📝 Farrux Rafiqov jamoasi navbatchiligida Benom jamoasi muhokamasi:

Qiyin navbatchilik va eng kam savol topilgan turlardan biri bo‘ldi. Birinchi savolda “sog‘liq” so‘zi ishlatilgani tibbiy kompaniyaga ishora qilganday edi, aytarli variant kelmadi. ISIS esa savol o‘qilgandayoq topildi.
Botvinnik haqidagi savolda astiqmatizm va shunga o‘xshash variantlar bor edi. Yaqinni ko‘ra olmaslik esa shaxmatchilar yonma-yon o‘tirishi sabab mosdek edi, ammo unday chiqmagani to‘g‘risi hayron qoldirdi.

Rasadxonada ham variant bor edi, ammo bu qo‘shma so‘z emas deb o‘ylab chalg‘idik va boshqa variantlarga o‘tib ketdik.
Tobutni esa daqiqa boshidayoq Mirjalol tarqatmga qarab topa oldi. Ssilla va Xaribda savolida esa Dilshod aka shunday narsa bor edi deb aytib qoldi, keyin savolga moslab to‘g‘irlab oldik.
Asalari haqidagi savolda esa yeryong‘oq yer ostida yetishishi sabab ko‘rsichqon, kalamush kabi variantlar bo‘ldi. Mirjalol esa bojxonada asalaridan foydalanilishi haqidagi fakt tanish ekanini aytdi va shu variantni tanladik.

Dilijon haqidagi savolda esa Temur aka shu joylarga borganini aytib, topib berdi. Oloy bozori savolida esa bu qaysidir bozor bo‘lishi kerak deb shu variantni ham aytgandim, ammo keyin jamoa qabristonga o‘tib ketdi va Botkin qabristoni berildi.
Qo‘shiq haqidagi savolda esa birikish so‘zi aytilganidan “ko‘prik” deb o‘yladik, bu variantga ishonib ham qolgandik. Javob hayratda qoldirdi, to‘g‘risi.
Orfey va Evridikaga ishora qilingan savolda esa yer ostiga ishorani tushundik, men yaxshi ko‘rinmaydigan xira yozilgan yozuvdir deb o‘ylagandim, Mirjalol esa qora fondagi oq yozuvni aytgandi, ohirida shuni amallab yozib berdik.

My savolida esa miopiyaga ishorani ko‘p jamoalar sezdi nazarimda. Faqat mi yoki my ligini tanlash kerak edi. Malaysiya, Indoneziya kabi davlatlar bo‘yicha mutaxassis Temur aka esa domen my ekanligini aniq aytdi va javob topildi. Bullodozer haqidagi savolda ham ular bu so‘z asosi bull ya'ni buqa ekanini topib berdilar.

To‘g‘riso‘zlik haqidagi savolda esa tuz balki tamizdan olingandir ya'ni betamizga qarshi so‘z bo‘lsa kerak deb o‘ylagandik. Tuz forschada ham to‘g‘ri ma'nosini bildirishini javobdan keyin Temur aka esladilar.
Blitsda esa Marg‘inoniy biroz o‘ylantirdi ammo Abbos “Xidoya” asari muallifi u ekanini eslab javobni chiqara oldik. Shu bilan qiyin turni ham yakunladik. Savollar qiyin edi, lekin yaqqol xatolar yo‘q edi. Savollar umuman yechilmaganidan ham shunday xulosa qilsa bo‘lsa kerak.

@breynstorm

📊Prof liga 5-tur Doston Malikov jamoasi navbatchiligi kichik statistikasi: #stat 📍24 ta jamoa qatnashgan. ❓36 ta savoldan: 🔴 Hech qaysi jamoa topolmagan va 10% gacha(2 ta) jamoa topgan savollar soni — 4 ta 🟠 50% dan ko‘p jamoa topgan savollar soni — 21…

📝 Doston Malikov jamoasi navbatchiligida Benom jamoasi muhokamasi:
O‘yin boshlanishi biz uchun omadli kelmadi ayniqsa 1-turdagi oson savollarda bir-ikki holatda o‘tkazib yuborganimiz reytingda holatimizni tushirib yuborgandi. Faqat 3-turdagi qiyin savollar vaziyatni yaxshiladi.

Muhokamaga kelsak, Googleda Firdavs boshidayoq shu variantni aytib topdi. Shox tirik esa Shoxi zinda ekanini Sohib aka aytdi, lekin bu savolda boshqa variantlar ham izladik, yaxshirog‘i chiqqanda adashishimiz mumkin edi. Yubileyda esa Mirjalol bu variantni aytgan ekan, ammo Abbos ham, men ham eshitmagandim bu variantni. Mayli bu savol baribir yechilibdi)
Sidney Jekson savolida esa sal qolsa Georgiy Agzamov ketishi mumkin edi. Jang deyilgani shaxmatga ham tortib ketdi, lekin vaqtida adashmasam Dilshod aka variant berib qoldilar.

Yangihayotni ham Abbos ohirrog‘ida yaxshi topgandi afsuski savol yechildi. Muhokama payti qo‘shtirnoq borligini sezmagandik. O‘yindan keyin aytilganda sezdik va savol yechilishiga ham qisman tayyor turgandik.
Buket haqidagi savolda esa 5 ta lola borligi uchun “musht” juda yaxshi tishgandi. Boshidanoq yozib qo‘ygandik aniq deb) Baribir xato chiqdi va apellyatsiyada ham olinmagan.

3-turda esa jamoa qiyin savollarda qiyin vaziyatdan chiqib ketdik. Pixarda Abbos boshidanoq multfilmni topdi, daqiqani esa bu Disneynikimi yo Pixarmi deb tanlashga o‘tkazdik. Pixar deb to‘g‘ri topibmiz-ku, lekin u Disney tarkibiga kirar ekan, apelda Disney javobi ham olinibdi.
Kurt Kobeyn esa zo‘r topildi. Mirjalol bu Kurt Kobeyn nimasidir ekanini aytdi. Ko‘zoynak, kurtkani sanadik, eponimga tushirolmadik. Ohirida Firdavs kardigan deb aytib qoldi va ko‘pincha sahnada uzun kardiganda chiqishini esladik.
Menspleyningda ba'zilar menspreadingga chalg‘ibdi, lekin men adashmasam navbatchilikka savol tuzganda shu kartinani ko‘rgandim, tarqatma berilgandayoq aytdim. Savol mazmuni esa javobni yanada mustahkamladi.
Timberleyk guruhida ham u qaysi guruh a'zosiligini Dilshod aka esladi. Lekin teskari akronimni tushunmasdan javob bergandik, to‘g‘ri chiqdi.
Liga o‘ldi savolida esa Yelizaveta 2 ni o‘ylab “qirol o‘ldi yashasin qirolichani” yozib qo‘ygandik. Chunki “millatlar ligasi o‘ldi, yashasin BMT” iborasi savoldagi “biroz o‘zgargan” degan qismiga tushmasdi. Dilshod aka Yelizaveta 2 1952-yilda qirolicha bo‘lgan deb qarshi turdi. Ohirgi soniyalarda esa “liga o‘ldi.. ” iborasi yozildi va kutilmaganda to‘g‘ri chiqdi.

Umuman olganda statdan ham ko‘rish mumkinki, paket o‘rtachadan osonroq bo‘lgan. Lekin savollar yaxshi, ortiqcha eski faktlar tuzilmagan, qiziq topilmalar bor. Menga yoqmagan bir jihat esa bir necha savolda ketma-ket almashtirishlar, so‘z, harf tushirib qoldirishlar bo‘lgani. Chunki javobda tushirib qoldirilgan so‘z emas unga tegishli boshqa narsa so‘raladi. Jamoa esa tushirib qoldirilgan so‘zni va keyin unga tegishli narsani topishga bir daqiqada ulgurishi qiyin. Kamiga so‘z o‘yinlari chalg‘itadi, faqta matn bilan o‘ralashib qolishga olib keladi. Aslida esa ko‘proq mantiq, bilimni ishga solib javob topilsa jamoa maza qiladi.
2 ta savol yechilishi esa jamoaga ogohlantirish bo‘ldi deb o‘ylayman.

P. S. Menimcha endilikda hech kim javobda xorijiy, o‘zbekcha bo‘lmagan degan so‘zlarni ishlatib yordam berishga urinmaydi. Shunchaki, “bir so‘zda yozib bering” deb kifoyalansa kerak.

@breynstorm

♻️Jamoalar orasidagi farqning minimal ekani yuqori o‘rinlardagi jamoalar darajasi tenglashayotganini ko‘rsatsa kerak. Va bu jamoalar o‘rtasidagi kuchli bilimdonlar rokirovkasi ham qaysidir bir jamoani juda kuchaytirib, chempionlikni hal qilib qo‘ya olmaydi. Hatto galacticos qilib eng kuchlilar terilsa ham jamoaviy o‘yin yaxshi chiqmasa, chempionlik orzuligicha qolib ketaveradi. Umuman, liga uzoq vaqt davom etadi va bunda bilimdonlar eruditsiyasidan tashqari kuchli iroda, doimiy stabil o‘yinlar, jamoa xarakteri va sovuqqonlik yakunda o‘z so‘zini aytsa kerak.

Ha-ya o‘tgan 4 mavsumda 4 xil jamaoalar chempion bo‘lgan ekan: 2023 yil, yoz: SS, 2023 yil, kuz: JA, 2023 qish: Magnum, 2024 yil, bahor: Benom.
Xo‘sh yozdachi yana yangi jamoa chempion bo‘larmikin yoki yuqoridagilardan birimi?

@breynstorm

ChGK redaktori Maksim Merzlyakov qay usulda paket tayyorlaydi?

Bu haqidagi savolga Maksim shunday javob bergan, unda maxsus ekzel-fayl bor. Faylda savollarni turli yo‘nalishlar(IKS lar, almashtirishlar, bir xarfdan boshlanadigan so‘zlar, harf tushirish, so‘z o‘yinlari va boshqalar) va mavzular(adabiyot, tarix, fizmat, sa'nat, musiqa va hk) bo‘yicha bo‘lib chiqadi. Keyin shu yo‘nalish va mavzular bo‘yicha har bir turga teng taqsimlab chiqadi. Va subyektiv jihatdan 5 ballik tizimda qiyinlikni ham belgilab qo‘yadi.
Shunday bitta faylga misol

Tur savollarini qiyinlik bo‘yicha joylashtirishda esa Gaus egrisi bo‘yicha ya'ni tur o‘rtasiga borib qiyinlashib borib ohirida osonlashadigan yoki bir turda ikki egrili tarzda joylashtirishga urinadi.

Eng qizig‘i 10 yildan oshiq redaktorlik tajribasiga ega M. Merzlyakov bitta deylik 12 ta savollik tur tayyorlashga 1,5-2 baravar ko‘proq ya'ni 18-24 tacha savol tuzarkan. Keyin test, tekshirish jarayonida saralanib eng ma'qul 12 tasi qoldiriladi. Havaskor mualliflarga ham u paket uchun eng kami 2-3 baravar ko‘proq savollar tayyorlash va keyin test qilishni maslahat bergan.

Test qilishda ham iloji boricha savollarni redaktor o‘zi jamoaga o‘qib berishi lozim deydi. Yoki individual testerga o‘qishi mumkin, ammo testerlarni tanlashda savollar darajasidan kelib chiqish kerak ekanligini aytgan. Masalan, maktab paketi maktab jamoasida yoki qiyinroq paketlar shunday kuchliroq jamoalar yoki kuchli boshqa redaktor orqali test qilingani ma'qul deydi.

Bizda esa jamoalarda navbatchilik kuni ham hali bitta-ikkita savollar yetmayotgan bo‘ladi)

@breynstorm

?Chempionlar kubogi

Chempionlar kubogi savollari haqida yozishga endi imkon bo‘ldi. Keyin savollar ham e'lon qilindi, bemalol hamma o‘ynab ko‘rishi mumkin.

Avvalo savollarga kelsak, savollar darajasi u nisbatan qiyinroqdir, ammo o‘ta notanish narsalar so‘ralmadi. Negadir ba'zi izohlarda savollar qiyinroq degan fikrlar bo‘ldi, ammo aslida kubokda hududlarning eng top jamoalari o‘ynashini hisobga olsak paket o‘zi yanada qiyinroq bo‘lishi kerak. Notanish tushunachalar ham 2-3 tadan oshmaydi nazarimda, qolgan hollarda javobda tushunarsiz narsalar so‘ralmagan.
Faqat ba'zi bir qismli savollarda turli variantlar mos bo‘lib qoldi va shunday mos javoblar yakunda qabul ham bo‘ldi.

Endi, muhokama jarayoniga to‘xtalsak.
3-savolda Iskandar deyilganidan keyin Abbos bu shoh Aleksandr bo‘lishi kerak, ammo qaysi biri degan savol yuzaga chiqdi. Tahminan Aleksandr II va III tushadi. Yil va savol raqami III ni tanlashga yordam berdi va javob topildi.
4-savolda bir narsa jamoani chalg‘itib qo‘ydi. Savolda, “bayroq markazida alfa tasvirlangan” deyildi. Biz shunga shakl o‘rtasidagi uzun chiziqqagina e'tibor berdik. Agar “bayroqda alfa tasvirlangan” deganda balki umumiy shaklni o‘ylagan bo‘lar edik.
17-savolda dastlab mashhur detektivlarga bog‘liqlik izlab 5 ta apelsin urug‘i, 5 ta negr bolasi kabi variantlarni o‘yladik. Keyin, Muhammadxo‘ja “qizil lososmi, bor ediku” deb qolganda javob “qizil seld”ligini tushundik. 
22-savolda dastlab Dorian Grey varianti keyin Barbi aytildi. Savoldagilar yoshroq emas, mukammal ko‘rinishga intilyapti deb Barbini tanladik. Yakunda Van Gog bilan qo‘shib Barbi olindi, Dorian Grey ham olindi, adashmasam.
“Qumoshdan bel bog‘lash” haqidagi savol qiziq fakt ekan. Ancha vaqt turli iboralarni o‘ylab turganimizda Temur Mirzayev birdan shu iborani aytib qoldi va bingo!
Matematika Motsarti haqidagi savol boshidayoq yoshligidan daho bo‘lganlar xususan Motsartni sanadik. Ammo, bir xil harfga yopishtirolmay ohiri rus bo‘lsa balki Moskvalikdir deb Moskva Motsartini bergandik. Afsuski, juda yaqin kelibmizu, biroz kengroq o‘ylamabmiz.
Chjan Xe floti haqidagi savol qiyin savollardan biri edi deyish mumkin. Ammo, tarixchilar biladigan fakt ekan bu ham. Sardor shu variantni aytganda unchalik tushunmay turgandik. Keyin o‘sha davrga arzirli boshqa variant chiqmadi va bergandik.
Holi haqidagi savolda kartina, Arizona deyilishi va 5km yugurish nazarimizda yaqqol Jekson Pollokning №5 kartinasiga tushib turgandi. Boshqa javob chiqqani biroz hayratlantirdi ham.

Shu bilan umumiy 25 ta topib uchinchi bo‘lib qoldik. Lekin muhokamada yaqqol xatolar, to‘g‘ri variantni o‘tkazib yuborishlar bo‘lmadi.

@breynstorm

?Benom jamoasining bahorgi paketi muhokamasida bildirilgan asosiy fikrlar:

1. A harfi. Ma'qul. Jiddiy e'tiroz yo'q
2. Binoiy. Yomon emas, lekin svoyak stil savol
3. Tarozi. Paketdagi eng oson savol (strayk bo'lgan). Ortiqcha so'zlarni olib tashlash mumkin edi. Almashtirishni yaxshiroq qilish mumkin edi. Professional ligaga berish kerakmi?
4. Anna Frank. To'liq adash deyish mumkin edi. Bu haqda ma'lumot yo'q degan so'zlardan qochgan ma'qul. Chiroyliroq savol qilish mumkin edi.
5. Nuh alayhissalom. Umuman olganda yaxshi
6. Tazkira. Ensiklopedik savol
7. Xunveybinlardan. Uzun so'zdan faqat u harfi qoldirilishi uncha yaxshimas, u harfi yo'q sinonomik javoblar to'g'ri kelib qolishi mumkin.
8. Sauron ko‘zi. Jiddiy e'tiroz yo'q. Oldin o'ynalgan savollarga o'xshash. Savol boshidagi ko'zga olib boradigan ko'plab so'zlar o'rniga kuzatish bilan bog'liq so'z qo'llash mumkin edi.
9. Pasportlar soni. Suveren so'zi qanchalik muhim? Hammagayam xalal bermagan. Boshqa e'tiroz yo'q.
10. Bunker. Chuqur so'zini qo'llash mumkin edi. Qurish so'zi kimgadir yordam bermagan, lekin so'z to'g'ri qo'llanilgan.
11. Qora daryo. Qiziq, yaxshi savol. Lekin qo'shiqni eshitmaganlar bor ekan. Eshitganlar ham yetarlicha.
12. Flora. Tazkira kabi ensiklopedik savol. Osonligidan chalg'iganlar bor. Savolni qisqartirish mumkin.
13. Qarmoq. Savol yaxshi edi, forma yomon. O'yin boshida tarqatma qilib, qarmoqni qaytarib oldik shaklida tuzish mumkin edi.
14. Gerostratlar. Savol yaxshi. E'tirozlar yo'q.
15. Duplet. 1. Amir Nasrullo 2. Olimxon. Ma'lumot topilmadi degan gaplar oxirgi paketlarda ko'payib ketdi. Svoyak stil savol.
16. Hot n Cold. Yaxshi savol, jamoalarga yoqqan. Paketdagi eng chiroyli savollardan biri. Xorij musiqasi o'zbek realiyalarga mos kelishi zo'r. Shunday savollarni ko'paytirish kerak.
17. Piterkantrop. Gekkel metka bo'lgan. Lekin savol yomon degan xulosaga kelinmadi.
18. Dilorom Egamberdiyeva. Kimgadir savolda nimadir yetmagan, lekin savol yaxshi. Mashhur odamga ta'riflovchi javob qilish kerak emas.
19. Jugderdemediyn Gurragcha. Topish uchun ma'lumot yetarli.
20. Alp er to‘nga. Qofiyadan boshqa qanday topish mumkin?
21. Yakub Kolas. 2-qismidagi Toshkent ko'chasini hisobga olmasa, bu savolni topish qiyin. Zakovat savoli emas. Svoyakda belaruslar mavzusida 40 ballik savol. Hududga bog'langan savollarni bermagan ma'qul.
22. Mansur Halloj. Fakt bilan topiladi, lekin muhokamadan topganlar bor.
23. Mariya Talyoni. Eski paketga meta qilish yaxshimas, lekin bu savolni topsa bo'ladi.
24. Ibodat qilish. Yaxshi oson savol.
25. Kichkina. Shahzoda Mansurni adashi deyilganiga Mansur ismiga chalg'ishgan. Aslida chiroyli faktga qurilgan oson savol edi.
26. Mehrobdan chayon. Yetarlicha ilmoqlar bor.
27. Xudaybiya. Din tarixidan xabardorlar uchun oson savol.
28. Abdullaxon II. Savolda "ikkinchi" so'ziga urg'u berilishi oson topilishiga sabab bo'lgan. Strayk bo'lgan savol. Urg'u berilmasa bo'lardi.
29. Duplet. 1. Diyora Keldiyorova. 2. Tavallo. Ikkinchisi yoqqan. Lekin birinchisi kimgadir zerikarli, kimgadir qiziq bo'lgan.
30. Yakub Kolas. Qiziq meta. Javobga bittada yetib borilmaydi, metaligi anglansa topiladi. Tarqatma shart emas.
31. Yapon ximerasi. Chiroyli savol. Forma ham to'g'ri qo'yilgan.
32. Titanlar hujumi mangasi muallifi. Bu savoldagi qabul bo‘yicha ko'p tortishuvlar bo'lgan. Formani o‘zgartirish kerak edi.
33. Tanya Savicheva. Savolga e'tiroz yo'q. Kommentdan meta qilmaslik taklif etildi.
34. Mata Hari. Grob. Jamoalarga bir nechta ilmoq yetishmagan, lekin topish mumkin edi deb hisoblashmoqda. Jamoalarga alamli bo'lgan.
35. Xiro/Savr. Yaxshi savol. Apellyatsiya.
36. Shibbolet. Zo'r savol. Paketdagi eng chiroyli savollardan biri.

Dilshod Sharipov

@breynstorm