https://youtu.be/95g0j-rh5i0

بيرغ الكفيل
قصيدة المشايه
اداء الرادود الحسيني
سيد حسين الصافي
كلمات الشاعر الحسيني
عمار حسن الدراجي
رابط القصيدة ☝️☝️☝️☝️☝️

گعديه ليلة الوحشه (طور ياليل طول ساعاتك)

يحسين .....حرگو خيماتك
يحسين.......وين ابنياتك
بالهيمه اليوم تنام.........ماضلت عدهَا اخيام

خيّم الليل بظلامه ونامت الاطفال بدمعهَا
بلاخيم هاي الفواطم الليله متغيّر وضعهَا
وزينب تصلي جلوساً حسين بُمصابه فجعهَا
صلّة الليل بكل ألم
مكسوره والحيل انهدم
الليله ماعدهَ خيم......تنوح بس محد سمعهَا

ويلاه....زينب ضلموهَ
ويلاه....لا مارحموهَ
وشگد عدهَ ايتام...............ماضلت عدهَا اخيام

من صلاة الليل زينب خلصت وللحومه راحت
ادوّر اعله حسين اخوهَا واعله جِثة حسين طاحت
شمّته وضلت تنادي بصوت مبحوح صاحت
حسين هايه جثّتك
الخيل اشكثر داستك
وينه خنصر يمنتك ..اعله اخوهَا ام عون ناحت
وتنوح....يم نحره الطاهر
وتنوح....من شافت حافر
فوگه ومتروس اسهام.....ماضلت عدهَا اخيام

تسولف اويه حسين اخوهَا وهيچ يتراوالي چنهَا
عالرباب ادگله خويه امخليه الاگماط بحضنهَا
ورمله بالهيمه عفتها تنوح عالعريس ابنهَا
حيره يخويه حيّرتني
بهالضعن من كلفتني
حسين والله عذبتني....وضلت اتنوح بحزنهَا

وتصيح.....يم جثته وتنعه
وتصيح....مامنك رجعه
ضليت بيد الظلام. ....ماضلت عدهَا اخيام

آه يحسين الفجيعه من طحت والگوم اجتنه
هجمت اعلينه الاعادي وبالمشاعل حاوطتنه
حرگت اعلينه المُخيم وبالبراري. طشرتنه
حفاي نسحگ عالجمر
وبسوط يضربنه الشمر
عدوان يحسين وكفر.....واعداك وليه ولتنه

ياخوي... ماضلت خيمه
ياخوي...نركض بالهيمه
ولو اعتب ماالّام..........ماضلت عدهَا اخيام

خويه راح امشي وعوفك ابلادفن غصبن عليه
خويه بسكوت آنه اجيتك الشمر مايدري بيه
راح اروح وخاف هسه گعدت ابنيتك رقيه
باچر امن يطر الصبح
راسك اشوفه اعله الرمح
ياريت وياك انذبح...ولاروح عالهزله سبيه

للشام....باچر يسبوني
للشام... غربه اليحدوني
ويلاه يادرب الشام..........ماضلت عدهَا اخيام

عمار حسن الدراجي

(ياحيرته)

وجه الصبح ذبلان .....ماشارب الماي
واعله الخيم كل ساع ..ضل رايح وجاي
ماله سند.ماله ضهر ..حُسين
الوحده خلاه الدهر...حُسين
غريب حُسين

يلهب دليله من العطش بصفه نهر يجري عذب
ضامي ولا گطره شرب امحرم علي ماي الشرِب
حسين الربيع الي انعرف خيراته ابد ماتنحسب
اإحسانه وجميله ينكر ابلا سبب وبلا ذنب

روح النبي شلون ......بالهيمه عطشان
ويبقى بلا ماي. ......وگباله ميدان

اشرف واجل واعظم بشر ...حسين
الوحده خلاه الدهر...... حسين
غريب حسين

بين المخيم والعدو مشغول فكره بهل امر
لو راح ميدان الحرب منهو يحامي اعله الخدر
مولاي يتحير افه بين الخيم بين الشمر
يدري عدووه ابلا شرف بعد الذبح ينهب ستر
مت عيني مكسور.... ضهره بله اخوان
وخيامه لو راح...... تسلبها عدوان
متحير وضهره انكسر.. حسين
الوحده خلاه الدهر.... حسين
غريب. حسين

ياحيرته الما تنوصف كاسر گفاه امخيمه
يضلن بناته بالفلا بالغربه ماعدهن حمه
وعنده رضيع بيا وضع يلهب دليله من الضمه
ضامي وسهم صاب النحر قربان ل الله قدمه

كل ساعه قربان..... . يفديله ويعود
اولخيامه لوعاد... يرد گلبه ممرود
گلبه عله وليده انعصر..... حسين
الوحده خلاه الدهر...... . حسين
غريب حسين

ودع خيامه وعالمهر ليث وعله اصياده هجم
يحارب عدوه والفكر عالضلن بنص الخيم
صابو جبينه بالحجر واعله الوجه سال الدم
مابين يمسح جبهته بنص گلبه لن صابه سهم

ياگلب الحسين.... اشكبرك تصير
متروس طعنات... وبخيامك تحير
شابع الم شابع قهر.. حسين
الوحده خلاه الدهر حسين
غريب حسين

لمن هوى من المهر چم حافر بصدره عثر
گام وعلى وجهه انگلب ولخيامه رد.دار النضر
ضلن بناته بالخيم حاول يرد بس ماگدر
گام چم مره و وگع طعنات متروس الضهر

لخيامه ماراح .....من كثر الجروح
واعله الوجه طاح...ضل دمه مسفوح
طاح وعلى امره صبر...حسين
الوحده خلاه الدهر ...حسين
غريب حسين

عمار حسن الدراجي

موشح للامام الكاظم ع

جمره الك ماتنطفي يابو الرضا
شما يمر يومك يوج بينه الغضه

جمره الك ماتنطفي طول العمر
مثل عاشوراء يومك من يمر
تشبه السجاد بگيود اليسر

الساگ من گيد الحديد امرضرضه
جمره الك ماتنطفي يابو الرضا

اعليك يالكاظم تون كل شيعتك
يم جسر بغداد تنعى امصيبتك
ليش ثلث الليال ضلت جثتك

ابلا دفن مطروح والموعد گضه
جمره الك ماتنطفي يابو الرضا

ياغريب الما حضر واحد الك
من اهل بيتك اجاك وغسلك
ابعيد عن ولدك قضيت وعن هلك

وجفن عينك سيدي مَن غمضه
جمره الك ماتنطفي يابو الرضا

بيد غربه جنازتك تچوي الگلب
موحش التشييع لو كلهم غرب
وساكن اخريسان دمعاته تصب

راح ابوه الغالي بيش ايعوضه
جمره الك ماتنطفي يابو الرضا

فاطمه المعصومه يالكاظم تون
اعليك يابوها غدت سود الجفن
هناك بالغربه الحزن زاد الحزن

اعليك يابوها غدت متمرضه
جمره الك ماتنطفي يابو الرضا

اعليك يامولاي دمع الحب نزل
ياشمس بغداد تضوي من الازل
ياطبيب الروح تشفي وكل علل

ريت سم الصابك بچبدي مضه
جمره الك ماتنطفي يابو الرضا

ها يشيخ الساده يا تاج الفخر
وين سجانك صفه بيه الدهر
وين صار الطاغي ماضله اثر

وهاي گبتك طخت اعنان الفضا
جمره الك ماتنطفي يابو الرضا

عمار حسن الدراجي

راحت امنه وبقت بس ذكراها
وانطفه بيت الجمعنه وياها
النار بينه اموجره
البيت اصبح مگبره
العزيزه الموت ماخلاها

العزيزه الغاليه ام ايد السخيه
الحنينه الدافيه الطيبه النقيه
العظيمه الطاهره الحره الوفيه
هيه بس امي يسموها الزچيه

امي يانبع الحنان
امي ياحضن الامان
لعنة الله عالضلمها
والكسر ضلع الجنان
طاحت امي وطاح ابنها وياها
اسقوط مُحسنها الكسر مگفاها
تشوفه مرمي اعله الثره
ودمّه عالعتبه جره
العزيزه الموت ماخلاها

الاميره العايشه عيشة فقيره
امي چان افراشها جزه وحصيره
ثمنطعش عام وغفت عيني المُنيره
امي من ماتت بعدها مو چبيره

انحرمنه منها ليش
حرمه ويحاربها جيش
تنقتل امي وطفلها
وانذل وسفه يعيش

صاحت آنه وصاح اهجمو اعليها
(وإن) فاطم هيه هم ناذيها
وصاح نكسر حيدره
من نمووت كوثره
العزيزه الموت ماخلاها

جيش كامل امي من هجمو عليها
دفعو الباب وبقت تدفع بديها
وگعت وباب الخشب خانگ حچيها
الباب من اجذوع چا شمخلي بيها

ضلت ادگوم وتطيح
اتصيح ماتگدر تصيح
اختنگت وضايگ نفسها
والدمه منها يسيح

صاحت الفضه يفضه سَنْديني
وشيلي من الگاع يافضه جنيني
وعين امي امجمره
اعظام منها امكسره
العزيزه الموت ماخلاها

استعجل الموت واخذ امنه الحنينه
ازغار احنه واليتم كضنه من ادينه
اختي طفله وچانت اتصبر علينه
من زغرها واصبحت زينب حزينه
تگعد وتبقى تنوح
طفله بس كلها جروح
تخفي دمعتها علينه
ومانشاهدها بوضوح

نامت ودمعتها تجري بهيده
حضن امي الدافي ياهو يعيده
ماكو احن منها تره
جنه امي مو مره
العزيزه الموت ماخلاها

يمشي مكسور الضهر خلو علينه
ومانخلي حيدره يشاهد بچينه
اليفگد اعزازه تره الله اليعينه
ينكسر ضهره ويضل سوده سنينه

يمشي ومحدب گفاه
والحزن يمشي وراه
الدافن بئيده فرحته
الفرح حتماً نساه
من دفنها چن دفن عافيته
الهوى امي اليعيش بريته
علي كسرو خاطره
من دفنها الطاهره
العزيزه الموت ماخلاها

لعنة الله عالبنه بيثرب سقيفه
اجمّعت بيها نماذج مو شريفه
مات جدي ونصبوا باطل خليفه
وهجمو اعله حرمه ولحرمه ضعيفه

الشارد بكل الحروب
الخسيس المايتوب
الابوه جده وخاله
صار زلمه ويدحي بوب

چان يدري بحيدره ووصيته
مايقاتل لو يهدّم بيته
من فُلانه هو دره
النبي وصى حيدره
العزيزه الموت ماخلاها

عمار حسن الدراجي

عظم الله      لَكَ الأجرُ علي
عظم الله.    لَكَ الأجرُ علي

ياع**لي سافر حبيبك هالمسيه
الوحدك ضليت ياحامي الحميه
الوحدك بالدار  ناصبلك  عزيه
تبجي وعيونك تصد اعله الزچيه

الليله حزنانه البتول
ودعّت طه الرسول
والحزن صار.    بيكم معتلي
عظم الله.      لَكَ الأجرُ علي

راح طه ونفتح باب المصيبه
من رحيله فاطمه صارت غريبه
ونار گلبك ياعلي يسعر لهيبه
باچر ابابك تجي توگف كتيبه

تنكسر باجر ضلوع
وفاطمه منهم تلوع
ويحترك باب.    دارك يالولي
عظم الله       لَكَ الأجرُ علي

مات ابوها وحگها من تبچي الابوها
ليش من تبجي الزجيه يمنعوها
راحت الآراكه وهناكه الحِگوها
تستضل بالشِجره والشجره اگطعوها

فدك نهبوها الصحاب
ونترس گلبك عذاب
مارعو بيت.     الرساله والوحي
عظم الله       لَكَ الأجرُ علي

عافوا التشييع راحو للسقيفه
وبالسقيفه نصبوو باطل خليفه
يدري صحبتهم مُحمد مونضيفه
ويدري من بعده يضلمون العفيفه

الكلو من چف اديه
اولانذل يبچي عليه
وانته ياحيد.      بيهم مبتلي
عظم الله       لَكَ الأجرُ علي

هُم**ّه رب العافو اجنازة نبيهم
ذوله يااصحاب حته تحچي بيهم
من بعد دفن النبي جابو بديهم
حطب واگزيل واجو هجمو عليهم
واحترك باب الحبيب
اجروح منهم ماتطيب
مات مسموم.    منهم البي
عظم الله       لَكَ الأجرُ علي

عمار حسن الدراجي