Taxtib

Miloddan avvalgi II ming yillikda Qadimgi Misrda mavjud bo’lgan mahalliy jang san’ati.

Ushbu jang san'ati boshqa jangchiga qarshi kurashish uchun uzun tayoqdan foydalanishni taklif etgan. Shuning uchun, “taxtib”, ya’ni "tayoq raqsi" deb atalib, hozir ham yuqori Misr, Shimoliy Afrika va boshqa bir qator Arab mamlakatlarida mavjud.

Hozirgi kunlarda, taxtib jang san’atidan ko’ra ko’proq, festivallarda ijro etiladigan raqsga aylangan. Ilk qaydnomalarda, taxtib raqsini faqat erkaklar tomonidan ijro etilgani keltiriladi.

Googol_facts ?

Knife Angel

“Pichoq farishtasi” yoki “Zo'ravonlik va tajovuzga qarshi milliy monument” - zamonaviy britan haykali hisoblanib,
100 000ga yaqin pichoqlardan bunyod etilgan. Loyiha mualliflari - rassom Elfi Bredli va Ozuestri shaharchasidagi Britaniya metallurgiya markazi hisoblanadi. Haykal 2018-yilda qurilgan bo’lib, balandligi 8,2 metrni tashkil etadi.

Haykalni yaratishda, Ozuestri metallurgiya zavodida ishlab chiqarilgan, anonim ravishda insonlar tomonidan taqdim etilgan va politsiya tomonidan qo’lga kiritilgan pichoqlardan foydalanilgan. Ayrim pichoqlarda, ulardan jabrlanganlarning ism-shariflari o’yib yozilgan.

Pichoq farishtasi monumenti orqali sovuq qurollar yordamida amalga oshiriladigan jinoyatlarning halokatli oqibatlarini namoyish etish maqsad qilingan.

Googol_facts?

Laogay - xitoycha "GULAG"
"Laogay" so'zi - xitoycha "láodòng gǎizào" jumlasining qisqartmasi hisoblanib, "mehnat orqali tuzatish" degan ma'noni anglatadi. Xitoy Xalq Respublikasidagi mehnat orqali axloq tuzatish lagerlari tizimi shunday atalgan.

Laogay lagerlarida ,asosan, Xitoy hukumatiga nisbatan o'ta tanqidiy munosabatda bo'lgan insonlar saqlangan. Unda mahbuslar choy ishlab chiqarishdan tortib - ko'mir qazib olishgacha bo'lgan turli mehnat faoliyatlarini olib borishgan. AQSh va Yevropa davlatlariga Xitoy tomonidan eksport qilingan ko'plab tovarlar "Laogay"larda tayyorlangan.

Ma’lumot o’rnida, 1994-yilga kelib, "Laogay" - lager emas, qamoqxona deb yuritila boshlandi.

Googol_facts?

Boshlovchining siri, Zakovat savollari qanday tanlanishi, Hozirgi savollar darajasi haqida | “Diqqat, savol!” podkastida tomosha qiling!

https://youtu.be/BdRwQw2KNwc?si=ZXuI3YvXuekRVWaP

Googol_facts ?

YouTube

Eng kuchli bilimdon. “Zakovat”ning foydasi. Savollar qanday tanlanadi | "Diqqat, savol!" podkasti

“Zakovat” klubining prezidenti Abdurasul Abdullayev va o’yin yulduzlari — Nurbek Alimov, Saidkamol Abdurazzoqov va Saidakrom Rasulev yuqoridagi savollarni va boshqa dolzarb masalalarni ko‘tarishdi! 00:00 — Treyler 00:45 — Zakovatda 5 yil oldin va hozir:…

Jallikattu - hind korridasi

Jallikattu salkam besh ming yillik tarixga ega an’ana. Uning ishtirokchilari - asosan, yosh hindlardir. Aslida, bu korridaning analogi hisoblanadi, biroq jallikattuda hayvonlar o'ldirilmaydi. Aksincha, bu tadbir ularga bo’lgan hurmat belgisi sifatida o’tkaziladi. An'anaga ko'ra, tamil ayollari shu tarzda o’zlariga umr yo’ldosh tanlaydilar.

Tamil tilidan “jallikattu” - “bir qop tanga” degan ma’noni anglatadi va bu tangalar yakunda g’olibning sovrini hisoblanadi.

Ma’lumot o’rnida, 2014-yilda Hindiston sudi jallikattuni ta’qiqlagan. Ammo oradan uch yil o’tib, marosim yana o’tkazilib kelinmoqda.

Googol_facts ?

Bismark shahri tarixi

Bismark shahri - 1872-yilda tashkil etilgan va dastlab Shimoliy Tinch okeani temir yo'lining bosh muhandisi Edvin Jonson sharafiga Edvinton deb nomlangan edi.

O'sha paytda, AQShga germaniyalik muhojirlarning oqimi boshlanayotgan edi. Ushbu muhojirlarni va nemis investorlarini jalb qilish umidida, shahar nomi 1873-yilda Otto fon Bismark sharafiga - Bismark deb o'zgartiriladi va reja ish beradi.

Masalan, hozirgi Bismark shahri aholisining deyarli 60%i nemis ko'chmanchilarining avlodlari hisoblanishadi.

Googol_facts ?

Sovuq kunlar ortda qolib, yangilanish va uyg’onish fasli bo’lmish bahor yaqinlashmoqda. Intellektingizni “uyg’otish” va bilimlaringizni yangilash uchun ajoyib mavsum.
Buning uchun esa sizga turli sohaga oid qiziqarli va takrorlanmas ma’lumotlarni o’z ichiga olgan sahifalar yordamga shay. Sahifa mualliflari nafaqat o’zlarining bilimlarini oshirish, balki sizlarga ham ziyo ulashish payidalar. Quyida ular bilan tanishishingiz mumkin.Unutmang, miyamiz doimo yangilanishga muhtoj!
Kanallar bilan tanishish uchun bosing

Telegram

TOP 14

𝑫𝒊𝒚𝒐𝒓𝒃𝒆𝒌 𝑶𝒍𝒊𝒎𝒐𝒗 invites you to add the folder “TOP 14”, which includes 16 chats.

Twix

Burger King Twix muzqaymog’ini o’z menyusidan olib tashladi.

Bu orqali kompaniya, shu yilning 11-yanvarida poyezddan uloqtirib yuborilgan va buning natijasida, halok bo’lgan mushuk “Twix” xotirasi va hayvonlarni himoya qilish aksiyasiga e’tiborni qaratishga qaror qildi.

Ma’lumot uchun, butunjahon hayvonlarni himoya qilish kuni 4-oktabrda nishonlanadi.

Googol_facts?

Ekzamen

Tarozining “tilcha”si - qurilmaning muhim bo’g’ini, mahsulot og’irligining asl ko’rsatkichi hisoblanadi.

Avvalida, lotin tilidagi “examen” so’zi “tarozining tilcha”si ma’nosini anglatgan.

Keyinchalik esa, “imtihon” va “sinov” ma’nolarida ishlatilgan - “ekzamen” so’zi etimologiyasiga asos bo’lgan.

Googol_facts?

Boyvachcha Rich va Kasper

Makoley Kalkin gavdalantirgan “Boyvachcha Rich” obrazi, birinchi marta 1953-yilda paydo bo'lgan Alfred Xarvi va Uorren Kramerning shu nomdagi komikslar seriyasiga asoslangan.
Aytish joizki, ushbu komiks mualliflari, mashhur multqahramon - sharpa Kasperning ham mualliflaridir.

Agar diqqat bilan qaralsa, Boyvachcha Rich va Kasper o'rtasida ma'lum bir o'xshashliklarni ko'rish mumkin. Shu bilan bog’liq nazariyada, Kasper bu - aslida marhum Boyvachcha Richning ruhi degan gipoteza ilgari suriladi.

Googol_facts?