العلاقات اللي تجمعكم بأشخاص نرجسيين علاقات سامة وأثرها وضررها عليك وعلى صحتك النفسية مو هيّن، خصوصاً اذا خضت هالتجربة لأول مرة وماعندك اي إدراك او استعداد نفسي للي حتعيشه. من حق كُل شخص انه يكون مُدرك تماماً للشخص اللي ديتعامل وياه والعلاقة اللي هو بيها او داخل عليها حتى يگدر يتعامل وية الموضوع بإدراك ووعي تام ويحاول يتجنب الضرر قدر الإمكان.

والنرجسي يگدر بكُل شطارة يزيف الحقائق ويزرع النسخة اللي يريدها تنزرع بمخك واللي دائماً حتكون عكس اللي صار بالواقع.

الشخص النرجسي غيور بشكل مُبالغ بي، منك مو عليك بس هو يعرف يبينلك العكس، النرجسيين أشخاص متلاعبين ولازم لازم تعظم من شأنه وتبجله باليوم الف مرة ويگدرون بألف طريقة وطريقة يجفصون ببطنك واذا تنرفزت او انفعلت او انطيت اي رد فعل طبيعي بالنسبة لشخص جافصين ببطنه راح يگلبون عليك الطاولة بسرعة البرق ويلعبون دور الضحية ويتهموك بأنك شخص درامي ومنكد عليهم ومكرههم بنفسهم، يگدرون يطلعون اسوء ما عندك بس في سبيل يحسسوك بأنك شخص زبالة وانت حيكون عندك خيارين مالهم ثالث.. أما تبقى معيشهم بالعلاقة المثالية ( بالنسبة الهم ) واللي بيها راح تجي على نفسك هواي، مشاعرك مُهمَلة، آرائك غير مسموعة وتتحول لمجرد روبوت بهالعلاقة وتبقى بس تخدم مصالحهم وترضي غرورهم وتشبع نقصهم وبس، ويكونون هم المسموعين وبس. او انك تتعرض دائماً للإنتقاد، التهميش الاستفزاز بس في سبيل تطلع منك اسوء التصرفات والكلام تجاههم وبالتالي تكون انت الخرا. بأختصار اذا ماحسست النرجسي بأنه الاحسن والاعظم والاحلى والاهم راح يخليك تكون اسوء شخص على وجه الأرض علمود يحس انه احسن منك ويگُلك ها شفت؟ انت كذا وكذا

ربي الجديد هي

❤️‍?

i captured something that made me feel something