Ekspert – 1-son. «Avariya»larda aybdor qanday aniqlanadi?

Hudud24.uzʼning yangi «Ekspert» loyihasi dastlabki qahramonlari avtohalokatlarda eng og‘ir mas'uliyat yelkasiga tushadigan sud avtotexnika ekspertizasi xodimlari.

Aybdorlar kim? Xaqiqat qanday ochiladi? YTHlar nega ko‘p?

Ushbu savollarga javoblar va murakkab kasbning ko‘pchilik uchun qiziq jihatlari haqida ekspertlardan bilib oling.

To‘liq video: 👉**** https://youtu.be/p0FcdKqdCE8

*❗️Xalqaro hamkorlik kengaymoqda.*

⚡️Turkiyaning Antaliya shahrida Turkiya Respublikasi Adliya vazirligi huzuridagi Sud tibbiyot instituti tomonidan o‘tkazilayotgan “The 19th International Forensic Medicine Congress / 19-Xalqaro sud tibbiyoti kongressi”da X.Sulaymonova nomidagi Respublika sud ekspertiza markazi direktori Akram Xalilov boshchiligidagi delegatsiya ishtirok etmoqda.

✅Kongresning seksion yig‘ilishlarida Markaz direktori Akram Xalilov “O‘zbekistonda sud ekspertiza sohasini rivojlantirishda amalga oshirilgan islohotlar va bu borada xalqaro hamkorlikning o‘rni”, Sud-avtotexnika ekspertizasi laboratoriyasi mudiri Qahramon Umidillaev “O‘zbekiston Respublikasida yo‘l-transport hodisalarida sud ekspertizasining zamonaviy imkoniyatlari, muammo va yechimlar” mavzulari bo‘yicha ma'ruza qilishdi va ishtirokchilarning qiziqtirgan barcha savollariga javob berishdi.

🔬Delegatsiya vakillari tomonidan maxsus asbob-uskuna va dasturiy ta’minotlarni ishlab chiqarishga ixtisoslashtirilgan korxona, tashkilotlarning stend va ko‘rgazmalari ko‘zdan kechirilib, yangi texnologiyalarni O‘zbekiston sud ekspertiza faoliyatiga tatbiq etish bo‘yicha bir qator muzokaralar o‘tkazishdi.

✅Akram Xalilov tomonidan ENFSI Boshqaruv kengashining rais o‘rinbosari Agnieszka Lukomska, "Central Forensic Laboratory of the Police" (Polsha) boshlig‘i o‘rinbosari Anna Przewor, Gruziya Respublikasi Levan Samxarauli nomidagi Milliy sud ekspertizasi byurosi direktori Giorgi Tvauri, Turkiya Respublikasi Ichki ishlar vazirligi Xavfsizlik bosh boshqarmasi Jinoyat department boshlig‘i Tunjay Ankara, "University of Catania" (Italiya) professori Sebastiano Battiato, "Marshall University" (AQSh) professori Mohammed Ranavaya, “TUBITAK Bilgem”ning biznesni rivojlantirish rahbari Oznur Hasirci va boshqa bir qator tashkilot rahbarlari bilan uchrashuvlar o‘tkazildi.

🤝Uchrashuvlarda O‘zbekistonda sud ekspertizasi faoliyatida amalga oshirilayotgan islohotlar va erishilgan natijalar uchrashuvlar ishtirokchilari e'tiboriga yetkazilib, sud ekspertizasi sohasida keng qamrovli hamkorlik masalalari muhokama etildi.