ПАЙШАНБА-ПРОФИЛАКТИКА КУНИ

Янгиариқ тумани "Оқмачит" маҳалласида  сектор ва мутасадди ташкилот раҳбарлари иштирокида "Ҳуқуқбузарликлар профилактикаси куни" муносабати билан ҳуқуқбузарликлар профилактикаси ва жиноятчиликка қарши курашиш борасида комплекс чора-тадбирлар амалга оширилиб, туман миқёсида ҳуқуқ-тартиботни таъминлашда ижобий натижаларга эришилмоқда.
Хусусан, туманда криминоген вазиятни  яхшилаш борасида  йўриқнома ўтказилиб, тадбир доирасида амалга ошириладиган вазифалар белгилаб олинди. Шунингдек, фуқаролар билан хушмуомала бўлиш бўйича кўрсатмалар берилди.

Янгиариқ тумани ҳокимлиги ахборот хизмати

❗️ESLATMA: ertaga barcha uchun ish kuni!

Prezident farmoniga ko’ra, 14-dekabr — shanba kuni barcha xodimlar uchun ish kuni bo‘ladi.

Ya’ni besh kunliklar ham ishga chiqadi. Ular buning evaziga 30-dekabr, dushanba kuni dam olishadi.

ЯНГИАРИҚ ТУМАНИДА ЎЗБЕКИСТОН РЕСПУБЛИКАСИ КОНСТИТУЦИЯСИНИНГ 32 ЙИЛЛИГИ КЕНГ НИШОНЛАНДИ.

Жонажон мамлакатимизда эркинлик ва озодликни, мустақиллик ва ҳурликни тантанали тарзда ўзида намоён этувчи асосий қонунимиз Мустақил Ўзбекистонимиз Конституцияси қабул қилинган қутлуғ санани халқимиз умумхалқ байрами сифатида кенг нишонламоқда.
Конституциямизнинг бугунги Ўзбекистон давлатчилигининг тикланиши ва ривожланишидаги беқиёс ўрни ва аҳамиятини юксак баҳолаймиз. Жамият ҳаётида доимо муҳим ўрин тутадиган шундай устувор ҳужжат борки, у халқнинг, келажак авлоднинг тақдирини белгилаб берувчи пойдевор бўлади.
Конституция-мана шундай буюк қомусдир.
Қутлуғ сана муносабати билан Янгиариқ туманида ҳам байрам тадбири ўтказилди.
Тадбирни туман ҳокимининг биринчи ўринбосари С. Жаббаров байрам табриги билан бошлаб берди.
Туман маданият бўлими хонандалари томонидан сахналаштирилган концерт дастури йиғилганларга хушнудлик бағишлади.

ЯНГИАРИҚ ТУМАН ҲОКИМЛИГИ АХБОРОТ ХИЗМАТИ