‏الـمـهـرجان الـعـالـمي للـكـلاب
فـي مـهـبط الـوحـي الـسماوي

ما جات في سنة ولا في كتاب
ولا رواهــــــــا قـــــبــــل راوي

ما عاد باقي غير فسخ الـثياب
بــعــد انــتـهـا هــز الــمـكــاوي

ويضربش يانجد سوط العذاب
مـن ما ادخلوا لش مـن بـلاوي!
.
‎#أمين_الجوفي

جـنـود الـداخلية صيدها الـمـدسوس والـجـاسوس
عــلـى يـداتـهـم يـلـفـظ عـمـيـل الــخـارج انـفـاسـه

تـحـصلهم مـتـى الـصـوها ودقــوا لـلـخطر نـاقوس
كـبـار الـقـوم فــوق الـقـوم وقــت الـحـوم دعـاسـة

نــعــم كــابــوس سـلـطـنـا عـلـيـهم ربــنـا كــابـوس
نــأدبــهـم ونـجـعـلـهـم عـــبــر لــلـكـفـر واجــنـاسـه

فــلا امـريكا ولا الـسيسي ولا الـتركي ولا عـاموس
وحـلـف الــروس يـنفعهم مـتى قـد دقـت اجـراسه

ولا احنا شي مجوس الحال من بعضه ولا هندوس
ولا مــــن شــلــة الـتـطـبـيع ذي صــلـوا لـتـكـساسه

ولا بـعنا تـراب الـقدس واهـل الـقدس شي بفلوس
ودبــســنـا شــفــايـف كــــل مــــن نــــدد بــدبـاسـة

ولا اطـلـقنا لـسان الـكذب لـلامة عـسل فـي مـوس
ولــقـيـنـا رقــــاب احــرارهــا لا شــفــرة امــواســه

يـمـانـيين مـعـروفـين مــا نـحـتاج شــي قـسـقوس
يـعـرفـنـا ويـمـدحـنـا مـلـكـنـا الــعــز مــــن ســاسـه

الـــى راســـه ولا نــركـع ســـوا لـلـواحـد الــقـدوس
وشــيـطـان الــعــرب دســنــا بــسـواسـه وخـنـاسـه

ودخــلـنـا رجــالــه ف الـمـعـارك خــرمـة الــدبـوس
وقــطـعـنـا حــبــالـه بـالـنـيـزاك واعــلــن افــلاســه

وخـلـيـناه يـبـكـي فـــي لـقـانـا حــظـه الـمـنـحوس
وقــلــنـا لــــه حــيــاة الــكـبـر يـاسـلـمـان نــكـاسـة
.
‎#أمين_الجوفي

‏__ مأساة العصر ____

هـات الـقـلم ياصـقر يـكـفي لا هـنـا ياصقر صـبر
ذي ما تأثـر وافـتـطر قـلـبه مـتـى دمــه يفـور؟

الهاجس اتـفـجر وغـزة حـاضـرة فـي كل شـطر
وحالـها اتـدهـور وهـي تزهـم عـرب نورة ونـور

و كـيـف ما نـشـعر علـى غـزة وهــي عزة فـخر
ذي مـا شـعـر يـشعر ويـبكي قهر ذي مـاله شـعور

مـأسـاة عصـر الـوقـت هـذا مــا لـها آخـر وحـصر
كم ذي قـتل مـنحور من الأطفال في عمر الزهور

الـصـبر مـل الـصـبر في غـزة ومــل الـقـهر قـهر
والفـقر مـل الـفـقر والجـيع انقـبر بـين الـقدور

والحـزن مـل الـحـزن فـيـها والـفـرح جـثة بـقبر
العـشر الأولـى مـن بـدايـة عضة الـكلب الـعقور

مات الأمـل والـيأس فـارض لـلفرج حاجز وحجر
فـي كـل مـعـبر لا حـضـر ردوه ممـنوع العـبور

والحشر والمحشر ومـأسات الـبشر في كل عصر
اتجـمعت بالـحصر في غـزة علـى مـر العصور

الـيوم فـيهـا شهـر كـامـل يـعـتبر والـشـهر دهــر
والـثانـية سـاعـة وفـيهـا سـاعـة الـشـدة شهـور

والـمـكـر فيـها مـكر مـتـعتق وفـيـها الخـير شر
واكثر ضرر في عين الاعور ذي يرا ان الناس عور

والقـصر لا اتـدمـر بـغـزة تـصـبح الـخـيمة بـقصر
والحال لا مـستور يـا حمىٰ على اصحاب القصور

لحـافـهـا ديـجــور كـرتـونـي ومـفـروشـة بـقشـر
نـار الـشـظايا جـمـر والـبـارود فــي غـزة بـخـور

والـبحر بر اصـبح وصـار الـبر من الاهـوال بحر
والجـزر فـيها مـد عـاتي غـيض والـتربة صخور

والـفجر فـيـها مـا ظـهر والـليل فـيها صار عصر
والـظهر مغرب والعشاء والـقصر لا يوم الـنشور

والـكر لـلمـحتل فـيـها فـر واهـــل الأرض كــر
والكـسـر فـيـهـا جـبـر للـقـسام والـغـازي كسـور

يا ضـيق حاله لا اكتسر ذي ما معه مسند وظهر
واصـبح محاصر في خطر ولا لقي صاحب يثور

وشيب عيـنه من نـظـر لا فـزعة الاردن ومصر
والا انـتظـر لا ممـلـكة مشـروعـها هـز الـخصور

والا الـتجى لا جامـعة مـاشـي لها هـيـبة وقدر
والا ارتجـى وقفـة إمـارات الـتـبرج والسـفور

الـلي قفـل باب الـمعابر زاد فـوق الـحضر حـضر
واللي قفل الاجوا على الاقوىٰ كم أدوا له اجور

والعـار للـي دولـته صـارت ل بـن صـهيون وكر
ولا ظـهـر فـي حـيـن غـزة تنـتظر مـنـه ظهـور

لـو الـنشامى ذي غزوا في غـزوة الـخندق وبدر
يدروا بربـع أفعـالهم قامـوا وهم تـحت الـقبور

__ ‎#أمين_الجوفي _

هـذا الـعجوز الـلي ذكـرها السيد
أخير واشرف من شعوب وحكام

واخير مـنك يا خطيب الـمسجد
ذي خـطبتك ثـلثين ضـد القسام

غـــزة مـعـاهـا الـجـيدة والـجـيد
ومـع الـيهودي خـادمين الـخدام
.
‎#أمين_الجوفي
‎#لكي_لا_ننسى_القضية

يـا أمـة الإسـلام هـل هـذا يـجوز ؟
تـتـفـرجي واجـراح غـ.ـزة نـازفـة !

قامت من النرويج تستنكر عجوز
وانـتي على اوتار المواجع عازفـة
.
.
‎#أمين_الجوفي

أهــل الـترندات لا مـاشي تـرند
لا فـسبكوا مـا تـطيب الفسبكة

قولوا لهم عيب وقت الجد جد
الـضحك بـعضه يـخلف بـكبكة

تــرنـد مـهـمـا اخـتـلـفنا بـانـسد
لا عــاد تـضحك عـلينا الـمملكة

يرخيه واحد وجاء الثاني يشد
وذا يــفــكـه وهــــذا يـمـسـكـه

تـرنـد غــ.ـزة ولا بـعـده تــرنـد
ومـعركتها هـي اشـرس معركة
.
.
#أمين_الجوفي

حذفوا فيديو تسليم البيوت على منصة فيس بوك مدري ما غثاهم منه؟

الـوطـن مـاحـد يـصـفق لـحتلاله
لـعـنـبـوها قـــوم تــرضـا ذلــهـا

مـا يـهـون الـكفو لا قـلَّت رجـالـه
مـايــهـون الا الــدلــي لا دلــهــا

مـ الـعـزيز الـحـر لـو قـاتل لـحاله
مـسـتعد ارضــه يـضـحي لجـلهـا

لـو صرف لجل الـيمن حاله وماله
مــا يــفـرط فـي ثراهـا واهـلـهـا
.
#أمين_الجوفي