Farzandni dunyoga keltirish, uni parvarishi, uning injiqliklariga sabr qilish, omonat ekanini anglash haqiqatdan mashaqqat. Shunda ham inson unutuvchan, vaqtida o’lim bilan yuzma-yuz kelib dunyoga keltirgan farzandini keyinchalik bemalol urushaverishi, hatto kaltaklashi yoki eng kamida unga kuniga 1 soatgina ham vaqt ajratolmay qolishi mumkin. O’lim bilan yuzlashib yetishilgan bir insonga ana shu munosabatlarni bildirish qanchalik mantiqli ekan-a? Farzandimiz shunchaki katta bo’lib, atrofidagi yuzlab insonlarni bir nusxasi kabi bo’lishini ham qabul qilaveramiz gohida.

Biz musulmon ekanmiz, har ishimiz Alloh roziligi uchun bo’lishi kerak. Farzandli bo’lishni xohlar ekanmiz, albatta undan musulmon ummati uchun nafi tegadigan, haqiqiy mo’min banda bo’lishini kutishimiz va shuning uchun harakat qilishimiz kerak. Farzandlar ham fitna. Vaqtida namozingizni ham qazo qildirishi, bir dard yetib qolsa, o’zidan o’zgasini aqlingizga sig’dirmay sizni ich etingizni yeb yuborishga ham qodir ular. Shuncha mashaqqat uchun, fitna ekanini bilgan holda dunyoga keltiradigan farzandlarimizni endi shu qurbonliklarimizga yarasha yaxshi tarbiya qilolmasak, omonat ekanini his qilib, uni Alloh rozi bo’ladigan banda bo’lishi uchun harakat qilmasak, bu farzandlar ohiratda zararimizga hujjat bo’lishidan qo’rqishimiz kerak…..

Farzandli bo’lish ham anglangan qaror bo’lishi o’ta muhim. Shu sabab ham bu borada shoshma-shosharlik yaramaydi nazarimda….

https://t.me/+s4SIN7e6eh03ZTRi

Telegram

Zavjatu Muhammadamin

Clever Mama Blog***📍***Ayollar hududi -Munosabatlar -Bola parvarishi -Ilm olish haqida Link: https://t.me/+s4SIN7e6eh03ZTRi http://zavjatumuhammadamin.tilda.ws/ kurslar, reklama bo’yicha @bintuziyad\_manager

???? Ismi yozilgan muslimalarni qabul qilaman ❤️ https://t.me/+s4SIN7e6eh03ZTRi

? ❤️❤️❤️❤️ ?

Qur’oni Karimda kelgan duolarni tajvidi bilan yodlamoqchi bo’lganlar uchun o’zim foydalangan ushbu darsliklarni tavsiya qilaman :

? https://youtube.com/playlist?list=PL7AEFfKAwqe4Drk581PwrbBTK_sl8dtt6&si=k3GBSJB2jSWJmWHk

? Zavjatu Muhammadamin

? ♥️♥️♥️ ?
Alhamdulillah ilk tongimiz ham otdi. Bu Ramazonni oldingilaridan-da yaxshiroq o’tkazishga harakat qilaylik. Buning uchun esa ba’zi tavsiyalarni bermoqchiman.

Telegramingizni tozalab oling. Sizni dunyo matohlari haqida ko’proq o’ylantiradigan, diqqatingizni hozir sizga zarur bo’lmagan narsalarga qaratadigan sahifalar, guruhlardan chiqing. Ayniqsa narsa sotiladiganlaridan. Ramazondan keyin ham ularni kuzataverasiz bemalol. Ramazonda avvalo qalbimiz, aqlimiz nima bilan band bo’lishiga ahamiyat berishimiz kerak. Shu sabab “tozalov ishlari” muhim. Instagramga kirsangiz undan umuman chiqishni maslahat berardim. Har bir keraksiz narsani kuzatish o’rnini zikr, salavot bilan to’ldiraylik.

Uy ishlariga kamroq ahamiyat bering. Perfektsionizm shart emas. Oddiyroq ovqat, bolalar sabab betartib bo’lgan xonalar o’ta normal. Bularga ortiqcha asabiylashmang.

Albatta kundalik tuting. Amallaringizni tartiblang. Inson unutuvchan zotan.

Zikrlarni sonidan ko’ra sifatiga e’tibor qarating. Diqqatingizni qancha muddat ushlab tura olsangiz, 3 daqiqami, 5 mi, ana shu vaqtda bor e’tiboringizni zikrga, uning ma’nosiga qarating. Ana shunda qalbingiz ko’proq huzur oladi. Ish qilish davomida ham aytish mumkin tabiiyki, lekin yuqoridagi usulda ham aytish foydali bo’ladi.

Bu oy o’zingizga, iymoningiz holati, qalb kasalliklaringizga diqqatli bo’ling. Turmush o’rtog’ingiz yetarlicha ibodat qilmas, balki sizdek Qur’on o’qimas, balki taroveh namozlarini qoldirar. Bular uchun asabiylashmang. Biz ayollar shunaqamiz. Boshqalarni o’zimizdan ko’p o’ylaymiz, ammo bu doim ham yaxshilikka olib kelmaydi. Ayniqsa amallar masalasida. Bundan holda faqat va faqat duo qiling. Asabiylashganingiz bilan, gapirganingiz bilan hech nima o’zgarmasligini bilsangiz bunga endi ko’nikkaningiz afzalroq. Harkim o’zi uchun javobgardir. Turmusb o’rtog’ingiz bundayligi uchun sizga gunoh yozilmaydi, ammo bu borada u insondan ko’nglingiz qolib, itoatsizlik qila boshlasangiz, yomon muomala qilsangiz ana shu uchun javob berishingiz mumkin….

**Ажиб одамлар туркумидан

Она боласига бақирди: "Нима қилиб юрибсан ҳайвон? Қуръонингни ўқидингми, бугун устозингга топширинг керак, биласанми?"

Ота ўғлига деди: "Бугун дарсингни қилдингми? Неча пора ўқидинг?" Ўғил отасининг важоҳатидан сўнг Қуръон ўқиши кераклигини эслади. Ранги оқариб: "Ҳозир ўқийман", деди. "Нега энди ўқийсан? Кун бўйи нима қилдинг? Бўқ еб юрибсанми?", деб бақиришга тушиб кетди.

Буви неварасини қўрқитяпти: "Қуръонингни ўқи, ҳозир отанг келса ўласан! Биласан-а, отангни феълини... Дабдалангни чиқариб ташлайди".

Хотин эрига: "Мен дарсини қилдиролмадим. Ана ўзингиз қаранг!", деди. Ота ўғлини чақирди. Бола бўйнини букиб кириб келди. Ота боласини: "Итга ўхшаган, нега Қуръонингни ўқимадинг, нега такрорламадинг", деб сўкиб кетди.

Устоз ўқувчисини дарс топширолмагани учун бошқа ўқувчилар олдида изза қилди. Ўқувчининг руҳиятига бу нарса қаттиқ таъсир қилди ва Қуръондан безиди. Кейинги калтаклар, зарбалар, сўкишлар ҳам уни Қуръонга қайтаролмади. У ота-онасига: "Қуръон ўқигим келмаяпти! Нега ўқишим керак, тушунтириб беринглар?", деб савол беришни бошлади.

Она қизига дакки беряпти: "Эплаб бир Қуръонни ўқиёлмасанг, ёдлай олмасанг... Устозга бораётганинга бир йил бўпти-я... Эсинг ҳам анча паст экан-да... ". Қиз Қуръонни олди-ю, онасига қараб отди ва деди: "Сиз ўқинг, сизга ярашади. Мени ерга ургунча сиз ўқинг, тушундингизми?" Қиз тўғри айтаётган эди, чунки она 40 га яқинлашиб ҳам Қуръон ўқишни билмасди. Субҳаналлоҳ... амал қилиб туриб гапирилса, натижа ҳам тез бўлар экан-да... Амал қилмай ўргатилса, эшитган одам ичида: "Олдин ўзингни бил!", дейиши турган гап.

Ота калтак билан боласининг елкасига қарсиллатиб туширди-да: "Энди сенга овқат йўқ! Қачон берилган вазифани топширсанг ўшанда ейсан! Қанча сен тенгги болалар қори бўляпти, сен ландовур ҳали ҳам "Бақара" да ўтирибсан. Йўқол, кўзимга кўринма!", деб хонасидан чиқариб юборди.

Ота ўғлига айтяпти: "Болам, тез-тез ўқишинг, қори бўлишинг керак. Ҳаммадан ошиб кетишинг керак, ўшанда иззатинг, обрўйинг бўлади. Одамлар сени кўрсатиб: "Бу қори бола", дейишлари керак. Зўр-ку, ҳаммадан биринчи бўлсанг!" Ота болани худбинлик, манманлик, мақтанчоқлик сари етакламоқда... Вақтлар ўтиб бу бола ўзидан бошқани кўрмайдиган, ўзидан бошқани тан олмайдиган расво бола бўлиб етишади!

Фарзандларингизга Қуръонни севдиринг, Қуръондан бездирманг! Қўлига Қуръонни жон юраги, жон қалби билан олсин! Нафрат ва жаҳл билан Қуръон ўқишига, ёдлашига сабабчи бўлиб қолманг! Фарзандларингиз Аллоҳни севсин, Аллоҳни севса, албатта, Қуръонни ҳам севади. Унга амал ва итоат қиладиган бўлади!

Зулфия Махмуд**