USAID O’zbekistonda iqtisodiyotning asosiy sektorlarini qo’llab-quvvatlash uchun grant dasturini e’lon qiladi

2024-yil 16-sentyabr, Toshkent, O’zbekiston – Bugun AQSh Xalqaro taraqqiyot agentligi (USAID) o‘zining Biznesni qo‘llab-quvvatlash loyihasi orqali grant arizalari qabuli boshlanganini e’lon qildi. Ushbu tashabbus biznes muhitini yaxshilash hamda to‘qimachilik, turizm, yashil iqtisodiyot va axborot-kommunikatsiya texnologiyalari (AKT) kabi asosiy sohalar taraqqiyotini rag‘batlantirishga qaratilgan.

Grant dasturi kichik va o‘rta biznes korxonalari, nodavlat tashkilotlar (NNTlar) va iqtisodiy o‘sish hamda ijtimoiy inklyuziyaga hissa qo‘shadigan boshqa tashkilotlarni qo‘llab-quvvatlaydi. USAID, ayniqsa, ayollar, yoshlar va boshqa ehtiyojmand guruhlarga yo‘naltirilgan loyihalarni moliyalashtirishga alohida e’tibor qaratadi.

Grantlar qo’shma moliyalashtirish sharti bilan 25 ming AQSH dollaridan 100 ming AQSh dollarigacha bo‘lgan miqdorni tashkil qiladi. USAID ko‘pgina korxonalar uchun loyiha harajatlarining 50 foizini moliyalashtiradi. Ayollar, yoshlar va ehtiyojmand guruhlarga yo‘naltirilgan loyihalar uchun USAID harajatlarning 80 foizigacha moliyalashtirishni taklif qilishi mumkin.

Arizalar 2024-yilning 15-oktyabrigacha qabul qilinadi. E‘lon va konsepsiya hujjatlari namunalarini mana bu yerdan yuklab olish mumkin.

Ushbu grant tashabbusi USAIDning O‘zbekistonda inklyuziv iqtisodiy o‘sishni rag‘batlantirishga yo‘naltirilgan besh yillik Biznesni qo‘llab-quvvatlash loyihasining bir qismidir. Loyihaning asosiy vazifasi faol, innovatsion va barqaror tadbirkorlik ekotizimini rivojlantirish bo‘lib, uzoq muddatli iqtisodiy rivojlanishni ta’minlashni maqsad qilgan.

"Lazzatli O'zbekiston" xaqaro gastronomik festivalida Surxondaryo viloyati faol qatnashmoqda