لمّا تشوف قطار حياتك عم يمشي بسرعة لدرجة انك ما بقى صرت عم تشوف الإشيا والأشخاص والمواقف يلي عم تمرق من حدها .. وقّف عند أول محطة وإنزل من القطار .. غيّر عاداتك، خفف ناسك، تخلّى عن كتير إشيا إنتَ مفكرها مهمة، إبعد عنك الأشخاص يلي بيصَرفوك طاقة عالفاضي، أطرد الأشخاص يلي بيمتصوا طاقتك ليغذوا نرجسيتهم .. أنطر القطار المناسب واطلع فيه انتَ وأحبابك ..

العمر بأيامه وساعاته، بيمرقوا مرّة .. وبهيدي المرة لازم يكون عم تشوف وتسمح وتحس ..

لبعض الاباء والامهات

ارحموا اولادكم من أخلاقكم "السيئة" خاصة بهالشهر الفضيل حببوا أولادكم بالصوم وبشهر رمضان لأن عم تصورولهم ان الصوم للتخليق والتعصيب ولفشة الخلق والتأفف والنكد... هالتصرفات تحفر في اذهان اولادكم ان السبب هو الشهر الفضيل لا أخلاقكم "السيئة".

ثم إنو بيجيك هيدا اللي مفكر حاله مهضوم وبيفقعك عبارة "شو ايمتا بدو يخلص هالشهر؟؟".

في حدا عاقل وبيفهم بيتمنى تخلص ايام شهر رمضان؟؟

كم هائل من العطاء الجوائز والأجر ما بتناله طول السنة مقابل مسك النفس عن المفطرات لكم ساعة..
والله صفقة حلوة كتير

وما أقول في رجل تحبه أهل الذمة على تكذيبهم بالنبوة، وتعظمه الفلاسفة على معاندتهم لأهل الملة، وتصور ملوك الفرنج والروم صورته في بيعها وبيوت عباداتها، وتصور ملوك الترك والديلم صورته على أسيافها؟

وما أقول في رجل أقر له أعداؤه وخصومه بالفضل، ولم يمكنهم جحد مناقبه ولا كتمان فضائله، فقد علمت أنه استولى بنو أمية على سلطان الإسلام في شرق الأرض وغربها، واجتهدوا بكل حيلة في إطفاء نوره والتحريف عليه ووضع المعايب والمثالب له، ولعنوه على جميع المنابر، وتوعدوا مادحيه بل حبسوهم وقتلوهم، ومنعوا من رواية حديث يتضمن له فضيلة أو يرفع له ذكراً، حتى حظروا أن يسمى أحد باسمه، فما زاده ذلك إلا رفعة وسمواً، وكان كالمسك كلما ستر انتشر عرفه، وكلما كتم يتضوع نشره، وكالشمس لا تستر بالراح، وكضوء النهار إن حجبت عنه عينا واحدة أدركته عيون كثيرة.

وما أقول في رجل تعزى إليه كل فضيلة، وتنتهي إليه كل فرقة، وتتجاذبه كل طائفة، فهو رئيس الفضائل وينبوعها وأبو عذرها.

شرح نهج البلاغة لإبن أبي حديد الجزء الأول ص17

الحمد لله الذي خلق أمير المؤمنين عليه السلام ورزقنا ولايته ❤️

كتير صعبة بس تبطلوا رفقة وتحكيهم تسأل عنهم ويجاوبوا "الحمدلله".

هون بتعرف انه كل شي تغيّر وما بقى في فويس ٣٠ دقيقة بعد سؤال "كيفك؟"

شو هي أصعب وظيفة بالعالم؟

التربية، إنك تربي بني آدم وتبني روح سليمة.

للأسف البعض بتقتصر تربيتهم عالمأكل والملبس والتعليم والحاجات المادية البحتة، وبيغفلوا عن روح هذا الطفل، عن دينه (بسموه تعقيد)، ما في غلط وصح، ما في أقله جلسة أسبوعية لتوعيته ومناقشته بمفاهيم أخلاقية دينية عقائدية سياسية بما يتناسب مع سنه...

كلهم مش موجودين طالما إبني وبنتي ماديا ما ناقصهم شي، وبينصدموا على كبر بالنتيجة لي بيحصدوها.

أصعب شي التربية، مسؤولية مخيفة، بدها إضافة للجهد والمتابعة كتييير دعاء، لوحدنا ولا شي.

الله يصلحنا ويصلح ذرارينا جميعا.

مبارح استشهد عدد من شباب المقاومة الإسلامية بلبنان بعد استهداف مركزهم بالجنوب.

واحد من هول شهدا هو ابن نائب عن حزب الله، ومش بس نائب، رئيس كتلة نيابية من أكتر من 30 سنة.

يعني من لما خلق هيدا الشاب وبيه نائب بمستوى عالي.

لكن هيدا النائب ما بعت إبنه يعيش برا ولا وظّفه بمنصب مهم بالدولة، بل رباه تربية صحيحة ليكون مجاهد ويقدم حياته بهيدا الخط لحد ما رب العالمين رزقه وسام الشهادة.

انا أفتخز بالإنتماء لهذا الشعب المعطاء؛
أعلى شخص بالقيادة، قدّم ابنه
الشهيد، قدّم ابنه
الجريح، قدّم ابنه
الأسير، قدّم ابنه
النائب، قدّم ابنه
الكل دون استثناء بيعطي كل ما يملك لهيدي المسيرة وولا مرة حدا قال اكتفيت او أعطيت اللي عليي..

حقا أشرف الناس

انتقلت من مرحلة: ييي هالشاب بعرفه
لمرحلة: ييي هالشاب بعرف بيّه ?

لقد وقفت السيدة زينب عليها السلام وحدها في وجه عالَم من السوء والظلم والإجحاف والوحشية والقسوة. وبوقوفها، استطاعت صَون الروح العامّة الإسلام ورعايتها.. السيدة زينب عليها السلام قد صانت الإسلام بصمودها.
السيد القائد علي الخامنئي دام ظله - 25/07/2001

كل عام وأنتم بخير بذكرى ولادة البطلة الحنونة ❤️