تحياتي
أنا مضر خيربك خريج من جامعة تشرين و حاليا مقيم بقسم الأشعة بالمشفى الوطني باللاذقية.

قدمت فحص ستيب ٢ و الحمدلله جبت العلامة اللي كان بدي ياها

بس حبيت ضيف تجربة لانو استفدت كتير من تجارب الزملاء و انا عم حضر فحصي

مقارنة بالستيب ١ انا شفت الستيب ١ أصعب بكتير ولكن الستيب ٢ بوتّر اكتر لانو ما بيخلص و بحر الاسئلة اللي ممكن تجي هائل جدا جدا جدا
لهيك هدفي خلال التحضير كان اني حل اسئلة فقط بدون اي شي تاني.

طبعا اكيد بدون اي شك الستيب ١ قبل ال٢ بسهّل العملية كتير.

لما بلشت كان بدي تحضيري يكون
less is more
مصادر قليلة بس اهتم فيا منيح لانو تعلمت انو كترة المصادر ما بتساعدني ابدا ، كل شخص بيرتاح بطريقة معينة بالدراسة.

مدة التحضير : ٥ أشهر

المصادر اللي استخدمتا : يورلد - امبوس - nbme
ما استخدمت اي كتب او فيديوهات او انكي او ديفاين.
———————————-
اللي عملتو باختصار

-يورلد مرة وحدة كانت نسبة الصح 72%

-اخطاء يورلد مرة وحدة نسبة الصح كانت 50-70%

-كل أسئلة أمبوس مستوى ٢-٣-٤ ما حليت اسئلة مستوى ١-٥ ،نسبة الصح كانت 78%

-كلشي بقسم High Yield Exam Prep ب أمبوس study plans ( برأيي هدول ال٥٠٠-٦٠٠ سؤال مهمين جدا و بوقت قريب من الفحص ، قبل اسبوع مثلا )

-مكتبة أمبوس و أمبوس بشكل عام رائعين جدا و بنصح فين كتير، ولو انو في اسئلة فزلكة احيانا بس كنت حس وقتي عليه مفيد اكتر من اي شي تاني

-حليت الإحصاء و ال ethics و ال quality improvement مرتين من امبوس و مرتين من يورلد.

-حليت كم cms بس كيف ما كان بصراحة ما فيني اعطي رأيي فين .

-فحوصات التقييم كلا كانت بال250، ما عدا :
Uwsa 3 : 240 ما بنصح فيه
Nbme 14 : 243 بنصح فيه كتير

Old new free 120 : 81% مهم جدا
New free 120 : 86% مهم جدا

-حليت الnbmes مرتين تقريبا .

Amboss predicted: 252 (243-261)
———————————-

الفحص برايي عادي في شغلات صعبة في شغلات سهلة في شغلات وسط ، بيشبه الفري ١٢٠ و الnbmes الجداد ١٣-١٤

الوقت ما كان مشكلة، انا ما بحط مارك عالاسئلة بشكل عام لانو لما برجع بقرا السؤال برجع بفكر نفس التفكير و بوصل لنفس الجواب ، فكنت استغل الوقت الزايد بالبلوكات باني استريح .

في كمية معتبرة من الethics و الqi بظن هدول ساعدوني ارفع علامتي لاني حليتن كتير.

الفرق بين علامتي الحقيقية و المتوقعة بتوقع هو شغلتين :
1 ما غيرت ولا خيار بكل الفحص اول شغلة خطرت ببالي حطيتا و ما بقا غيرتا.
2 بالفحص كنت هادئ جدا ، بفحوصات التقييم كنت متوتر دائما

بالنهاية برايي العلامة الكويسة بالستيب ٢ بتعتمد ع فهم الشخص لنفسو و شو بفيدو و شو ما بفيدو ، ما في قالب محدد لذلك الواحد لازم يكون مرن و واعي .

نصيحة بتمنى الزملاء اللي رح يقدموه يفهموا بكير خلال التحضير : ما حدا يحاول "يخلّص" الستيب ٢ لانو ما بيخلص، الهدف انو الواحد يكون روبوت بحل الأسئلة.

نشالله الكل بجيب العلامة اللي بيتمناها. بالتوفيق.

تجربة ستيب 2 للدكتور مضر خير بيك
خريج جامعة تشرين

الف مبروك للدكتور مضر و منتمناله دوام التفوق و النجاح

تجربة OET للدكتور حسام حلاق

خريج جامعة حلب

الف مبروك للدكتور حسام و منتمناله دوام التفوق و النجاح

السلام عليكم

تجربة "OET" مع ECFMG pathway 1

حبيت أحكي لحتى نزيد بنك التجارب لهالقصتين.

بالنسبة للOET
امتحاني كان ب 1st of June
بلشت دراسة فعلية قبل 8 أيام
مدة الدراسة ساعتين باليوم.

اول شي تجربة إسراء جدا مفيدة شوفوها:

https://t.me/Usmle_Syria/522

Listening:
العلامة: 360
متوقع أكتر من هيك بكتير وتفاجأت فيا.

المصادر: حليت 6 نماذج من ملف جاشمان فقط.
مع شوية practice للقسم A من benchmark.

القسم بالنسبة لالي كان الاصعب بالتحضير(بس الأسهل كمهارة) لأنو لازم تكتب وتسمع وتقرأ سوا فهاد شي شوي بدو تدريب.

وبالامتحان فكرت انو بجيب فوق 450 لكن الواضح انو الاسئلة شوي tricky

انتبهو ع موضوع انو ال spelling mistakes بالبارت A عم يحاسبو عليهن.(واتوقع هاد سبب العلامة).

Reading:
العلامة: 400
القسم سهل بس طويل وبدو نفَس
عملت 3 practices من ملف جاشمان

Speaking:
العلامة: 390
توقعت أقل لانو صار شوية hesitation بالمحادثة بس بعتقد لانو مشيت منيح عل criteria مشي الحال.
Criteria بتشوفهن ع موقع ال oet.

وكمان حضرت فيديوهات نضال عاليوتيوب جدا فادوني(شوفو بس أول 5 فيديوهات)
وتدربت مع صديقي بالسكن مرتين قبل الامتحان.

في ملف اسمو future lands فيو cards كتير ممكن تتدربو عليهن والملف فيو شغلات مفيدة.

Writing:
العلامة: 350
القسم كنت مالي اكل همو بنوب بالبداية

بس الي اجاني بالفحص كان جدا غريب
Referral from specialist to specialist.
ماكنت متدرب عليها.
وتوقعت أرسب بهالقسم لانو كتبت ٢٨٠ كلمة(وهاد دليل انو مابحسابو ع عدد الكلمات لكن الأفضل يكون تحت ٢٠٠) ومالحقت أراجع اللتر. توقعت أعيد الامتحان بسببو بس الحمد لله.

التدريب كان مع دكتور مصري اسمو هشام دلني عليه صديقي بشر شامي
حبيت اسلوبو
بيعملك 5 letters ب 40 $ واستفدت منو جدا
احكو معو حباب وكتير أكابر
هي رقمو
+201062365271

عملت اشتراك مع oet online بس ما بنصح فيون ابدا
اولا بتأخروا كتير (ممكن اكتر من يومين)
تانيا التقييم تبعن كان تقييم لغة وقواعد(الي بقدر أجيبو من chat gpt) فما بنصح فيون.

الامتحان سهل الى متوسط
أسهل جدا من التوفل
وعملتو ب برومترك بوسطن.

برأيي 10 ايام بمعدل ساعتين باليوم مع حدا يصلحلك ال letters تبعك
Would be more than enough.

بتمنى من الكل ينزل تجاربو بهاد الامتحان وب step3
انا جدا استفدت من تجربة الشباب اسراء وبشر وطارق ويزن
والشكر للشباب جميعا عالتجارب هي الي عم تخلي الطريق أوضح وأسهل يوم عن يوم.

تجربة الباثواي 1:

✅طلبت من النقابة تبعت حسن السيرة والسلوك من اسبوع ل ecfmg.
✅علامة ال oet طلعت ب 14 June
وقدمت عالباثواي وقت الي طلعت.

من شوي اجاني ايميل انو الباثواي approved.✅

بنصح الجميع يقدمو عهاد الباثواي
حسيتو أقل لبكة ومارح يكلفك كتير وقت.

Telegram

Syrian USMLE Experiences

تجربة OET للدكتورة إسراء المناجرة طبيبة سورية متخرجة من مصر ألف مبروك للدكتورة إسراء، و منتمنالها دوام التفوق و النجاح بالتوفيق للجميع

تجربة OET + pathway 1 للدكتور أحمد ناولو خريج جامعة حلب

الف مبروك للدكتور أحمد و منتمناله دوام التفوق و النجاح

تجربة OET للدكتور الحلبي بشر شامي
خريج جامعة حلب العريقة

الف مبروك للدكتور بشر و منتمناله دوام التفوق و النجاح

ببعض الاسئلة الطويلة كانوا عم يركزوا انو يضيعوك بالتفاصيل فانتبه .....
الاسئلة نمطها كتييير شبيه لل new free 120 (بس اصعب) و معلوماتو كمان مهمة بتذكر اجاني افكار منو بالفحص
حتى صور ال nbmes اجاني منها
رغم انو كانت الاسئلة صعبة و طويلة ما حسيت انو كان في اسئلة تجريبية الا نسبة قليلة
اذا ما كانت معلوماتك ممكنة فانت رح تفرش بالامتحان
نصيحة تكون مدرب حالك منيح كتييير على الحل و الضغط تبع الامتحان و تاخد استراحات نظامية و انت عم تعمل الاسسمنتس
بعد البلوك التالت مليت من طول الاسئلة و مليت من الامتحان و ما عاد ركزت منيح و صرت اجبر حالي ركز
الاستراحات :
حوالي 6 دقايق بعد كل بلوك و قبل اخر تنين كل واحد ربع ساعة ( انتبه تترك وقت للتفتيش هوة ما بياخد الا شي بسيط )
اول بلوكين : بعد كل بلوك كنت اطلع اشرب شوية مي و شفة قهوة و نتشة بروتين بار و فوت عالحمام و ارجع و هيك تمضى 6 دقايق
حسيت البروتين ما ناسبني و صارت ترتفع حرارتي و انا عم احل تدايقت و طلبت منهم ينزلو حرارة القاعة
كنت جايب معي جوز كمان فبعد باقي البلوكات اكلت جوز بدل البروتين مع شفت قهوة و شوية مي و كنت دائما فوت عالحمام
نصحية لا تجربوا شي مالكم مجربينوا قبل الامتحان ( بحالتي البروتين )
نصائح عامة : 1_Bnb دهب نصيحة لا تضيعوا من ايديك
انا ندمان لانو ما قدرت استفاد منو
2_دروس فيديوهات قسم معين دراسة active و فهام و حفاظ و حل اسئلة هاد القسم مباشرة و لا تأجلها
3_لا تخلي يوم يروح الا و تحل فيو اسئلة ...اذا ما حليت اسئلة كأنك ما درست
4_ لا تستعجل بحيث انك تعمل سكيب لمعلومات مشان تمشي اسرع ...عطي كلشي حقو
5_مكتبة امبوس جدا مفيدة و بتخليك توصل لاي معلومة بدك ياها بثواني و هية للقراءة المركزة مو للحفظ لانو كتير ضخمة حاول تستفيد منها قد ما بتقدر
6_ لا تستهين بالستيب لانو نجاح او رسوب..... اذا مالك ممكن معلوماتك رح تفرش بالامتحان
7_ الجميع بالبداية بيتعذب باللغة الطبية هاد شي طبيعي
بس اذا لغتك الانكليزية ضعيفة بلش اشتغل عليها مع دراستك و برأيي بالبداية افضل شي هوة المعهد
8_الطريق طويل و صعب و رح يجي عليك لحظات تقول يا ريتني ما فتت هالفوتة بس بالنهاية فرحة النجاح رح تنسيك كل التعب
9_ حاول تلاقي شريك تدرس انت ويا اذا قدرت و خلي جزء من وقتك لتتسلى و تعمل شي بتحبو
10_ رتب اولوياتك و ركز على اهدافك اذا هدفك الستيب فبنصحك توقف دراسة للجامعة و تهملها و لا تضيع وقت عليها ابدا الا الضروري الضروري .... انا كل معلوماتي اخدتا من الستيب
اذا بدك تمشي التنين سوا فانت غالبا ما رح تحصل التنين
او انو رح تاخد منك سنين لتوصل لهدفك
11_لازم تكون دراستك الاولى مركزة و كأنك رح تقدم امتحان بعد اسبوع ... حط ببالك كل شي ما درستو منيح رح تلاقيه عقبة قدامك بعدين
12_ نصحية لا تاخد نوتس ابداا الا اذا شغلات كتيير قصيرة او شغلات انت عاملها mnemonics
اذا بدك في عالم كاتبة ملاحظات جاهزة لكل المواد اذا حابب تراجع و منظمة كمان .....انا كتبت حوالي ٤ آلاف صفحة كانت عبارة عن سكرينات من اليوورلد و ما راجعت منن شي
13_ اخر شهر لازم فقط تحل اسئلة اذا في شغلات بدك تراجعها راجعها قبل هالفترة
14_ فترات التحضير اللي ذكرتا فوق هية بتشمل كمان العطل اللي اخدتا و الايام اللي ما درست فيها لانو هدول جزء من مدة التحضير كمان ...
بالنهاية بدي اشكر الدكتور محمد الخباز كان معي بأصعب اللحظات و ساعدني كتيير من البداية للنهاية و لولاه من بعد رب العالمين ما كنت قدمت ستيب و الدكاترة منار الجاويش و محمد شيخ نجيب اللي هونوا علي الطريق و دعموني و عطوني امل كبير و ما بخلوا علي بأيا معلومة ....و الدكاترة عمر هردوف و عمر الحمصي اللي دعموني بالفترة الاخيرة و القائمين على هي القناة و كل حدا استفدت منو بأيا معلومة.
و اذا حدا عندو اي استفسار انا جاهز ......

و درست
Sketchy for pharma
صراحة هاد كتييير كبير و كل ما بتشوف فيديو بتنسى اللي قبلو و ما قدرت ابدا مكنو عندي الا لما حطيتو على anki و صراحة كان رهيب يعني قدرت ثبتو بشكل كتير منيح .....
استعملت anki بس ل sketchy pharma and micro
و بعدا قررت اني بلش امبوس من الصفر و اعمل
1_2_3 hammers
عملتن random صرت دور دائما عالمعلومات اللي ما بعرفها عاليوتيوب ( قناة dirty medicine و غيرها )و على غوغل و فرقت معي
كمان درست randy neil للاحصاء كان خاارق و كم فيديو للفارما
المهم انو تفهم و تحفظ بنفس الوقت الفهم ما بكفي لحالو و الحفظ ما بكفي لحالو
احدى الشغلات اللي انغشيت فيها من البداية هية انو اغلب الناس كانت تقول انو الستيب مو متل الجامعة ما بدو حفظ
و هوة صراحة بدو حفظ بشكل كبير و ماكن بس بدون فهم حفظك عالفاضي
اخدت بعدا
Nbme 19 : 200
Nbme 21 : 207
ما رضيت افوت على يوورلد قبل ما يكون عندي اساس و انا اخدت ٩٠ ٪ من الاساس من امبوس
هون اشتريت uworld
و ضليت عنفس طريقة الدراسة
Nbme 22 : 205
Nbme 23: 205
هون كنت مخلص حوالي 35% من uworld
فمن غير المنطقي انو يضل السكور نفسو او حتى ينزل
اكيد في غلط بطريقة الدراسة
و الغلط كان اسلوب الحل !
اسلوب حل الاسئلة بيلعب بشكل رهيب بسكورك و لو كان عندك كل المعلومات لحل السؤال اذا ما عرفت تتعامل معو منيح فإنت رح تحل السؤال غلط
ضروري جدا تتدرب بشكل مبكر على حل الاسئلة و تعتمد نمط معين بالحل
و انا بنصح ايا حدا جديد عالدراسة انو يحل كل فترة كم سؤال مع حدا ذو خبرة و لو لمدة ساعة كتييير رح تفرق معك
انا كنت ركز على key words بالسؤال و كنت بداية اقرا اخر السؤال و احاول حل على اساسو و هاد الشي غلط كبير
ممكن اذا قريت اخر السؤال توفر على حالك شوية وقت بانك بس تعرف شو طالب بالسؤال بس لازم يكون اعتمادك بشكل اساسي على السؤال من اول كلمة لاخر كلمة و تفهم كل عرض ليش صار و تفسر كلشي بتقدر عليه و رح تفرق معك كتير
و ضروري و انت عم تحل اسسمنت تصنف اغلاطك ليش عم تغلط فيها
قسم كبير من اغلاطي كانت سخيفة و بعرفا و كان هاد الشي زاعجني و ما قدرت قللهم بشكل كبير لانو بس كنت اغلط بدايةً اقول اكيد ما رح اغلط هيك بالامتحان بس انت حرفيا رح تغلطهم بالامتحان لهيك درب حالك كتير منيح و لا تستهين فيهم
Nbme 25: 72% (212) 87 days out
Nbme 27:77% (224) 73 days out
Uwsa1 : (233) 61 days out
Old free 120 : 86% 47 days out
Nbme 26: 80% (231) 34 days out
Nbme 28 : 80% ( 232) 29 days out
Nbme 29 : 78 % ( 227) 23 days out نزل غالبا لانو ما كنت نايم منيح
Nbme 30 : 80 % (231 ) 19 days out
Nbme 31: 80% 14 days out
New free 120 : 82% 8 days out
اخر اسبوع ما كان في شي ادرسو
جهزت حالي للسفر و كنت كل يوم حل بلوك من اسسمنت عاملو من زمان (25) بس كتدريب مشان مهارة حل الاسئلة تضل معي اخطائي فيهم كانت كتير قليلة فما ياخد مع المراجعة الا شغلة ساعة و نص ساعتين
و من كتر ما حكوا على ملف HY arrows تبع مهلمان قررت ادرسو ... كان تدريب شوي و براجع معلومات بس مالو هالملف الخارق متل ما بيحكوا يعني مالو ضروري انا درستو لانو كان معي وقت فاضي
السفر :
سافرت قبل امتحاني ب ٣ ايام
يوم مشان الطريق و يومين بريح فيهم و باخد عالجو
كنت حل فيهم بلوك مشان مهارة الحل ساعة زمان الصبح و بعدا اطلع ما ارجع لوقت النوم
قبل الامتحان بيوم شفت فلم كوميدي نساني انو عندي امتحان بكرا و بعدا طلعت و صرت امشي كتير مشان نام منيح ... المهم رجعت عالبيت عم اعرج من كتر ما مشيت ?
بس الحمدلله قدرت نام ٨ ساعات متواصلة و ما قلقت ابداا
يوم الامتحان :
فقت خمسة و نص جهزت حالي اكلت بيضتين مسلوقين و شقفة خبزة صغيرة و نص فنجان قهوة و شوية جوز
امتحاني كان ٨ وصلت عالمركز سبعة و ربع مفكر حالي جاي بكير طلعت جاي اخر واحد ?
المركز هادي جدا و الامور رواق
فتت عالامتحان و انا عرفان اني رح انصدم
اول بلوكين كانو صعبين بس كان طولهم مقبول الاسئلة الطويلة كتير كانت 5 او 6 بكل بلوك رغم هيك ما اتدايقت و كنت اطلع منهم متطمن نوعا ما
بعدا صارت الاسئلة الاصعب و الاطول تزيد بلوك بعد بلوك و اجاني اسئلة 20 و 30 سطر و ما كانو قلال بس الحمدلله لحق على اخر ثانية
اخر بلوكين كان يزيد معي 10 دقايق لاخر 10 اسئلة و تكون طويلة كتير اغلبها
صح انو طويلة الاسئلة و لكن بجزء كبير منها اذا قدرت تقرا السؤال بشكل منهجي و تقرا كل كلمة و تركز على الشغلات اللي بتهمك بتحلو صح و بكفيك الوقت بس بدك تكون مدرب حالك بشكل كتير منيح قبل الامتحان

السلام عليكم ورحمه الله وبركاته
اسمي يمان السكري طالب سنة خامسة بجامعة دمشق
بفضل رب العالمين نجحت بالستيب ون و حابب شارك تجربتي
مدة التحضير حوالي سنة و ٣ أشهر (لولا اغلاطي بالبداية كانت اقل من هيك )
بدايةً الهدف من اي تجربة بتقراها هية انو تحاول ما توقع بنفس اغلاط صاحب التجربة و تستفيد من طريقة دراستو اذا ناسبتك و انا غلطت كتيير خصوصا بالبداية لهيك رح اذكر كل اغلاطي و رح طول شوي
فكرة الستيب بلشت معي بس شفت طلاب عم تقدم بشكل مبكر و صرت أسأل انو شو هوة هاد الستيب؟؟
صرت شوف شو المصادر الموجودة سواءً سكيتشي ,bnb ....
لغتي الانكليزية بشكل عام كانت بالاراضي ، لهيك كل ما اجي لبلش افتح فيديو bnb و ما افهم شي منو فأرتعب و اسكرو و اسكر على فكرة الستيب
بعدين تدريجياً صرت شوف سكيتشي بما انو ممتع نوعا ما
و افتح امبوس لحل micro للسكيتشي اللي درستو
طبعا نفس الشي هون كنت هجي السؤال تهجاية و ما افهم الا كم key words و اعتمد عليهم و اوهم نفسي انو اموري تمام ....
هي الفترة كانت قصيرة و ما كنت أدرس بشكل روتيني و يومي كانت تدق براسي ادرس كم ساعة بالاسبوع و سكر عالفكرة و بعدا ارجع افتح و هكذا ......
الغرض من اني ذكرت هاد الشي انو اتوقع في كتير طلاب هيك بتبلش عندا فكرة الستيب و بتتحمس و عند اول عقبة بتنسا الفكرة ولا كانو كانت....
✓اول فترة حوالي ٦ أشهر ( الفعلية ٤ اشهر) ( الفائدة قليلة جدا نسبياً)
قررت انو بلش بشكل جدي و اتغلب على كلشي عقبات بواجها و اللي كانت اللغة بشكل اساسي
قررت اعتمد المصادر التالية:
Amboss
Bnb
Sketchy for micro and pharma
الخطة كانت انو شوف فيديو bnb لقسم معين و معو حل كمية معينة من الاسئلة و هية ٥ ل ١٠ اسئلة يوميا
التزمت بهاد الشي لحوالي شهر تقريبا
كنت واجه نفس مشاكل اللغة اللي كانت من قبل لانو انا متل ما انا ما تغير شي
بس اللي فرق انو حطيت Google translate قدامي و كمان ابحث على غوغل شوف شو شرح الكلمة بالانكلش و كان في قاموس طبي ابحث فيو عن ترجمة المصطلح
طبعا من هاد الحكي لك ان تتخيل قديش كنت ماشي بطيء رغم انو كنت عم اعطي وقت و جهد
و هاد الشي طبيعي للجميع بالبداية خاصة اذا لغتك الانكليزية العامة سيئة
لازم تترجم كل كلمة و ما تستعجل ابدا ابدا
للاسف انا ما قبلت بهاد الشي و صار بدي اختصر وقت و ما تحملت انو امشي بطيء ( لقدام هي الغلطة كلفتني كتيير)
صرت اشوف فيديوهات bnb بشكل passive و بطلت حل ولا سؤال و حتى اتجاهل ترجمة بعض المصطلحات و الكلمات و صار الموضوع سباق
كنت حط الفيديو ×1.5 و اتجاهل المعلومات اللي عم تروح علي و اقول لحالي بكرا وقت حل اسئلة بيزبط كلشي (طبعا كنت عم اضحك على حالي!!)
و بهي الفترة بلشت اقطع كمان يعني بالغالب كنت ادرس نص الاسبوع و اقطع الباقي و ارد ارجع بلش مرة تانية بالاسبوع اللي بعدو
احيانا حل كم سؤال بأمبوس و بالغالب اتجاهل او احلو بدون ما اقرا الشرح بناءً عال key words و هاد اكبر غلط طبعا
و شوف sketchy وقت ما يكون على بالي اعمل شي
و ضليت ماشي على هاد الأساس لحتى اخيرا خلصت سباق ال bnb و شفتو كلو
و بعدا ضليت شي شهر احل امبوس بس مشان درب حالي و اخد اسسمنت و بلش uworld
و تدريبي عالاسئلة كان بيعتمد بشكل اساسي على key words معينة و اصلا و انا عم حل ما افهم شو عم يصير يعني افهم انو في مرض اسمو X بس شو اعراضو ؟ كيف بتفرقو عن غيرو ؟ شو آلية المرض؟ هاد كلو ما بعرفو
اخدت بعدها
nbme 18 : 45% (148)
هون كانت الصدمة الكبرى و بلشت حس انو كنت عم العب و انو كلشي وقت عطيتو بسبب اسلوبي السيء بالدراسة راح عالفاضي
و بعدها اجتني ظروف و قطعت دراسة شهرين!!
يعني اذا كان عندي شويت معلومات فهي راحت و طارت بلا عودة
✓بداية تانية ٩ أشهر :
قلت خربانة و خربانة خليني احل شهر امبوس كمان لكل شي
و بعدا باخد اسسمنت بركي بنجح و بفوت uworld
و بعد شهر من هالحكي اخدت
nbme 20 : 45% (167)
(حتى جزء منيح من الاسئلة اللي حليتا صح كانت صدفة و شلف غير مبني على اساس علمي )
هون تجمدت و ما عرف شو بدي اعمل
يعني معقول كلشي وقت صرفتو يروح عالفاضي؟؟
اي اذا عم تصرف وقت بدون طريقة صح و فهم و حفظ جيدين فكل شي عالفاضي
بهي المرحلة كان يا اما بدي الغي فكرة الستيب كاملة او انو ارجع و ابدأ من جديد
و اخترت انو بلش من جديد
بداية حددت اضعف المواد عندي ( طبعا كلو ضعيف بس عم احكي على اسوأ شي )
و كانو pharma و biochemistry و immunology
درست
pixorize for immunology and biochemistry
و عملتلن pdf اخدت منن صور الفيديوهات و سجلت الشغلات الهامة اللي كانت تنحكى و كنت كل فترة اعملن مراجعة سريعة