قالت :
الحقيقه قبل سنتين جاني اعتراف بالحب من انسان محترم جدا❤ ويشاء القدر اني كنت مرتبطه بانسان محترم تاني فرفضت الطلب بصوره ظريفه وكتبت نص وقتها موجز النص كان "ولكن كلمتي له سبقت وقلبي انعقد عليه.. " وحسيت بانو اعتذار لطيف ليهو او لغيرو

مرت الايام والسنوات ..وانا انفصلت واعاد الطلب وانا قبلت بس كان عندي شرط صغير اني اخد وقتي وانو ما يضغط علي بأي صوره من الصور ويخليني انسى وأتجاوز براي وقد كان ..
‏الوقت الطلبتو ده ما عشاني بقدر ما هو عشانو

عشان ما اكون اديت كلمه انا ما قدرها واتراجع في نص الطريق.. عشان عيب في حقي لو مرت علي ذكرى حزينه او سعيده علي ابتسم ولا ازعل وانا معاهو ..وقد كان❤
‏لاقيت كل الدعم من الانسان ده لدرجه خلتني اشك انو اهلي ديل ما اهلي وانو هو براهو قادر يديني حب كل العالم كلو حرفيا

بين يدي وحب والديني لي ما كان حب وما كان الا "جبر خاطر" قصاد كل الحب دا وكل الحب العشتو قبلو كان عشان اصل ليهو هو بس
‏كل موقف كان بيثبت لي انو انسان طيب وخلوق ومحب لدرجه غريبه، وانو ده الانسان الانا اتخلقت علشانو هو بس

في مره سألني انا ليه ما بكتب عنو نصوص زي ما كنت بعمل دايما ودي "غيره محموده❤🤣"
‏وانا الليله حارد عليهو هنا قدامكم كلكم "المنشغل بالحب حقيقة لا يجد الوقت للحديث عنه "❣

سينشغل به كما أفعل انا الآن
‏انا الليله وقدام كل الناس قدام اهلك واهلي قدام العالم كلو بقول ليك "قبلت"❤ ومثلك لا يترك♥ ومثلك لا يخان♥ ومثلك لا يهان .. قبلت الحب قبلت الزواج وقبلت بكل شئ معك شريك حياةة قادمه بأذن الذي جمعني بك وزرع في قلبك♥ جميييع تلك المحبة لي ‏♥️♥️

#إحتواء

آه يا جماعة لما نتزوج هنقول " الدار أصبحت أمان "

وده مش لأننا مُعذَّبين في بيت أهلنا،

هي الفكرة بس زي ما المهندس أيمن عبد الرحيم قال:
"أنت عايز حد تعيش معاه بشكل أقرب بكتير من علاقتك بأمك وأبوك وأخواتك.. ده إحتياج نفسي فِطري، اللي إحنا بنسميه في الإسلام" سَكَن" محتاج حد تسكُن إليه..

فـ وقتها هنحس فعلًا إن الدار أصبحت أمان.

في هذا الصباح 💜

مااا تضغط على زول عشان يهتم بيك ولا يعاملك بنفس الطريقة البي تناسبك..

ولا تحاول تخليه يقدر العلاقة البيناتكم غصباً عنو.. خلي كل زول على راااحتو..

لانو راحتو دي هي الحقيقة البتمثل شعورو الحقيقي تجاهك إنت..

لو فهمتني صاح، الضغوطات الزايدة ما بتجيب ليك أي حاجة..

ما بتجيب ليك غير التصنع والكذب والمجاملات البايخة..

يا حبيبنا، الاهتمام حاجة جميلة 💜.. لكن في حد ذاتو ما بيتطلب..

ما بيتطلب ما بيتطلب ما بيتطلب، عشرة مرات!

#السمر_السرمدي

بُكرة الريَّد بدون مواعيِّد يزُورك يا حياة عُمري ⚘️?!

كُلنا ضعيفين قدام الحُب..
مهما كان كبريائك و جبروتك عالي، و مهما حاولت تقنع نفسك بإنك إستحالة تتهزم قدام الحُب؛ صدقني إنت كذاب و منافق في حق ذاتك..

زمان من بدري لما ما وعيت على الحياة الحُب لسة..
كُنت بستغرب في تصرفات خالي..

خالي كان من النوع العصبي جدًا و إستحالة يضحك إلا بالصُدف، بتشاف قاسي جدًا في تعاملو ككل..

فلما ألقاهو بيتكلم مع ست البيت حقتو بشوف شخصية غير المعانا تمامًا..

مرات ملامحو بتغير و بتحول لأحن مخلوق ممكن يلاقيك و مرات بيضحك شديد، و مرات ملامحو بتكون باكية جدًا و الحُزن بيكون باين حتى في كلامو معانا..

فبسأل نفسي كيف إنو الحب ممكن يغير من طبع إنسان و يخليهو يتغير في يوم و ليلة..!!

كبرت و عرفت إنو في ناس ممكن تموت، و في ناس بتجن عديل بسبب الحُب..
و ياما ناس في سبيلو بجنو

فلما أكتب عن الحب، و أجي أقرأ الكمونتات، فبلاقي أغلب الكمونتات بتكون على هيأة..

بالله لسة في ناس بتحب من جوة قلبها..؟

ما بظن إنو في حب حقيقي في الزمن دا..!

ياخ الحُب و الإرتباط دا كلام فارغ ساي..

الحُب حلو بس في الأيام الأولى..

بقيت ما بؤمن بالحب، و فقدت شغفي بحاجة إسمها حُب..

لوهلة قبل ما أرد على الكمونت بحس إنو أي واحد من ديل معاه حق، لإنو ما بقدر أحكم و أنا عندي نص الصورة بس..

أي واحد فيهم يمكن مرة بقصة حُب..

و أي واحد في تاريخو ماضي..
فيهو قصة إليمة..

فيمكن الحصدو من العلاقة ديك خلاهو كل الأبواب و يفقد الشغف بكل حاجة..

في آخر المطاف بنكون عارفين و مؤمنين بالحب، بس السبب البخلينا نظهر عكس كدا الخوف إنو نقابل نفس أخطاء الماضي..

كلنا في حياتنا تجربة، طلعنا منها بأسوء شخصية مننا..

لدرجة إنو لما نشوف إتنين دنيتهم حلوة، بجينا إحساس إنو ديل أيامهم مؤقتة و علاقتهم نهايتها معروفة..

و بنكون عارفين إنو الحب بيكون ظابط في ايامو الاولى عشان الإهتمام و لهفة البدايات و كدا...

و عارفين إنو في آخر المطاف أي واحد حيمشي في سكتو و دموع و بكا و كلام كتير..

بس طيب..

طالما ما بتحكم على حياتك بناءً على تجارب سابقة فاشلة، صدقني حتكون قاعد في الرصيف مستني..

قبل كدا إنو عشان نوصل للسكة الصاح بنتوه في شوارع كتير غلط، لحدي ما يلاقينا النور في آخر النفق..

و أي تجرب فاشلة عي بداية لحياة جميلة و النهاية تكون سعيدة لمن ترضيك..

خليك مؤمن بإنو الخير مش عندو زمن محدد عشان يجيك، اي لحظة ممكن يجيك..

#عند_المفترق..

صدقني في الحياة دي في تفاصيل حلوة..
وفي ناس حلوة..
و في ناس بتحبك و بتعمل أي حاجة عشان تلاقيك..

الحياة محطات بتتمرحل بيك ما بين سكة كويسة و سكة كعبة، في النهاية رحلتك حتوصل لحدي الزول الصاح..
و مؤمن بالحاجة دي جدًا.

#محمد_ورق

" ما مستعد أخسرك.."
دي ألطف جملة ممكن تتقال في العلاقة
و ألطف فعل ممكن يتشاف هو كونك عارف أنو الطرف التاني ما عايز يخسرك
بعمل كل حاجة عشان يحافظ على وجودك في حياتو
و الأهم و المهم
خسارتك بالنسبة ليهُ فقد عظيم.

أنك تكون نقطة قوة و نقطة ضعف لذات الإنسان
تكون الجزء الأهم في حياتو
و واثق أنو بعد كل مشكلة حا ترجعو
لأنك ما بتهون عليهُ
و لأنك إنسان مهم، إنسان اهم من النقاشات و المشاكل.

أرتباطك بشخص خايف يسيبك دليل كافى انك في علاقة غلط..
لأنو العلاقات ال صح بتفرض الأمان و عدم الخوف
بتفرض عليك شعور أنو مهما يحصل انتى مع إنسان ماسك يدك
إنسان صعب يسيبك في نص الطريق.

ساهل القول و صعب الفعل
أمشو وره أحاسسكم و أمسكو يد إنسان متمسك بيكم.

"_بكل الحُب ال في الدُنيا أنت نقطة ضعفي."

#اخو_البنيات

كملت بيك انا نص ديني.. عشان في حياتي انا تسعديني..♥️
بديت معاك مشوار عمر.. ونويت اسعد عيونك.. واتحدى شانك كل مرُ..♥️****
..

دائما في بالي سؤال.. كيف بكون حال اي اتنين.. بعد اللحظات اللي ما بعد العقد... كيف إحساس اول مكالمة ليهم.. وهم تحت اضواء الحلال..
كيف بكون حال اي اتنين...بعد انتصار دعوات.. "ربنا يتمم ليكم على خير".. "وربنا يجمعكم في اقرب وقت..
..
كل ما حاولت اقنع نفسي انو الزواج ده تفصيل عادي وحتمي.. ووسيلة عشان تكتمل الحياة...وانو اجراء روتيني.. بلقى نفسي مركزه مع تفاصيل أدق.. بتخليني انبهر بقدسية الزواج ومضمونو الحقيقي..
..
القسيمة دي عمرها م حتكون ورقة عادية... ولا الحبر البتتملي بيه حبر عادي..
الورقه دي بتجمع احلام وطموحات.. وأماني اتنين.. يمكن عافرو سنين طويله.. عشان يشوفو اسمائهم جمب بعض.. في مستند مختلف تماما عن باقي المستندات..
اتخيل كده الدنيا تضحك ليك...وقدرك وقدر الانسان البتحبو يتكتبو في نفس الكتاب..
اتخيل انو الانسان الانت بتدعي ربنا عشان يكون معاك.. يجيك بلهفة وحب العالم كلو.. وشايل الورقة دي.. وبوريها ليك كعلامة انتصار..
ابواب السماء المغلقة كلها تتفتح.. والدعوات اللحظة دي كلها تصبح مستجابة...
...
مهما فتشت عن الاحتواء.. والوعود الموثوقه.. ما حتلاقيهم... غير في علاقة الزواج..
لانها العلاقة الوحيدة البكون ربنا راضي عنها.. والخطوه الوحيده البيظهر فيها معادن الرجال..
"رجال اذا عاهدوا اوفو.. لانهم يعلمون أن العهد كان مسؤلا"
..
بيقولو انو اي اتنين متزوجين لو مسكو يدين بعض.. الذنوب بتتساقط من بين كفيهم..
صحبتي قالت مما عرفت الحاجه دي.. بقيت كل خمسه دقايق بمشي اسلم عليه..
..
أجمل حاجه في الزواج.. انو العقد هو البميزنا عن بقية المخلوقات.. وبيحفظ لينا حقوقنا وبيضمنا.. وبعصمنا عن الخطأ.. وعلى قدر ما نجتهد في اسعاد الطرف التاني.. على قدر ما بنلقى خير وبركة وحسنات..
...
ما حتحس بطعم الفرح الحقيقي بالزواج.. الا وانت بتسعى عشان ترتبط بإنسان حاسي من جواك انو الحياة ما حتكمل بدونو...
صاح مافي زول بموت لمن يفقد زول... بس في تفاصيل ممكن تموت لو اتعاشت مع انسان تاني غير النحن اخترناه..
فطالما نحن محتاجين نكتمل ببعض..
فاختارو البتحبوه والما بتهونو عليه والمقتنعين بيه.. والمتقبلين عيوبو.. والراضين عن كل جوانب شخصيتو.. عشان ما تشوفو انو الزواج ده فخ...وانو مسؤولية وتبعات..

..

" يليق بقلوبنا أن تهدأ نبضاتها وتنعم بالامان ?. "

#علاقات.
#Malaz_Ali

-

زَي مَا فِي كَلام فَارِغ، فِي سكُوت مِليَان .

#إقتباس_النهاية

‏"يحاول الإنسان عددًا لا نهائيًا من المُحاولات لكي يُصلح نفسه كُل يوم، يضبط أعصابه، يجاهد كل رمشة عين، وكل شهيقٍ وَزفير، وكُل فُسحةٍ وضيق .. يقضي حياته مُحاولًا لكي لا تحوله الدُنيا لأسوأ نُسخةٍ منه، ومجاهدًا كي يحافظ على بقاياه، وكي يبقى "هو" كل ما استطاع.

#على_الهامش

" لا يهمُّني إذا سبقَني أحدٌ في شيءٍ،
بل لا يعنيني الركبُ كلُّه.
أنا هُنا..
لي طريقي، خُطواتي، أحلامي.
أسيرُ وقتما أريدُ ، كيفما أريدُ
أرفضُ هذا، وأقبلُ ذاك
أتأخرُ، أتوقَّفُ، أغيِّرُ وجهتي تمامًا!
عيني لا تلحظُ إلا خُطاي، وعقلي لا
يسعُ أكثر من شأني ?."

#تنزيل_صابر.
#خلي_بالك_عليك

-

الحوار كله كوبايه شاي وتقعد مع نفسك تفهمها ان الرحله فرديه ودا مش معناه انك متكونش علاقات لا كون عادي بس ع الاقل العلاقات دي يبقي وجودها مريح وغيابها مش فارق طالما الشخص دا قادر انه يكمل يومه من غيرك ف انت اي اللي مانعك تعمل كده ..

-

«أُريد رؤيتك
وأنت تخطو تجاه أحلامك
تنجح تارة، وتفشل أُخرى
تنظر للخلف
فتجدني ابتسم لك وأشجعك؛
لتنهض وتُكمل ما بدأته
أنا هنا،
مرة لأحتفل معك بنجاحك
ومائة مرة لأساندك كُلما سقطت»