«Әйдә, ШаяРТ!» татар КВН лигасының 2024 ел сезоны җиңүчесенә 200 мең сум тапшыралачак

Жиңү өчен биш команда ярышачак.

17 декабрь 17.00 сәгатьтә «Сәйдәш» мәдәният үзәгендә «Әйдә, ШаяРТ!» татар КВН лигасы финалы узачак.
2024 елның сезон ябылышы уенында барлыгы 5 команда катнаша. Җиңүче исеменә «Нәмәкәй» (Актаныш), «Сабалета» (Саба), «Изи» (Мамадыш), «Дилүс улы» (Казан), «Керәшеннәр» (Казан) командалары дәгъва кыла. Алар барысы да, ярымфиналда җиңеп, финалга чыккан.

Командалар төп бүләк – 200 мең сум акча өчен ярышачак. Искәртеп узыйк, 2023 елда Актанышның «Нәмәкәй» командасы абсолют җиңүче булып табылган иде.

Уенчыларга Россиянең атказанган, Татарстанның халык артисты Салават Фәтхетдинов, Татарстанның халык артисты Җәвит Шакиров, «ТНВ» телеканалының генераль директоры Илшат Әминов, «Әйдә, ШаяРТ!» татар КВН лигасы җитәкчесе Рамил Агдеев, «ТНВ» телеканалының алып баручысы Айваз Садыйров бәя бирәчәк.

«Гомумән алганда, быелгы сезонда татар телендә КВН уйнаучылар артты: май аенда узган Зур фестивальгә 27 (!) команда килде. Бу – рекорд. Чөнки элек фестивальдә катнашучы командаларның саны 20дән артмый иде. “Әйдә, ШаяРТ!” татар КВН лигасы тарихында беренче тапкыр финалда шундый зур суммада акчалата бүләк уйнатыла. Бу мөмкинлек Татарстан Республикасы Рәисе каршындагы Татар телен саклау һәм үстерү мәсьәләләре комиссиясе ярдәме белән булдырылды», – дип искәртте “Әйдә, ШаяРТ!” татар КВН лигасы җитәкчесе Рамил Агдеев.

Уен телевизион съемкага да төшереләчәк. 2025 елның февралендә «Әйдә, ШаяРТ!» татар КВН лигасының яңа сезоны башланачак.

«Керәшеннәр» жыелма такымы

🏆 Чемпион калыр өчен нәрсәгә әзер? - җавап видеода.

Бу видео күпме комментария җыя ала, әйдәгез карап карыйк😊

Бу атнада Кайнатмада кунакта комиклар Дилияр Борһанов һәм Зилә Дәрҗеманова. Бустига язылучылар өчен махсус сорау рубрикасы да кире кайтты. 22:00 безгә кушылыгыз!

| БҮГЕН УФА ШӘҺӘРЕНДӘ |

Хәерле кичләр! Сезнең игътибарга бүген Уфа шәһәрендә «Татар конгресы» кубогының региональ этабы уза.
Катнашучы такымнар исемлеге:
1)Сукыр тычканнар.
2)Казан киленнэре.
3)Тимур хэм безнең команда.

Барлык катнашучыларга уңышлар теләп калабыз😊

‼️ӘЙДӘ ШАЯРТ. ФИНАЛ-17 ДЕКАБРЬ ‼️

Финалда барлыгы 5 такым катнашачак:
1. «НӘМӘКӘЙ» такымы,Актаныш.
2. «САБАЛЕТА» такымы, Саба.
3. «ИЗИ» такымы, Мамадыш.
4. «ДИЛҮС УЛЫ» такымы, Казан.
5. «КЕРӘШЕННӘР» такымы, Казан.

🏆 Кем бу сезонда чемпион исеменә лаек булыр?
Искәртеп үтәбез, узган сезонда чемпион исемен Актаныштан «Нәмәкәй» такымы яулаган иде.

Фикерләрегезне комментарийларда яза аласыз:)