Жедди айы зуўлап өтип кеткенше...

"Ана тилим, сен - басқадан айырмам"...
Базылардың итибарына "қайылман",
Жедди айы зуўлап өтип кеткенше,
"Дана тилим" деп даўыслар қайырдан.

Уллы байрам өтер, сөйтип, қаяғы?!
Баяғы - баяғы, шопан таяғы,
Қуў ебине, таз кебине барғандай,
Тил қалады, мамырланып аяғы.

Бир әбески әнтек бар - аў, бизлерде,
Тил ушында - бүлбил, нықап - жүзлерде.
"Ана тилим" - деп, толықсып көзаба,
Даўрық салып сүренлеймиз дүзлерге.

Неге дәркар, бәлент пәрўаз арнаўлар?!
Қарақалпақ руўҳы эй, саңыраўлар,
Көкирек жарып көмекейден шықпаса,
Тилимизди жутар өзге тарнаўлар.

Тил тәғдири - ел тәғдири, билесиз,
Сөйте тура тил аўҳалы эҳ, ессиз!..
Күйип - писип шынын айтса жанкүйер,
Қулақларды тәмбилейсиз, илесиз.

Сағақлары кеўип қалған балықтай,
Болмағаймыз тили өлген халықтай,
Деп, қайғырсақ жаўдырасқан нәўшеге,
Қарақалпақша үйретейик жалықпай.

Оқымасақ том - том китап сөйлемес,
Сап сөйлессек, қәне, кимлер қой демес?!
Тил үйренген жақсы, бирақ қәйтсе де,
Ана тилин ҳүрмет еткен пәнт жемес.

Автор : Азат Даўышбаев

Сырласымсаң ана тилим

Меҳрине бөленип ата-анамның
Туўылған уямда таныдым сени.
Төрине жайғасып кеўилханамның,
Жақын сырласыма айландың мениң.

Еситкен сөзлерим сиңип қулаққа,
Басладым сөйлеўди ана тилимде.
Үлкен бахыт ата-ананы қуўантқан,
Алақанда аймалады күлимлеп.

Ана мектеп бизге ашқанда қушақ,
"Әлипбе"ден ашып басладық саўат.
Билим суўсынына қандырып булақ,
Бойда қәлиплести ақыл-парасат.

Жақсы көрип ана тили сабағын,
Билдик сөз мәнисин, сөзлик қурамды.
Мениң жан сарайым, өмир соқпағым,
Билимниң шуғласы менен нурланды.

Әдиўли устазым бергенде сабақ,
Тилдиң хызметинен шебер қолланды.
Мәртлиги сүйсинтип түргенбиз қулақ,
Айтып берсе "Алпамыс"ты, "Қоблан"ды.

Меңгериўим ушын пәнлерди басқа,
Әзиз ана тилим үлкен жол ашты.
Билгеним ойылып жазылды тасқа,
Билимниң өзеги жақын жолдасым.

Пикирлесип ана тилим арқалы,
Баўыр басып дослар арттырдым садық.
Кеўлимдегин айтып шерим тарқады,
Ойыңды жеткериў бағышлар шадлық.

1-декабрь, 2024
Бахытлы Сарыбаев
@BaxitliSaribaev

💋❤️1-декабрь – Қарақалпақстан Республикасының «Мәмлекетлик тил ҳаққында»ғы Нызамы қабыл етилгенине, Қарақалпақ тилине мәмлекетлик тил бийлиги берилгенине быйыл 35 жыл толды.

❤️ *Бәрше ўатанласларымызды бүгинги тарийхый сәне "Қарақалпақ тили байрамы" менен шын жүректен қутлықлаймыз.

❤️Қарақалпақ тилинде сөйлеў, жазыў, қарекеңше сәўбетлесиў ➖ бул түсинген адамға үлкен бир бахыт.
❤️ Қарақалпақша тиллесиў, сырласыў, муңласыў, қуўанышыңды қарақалпақша бөлисиў, дөретиўшилигиңди қарақалпақша баян етиў уға билген адам ушын бул ➖ тәкирарланбас бийбаҳа ғәзийне.
❤️Руўхый әлемиңди Ана тилиң болған ➖ Қарақалпақ тилинде байытыў, <уўыз бенен руўхын қаныңа сиңдире алыў> бул нағыз байлық.

❤️Усындай бахыт, байлық, ғәзийне шамшырақлары бизде, сизде, ҳәр биримизде мәңгиге нур таратып жарқырап турсын!
❤️Сөз қудиретин баба мийрасымыз қарақалпақ тилинде жеткериўдей ығбал-бахты  келешек әўладларымызға, урпақларымызға мәңгиликке несип етсин!
❤️*Қарақалпақ тилиндеги ой өрисимиз де, жол өрисимизде кең болғай!

❤️ «ҚӘСТЕРЛЕЙГӨР ДӘСТҮРИҢДИ, ТИЛИҢДИ,
ДЕП ӘРМАНЛЫ ӨТКЕН АТА-БАБАЛАР!»

👍Ҳ/п: Светлана Жәлменова Шамшырақ Сарқырама ҳәм "Қарақалпақ Байтереклери" каналы администрациясы

✈️линк: https://t.me/+Tr8-pc5tsI5mNzky
❤️канал: Қарақалпақ Байтереклери

Assalawma áleykum, bárshege!
      Kirip kelgen jańa 2024-jıl menen shın júrekten qutlıqlaymız! Ilayım, jańa jıl - mol ırısqı nesiybeli, qut-bereketli, tabıslı, jetiskenliklerge tolı, jaqsı jıl bolsın! Ótip baratırǵan 2023-jılda orınlanbaǵan niyetlerińiz jańa 2024-jılda iske asa bergey!
Jańa jıl ómirińizge gózzal hám baxıtlı máwritlerdi inam etkey! Dáryamız suwǵa, dasturxanımız nanǵa, tatlı jemislerge tolı bolǵay!

✅ Huqıqıy hújjetlerde kóp ushırasatuǵın ayırım ózbek tilindegi sózlerdiń qaraqalpaq tilindegi awdarması○ Faoliyat – Jumıs, iskerlik, xızmet
○ Farovonlik – Abadanlıq
○ Qonun ustunligi – Nızam ústemligi
○ Yagona – Jalǵız, birden bir
○ Manfaat – Máp
○ Nizo – Kelispewshilik
○ Vatanparvar – Watan súyiwshilik
○ Manaviy – Ruwxıy
○ Munosabat – Qatnasıq
○ Majburiyat – Minnetleme
○ Ixtiyoriy – Íqtıyarlı
○ Huquqbuzarlik  – Huqıq buzıwshılıq
○ Gumon qilinuvchi – Gúman etiliwshi
○ Ayiblanuvchi – Ayıplanıwshı
○ Qonunga o'zgartirish kiritish – Nızamǵa ózgeris kirgiziw
○ Imtiyoz – Jeńillik
○ Shaxsiy – Jeke
○ Hususiy – Menshik
○ Ommaviy – Ǵalabalıq
○ Ko'rib chiqish – Qarap shıǵıw
○ Ilova  – Qosımsha
○ Havola – Silteme
○ Dastur – Baǵdarlama
○ Nomzod – Talaban
○ Rag'batlantirish – Xoshametlew
○ Mukofot – Sıylıq
○ Mahalliy – Jergilikli

Kanallarımızǵa aǵza bolıń?*

? @qaraqalpaq_tilim_qalqanim ? @ana_tilim_qalqanim ?* @qara_qalpaq_tili