Суд «Док-1 Макс» иши бўйича ҳукмни ўзгаришсиз қолдирди
Апелляция суди «Док-1 Макс» иши бўйича ҳукмни ўзгаришсиз қолдирди. Фармацевтика агентлигининг судланган собиқ раҳбарининг онаси томонидан тўланган 2,5 млрд сўм пул жабрланувчилар ўртасида тақсимланади.

Жиноят ишлари бўйича Тошкент шаҳри судининг 3 июль куни бўлиб ўтган апелляция инстанцияси мажлисида Ҳиндистоннинг Marion Biotech компаниясининг «Док-1 Макс» сиропи бўйича биринчи инстанция ҳукмини ўзгаришсиз қолдирди, деб ёзмоқда «Дарё». Суд мажлисида 7 нафар судланувчининг шикояти қаноатлантирилмади.

Нашрнинг ёзишича, Фармацевтика тармоғини ривожлантириш агентлигининг судланган собиқ директори Сардор Кариевнинг онаси Мунира Кариева томонидан тўланган 2,5 миллиард сўм пул ҳалок бўлганларнинг вакиллари ва жабрланувчи болалар ўртасида тенг тақсимланади.

26 февраль куни суд Сардор Кариевни 18 йилга, унинг ўринбосарларини 16 йилга, Ҳиндистон фуқароси бўлган Quramax дори-дармон импорт компаниясининг собиқ директорини 20 йилга озодликдан маҳрум қилганди.

Суд судланувчилардан «Док-1 Макс» ва «Амбронол» препаратларидан заҳарланиб, ҳалок бўлган 68 нафар ва жабрланган 16 нафар боланинг оилаларига 75,6 миллиард сўм маънавий зарар ундиришни белгилаганди. Бундан ташқари, суд Quramax томонидан мансабдор шахсларга берилган пора миқдорини давлат фойдасига ундиришга қарор қилган.

Жиноят ишлари бўйича Тошкент шаҳри суди 2023 йил августидан Ўзбекистонда Marion Biotech дори воситалари, жумладан, «Док-1 Макс» сиропини истеъмол қилган камида 68 нафар боланинг ўлими билан боғлиқ жиноят ишини кўриб чиқишни бошлаганди. Судда 23 киши (18 эркак ва 5 аёл) иштирок этди.

Манба: gazeta.uz

Kanalimiz?****@Doctors_Uzbekistan

Қуёшда қолган пластик сув идишлари саратонга олиб келиши мумкин – тадқиқот

Қуёшда қолган 6 турдаги пластик сув идишлари Жинан университетининг Гуангдонг лабораторияси томонидан ўрганиб чиқилди.

Уларнинг барчасидан ултрабинафша нурланиши ва иссиқлик таъсирида чиқадиган алкан, алкен, спирт, алдегид, кислота ва канцерогенлар каби зарарли кимёвий моддалар топилган.

Тадқиқотда ултрабинафша ва қуёш нурланишида чиқариладиган моддаларнинг турлари ва зарарлари чуқур ўрганилган. Лабораториянинг етакчи тадқиқотчиси Доктор Ҳуасе Оунинг таъкидлашича, бундай идишлардан тез-тез фойдаланиш хавфли ўсмаларга олиб келиши мумкин. “Тадқиқотимиз пластик сув идишлари қуёш нури таъсирида соғлиқ учун хавф туғдирувчи заҳарли бирикмаларни чиқариши ҳақида ишончли далиллар беради. Истеъмолчилар бу хавфлардан хабардор бўлишлари керак”, – деди у.

Тадқиқотчилар ичимлик сув хавфсизлигини кафолатлаш учун сақлаш шароитларини жиддий назоратга олиш ва инсон саломатлигига зарар етказмайдиган материаллар устида ишлаш кераклигини тавсия қиляпти.

Манба: yuz.uz

Kanalimiz?****@Doctors_Uzbekistan

Янги тизим: Тиббиёт ва фармацевтика ходимларини аттестациядан ўтказишда қандай ўзгаришлар бор?

Ўзбекистонда замонавий ахборот технологияларини жорий қилиш орқали тиббиёт ва фармацевтика ходимларини аттестациядан ўтказиш ва уларга малака тоифалари бериш борасида мутлақо янги шаффоф ва адолатли тизим яратилган.

27 июн куни Соғлиқни сақлаш вазирлигининг “Тиббиёт ва фармацевтика ходимларининг малакасини баҳолаш жараёнларини самарали ташкил қилиш чора-тадбирлари тўғрисида”ги буйруғи қабул қилинди.

Ушбу ҳужжат билан қандай вазифаларни амалга ошириш белгилангани ҳақида Тиббиёт ва фармацевтика ходимларининг малакасини баҳолаш маркази директори Санжар Шарипов батафсил гапириб берди:

— Буйруққа асосан, Ягона интерактив давлат хизматлари портали (my.gov.uz) орқали давлат хизматларини кўрсатишнинг ҳар бир босқичида мурожаатлар кўриб чиқилишини тўғридан тўғри кузатиб бориш тартиби такомиллаштириб борилиши белгиланди. Имтиҳон саволлари базаси соҳадаги ўзгаришларга кўра, ҳар йили 1 сентябрга қадар мунтазам равишда янгилаб борилади.

Шу билан бирга, Санитария-эпидемиологик осойишталик ва жамоат саломатлиги қўмитаси, олий тиббий таълим муассасалари, Тиббиёт ходимларининг касбий малакасини ривожлантириш маркази, Республика ихтисослаштирилган илмий ҳамда илмий-амалий тиббиёт марказлари ва илмий-тадқиқот институтлари раҳбарлари, Қорақалпоғистон Республикаси соғлиқни сақлаш вазири, Тошкент шаҳар ва вилоятлар соғлиқни сақлаш бошқармалари бошлиқларига қуйидаги вазифалар юклатилди:

- тасарруфидаги даволаш-профилактика муассасаларида фаолият юритаётган шифокор ва фармацевтларни амалдаги малака тоифасининг муддати тугашидан олти ой олдин навбатдаги мажбурий аттестациядан ўтиши лозимлиги тўғрисида ёзма равишда хабардор қилиш;

- тиббиёт ва фармацевтика ходимларини аттестациядан ўтказиш тартиби билан таништирилиши ҳамда аттестациядан ўтиш учун ҳужжат топшириш бошлангунга қадар уларнинг малака оширишини ташкил этиш;

- тиббиёт ва фармацевтика ходимларини аттестациядан ўтиши учун ҳужжатларини тайёрлаши ва ўз вақтида топширишига зарурий шарт-шароитлар яратиб бериш;

- тиббиёт ва фармацевтика ходимларини ўз вақтида аттестациядан ўтишини таъминлаш мақсадида малака тоифасига эга бўлган ва бўлмаган мутахассисларнинг доимий мониторингини юритиш;

- малака тоифасига эга бўлган ва бўлмаган тиббиёт ҳамда фармацевтика ходимлари тўғрисидаги маълумотларнинг йиллик таҳлилий жадвалини ўрнатилган тартибда кейинги йилнинг 1 февралига қадар Тиббиёт ва фармацевтика ходимларининг малакасини баҳолаш марказига топширилишини таъминлаш.

«Янги тизимнинг асосий афзалликларидан бири шундаки, эндиликда тиббиёт ва фармацевтика ходимларининг ҳужжат топшириш ҳамда аттестациядан ўтиш учун ортиқча вақт ва маблағ сарфлаб пойтахтга келишига барҳам берилди. Ҳужжат топшириш ва имтиҳондан ўтиш жараёнида инсон омили аралашувини минималлаштириш орқали коррупция хавфи ва элементлари бартараф этилди.

Шунга кўра, Соғлиқни сақлаш вазирлиги тизимнинг барча бўғинидаги муассаса раҳбарлари бу ҳақда доимий равишда тарғибот-ташвиқот ва тушунтириш ишларини олиб бориши лозимлиги ҳамда барча турдаги фирибгарлик ҳолатларини олдини олиш бўйича тегишли чоралар кўриши белгиланди.

Марказ ҳузуридаги малака тоифасини бериш бўйича ихтисослаштирилган аттестация комиссиялари раислари ва аъзолари аттестацияларнинг ўз вақтида ҳамда белгиланган талаблар асосида адолатли ва шаффоф ўтказилишида шахсан жавобгар этиб белгиланди.

Бу саъй-ҳаракатларнинг барчаси етук ва чуқур билимга эга, халқаро майдонда рақобатбардош кадрлар тайёрлашга хизмат қилади», дейилади ССВ матбуот хизмати хабарида.

Манба: kun.uz

Kanalimiz?****@Doctors_Uzbekistan

Ўзбекистон ҳудудида ЙТҲда жабрланган шахсларга ягона биринчи тиббий ёрдам кўрсатиш тартиби жорий этилади
ЙТҲда жабрланган шахсларга ҳодиса юз берган жойнинг ўзида тиббиёт ходимлари етиб келгунига қадар бирламчи шошилинч ёрдам кўрсатиш тартиби тасдиқланмоқда.

Соғлиқни сақлаш вазирлигининг «Йўл-транспорт ҳодисаларида жабрланган шахсларга бирламчи шошилинч ёрдам кўрсатилишини ташкил этиш тартиби тўғрисида»ги буйруғи лойиҳаси эълон қилинди.

Йўл-транспорт ҳодисаларида жабрланган шахсларга кўрсатиладиган тиббий ёрдам ҳодиса юз берган жойнинг ўзида тиббиёт ходимлари етиб келгунига қадар бирламчи шошилинч ёрдам (биринчи тиббий ёрдам) кўрсатиш тартиби тасдиқланмоқда.

Ушбу буйруқ тасдиқлангандан сўнг Ўзбекистон ҳудудида йўл-транспорт ҳодисаларида жабрланган шахсларга ягона биринчи тиббий ёрдам кўрсатиш тартиби жорий этилади.

Буйруқ лойиҳасига илова қилинган «Йўл транспорт ҳодисаларида жабрланган шахсларга бирламчи шошилинч ёрдам кўрсатилишини ташкил этиш тартиби»да биринчи тиббий ёрдам кўрсатиладиган ҳолатлар ва ушбу ҳолатларда тиббий ёрдам кўрсатиш кетма-кетлиги кўрсатиб ўтилган.

Йўл-транспорт ҳодисаларида жабрланган шахсларга кўрсатиладиган тиббий ёрдам ҳодиса юз берган жойнинг ўзида тиббиёт ходимлари етиб келгунига қадар бирламчи шошилинч ёрдам (биринчи тиббий ёрдам) кўрсатишдан, шунингдек йўл-транспорт ҳодисаси содир бўлган жойда, даволаш-профилактика муассасасига олиб борилаётганда ва даволаш-профилактика муассасасида малакали тиббий ёрдам кўрсатишдан иборат.

Бирламчи шошилинч ёрдам воқеа жойида биринчи тиббий ёрдам кўрсатиш бўйича махсус тайёргарлигидан ўтган шахслар томонидан кўрсатилади. Бунда бирламчи шошилинч ёрдам кўрсатиш учун транспорт воситасининг салонида туриши шарт бўлган зарур тиббий ашёлардан фойдаланилади.

Биринчи тиббий ёрдам кўрсатиш бўйича махсус тайёргарликдан ўтган қуйидаги шахслар киради:

- ички ишлар ходимлари;
- ҳарбий хизматчилар;
- миллий гвардия ходимлари;
- фавқулодда вазиятлар вазирлигининг қутқарувчилари;
- автотранспорт ҳайдовчилик гувоҳномалари мавжуд шахслар.

Бирламчи шошилинч ёрдам кўрсатувчи шахс аввал ушбу ёрдамни кўрсатиш учун қуйидаги шароитларни баҳолайди:

- шахсий ҳаёти ёки соғлигига таҳдид қилувчи омилларни аниқлаш;
- ёрдам кўрсатиладиган шахс ҳаёти ёки соғлиғига таҳдид қилувчи омилларни аниқлаш;
- ҳаёт ёки соғлиққа таҳдид қилувчи омилларни бартараф этиш;
- жабрланган шахслар сонини аниқлаш;
- жабрланган шахс(лар)ни соғлиқ ва ҳаётга хавфсиз жойга кўчириш.

Бирламчи шошилинч ёрдам кўрсатувчи шахс жабрланганнинг ҳолатини қуйидаги мезонлар билан аниқлайди:

- ҳаётга хавф солувчи қон кетишини аниқлаш;
- ҳушида эканлигини аниқлаш;
- нафас олаётганини аниқлаш.

Манба: kun.uz

Kanalimiz?****@Doctors_Uzbekistan

УАШ учун педиатрия

Kanalimiz?****@Doctors_Uzbekistan

Tibbiyot muassasasi mansabdor shaxslari tomonidan qator qonunbuzilishi holatlariga yo‘l qo‘yilganligi aniqlandi

Korrupsiyaga qarshi kurashish agentligi va Sog‘liqni saqlash vazirligi tomonidan soqliqni saqlash tizimida “Korrupsiyasiz soha” loyihasi ijrosi yuzasidan Ibn Sino nomidagi 1-sonli Toshkent shahar klinik shifoxonasida byudjet mablag‘laridan foydalanish va tizimdagi korrupsiyaviy xavf-xatarlarning oldini olish masalalari bo‘yicha o‘rganish o‘tkazildi.

O‘rganishda tibbiyot muassasasida byudjet mablag‘larini o‘zlashtirish va talon-toroj qilish, amalda bajarilmagan ishlar uchun oylik ish haqi to‘lanishi, tibbiy jihozlardagi kamomad, davlat xaridlari jarayonlari bilan bog‘liq qator qonunbuzilishi holatlari aniqlandi.

Xususan, tashkilot mansabdor shaxslari o‘zaro jinoiy til biriktirgan holda shifoxonada amalda bir qator lavozimlar mavjud bo‘lsa-da, boshqa fuqarolar bilan fuqarolik-huquqiy shartnomalar tuzgan va amalda biror-bir bajarilmagan ish uchun ularga doimiy ravishda oylik ish haqi to‘lab kelingan. Natijada juda ko‘p miqdordagi byudjet mablag‘lari talon-toroj qilingan.

Yuqoridagilarga ko‘ra, Agentlik taqdim etgan hujjatlar asosida prokuratura organlari tomonidan Jinoyat kodeksining tegishli moddalari bilan jinoyat ishi qo‘zg‘atildi.

Hozirda holat yuzasidan dastlabki tergov harakatlari olib borilmoqda.

Manba: Korrupsiyaga qarshi kurash agentligi matbuot xizmati.

Kanalimiz?****@Doctors_Uzbekistan

Kasalliklarni davolash standartlari

Barchaga kerakli deb oʻylayman!
Buni barcha vrachlar bilishi kerak kasal bemorlarni shu standart boʻyicha davolaysiz va standart boʻyicha davolasangiz oʻzingizni ham himoya qilib bilasiz!

Kanalimiz?****@Doctors_Uzbekistan