـاتە ڕۆن
بـــڐیە حـــاڵیــمـا بــراڵـــە و نـــابــرا !
چێــگە شمشاڵــەو شــوانەی تـــاتەڕۆن
بە نامێ تۆ بەرۆم تا کۆ خەیاڵوو وێرەگانێوی
هەناسێ شێعرەکا گێڵا جە من هەر پەی بەهانێوی
ئەگەر ئامای هەناسا دۆ مەجاڵوو عەمرەکەو ئێمە
ڕوێو یاوۆ بڕێو دەردٚێ شەفا گێرا جە شانێوی
هەزار وەشڵەیم بە بەزموو عاشقانەو ئا دەگاو جارا
قەرارێشا تەماشێو بێ بە شەرموو برزەبانێوی
کەمێو فاموو دڵی بەشکەم مجی ئی شارە وێرانەی
پەڕا تەسکین ئەرگەر زانی تەماشەو دوورە یانێوی
بە هەرجۆرێو میاوۆ تۆ بەساتوو قسمەتوو عەشقی
مشۆ هەورێ بەیا تا بەی هەناسەو وشکە هانێوی
دەسوو بێ‌تاقەتی زوووەن بیەن پێوەن دەساماوە
چەنی تۆ حەر مەبۆ تەقسێر لوا و گێڵای زەمانێوی
بە تاموو بێ‌قەراری چن ڕوێ لامەو گنا باست
خەیاڵێت ها بەرا ڕۆحی و خوێ لامەو گنا باست
بە مەیلوو تۆن هەواو حاڵوو دڵیما ئەی بە تۆ دڵ وەش !
خەمێ دووریت شەوێ تا سەدٚ توێ لامەو گنا باست
بە تەژنەی باخەکەو جارا قەسەم بۆ پەی تەماشێوی
هەزار جارێ بە بێ‌تاقەت جوێ لامەو گنا باست
کەمێو سەرتەر جە شەوبۆ یا چنووروو سەرکەشاو تاسەی
شەماڵ وەختێ میاوۆ چن بوێ لامەو گنا باست
شەوێ و بەزمێ هەوارێوی و ملودی دڵ‌تەمادٚاری
بە شاهیٚدٚی هەسارا چن کوێ لامەو گنا باست
قژێ خاوێ و هەناسەو وای، وەشا بەزموو وەشەسیایی!
خیاڵێت خۆ کەرا کارێو موێ لامەو گنا باست
بێ‌تاقەتەنا کەی بۆ بیاوۆ خەبەرێوتەر
ئی حاڵە موازۆ بە سەروو تۆ جگەرێوتەر
بەزموو چەمەڕایی جە وەهاری کەرۆ کارێو
مزیۆوە جە زمسانوو خەما هەم ئەسەرێوتەر
جارێو بە وەشی دوور جە خیاڵی بە وەهارێو
بەشکەم گنۆ وەرماوە ڕوێو حەر سەفەرێوتەر
خەیلێن "مەلە سەرشین"، بە هەناسێوە بەرۆما
تا وەربەرەتا نیمەشەوێ ڕاویەرێتەر
هاکا شەوە یاوۆ وەرەتاوی دڵەکەو من
گم بۆ خەمێ شارینە جەنۆ دەربەدەرێوتەر
حەیفا کە نەبی مەزهەبوو عەشقینە بە دەروێش
بەزموو وەشەویسینە بەشەر بۆ بەشەرێوتەر
چەمەڕایی چەم
ھەوالی پەروەردەی شاری کرکوک
https://instagram.com/kirkuk_star_
Last updated 1 month, 4 weeks ago
Last updated 2 months ago