تدرون شي
صرت ادور بعلاقاتي على مرحلة ما بعد الاعتياد و العشوائية الي اكون بيها وما اخاف بنفس الوقت ان ينحكم عليه بسببها ♥️
احب من الطلاب مخبوصين الصبح قبل الامتحان و يراجعون و صديقتي كاعدة تسمع بجدية شنو حلمت البارحة وشنو جانت مشاعري ♥️
احب امشي بلا وجهه وي ناسي ونفتح عشر مواضيع بوقت واحد ونحجي الكلمات مثل ما هي بعقلنا ♥️
احب المو مفروض والمو لازم بالعلاقات بس هيج اكون امنة وعلى حقيقتي واسمح للمقابل انُ يكون على حقيقته ♥️

و في ضل كل ما يدفعنا نحو الفردانية ، انا اختار المشاركة بملئ قلببببببي ♥️♥️♥️

ما اعرف من يكون هذا الشخص ولا اعرف عائلته بس احترم جداً الاشخاص الي يعرفون انهم عمل اهلهم الي مينقطع ويتصدقون بشيء يكدر الشخص يستفاد منه وينحسب بنفس الوقت الاجر لروح الشخص ♥️♥️♥️
فأتمنى توزعون صدقات تكون جارية على ارواح امواتكم وتخصصون وقت بيومكم تدعون لاهل القبور وتهدون الفاتحة لارواحهم حتى لو متعرفوهم
هالفعل حيسخرلك ربنا بي من يدعو لك عند موتك ♥️

اللهم انزل على اهل القبور السرور وخذهم يارب من ضيق اللحود الى جنات الخلود وجازهم بالاحسان احسانا وبالسيئات عفواً وغفرانا ، واحشرهم يارب في زمرة المقربين وبشرهم بروح وريحان وجنة نعيم ،اللهم اغفر وارحم وتجاوز عما تعلم إنك انت الاعز الاجل الاكرم ♥️

الحمد لله على نعمة البيت والمدفئة وصوت اهلنا وطعم الكهوة والايام العادية الهادئة
الحمد لله على النفس الراضية والجسد المايشكي من علة والسمعة الطيبة ورصيدنا من الستر وحصتنا اليومية من الحب والاحضان والامان والرحمة والاكل الطيب والارزاق اللامتناهية .
الحمد لله على نعمة التوبة و الايمان والضمير الحي والحمد لله لان حصلنا يوم جديد نعيش بي ، والحمد الف مرة لمن الهمنا الحمد ♥️♥️♥️♥️♥️♥️♥️♥️♥️♥️

لك الحمد فوق حمد الحامدين ♥️

كل ما اكبر يتشكل عندي مفهوم جديد عن شعور الامان ويبدي يتخذ صور واشكال جديدة ، ويتركز بأشياء ذات قيمة حقيقية ما تنطلب من الاخرين ولا تنشرح هي تنحس بس
وينحصر من اتساع العالم الخارجي ويضم حدود البيت الصغير الحاويني وصوت القران المدفي اركان هذا البيت ، والروحانية الي احسها واني اصلي بزاوية من زواياه ، وريحة طبخ امي الي يسوة عندي كل مطاعم العالم
والاذان الي ينرفع واني كاعدة اشرب كهوتي
والستر والعافية الي كل ما اكول لامي ادعيلي دعوة تدعيلي بيهن وجنت عن جهل اكوللها ادعيلي بشي اكبر وطلع ماكو شي اكبر منهن ♥️

مرحباً اصدقائي ?
انا ليس من رواد الاحتفال في بدايات الاعوام ، بل أؤمن بأن الحياة تحمل بدايات لا متناهية حتى لو تزامنت هذه البدايات مع نهاية العام .
فها أنا اليوم احتفي ببداياتي، بمحاولاتي التي لم تصفق لها الايدي
بأستقامة خطاي بعد كل تعثر
بقلبي الذي يختار الرفق مراراً وتكراراً حتى لو تعرض للصفع ألف مرة
بالحُب الذي لا افقد ايماني بسحره حتى لو قابلت اكثر قلوب أهل الارض شحة لهُ
حتى البكاء والليالي الطويلة والخوف والحزن الذي استطيع سماع أثار اقدامه وهو يدعس على قلبي ، أحتفي بهم اليوم جميعاً لانهم حزموا أمتعتهم ورحلوا سويةً معاً .
أه يالغرابة هذه الحياة وتعقيدها ، نبكي البارحة ونتمنى أن نغادر ونستيقظ بعدها محملين بأمل كل قلوب أهل الارض .

شكراً يارب على هذا العام وكل عام مقدر لي العيش فيه ، شكراً لتعليمك أياي ورعايتي وحماية قلبي وتأديب روحي وانقاذي من ضعف بصيرتي ، شكراً على كل شيء قدرت له البدء وكل شيء انهيته بحكمتك
شكراً لاستماعك لشكواي المتكررة وأعتذر عن بكائي على اقدارك لكني وبكل قلب مطمئن راضية ومتوكلة عليك ولا اريد سوى ماتريد .
احبك جداً جداً ♥️

هواي مرات نحس نفسنا ما منشافين وصوتنا ما مسموع ، ونحاول نفتش على عيون حقيقية تشهد على حياتنا و مواقفنا الصغيرة قبل الجبيرة ، وتساعدنا نضمد جروحنا من الجرح الصغير اليصير بأصبع أيدنا لحد ذاك الجرح المخفي الموجود بأحساسنا . ♥️

مع ذلك ورغم أهمية هذا الاحتياج الفطري ، يبقى الاهم أنُ تختار العيون التستاهل تشوف حقيقتك
لا تختار عين سطحية ماتعرف تشوف عمقك ، ولا عين تشوف بس الي هي حابة تشوفه
ولا عين تراويك مدى سوئك رغم كل محاسنك .. أختار العين المهتمة فعلاً أنُ تشوفك وتساعدك تشوف حتى الاشياء الي ماتبصرها أنتَ بذاتك . ♥️

أحتياجك لعيون تشوفك ، هذا أحتياج طبيعي فطري يبدي وياك من الطفولة ، من تسوي أي فعل حتى تجذب انتباه الاهل وتضل تكرر بي لان أكو عيون مهمة كاعدة تشوفك .
ومن تكبر شوي تكوم تشارك بالاعمال المنزلية ( مثل منغسل المواعين ونكعد نراقب رد فعل امهاتنا اذا انتبهو او لا ) في سبيل تحصل على النظرة المطلوبة من أهلك .
وهيج نضل ندور وندور على العيون المهمة المهتمة طول ما احنا عايشين ومهما كُبرت اعمارنا . ♥️

مَرة قريت بوست على الانستا عن شخص مشهور يصنع محتوى مختلف ويشارك الناس بكثره ، وفجئة توقف عن صنع المحتوى وصارت منشوراته جداً قليلة وعلى فترات متباعدة ، ومن سئلو المتابعين وين محتواك وليش متغير ؟ ردلهم " اني قبل جان عندي فوك المية الف متابع بس جنت حاسس بوحدة ونقص وقلة عاطفة بس من دخلت زوجتي على حياتي أكتفيت ، وماصرت أهتم بمصدر أخر للحب والتشجيع غيرها " ♥️

بالشغل اصلي بغرفة تجهيزات حديثي الولادة ، وكل ما ارفع ايدي ادعي ، تجي عيني على هالتجهيزات وابتسم واردد " رَبِّ لَا تَذَرْنِي فَرْدًا وَأَنتَ خَيْرُ الْوَارِثِينَ " ♥️*♥️*♥️♥️♥️**

https://youtu.be/IJLiQ__g5UE?si=UJn-rUjwLB-gbDno