‏انتَ هم حسّ بأذيتي
بَشوغة گليبي عَليك
‏ضعفِي خُوفي ارتباكِي ونزله دموعي عليك
مايَهزن شعرة بيك ؟
يالعلمتني اسهر ليله وَي عيونك الحِلوات
ما حَنيت؟
ما اشتاقيت؟
ما گلت چا وذاك العلقته بية
چا هم خل أمُر عَلي فد ليليه!

كلنا نموت
ما انصدم لو شفت الجنازه
گبال عيني تفوت
وما انصدم لو شفت الأحبه
امدد بتابوت
متت انا حجي بلا صوت
لحد شافني ولحد دره
عني زعل ببيوت
معزول ويمرني الليل كتال
واكول الروحي اصبري ولا تضعفين
هي ايام باجر عكبه ونموت
وذكرى نصير صوره اعلى الحياطين
دمشينه يروحي نشوف ونعيش
هم نفس البشر هم عدنه رجلين
وخنجذب يروحي اعلى اليسألون
كولي بخير اضحكي وابجي بعدين
لتبينلهم شيصير باليل
من الناس تغفه وانتِ تبقين
من يلتم حزنه معارك يصير
وشورثلج يروحي يفيد تدخين
وابقي وياي محد باقي وياي
وعذريني ضلمتج صارلي سنين
وتدرين بحياتي وهل تشوفين
من يوم الصرت لليوم مو زين
اجتني ابالي فكره وبيها نرتاح
واسمعي شراح اكول ومو تضوجين
حبل اعدامي جبته وشوفي دفان
اني وياج هيج وهيج ميتين
لـ مؤمل قيس

مخنوكَ؟

سگف عندي
وحبل بالبيت موجود
موت الله بعد فكره قديمه .

صاير ماتحَن
كلش هل ليامم وحَحيل
تغيرت بيك الموَده تجر
كلبي وتحبَسه بطرف الرمَوش
لا عيَنك تشَبكه ولا تههَده .

جَباررشيدَ.

لحَد الآن ،
أحَسك عَايش برُوحِي
لحَد الآن واحَچّي
بصَيغة المَوجود
مَو بالچَان
ولحَد الآن ما ناسَيك
على گَد المَحَبة
يطَول النِسّيان
شلون أنسَىٰ يناسِيني ؟
المَواقِف وگَفت بگلبّي
قبَل لا تُوگّف بعِيني