Sarbon maktabining asosiy missiyasi ?

? Bizning missiyamiz:
✅ Yoshlarni o‘z qiziqish va qobiliyatlari bo‘yicha rivojlantirish
✅ Ularda to‘g‘ri odatlarni shakllantirish
✅ Individual yondashuv asosida ta'lim berish
✅ Milliylik va zamonaviylik asosida yashashga o‘rgatish
✅ Mustaqil hayotga tayyorlash
✅ O‘zbekiston uchun nafi tegadigan KERAKLI shaxsni yaratishdir.

? Yangi o‘quv yilidan boshlab Chiroqchi tumanida 5-11-sinflar uchun maktab ochyapmiz. Maktabimizda yuqori sifatli ta'lim berish asnosida, Aniq, tabiiy va ingliz tilini chuqurlashtirib o‘rgatmoqchimiz.

? Zamonaviy ta’lim sari biz bilan odimlang!

? Chiroqchi tumani Sarbon O'quv markazi
? Murojaat uchun: @NematillaSattorov
☎️ +998886177799

Telegram | Instagram | YouTube

Farzandingiz o'qimoqchi bo'lgan maktab haqida yaxshi bilasizmi?? Bolangiz uchun har tomonlama mos keluvchi maktab izlayapsizmi? Ayniqsa, bunda malakali pedagoglar taʼlim berishi va farzandingiz atrofida sinfdoshlari qanday ekanligi siz uchun muhim.

? U holda, hech ikkilanmay Sarbon o'quv markazida boʻlib oʻtadigan “Maktab taqdimoti”ga tashrif buyuring va:
• Maktab haqida batafsil ma'lumot
• Oʻqituvchilarimizning kasbiy mahoratlari
• Qaysi fanlar chuqurlashtirib o‘rgatilishi haqida ma'lumotlar olasiz

??Baribir ming eshitgandan bir kelib suhbatlashganga nima yetsin!

**?*?Taqdimotga kelgan barcha ota-onalarga maxsus chegirma va bonuslar beramiz, barchangizni maktabimiz taqdimotida kutib qolamiz.
? *Sana: 10-Avgust, 10:00
? Quyidagi havola orqali roʻyxatdan oʻting https://forms.gle/TrHCQzvb6Jh1G3NY8

? Chiroqchi tumani Sarbon O'quv markazi
? Murojaat uchun: @NematillaSattorov

☎️ +998886177799

Hurmat bilan Sarbon maktabi jamoasi.

@Sarbon_maktab

my.uzbmb.uz saytining “Davlat OTMlari” boʻlimi orqali soʻnggi 3 yildagi oʻtish ballari bilan tanishish mumkin

Bunda oliy taʼlim muassasasining tegishli taʼlim yoʻnalishi tanlanganda quyidagi maʼlumotlar chiqadi:

? 2023-2024-oʻquv yilidagi qabul kvotalari soni (davlat granti va toʻlov-kontrakt alohida);

? 2023-2024-oʻquv yilidagi fanlar majmuasi (birinchi va ikkinchi mutaxassislik fanlari);

? soʻnggi 3 yillik oʻtish ballari (davlat granti va toʻlov-kontrakt alohida).

Shuningdek, saytda taʼlim yoʻnalishlarini taʼlim tili va taʼlim shakli boʻyicha saralash imkoniyati ham mavjud.

? @xushnudbek ?

*❓Nima uchun ayrim yo’nalishlarda sirtqi ta’lim chiqmayapti?#abituriyent *✅ JAVOB: chunki 5 ta yo’nalishning sirtqisiga topshirish uchun 5 yillik pedagogik staj** talab etiladi.

Bular:

➖ boshlang‘ich ta’lim; *➖ tasviriy san’at va muhandislik grafikasi; ➖ musiqa ta’limi; ➖ jismoniy madaniyat; ➖*** texnologik ta’lim.

Ushbu yo’nalishlarning sirtqi shakliga 5 yillik pedagogik staji bo’lmaganlar topshira olmaydi. Staj faqat sirtqida talab etiladi, yuqoridagi 5 ta yo’nalishning kunduzgi, kechki va masofaviy shakliga istalgan abituriyent hujjat topshirishi mumkin.

Shuningdek, mana shu 5 ta yo’nalishdan boshqa yo’nalishlarning sirtqi shaklini istalgan abituriyent tanlay oladi, hech qanaqa staj talab etilmaydi.

Kamida 5 yil ish stajiga ega boʻlgan va hozirda faoliyat koʻrsatib kelayotgan pedagog xodimlar toʻgʻrisidagi maʼlumotlar Maktabgacha va maktab taʼlimi vazirligidan olinadi va UzBMB bazasida avtomatik o’zi chiqadi.

? @xushnudbek ?

❓ Xotin-qizlarga berilgan imtiyoz qanday hisoblanadi?
#abituriyent

Ushbu postda ehtiyojmand xotin-qizlar uchun berilgan tavsiyanoma qanday hisoblanishini aniq misol bilan tushuntirmoqchiman.

Juda ko‘p xotin-qizlar "tavsiyanoma oldim, endi aniq o‘qishga kiraman" deb o‘ylayapti. Ammo bu xato. Tavsiyanomadan tashqari ular yuqori ball ham to‘plashi kerak, ya’ni bilim ham muhim.

Tavsiyanoma berilgan xotin-qizlarga respublika bo‘ylab kunduzgi ta’limga davlat granti asosida jami 2 mingta QO‘SHIMCHA kvota ajratilgan. Sirtqi, kechki va masofaviy ta’limda imtiyoz berilmaydi.

❗️Ko‘pchilik tavsiyanoma olganlar "menga ball qo‘shib beradi", deb o‘ylaydi. Bu ham xato. Mazkur tavsiyanoma hech qanaqa ball qo‘shib bermaydi.

‼️BU MUHIM: 2 mingta o‘rin uchun tavsiyanoma olgan xotin-qizlar uchun imtiyozli kvota faqat BIRINCHI yo‘nalishga o‘tadi. Shu sababli birinchi yo‘nalishga kunduzgi ta’limni tanlash kerak. Agar birinchi yo‘nalishga sirtqi, kechki yoki masofaviy tanlansa, unda imtiyozli kvotaga da’vogarlik qila olishmaydi. Ya'ni tavsiyonama kuyadi. Birinchiga kunduzgini tanlab, 2, 3, 4 yoki 5-yo‘nalishga sirtqi, kechki, masofaviyni tanlash mumkin.

Kvotalar hududlar kesimida bo‘lib chiqilgan. 2024-yilgi kvota mana bu yerda:
https://t.me/xushnudbek/24830

Hisoblash tartibi

Keling, Samarqand misolida ko‘rib chiqamiz. Samarqand viloyatida yashaydigan va tavsiyanoma olgan xotin-qizlar uchun jami 227 ta qo‘shimcha kvota ajratilgan.  Demak, ushbu kvotalar Samarqandda doimiy ro‘yxatda (propiska) turadigan xotin-qizlar uchun ajratilgan, Samarqanddagi OTMlarga hujjat topshirganlar uchun emas. Samarqandlik tavsiyanoma olgan xotin-qizlar faqat Samarqandga hujjat topshirishi shart emas, ular istalgan hududni (masalan, Toshkent) tanlashi mumkin.

*❓Xo‘sh, bu nimani anglatadi? Imtiyoz qanday qo‘llanadi?*

Buning tartibi quyidagicha, yuqoridagi rasmga qarang, tushuntiraman:

➖ tushunish osonroq bo‘lishi uchun Samarqand viloyatiga 5 ta kvota berilgan deb, tasavvur qilamiz;

➖ aytaylik Samarqand viloyatida jami 40 nafar xotin-qizlarga tavsiyanoma berildi;

➖ yuqoridagi 1-rasmga qarasangiz, tavsiyanoma olgan 40 nafar xotin-qizlar respublikaning istalgan OTMlariga hujjat topshirgan (bu yerda osonroq tushunarli bo‘lishi uchun OTMlar nomlarini oldim, yo‘nalishlarga bo‘lib o‘tirmadim);

➖ abituriyentlar turlicha ball to‘plashdi;

➖ endi ularni olgan baliga qarab taxlab chiqamiz, xuddi 2-rasmdagi kabi;

➖ Samarqanddan tavsiyanoma olgan barcha xotin-qizlar orasida eng yuqori ball olgan 5 nafar abituriyentlar grant asosida qo‘shimcha kvotaga qabul qilinadi (2-rasmda yashil rang bilan berilgan);

➖ rasmga qarasangiz, grantga kirgan xotin-qizlar turli hududlardagi OTMlarni tanlaganini ko‘rish mumkin;

➖ qolgan xotin-qizlar o‘zining bali bilan umumiy, el qatori tanlovda ishtirok etadi, ya’ni imtiyoz doirasida o‘qishga kira olmasa ham umumiy tartibda tanlovda qatnashaveradi.

Qissadan hissa shuki, Samarqand viloyatida jami aytaylik ming nafar xotin-qizlarga tavsiyanoma berilgan bo‘lsa, ular orasidan eng ko‘p ball to‘plagan 227 nafar xotin-qizlar davlat granti asosida qo‘shimcha kvotaga qabul qilinadi.

*ℹ️ Faqat yana bir jihati bor:*

Dastlabki yillarda kvotalar hudud kesimida umumiy berilar edi. 2022-yildan boshlab 3 ta sohaga alohida kvota ajratilmoqda:

1) aniq va tabiiy fanlar;
2) texnika fanlari;
3) tibbiyot fanlari;

Mana shu uchta sohadan ortib qolgan kvotalar esa, umumiy boshqa barcha sohalar uchun bo‘ladi.

Sohalar kesimida 2023-yilgi o’tish ballari bu yerda:
https://t.me/xushnudbek/20881

*‼️MASLAHAT: agar bilimlaringiz yuqori bo’lmasa, unda o’tish bali pastroq sohani, ya’ni TEXNIKA sohasini birinchi yo’nalish sifatida tanlang. Chunki har yili texnika sohasida o’tish bali past bo’ladi (70 ball atrofida).*

? @xushnudbek ?

Bolalarning 5 hislati borki, u hislatlar agar kattalarda ham bo'lsaydi, kattalar avliyoga aylanardilar:

1. Rizq uchun havotir qilmaydilar.
2. Kasallikdan shikoyat qilmaydilar.
3. Yolgʻiz taomlanishni hushlamaydilar.
4. Xato qilsalar qo'rqib yig'laydilar.
5. Urushsalar gina saqlamasdan, darrov yarashib ketadilar.

Imom Suyutiy ?

*❓Kunduzgi bilan sirtqi qo‘shib tanlanganda davlat granti ustuvorligi masalasi qanaqa bo‘ladi?*
#abituriyent

*✅ JAVOB:* davlat granti uchun kvota ajratilmagan taʼlim shakllarida o‘z-o‘zidan faqat to‘lov-kontrakt uchun tanlov bo‘ladi.

Abituriyentlar yo‘nalish tanlayotganda quyidagi ikkita ustuvorlikdan birini belgilashlari mumkin: «Davlat granti» yoki «Ta’lim yo’nalishi».

Bu ikkalasining maʼnosi qanaqaligini mana bu yerda tushuntirganman:
https://t.me/xushnudbek/24770

Ammo 2022-yildan boshlab bir nechta taʼlim shakllarini aralash tanlash imkoni paydo bo‘ldi. Ya’ni bir abituriyent beshta yo’nalish tanlayotganda ham kunduzgi, ham sirtqi, ham kechki va ham masofaviyni aralashtirib tanlashi mumkin.

Shu sababli ko‘pchilikda savol tug‘ilmoqda, agar biz «Davlat granti» degan ustuvorlikni tanlasak, unda sirtqi yoki kechki taʼlim shakllarida tanlov qanaqa bo‘ladi, axir ularda davlat granti yo‘q-ku deb.

Buni so‘zda tushuntirish biroz mushkulroq, shu sababli ikkala ustuvorlik uchun ham alohida chizma tayyorladim. Shunda ketma-ketlik qanaqa bo‘lishini osonroq tushunib olishingiz mumkin.

Qisqa qilib aytganda, “davlat granti” ustuvorligi xuddi kunduzgidek bo‘laveradi, faqat sirtqi, kechki yoki masofaviy tanlanganda grant qismi tashlab ketiladi xolos.

Agar siz beshalasiga ham sirtqi yoki kechki kabi yo’nalishni tanlayotgan bo’lsangiz, unda ustuvorlikning mutlaqo farqi yo’q. Xohlaganingizni tanlayvering, ikkalasi ham birdek amal qiladi.

? @xushnudbek ?

Qabulning ikkinchi bosqichi qachongacha davom etadi?

Oliy va professional ta’lim muassasalariga kirish test sinovlarida ishtirok etgan abituriyentlar 2024-yil 27-iyuldan 10-avgustga qadar 15 kun davomida oliy ta’lim muassasalari va ta’lim yo‘nalishlarini tanlashlari lozim.

Buning uchun my.uzbmb.uz platformasining “Oliy va professional ta’lim muassasalariga qabul” bo‘limiga kirib, “Xizmatdan foydalanish” tugmasi bosiladi va “OTM tanlash” bo‘limiga o‘tiladi.

Dastlab abituriyent “Tanlov ustuvorligi” va “Maqsadli qabul” bo‘yicha o‘z tanlovini amalga oshiradi.

Shundan so‘ng abituriyent test topshirgan fanlar majmuasi va ta’lim tiliga mos  bo‘lgan beshtagacha oliy ta’lim muassasasi va ta’lim yo‘nalishini ta’lim shakli bilan birga tanlaydi.

Bunda ta’lim yo‘nalishlarini bir oliy ta’lim muassasasi yoki turli oliy ta’lim muassasalari doirasida tanlash mumkin.

Ta’lim yo‘nalishlarini tanlab, “Saqlash” tugmasi bosilgandan so‘ng ma’lumotlarni tasdiqlash uchun abituriyentning telefon raqamiga SMS xabar yuboriladi. SMS xabardagi kodni dasturga kiritish orqali ma’lumotlar tasdiqlanadi.

Ma’lumotlar tasdiqlanganidan so‘ng, “Abituriyent qayd varaqasi” shakllanadi. Qayd varaqada abituriyent tanlagan tanlov ustuvorligi, ta’lim shakllari, oliy ta’lim muassasalari va ta’lim yo‘nalishlari aks etgan bo‘ladi. Yuklab olish tugmasi orqali abituriyent qayd varaqasini yuklab olishi mumkin.

❗Abituriyentlar ta’lim yo‘nalishlarini tanlash muddati yakunlangunga qadar o‘z ma’lumotlarini o‘zgartirishlari va qayd varaqasini qayta yuklab olishlari mumkin.

Abituriyentlarning talabalikka tavsiya etilgan yoki etilmagani to‘g‘risidagi yakuniy tanlov natijalari ta’lim yo‘nalishlarini tanlash to‘liq yakunlangandan so‘ng bir hafta muddatda e’lon qilinadi.

✅ @Abituriyent_Off