**Laba maalmood ee isku xigta ayaad midna ka yaabi barakadeeda oo wixii hawl kuu taalay oo dhan aad qabsan ! Maalina ayna laba isku kaa gaadhayn adoo wakhti haya ! Hadda waa laba maalmood oo isla ege la soco. Sidaa awgeed ayaa waxaa kamid ducooyinka Aroota iyo Galabta la akhrista ducadan weyn ee wax walba kulansatay:

«اللهم إني أسألك خير هذا اليوم فتحه ونصره ونوره وبركته وهُداه، وأعوذ بك من شرِّ ما فيه وشرِّ ما بعده»

Sideedaba haddaan Muslim nahay barakada ayuu wakhtigu wax inoogu taraa !**

Jannada sare raadso!.

1
Qofka Muslimka ahi waa qof han sare leh, sida diintu inna fartayna qofka hankiisu waa in aanu meel hoose noqon.
Halka u sarraysa ee qof Muslim ah hiigsadaa waa jannada, Jannadana waxa u sarraysa Al Firdaws, waana halka uu Nebigu Scw innagula taliyay in aynu ku ducaysanno.

2
Nebi Muxammad Scw waxa shaki la’aan ah inuu Jannada ka gelayo halka ugu sarraysa, qofka hanka sare lehna waa ka hiigsanaya inuu ka ag dhawaado Suubbanaheennii Muxammad Scw, in aad ka ag dhawaatana waxa kaa xiga inaad salligiisa badiso.
Waxa ka sugan Nebi Muxammad Scw inuu yidhi: “Dadka iigu dhow maalinta qiyaame waa kuwa iigu salli badan”.

Caawa waa Jimce, carrabkaagu yaanu ka daalin Salliga Nebiga Scw
‎اَللَّهُمَّ صَلِّ وَسَلِّمْ عَلَى نَبِيِّنَا مُحَمَّدٍ

Jidka jannada ha waydaaran.

jannadu waa higsiga iyo himilada qof kasta oo Muslim ah. Dhammaan wanaagyada aynu adduunka samaynayno ujeedka u danbeeyaa waa in qofka Muslimka ahi janno ku helo naartana kaga badbaado.

Waxa ka sugan Nebi Muxammad Scw inuu yidhi “Qofka agtiisa la igu soo qaado ee ogaan salligayga u dhaafa ama u waydaartaa waxa uu waydaartay jidkii Jannada”

Caawa waa Jimce, habeenka Jimcaha iyo maalinta Jimce shaqada u badan ee Nebi Muxammad Scw inna faray waa in aynu ku sallino, salligiisana badinno sababta oo ah waa loo bandhigaa oo waa la gaadhsiiyaa. Kolkaa badi salliga Nebiga Scw oo carrabkaaga ha ka qoyanaado.
Ilaahay jidka jannada innama waydaariyo.

Jimce barkhadeed.

**Shaqada Jimcaha.

Shaqada ugu mudan ee maalinta Jimcaha ee qiimaha badan la qabto Suubbanaha ayaa innoo caddeeyey oo waa in Salligiisa la badiyo oo carrabka lagu hayo.

Gaar ahaan Salliga Ibraahiimiyada ee aynu Attaxiyaadka ku akhrino. Barako badan ayay leedahay oo qofka ku dikriyaa uu dareemayo

اللهم صل على محمد وعلى آل محمد كما صليت على ابراهيم وعلى آل ابراهيم انك حميد مجيد. وبارك على محمد وعلى آل محمد كما باركت على ابراهيم وعلى آل ابراهيم انك حميد مجيد**