Ramazon oyida suvni to'g'ri ichilishi haqida

Ramazon oyida ro'zador odamning suvni to'g'ri ichishi muhimi hisoblanadi. Organizmga suv tanqisligi bosh og'rig'i, tushkunlik va holsizlikka olib kelishi mumkin. Ro'zador inson o'rtacha 7 stakan suv ichishi eng afzali va yengili hisoblanar ekan.

Sinab ko'ringlar:
**1-stakan suvni o'rningizdan turganingiz bilan ichasiz
2-stakan suvni taomlanishdan avval ichasiz
3-stakan suvni og'izni yopishdan avval ichasiz

4-stakan suvni og'izni ochgan payt ichasiz
5-stakan suvni shom namozidan keyin ichasiz
6-stakan suvni taomlanib bo'lgandan keyin 30 min o'tib ichasiz
7-stakan suvni uxlashdan avval ichasiz**

Bu tartib sog'liqqa eng foydalisi bo'la oladi, InshaAlloh. Hamda kun davomida organizmdagi suv balansini me'yorda ushlashga yordam beradi. Natijada qon quyulishi oldi olinadi.

Manba: Ma'lumot "Zavjatu Muhammadamin" kanalidan olindi.(Kanalni boshqalarga ulashish funksiyasi yo'q ekan)

Musofir yurtda tutgan ro'zalaringiz xayrli bo'lsin!@seul_global_markazi

BUSA jamoasi yaxshi loyihani o'ylab topibdi! Loyihalari ilohim bardavom bo'lsin!

Shaxsan o'zim ham musofir yurtda ancha yil yashab tilimizning o'z qadr-qiymati borligini angladim. Balki O'zbekistonda yashab yurganimda buni sezmasdim. Kim bilsin, balki, ruscha yoki inglizcha aralashtirib gaplashib yurarmidim.

Tilimiz qadri men uchun Alloh bilan bog'lanishda ekanligini topdim. Masalan, bitta "Assalomu alaykum" deb salomlashganimizda Allohning As-Salam ismini zikr qilib qo'yishimiz orqali ofiyat, tinchlik, xotirjamlik xislatiga ega bo'lishimiz yoki biron kishi yaxshi ish qilib qo'ysa, "Alloh rozi bo'lsin" deb duo qilib qo'yishimiz tilimizning qadr-qiymatini bildiradi. Biz nafaqat til vositasida gaplashyapmiz, balki bir- birimizni duo qilib ham qo'yapmiz.

Boshqa tilda bormi shunday xislat?
E'tibor berganim, turkiy, fors, arab tillarida bor ekan.

Shaxsan o'zimga eng yoqqadigan so'z- iboramiz "Alloh rozi bo'lsin", o'sha vaqtda kayfiyatim bo'lmaydimi yoki charchagan bo'lamanmi shu iborani eshitganimdan birdan kayfiyatim ko'tariladi. Menda boshqa til egalari bilan gaplashganda bunday holat yuz bermaydi:)
Shundan keyin o'zim ham kundalik hayotimda yaqinlarimga va boshqalarga shu so'z iborasini ulashadigan bo'ldim.

Tilimizni boshqa tillar bilan aralashtirmasak, uning sofligini saqlashga harakat qilsak, xudo xohlasa o'zimizni topishga ijobiy natijaga erishamiz!
@seul_global_markazi

**Assalomu alaykum, azizlar!
Ruxsat bersangiz, sizlarga u kungi tadbirdagi taasurotim bilan bo'lishsam....

Avvalambor, tadbirni tashkillashtirgan Haksenguz va Wayuga yana bir bor o'z minnatdorchiligimni bildiraman. Tadbir davomida meni xursand qilgan 2ta jihatga e'tibor berdim:

Birinchisi, BIZ BIRLASHA OLAYOTGANIMIZ bo'lgan bo'lsa,

Ikkinchisi, kelganlarning ko'zida BILIM OLISHGA ISHTIYOQ borligi bo'ldi.

Hozirgi kunda bilganim Haksenguz, Wayudan tashqari, Pusanda faoliyatlarini olib borayotgan BUSA uyushmasi ham faollardan tashkil topgan uyushma hisoblanadi.

Biz Koreyaga kelgan paytlar(2009)da bunday uyushmalar yo'q edi. Seul Global Markaziga yangi ishga kirgan paytlarim(2011) ham yo'q edi. Boshqa davlatlarning uyushmalarining aktivligini ko'rib doim havasim kelardi.

Shu tarzda davom ettirib borsak, o'ylaymanki, yaqin bir kelajakda juda faol, bilimli, tajribali vatandoshlarimiz kundan kunga ko'payib boraveradi, InshaAlloh! Shu bilan birga O'zbekiston imidjini ham o'zgartira olamiz!

Bir-birimizga olingan ilm va tajribalarimizni jadal ulashib borsak, ya'ni yuqtirib borsak, kuchli salohiyatga ega bo'lgan jamiyatni barpo etgan bo'lamiz!

Aslida hammamizga yashirilgan kuchli salohiyat bor, lekin, ammo, biroq, bilmay yuramiz, o'zimizni topishga intilsak, kuchli salohiyatimiz borligiga o'zimiz ham hayron bo'lib qolamiz:)😳

Hurmat ila Shahnoza~**@seul_global_markazi

Bu yerda to'g'ri javob: Odob ekan.

Bir ustoz shunday degan ekanlar:
"**Ilmning me'yori bo'lgani yaxshi, sababi odamda ilmning me'yori oshgan sari o'zi bilmagan holatda kibrlanib ketaveradi.

Nafsning ham me'yori bo'lgan yaxshi, odam o'z nafsining me'yorini bilmagan sari hayvondan farqi yo'q bo'ladi.

Lekin odobda me'yorning yo'qligi, inson uchun yaxshi, sababi odamning odob me'yori oshgan sari haqiqiy komil inson bo'lib boraveradi".**

Bu savolga to'g'risi men ham ko'pchilik kabi ilmda me'yor yo'q deb o'ylagandim. O'zimcha "insonning ilmi oshgan sari kamtarin bo'lib boradiku" deb o'ylardim. Lekin bunday o'ylab qarasam, kamtarinlik ham odobga kiradi. Unday o'ylasam ham, bunday o'ylasam ham haqiqatan ham haqiqiy inson bo'lish uchun odob me'yori yo'qligi yaxshi degan xulosaga keldim:)
@seul_global_markazi

Aytgancha, oilasi bilan yashayotganlar, farzandlari bog'chaga qatnayotgan bo'lsa, bog'chadan 교육비납입증명서(bo'g'cha ta'lim pulini to'laganlik haqida ma'lumotnoma)ni olib 연말정산 qilinayotgan paytda 자녀 교육비 degan joyiga kiritsalaringiz bo'ladi va korxonaga o'sha ma'lumotnomani topshirsalaringiz bo'ladi. Hisob-kitob qilinayotganda buning ham foydasi tegadi.
Omad!
@seul_global_markazi

Hozirgi kunda Koreyada yashayotgan o'zbek oilalar ko'payib borishini kuzatishimiz mumkin. Aynan farzandlarini Koreya maktabida o'qitish yoki O'zbekiston maktabida o'qitishlari haqida ikkilanayotgan ota-onalar ham bo'lishi mumkinligini e'tibor olgan holatda 2025-yildan Koreya ta'limida qanday o'zgarishlari sodir bo'lishi haqida qisqacha ma'lumot berib o'tmoqchiman.

Har yili kuz oylarida Koreyadagi ta'lim sohasidagi mutaxassislarning Koreya ta'lim yo'nalishida qanday o'zgarishlar kiritish kerakligi hamda o'zgarishlarining davlat uchun yaxshi va yomon taraflarini muhokama qilingan "2025-yildagi Koreya ta'lim yo'nalishi"(대한민국 교육 트렌드 2025) mavzusi doirasida kitob chiqariladi.

Ushbu kitobda 2025-yildan Koreya ta'limida qadamba-qadam quyidagi o'zgarishlar bo'lishi kutilmoqda:

**1)AI 디지털교과서 - Maktab uchun AI raqamli darsliklar, ya'ni sun'iy intellektga asoslangan darsliklar

2)유보통합 - Bolalar bog‘chalari integratsiyasi, ya'ni yasli(어린이집) va bog'cha(유치원) birlashib bitta bo'ladi.

3)늘봄학교 - Nilbom maktabi, ya'ni boshlang'ich maktabdagi darsdan tashqari to'garak dasturi (oldin 방과후 alohida, 돌봄 alohida edi)

4)고교학점제 - O‘rta maktab kredit tizimi, ya'ni o'rta maktab(중학교) va yuqori maktab (고등학교) o'quvchilari o'zlari qiziqadigan fanlarni erkin tanlab o'qishlari nazarda tutilyapti. (ozgina universitet kredit tizimiga o'xshaydi)

5)교육발전특구 - Ta’limni rivojlantirish hududlari, ya'ni belgilangan hududdagi mahalliy hukumat, ta'lim idoralari, universitet hamda korxonalar hamkorligida iqtidorli kadrlarni tayyorlab, o'sha hududda muqim yashashi uchun sharoitni yaratadigan tizim hisoblanadi.

6)의대 정원 확대 - Tibbiyot universitetlariga talabalar kvotasini kengaytirish**
Hozirgi kunda yuqoridagi o'zgarishlardan ba'zi birlari hali ham muhokama qilinyapti. Oxirgi qaror yil boshida e'lon qilinishi kutilmoqda.

Manba: Post "2025-yildagi Koreya ta'lim yo'nalishi"(대한민국 교육 트렌드 2025) kitobi asosida tayyorlandi.
@seul_global_markazi

? Omonatni yetkazdik!

Xabaringlar bor, bir muddat oldin "1345 외국인종합안내센터" (Koreya immigratsiya xizmati call-markazi) haqida guruhda hamyurtlarimiz bilan o'zaro jonli suhbat qilgan edik.

3 soatdan ortiq davom etgan ushbu suhbatimizda yillar davomida va shu kungacha mavjud bo'lmagan o'zbek tilini alohida til sifatida qo'shish, viza va immigratsiya masalalari bo'yicha o'z ona tilimizda ham rasmiy ma'lumot olish imkoniyatiga ega bo'lish haqida atroflicha muhokama qilgan edik.

Suhbat oxirida bu bo'yicha asoslantirilgan taklif ishlab chiqib, Koreya adliya vazirligi va immigratsiya xizmatiga taqdim qilishni ham rejalagan edik.

Suhbatda o'z fikr-mulohazalari va takliflari bilan qatnashgan hammaga, ayniqsa, yozib olingan suhbatni taklif holatiga keltirishda faol ishtirok etgan 2 ta jonboz yurtdoshimizga -

Katta Gwangjudan Qobiljon
- suhbat mazmunini to'liq matnga o'girish, uni jamlab, tahrirlab, rasmiy taklif holatiga keltirish va oxirida yuqori saviyada koreys tiliga tarjima qilishdagi juda katta yordami uchun

Daegu/Gyeonsandan Axmadjon
- suhbat mazmunini to'liq matnga o'girishdagi katta yordami uchun

hammaning nomidan alohida va chuqur minnatdorchilik bildiramiz! ?*?***

Ushbu omonatni imkoniyat bo'lib qolgan paytda Koreya adliya vaziri (박성재 법무부 장관님)ga va Koreya immigratsiyasi boshlig'i (배상업 출입국-외국인정책본부장님)ga shaxsan va bevosita yetkazdik (2024.09.04). Adliya vaziri ushbu taklifni alohida o'rganib chiqishlarini aytdilar.

Kelajakda ushbu taklif bo'yicha hammamiz kutgan ijobiy natijalar bo'ladi, deb umid qilamiz.

Omonat eng yuqorida darajadagi kishilarga yetkazilgani haqida hammangizni xabardor qilib qo'ydik.

Isbotlari mana bu postda keltirilgan.

Kanal:? t.me/SalomKorea

Guruh:? t.me/SalomKoreya

? Fikrlaringizni yetkazamiz

Yaqin orada Koreya adliya vaziri va immigratsiya xizmati boshlig'i bilan ko'rishib, quyidagi savollarning javobini jamlab turib, hammamizning nomimizdan yetkazish imkoniyati bo'ladi.

Marhamat, siz ham fikrlaringizni shu postga javob (reply) tariqasida guruh orqali yuboring.

Quyidagi savollarga o'z tajribangizdan kelib chiqib, sizga qulay tilda, erkin javob bersangiz bo'ladi.

1) 자동출입국 심사대를 아시나요?
Koreya aeroportlaridagi avtomatlashtirilgan (xodimsiz) kirish-chiqish tizimi haqida nimalarni bilasiz?

2) 자동출입국 심사대의 좋은 점은 무엇인가요?
Koreya aeroportlaridagi avtomatlashtirilgan (xodimsiz) kirish-chiqish tizimining yaxshi tomonlari nimalardan iborat deb o'ylaysiz?

3) 대한민국 출입국 제도 중에 편리하다고 느낀 제도가 있나요?
Koreya immigratsiya siyosatidagi qaysi jihatlarni (imkoniyatlarni) o'zingiz uchun qulay deb his qilgansiz?

4) 대한민국 출입국 제도 중에 필요하다고 생각되는 제도가 있나요?
Immigratsiya siyosatida yana qanday siyosatlar (imkoniyatlar) kerak deb o'ylaysiz?

5) 한국에 체류하면서 느꼈던 애로사항.
Koreyada yashash davomida boshingizdan qanday qiyinchiliklar kechirgansiz?

Javoblarni yuborish uchun guruh:
? t.me/SalomKoreya

*? Bularni bilar edingizmi?*

Koreyadagi yurtdoshlarimiz uchun xolis va tizimli ma'lumot topish qiyin davrda yashayapmiz.

Koreyaga kelib, ma'lum bir sohada bilim va tajriba orttirgan, shu yo'lda boshqa hamyurtlarimizga xolis, beg'araz yo'l-yo'riq va professional yordam berib kelayotgan faollarimiz ko'p.

Bugun sizlarga biri boshqasini takrorlamaydigan bir nechta foydali kanallarni tavsiya qilmoqchiman.

Boshqalar qoqilgan joylarni aylanib o'tish, boshqalar erishmagan narsalarga erishishni istasangiz, marhamat, bitta tugmaga bosish orqali hammasiga a'zo bo'ling.

Koreyadagilar uchun foydali kanallar:
? [LINK] ?

? Kanalingiz shu ro'yxatda bo'lsa, ushbu postni o'z kanalingizda ham o'rtoqlashib qo'ysangiz, yana ham ko'pchilikka yetib borishiga yordam bergan bo'lasiz.

✅ Ushbu ro'yxat vaqti-vaqti bilan yangilab boriladi. Eng oxirgi yangilangan variantini mana bu yerdan ko'rishingiz mumkin.

Agar kanalingiz bu ro'yxatga kirmay qolgan bo'lsa, unda mana bu postga o'ting.