اسويتي    بيه    من    مشيتي
  بات    الحزن    والله    بثنيتي

انه علي يا فاطمه    انه علي 

**يل جنتي كلشي بدنيتي    ياروح  بيه
جرحج   ابد   ما  ينجبر     ها   يزجيه
يضيگ النفس يم الحسن  صبح ومسيه

مدفون   كون    انه   بمكانچ
  يحنينه   وين    الگه   حنانچ
  وسفه   زمان   شلون   خانچ

  يم الحسن

جرحج  صعب    فطر   دليلي
  خلاني  ما كوم   اعله  حيلي
  رحتي    وبعد   من  يتجيلي
  يم الحسن

يا بيتي  انتي  وطاح  بيتي
  اسويتي  بيه   من   مشيتي

يل چنتي اغله منل النفس  وعيوني ذني                  
  الدنيه   ما    بيه   طعم  لو رحتي عني
  ياروحي  انتي  وهيبتي    زيتي   وني

يا  زهرة     البيت     وحنانه
  بعدچ  ترى  طافي     ضوانه
  راح    الدفو   خالي     مكانه
  يم الحسن

ما ضل  صبر  وعزاز    ماتو
  بعيد     عن    الدار     شالو
  تفتحي  عينچ  لحنان  رادو
  يم الحسن

زينب تتاني وما اجيتي
  اسويتي بيه من مشيتي

يا  سالفه   وكلچ  دفو    يحنينه وينچ
  ما بي طعم كل الحچي   من بعد عينچ
  بيتچ  فرغ  يم  الحسن   ويكول وينچ

مخنوگ   حتى   منل   هوه
  والدنيه    ما     بيه     ضوه
  يل   جنتي   لجروحي   دوه
  يم الحسن

يتمتي   زينب   من    وكت
  يا    روح       بيه     تعلگت
  يا   شمعت   گليبي   وطفت
  يم الحسن

ميته وعله اولادچ بچيتي
  اسويتي بيه من مشيتي

*  عطشان والله الشوفتج  والذاك ملكاچ
  يحنينه رحتي الوحدچ   اخذيني وياچ
  يمضويه بيتي وهيبتي  غمضتي عيناچ

البيت  خالي  بدونچ  انتي
  حسين ون من سمع  ونتي
  تبچيتي  زينب  يوم رحتي

الحد هسه عطرچ ريحته تفوح
  بس  العطر  يوصلنه  مجروح
  اليفگد   حياته   ألمن    يروح

تردين روحي  لو اجيتي
  اسويتي بيه من مشيتي

يا صبح  يمطلعه الصبح.  يادمعت وغروب
  يا نور ضاوي بكل وكت.  ومضويه الدروب
  كل الساعه اذكرج واحن. ورويحتي تذوب

ما رحتي كل لحضه اعله بالي
  يل  شخصج   مرافك  خيالي
  يا   غاليه     ومودعه    غالي

يا  ضلمت   الدار     برحيلچ
   يا حيلي  كله  ومات  حيلچ
  ادريچ       يتفطر       دليلچ

حاجيتچ وشو ما حچيتي
  اسويتي بيه من مشيتي

كلمات /   حيدر ناجي الدراجي

فاطمه يا فاطمه فاطمه يا فاطمه

اليوم   حزنان   المله
  الدمع   كله    بكربله
  النجف يبجي  بكمله
  يا فاطمه

زينب  تون   بلغرب
  دكول امي بيا ذنب
  الضلع منه ينضرب
  يا فاطمه

والحسن راد تكلمه
  فاطمه يا فاطمه

اليوم ضلمه بلا ضوه
  هسه مگطوع  الهوه
  علي   والميت  سوه
يا فاطمه

هل حزن ما ينوصف
  عفه  زهرتنه  وشرف
  اليوم عدنه جنه طف
  يا فاطمه

تبجي حتى اهل السمه
  فاطمه     يا    فاطمه

ميته مكسورت  ضلع
  علي    يا ناس  نفجع
  الحزن وي كلبه نطبع
يا فاطمه

كون  نتنكب  حزن
  الما بچه خله  يون
  ترى هاي ام الحسن
  يا فاطمه

مو دمع نبچي دمه
  فاطمه   يا  فاطمه

هاي بنت المصطفى
  النور  منه  ما طفى
  علم   هيه  ومعرفه
  يا فاطمه

زغيرة زينب عل دمع
  شلون بله بهل  وضع
  كلب    زينب   ينشلع
  يا فاطمه

هذا  يوم  الملحمه
  فاطمه   يا  فاطمه

زمرت  يزيد  وشمر
  كلهم  الحاد   وغدر
  العنو   الكافر   عمر
  يافاطمه

زيدو   بلعن   وشتم
  ذوله    اشباه   الزلم
  من عمر يبدي الجرم
يا فاطمه


  هاي   زمره  ضلمه
  فاطمه  يا  فاطمه

كلمات /   حيدر ناجي الدراجي

وينج يروح البيه
بالكبر. مالچ. جيه
وين المحنه اوينه ملكاااچ
من  كون  ميت  يمه وياچ
  يا  يمه وينچ

يا بعد روحي و كلبي
  تيهت  عمري  ودربي
  غمضتي  عينچ

يا سالفه  الما  تبرد
يا دمع زاد اعله الخد
يا يمه وينچ

هو شيعوض حنانج  كون اموتن  ما أظل
  ذكرچ يضل اعله بالي شلون بعدچ ينحمل
  فدوه  حاجيني غريبه وحدي والدمعه تهل 
  صدك هسه  البيت طايح وبعد مايلتم شمل

رديلي   ساعه  وكافي
مو  عمري بعدج طافي
چا غير اوافي التعب ورباچ
من كون   ميت  يمه  وياج
يا يمه وينچ

يا يمه  ليش  مغمضه
  فتحيلي عينج لحضه
  ابنيتج وحيده

حيلي انهدم  يا بيتي
   يحنينه   يا  عافيتي
   يايمه وينچ

اتني   عافيتي  ييمه   ميته   انه    بدونج
  صعبه اعيشن بلا وجودچ تايهه بله عيونچ
  ازغيره ما احمل وداعج هسه انتي  شلونج
   ادري وجه الخير وجهج  يل  تغير   لونج

شو بعد  ماكو  الراحه
  والفرح   طار اجناحه

دارچ خليه  حبيبه تنعاچ
  من كون ميت  يمه وياچ

   يا يمه وينچ

****  بنيتچ وكومي امشي وياي
  يا   حيل     بيه    وملگاي
  متعوبه جيتج

ثگل  الحزن  هدمني
   والبعد  شالع  متني
يايمه وينچ

اكسر   الخاطر   حزينه   واثر  دمع  بخدي
  عمر  مايسوه   بغيابج   كون   انام  بلحدي
رحتي ياشمعت حياتي شلون اعيش لوحدي
  جن احس الدنيه ضلمه وكلهه صارت ضدي

راحت وراحت روحي
  الليل اخلصه بنوحي

يا يمه وسفه تراب غطاچ
  من كون ميته يمه وياچ

  يايمه وينچ

اتيتمت  وانه    بزغري
  من وكت خلص عمري
  اه يل حنينه

ياضحكه ماتت بيه
  رديلي  بس  شويه
  يايمه وينچ

والله موتني رحيلچ  بروحي  ضلت   لجمه
   بلٱه  يگضيهه  حياته  ودمعه  لتموت  امه
   من اشم عطر الحبايب  كلبي   ينزف  دمه
   يا چلمت   اليمه  ثگيله   عل  يتيم   وهمه

فركتج  لا  مو سهله
  يابيت بعدج  يحله
  عيشتنه مره اخلاف عيناچ
  من كون  ميت   يمه  وياچ

يايمه وينج

هلدنيا صارت سفره
  والعيشه صارت مره
  كلبي تفطر

يمه   بحلم    مريلي
  اتردين روحي وحيلي
  يايمه وينچ

مريلي يا ديرت حزن يل جنت بيهه اتربه
  فارگتج  وجنه  حلم  والبعد  يتعب  دربه
  يايمه جني بلا   اهل  ودنيه  كلش صعبه
  من رحتي راحت ضحكتي يا يمه هسه بغربه

صارت   هواي   جروحي
  من روحي طلعت روحي

الموت مني اليوم   ظماچ
  من كون ميت  يمه وياچ

يا يمه وينچ

كلمات الخادم
حيدر ناجي الدراجي

جيبولي ابني  وخل  اشمه
  عبدالله مشتاكه ارد اضمه
  مينام   ألأ    ويه   الدللوه
خلوه ساعه بحظني  خلوه
عبد الله يمه

-----------------------

يون  عبدالله  اسمعنه ما ميت يهلوادم
   ما اريد المهد خالي ردولي الولد سالم
ما يروي النهر عطشان شو جنه النهر ظالم

  جيبو   لمه    مشتاكه    
  ما  اكدر  عله   فراگه

  كل  الصار  ما صدگه
  بعدني متأنيه  الملگه   

عبدالله ابني عدل لو مات
  لو راح ابني اكضيه ونات

ردوه   لمه  تشوفه   ردوه
  خلوه ساعه بحظني خلوه
   عبدالله يمه

ما شايف عطش لا حر يا عبدالله يوليدي
ردوالخيمت امه اهنا هاي امنيتي وعيدي
كلبه منلعطش ياناس احسه طايح بئيدي

اشربه   من    نظر   عيني
  روحي   وعمري   وسنيني

بس   كونه   يرد   ليه
  يفرح    كلبي    طاريه

انتظره    انه    والكلب   نار
  حتى  المهد  عبدالله  محتار

يرجع  لمهده  الولد   حاجوه
  خلوه  ساعه  بحضني  خلوه

ردولي الولد  يا  ناس  ما  اتحمل  افراگه
كلب الوالده تعرفون بل حسرات مشتاكه
يابس ريجه راح يموت ابني الماي ما ضاكه

يناغي   ارتاح  اسمعنه
  وكل   ساعه   احضننه

نفس يرجعلي لو  يرجع
  بس   لا   راح   للمصرع

روحه زغيره العطش اذا
  ويلا  يبني  صحت  ويلا

ودوله   ماي   ولا  تموتو
  خلو ساعه بحضني خلو

اهزن   بلمهد   يمه   يا  عبدالله  يا
غالي
ابچي وذكرك كل ساع لا مارحت عن
بالي
وطيفك يلولد دمعات ولا  فاركني
  يبرالي

ترد لو  ما  ترد   كلي
  بعدك   بلعمر    شلي
  اموتن  يمه   احسلي

ما   اصبر  بعد  لحضه
  الولد لو راح شيعوضه

حسبت عيني تشوف طوله
  بعد  الولد   ما   دار   حوله

  اسمع   يريد   امه  تلكو
  خلو بحضني ساعه خلو

وديت الولد  عطشان  ذنبه  يريد  الميه
ضل كلبي عليه يحوم ابد ماراح طاريه
  متعلمه اصبح بيه ومسي بوجه يوميه

من ايدي الولد رايح
  بعد ما ينفع الصايح

سكت صوتك يلمدلل
  مثل الكمر جنت تهل

يا علت المكسور صعبه
بس الحزن يا ناس دربه

عوفو وليدي يعيش عوفو
  خلو  ساعه  بحضني  خلو

كلمات الخادم/ حيدر ناجي الدراجي
  محرم الحرام/ 1446/ للهجره

من  يوم الذبح  حد ما وصلنه
راس حسين  هيبتنه  أوجعنه
قرا    القرآن   مذبوح
اخوي الباقي مطروح
ضعنه   حسين ضعنه

،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،

ركضنه   وشفنه   دمك  تارس  الكاع
  طفل مسحوك يمك جم طفل   ضاع
  لمن   وصلنه     ما    عرفناك  حسين
  جروح أعله وجهك ودمه  عل خدين



   شفناك  متغير  حيل
  معقوله يا عطر الهيل
  حر الشمس حيل اذاك
  وشعدهه هل كوم وياك

شفت جسمه بلا راس  صحت  وينك عباس

ضيف الحزن عدنه       ضعنه حسين ضعنه

**   

وصلنه ومن  وصلنه  ويلي  يا ويل
   سمعنه الراس يحجي ويه الحماميل
   جبل   شفناك   فوك  الرمح  مرفوع
  وترسنه  هدومنه  حسرات  ودموع

يضربونه كل ساعه حجار
  وضلع  جن   بيه    بسمار
  ولكوم       اذوك     الكوم
   سلبو     تراجي    وهدوم

البجي ميرجع الراح      يل الروسكم فوك ارماح

ترى بلياك تهنه          ضعنه حسين ضعنه

يرتل بل كهف    راسك عله الرماح
  ويسكتونه بضرب وصياط وصياح
   ويكربونك   علينه    ونشبع    هموم
   ونحجي حسين  اه يحسين مظلوم



   من شفت راسك ونيت
   خويه  الگعدتك  حنيت
    تمنيت    ترجع   اييام
   وماشوف حرك ولخيام

  بعد ميفيد العتاب    وله يرجعلي الحباب

خويه وياك متنه     ضعنه حسين ضعنه

من يوم الذبح شكد صعب الفراك
  كل ساعه التمرني  الطولك اشتاك
  يضربوني بصياط وصحت عباس
  وشوفن روسكم تلتفت عل ناس

مذبوحه كون  أنه  وياك
   ولا شوفك وهيج  ألگاك
   يحسين   لچمات   هواي
   وتالي الشمر يمشي وياي

حرك الخيم ما انساه     ولا انسه عبدالله وياه

فوك الجمر دسنه         ضعنه حسين ضعنه

*  
  نحر مذبوح  ما      نكدر ترى انشمك
  مسلوب  الهدوم  وعاري ضل جسمك
   ما نكدر  نعوفك   وانته    عل    گاع
   والخيل التدوسك  خويه  كل    ساع

ياجرحك يهد جبال
   راسك يشيله الجتال
   وعمدن يجيبولي الرأس
   متكابل    انته   وعباس

عاتبتك وما رديت    طاحت الخيمه وما جيت

هاي شلون محنه ضعنه حسين ضعنه

للخادم/ حيدر ناجي الدراجي

محرم الحرام 

راحو   كل   هلي   يا عمه   راحو
بعيوني   شفتهم    عمه   طاحو

بالطف عندي     لجمات 
   ما  يحملهن     المات    راحو كل هلي             

شحجيلج   يعمه   من   وصلته
  تخيلته   يون   والله  وحضنته
  حاجيته   يبويه   وهوه  سكته
  سهام  هواي   بيه   وما  عرفته

يعمه نحنه ضهري 
  شفته وخلص عمري
حسين اكبالي مذبوح
يمه وطلعت الروح

شحجي وهذا    وضعه
   المن    بيه      وجمعه
   ضايع   حتى   اصبعه
    بقت    بالگلب   وجعه

جبت وياي اهات 
  ما يحملهن المات

$$$$$$$$$

تره اليفكد ابوه   ايعيش   مهموم
  وانه عاشور  عندي  يمر  كل  يوم
  وصيحن اه يبويه حسين  مضلوم
   ترى   بيدي  دفنته   عمه  ملجوم

شفت اه ومصايب
عليل وكلبي ذايب
  كبل موتي عذابي
   ويلي  يا  مصابي

ابوي  ابأيدي  شلته
  انه  مكطع  حضرته
   لميته     و حضنته
  عمري  انباك  سكته

يوجع حجي  الشمات
     ما يحملهن    المات

$$$$$

ومن حرك الخيم واطفال   تتلوه
  يعمه  اكبال  عينج  ماتت الخوه
  اطفال تصيح عمه  وين   المروه
  من كثر العطش كوه النفس  كوه

ومن  تبجي      رقيه
     تموت       الغاضريه
   تريد حسين وتنوح
   حرت ماتدري مذبوح

حسين ضلوعه تحجي
  وانه   عيني   تبجي
  يعمه  انشال  نعشي
  كوه  بروحي  اتجي

شفت بعينه دمعات
   ما  يحملهن المات

$$$$$$$$

وصلت حسين عمه وروحي مختنكه
  من  كثر  السحك   ضلوعه   منطبكه
  جروحه   هواي   وبكلبه   اثر   طكه
  ادور   خنصره   حتاريت   وين  ألكه

حرت   لمن    دفنته 
    كلب مجروح شفته
   اثر   حافر    بصدره  
  صار  بصدري   جمره

دم    و ترب    غاطيه
  اضمد    ياجرح    بيه
   كلبه   وضلعه   ماذيه
   وحر   الشمس   واليه

جسمه كله طعنات  
  ما يحملهن   المات 

$$$$$$$$$$

تاليهه    بيسر     ودونه   للشام
  تلكونه   بفرح    وبسب   الايتام
  ليل   ألي   يمرنه    حتى     منام
  يوجع  يا حجيهم   مثل  الاسهام



  شفنه   الويل    ونوح
  حجيهم مثل الاجروح
   والحبال        ابأدينه   
   ياهو   يحن     علينه

تلكونه  بحجي   هواي
  عطاشه  بحسرة  الماي
  حيره   ونمشي  بهداي
  يعمه  شلون  انه  بهاي

سمعت  بكلبه  ونات   
ما     يحملهن   المات

$$$$$$$$

ياعمه    المصايب   كلهه   سهله
   بس علت   حسين    شلون  عله
   يا   شدت    فراكه    ما   نحمله
   ترى  الدافنله  غالي   بعمر  شله

عمه بلا غسل مدفون    
لميته بحصيره شلون
لكيت اضلوعه مطحونات
  يعمه   تعبوه   من   مات

اجروحه  هواي  عمه
  حرت   وشلون   ألمه
  نزف  عل   كاع  دمه
  نحره   شلون   اشمه

سمعته يكول چلمات
    ما يحملهن    المات

الخادم / حيدر ناجي الدراجي
  محرم الحرام

ليل هدعش  مكسوره  الگلوب
زينب وحيده  أوحشه الدروب
  الفاگد    حسين   ينام   ليله
  وبگلبه جمره   بنص    دليله

* گمر      گمر      وجفوفه عل ماي
  عطش عطش    والماتو      هواي

ليل   هدعش اسمع حچي  دموع  
  الودع    الغالي  يموت   مفجوع 
  بطرگ العبايه  وصوت   مبحوح
  ودعت   زينب    راس    مرفوع

يا علت     الفاگد    ثگيله
  يومه دمع   وجروح  ليله
  وحشه ترى الضيع   خليله
  ما شاف راحه وفگد حيله

بچي وعتاب زينب وين عباس
تكله انه غريبه ابين  هل  ناس

محبوب  ما  ودعله  محبوب
  ليل هدعش مكسوره الگلوب

دمع      دمع       ويلا      يزينب
  تون      تون       مكسوره تنحب

مو  ليل   صار   وطول    وياي
  ضل تبچي ذيجه ودمعت  هاي
ضلت  حرم    وايتامهه    تنوح
وحسين   مات  وصاحب   الماي

هاي  المصيبه  شلون  حلهه
  بعد  ابو  فاضل   ياهو  ألهه
  خيتي  يزينب   من    يكلهه
  راحو  اهلهه   ومن   وصلهه

ذبلهه  العطش   بلكت   يردون
  مصيبتهه ابد  يا  ناس  متهون

دنياهه  كامت تمشي مگلوب
  ليل هدعش مكسوره الگلوب

بچي    بچي       هل ليله صعبه
  هضم   هضم       وبديره   غربه

ما  ظن    بعد    يلفون    الاعزاز
لو   متنه   ياهو   اليمشي   جناز
شكد صعبه  واحد  فارگ  اخوان
  غير    الاخت    للاخو      تعتاز

زينب تعاين عل  هواشم
  بس روس شايلهم الظالم
صبت دمع   وي  الفواطم
  جا وين الاكبر وين جاسم

بس بل  حلم   كامو   يجونه
  عل   فركه    لا   ما    علمونه

احتارن   يروحن  وين صوب
  ليل هدعش مكسوره الگلوب

مشت     مشت     بلايه      والي
  علي        علي      ميت     دلالي

اشسوت    الدنيه   بزينب  اليوم
  ليل    ونهار      هموم     بهموم
  ضلت    بحسرت    خويه  زينب
  تجري   الدمع   والگلب   ملجوم

زينب بعد  ما  ضنه  ترتاح
  مكسوره ضلت ودمع طاح
  راح الدلال اعله  هزل راح
  گضتهه  ليله  نياح  بنياح

حسين  فوگ  الرمح    شالوه
  مگطوع راسه بسوط  ظربوه

  ليليه   زينب   روحهه   تذوب
  ليل هدعش  مكسوره  الگلوب

حرم       حرم          بعازت    زلمهه
  صعب    صعب         الباطل  شتمهه

مسبيه    راح    تروح    وشلون
  بهذا   الاسم    ما تغفه   العيون
   بلوه السياط  الفوگ   الامتون
  ونوگ   هزل    تمشي    الضعون

ليل  اهدعش  جنهه   القيامه
  عل  الگاع  مطروحه  العمامه
  يم    النهر     جف    الشهامه
  زينب   حتارت   بل   اليتامه

يوم   الزماط   الاخو   مطلوب
  ليل  هدعش  مكسوره  الگلوب

الخادم/ حيدر ناجي الدراجي
  محرم الحرام/

اهزن بل مهد واسمع  ييمه
  اتمنه   يرد  عبدالله  اشمه
  دللوه والمهد خالي     دللوه ذبحو الغالي
                    دللوه      دللوه

ما**   عنده   ذنب    بس   رايد   الماي
  السهم  يبسله  ريجه  وسكت  بهداي
  بچه ودموعه تحچي تگول  عطشان
  عله  شربت  الماي    يموت   الهواي

رضيع      وما     تهنه
  ابني       طير      جنه
  شاله      حسين    بيده
  روه  من   بدم    وريده 

يعبدالله     دمعك  غالي   يبني
  يعبدالله     السهم والله ذبحني
  يعبدالله     ترى  بعدك  هضمني

تطشر   من    اديه   وشيلمه
  اهزن  بل  مهد  وسمع  ييمه

اهزن  بل المهد   والمهد    خالي
  يمه       يلولد     ياعز      دلالي
  من   بعدك   يعبدالله     شبقالي
  خذت روحي ييمه  وخذت  بالي

انامن   بعدك    شلون
   ابد  ما  تغفه   العيون
  شلي    بعمري    شلي
  راح     الجان      كلي   

يعبدالله    عمت عيني بغيابك
   يعبدالله   بروحي ضل عذابك
  يعبدالله    ردت احضه بشبابك

من  المهد   والموت  ضمه
  اهزن بل مهد وسمع  ييمه

ظليت   انتظر  حسين  ألي  يرده
بعده  زغير   ابني  وذنب  ماعنده
جابولي   وليدي    وشدتي   شده
  مذبوح الرضيع وخالي ضل مهده

مات   الولد   عطشان
  يگلبي عيش  الاحزن
  يروحي  شلون   بيه
  الولد    راح    منديه  

  يعبدالله    يجرحي الما يطيب
  يعبدالله    طلع برموشي شيب
  يعبدالله    ارجع    يل   حبيب

تمنيت   الولد    يگعد   وكلمه
  اهزن  بل   مهد  وسمع   ييمه

جابولي   الولد   ونحر    بي    دم
  يا   جرحي    عليه    شلون   تلتم
  مأتم    بل      مخيم    صار   مأتم
  حلم  عمري  الولد  چا  بيمن  احلم

نايم      من     اليگعده
  كلو      متت      بعده
  الشده   جابو    وليدي
  مذبوح   وعله    ايدي


  يعبدالله     انه      بگلبي     همومك
  يعبدالله     ابد    مو    هذا    يومك
  يعبدالله     ردت     اسمع    اعلومك

عمت عين الولد بل ماي همه
  اهزن  بل  مهد  وسمع   ييمه

ما شايف  فرح بس  شايف   اسهام
  الولد عاف  المهد  بل  مگبره  وينام
   تبچي  اعليه  كامت  حتى   الخيام
  يا  وحشت    فراگه   صعبه    الايام


  فراشك  يمه   حضرته
  يبني  وبل  مهد  عفته
  بس  لتعوفني  اترجاك
  امك  انه روحي  وياك


  يعبدالله    الدمع   دارس    عيوني
  يعبدالله    ترى     ذبلت     جفوني
  يعبدالله    بسهم   نحرك     رموني

مصيوب بسهم ضل يجري دمه
  اهزن   بل   مهد   وسمع   ييمه

الخادم/ حيدر ناجي الدراجي
  محرم الحرام/

جيبولي ابني  وخل  اشمه
  عبدالله مشتاكه ارد اضمه
  مينام   ألأ    ويه   الدللوه
خلوه ساعه بحظني  خلوه
عبد الله يمه

-----------------------

يون  عبدالله  اسمعنه ما ميت يهلوادم
   ما اريد المهد خالي ردولي الولد سالم
ما يروي النهر عطشان شو جنه النهر ظالم

  جيبو   لمه    مشتاكه    
  ما  اكدر  عله   فراگه

  كل  الصار  ما صدگه
  بعدني متأنيه  الملگه   

عبدالله ابني عدل لو مات
  لو راح ابني اكضيه ونات

ردوه   لمه  تشوفه   ردوه
  خلوه ساعه بحظني خلوه
   عبدالله يمه

ما شايف عطش لا حر يا عبدالله يوليدي
ردوالخيمت امه اهنا هاي امنيتي وعيدي
كلبه منلعطش ياناس احسه طايح بئيدي

اشربه   من    نظر   عيني
  روحي   وعمري   وسنيني

بس   كونه   يرد   ليه
  يفرح    كلبي    طاريه

انتظره    انه    والكلب   نار
  حتى  المهد  عبدالله  محتار

يرجع  لمهده  الولد   حاجوه
  خلوه  ساعه  بحضني  خلوه

ردولي الولد  يا  ناس  ما  اتحمل  افراگه
كلب الوالده تعرفون بل حسرات مشتاكه
يابس ريجه راح يموت ابني الماي ما ضاكه

يناغي   ارتاح  اسمعنه
  وكل   ساعه   احضننه

نفس يرجعلي لو  يرجع
  بس   لا   راح   للمصرع

روحه زغيره العطش اذا
  ويلا  يبني  صحت  ويلا

ودوله   ماي   ولا  تموتو
  خلو ساعه بحضني خلو

اهزن   بلمهد   يمه   يا  عبدالله  يا
غالي
ابچي وذكرك كل ساع لا مارحت عن
بالي
وطيفك يلولد دمعات ولا  فاركني
  يبرالي

ترد لو  ما  ترد   كلي
  بعدك   بلعمر    شلي
  اموتن  يمه   احسلي

ما   اصبر  بعد  لحضه
  الولد لو راح شيعوضه

حسبت عيني تشوف طوله
  بعد  الولد   ما   دار   حوله

  اسمع   يريد   امه  تلكو
  خلو بحضني ساعه خلو

وديت الولد  عطشان  ذنبه  يريد  الميه
ضل كلبي عليه يحوم ابد ماراح طاريه
  متعلمه اصبح بيه ومسي بوجه يوميه

من ايدي الولد رايح
  بعد ما ينفع الصايح

سكت صوتك يلمدلل
  مثل الكمر جنت تهل

يا علت المكسور صعبه
بس الحزن يا ناس دربه

عوفو وليدي يعيش عوفو
  خلو  ساعه  بحضني  خلو

كلمات الخادم/ حيدر ناجي الدراجي
  محرم الحرام/ 1446/ للهجره

هذا    مسلم    ما    يهاب  
  جنه     حيدر      بلصعاب
  سفير   حسين     مسلم

مثل الاسد  طب  كوفته
  مسلم    وعلگ     رايته
  من   علي   هايه  غيرته
ونعم     بطن     الجابته

سوه    رعب . من طب عليهم
  بسيفه غضب.  والخوف بيهم
  هذا    الصعب. من وصل ليهم

هذا   ما    هاب   العده
  جيش   ضده   الوحده
   والله   راواهم   عقاب
  هذا  مسلم   ما   يهاب

مسلم  يراعي  الموزمه
  بلكوفه  سوه  الملحمه
  قاتل  الزمره   الضالمه
  خله الزلم  تنكط  دمه

كول وفعل.   رجفهم   اعداه
  هذا البطل.  عين  الله  وياه
فنه الوصل.  لو   رفع   يمناه

خافو    وما    واجهوه
  عود    كلهم   حاصروه
  والله لو  لف   النكاب
  هذا  مسلم  ما  يهاب

من  علي  مسلم  هيبته
  اجيوش  لا   ما  كدرته
  رجف  الجيش   بيمنته
  وسيوفهم الغدر ما ردته

وينه   البرز. كال انه مسلم
  وحده  جهز. فنه     التكلم
  من    ارتجز.   محد   تقدم

خافو     وردو     زحف
  الزلمه   منعدهم  رجف
  ونعم   گطعهه   الركاب
  هذا   مسلم   ما   يهاب

ليث الحرب مسلم تره
   الكوفه   ضلت  حايره
  خله    جثثه    مطشره
  عل  موت  لزمهم  سره

القاده انتهو. يدرون  شرده
  وليه   نولو. يصيحون شده
   ما   حسبو. ياهو     اليرده

واحد يحاصرله  جيش
  فارس  البيهم   يعيش
  بسيفه  رواهم  عذاب
  هذا   مسلم  ما  يهاب

مدد  يا  حيدر  حجاهه
  روسهم   سيفه  خذاهه
  يا   كتيبه   لما    لواهه
  الزلم    كلهه    طيحاهه



  صاح وعلي. ما  خله  واحد
  اليوم    ألي. والسيف  شاهد
  الطب يبتلي. واگف    القائد

الوصل   يمه   ما  يرد
  خل  يجي  اكبر   عدد
  ردهم   الذاك   التراب
  هذا   مسلم  ما  يهاب

كلمات الخادم/ حيدر ناجي الدراجي
  محرم الحرام/1446/ للهجره