**حافيه و لاويـن طلعت فازعه
تركض ام عباس مدري شسامعه

………………………………………………………....

ليش تمشي  الحره محنية ظهر
ليش من عدها الجدم مال وعثر
لـيش تبـجي ابلاوعـي ام الگـمر
يمكن امن حسين واصلها الخبر

ويمكن امن السفر  زينب راجعه
تركض ام عباس مدري شسامعه

…………………………………………………………….

ثاري سمعت صوت ينعه اعل لولد
لا مـقام  الكم يـهـل  يثرب بعد
حسين راسه اعل لرمح دار وصعد
وانـطـعن الـف  و تسـعمـيه العـدد

و الخـيول اعل لجسد متسارعه
تركض ام عباس مدري شسامعه

……………………………………………………………

لبن حذلم وصلت الحـره بونين
تـگله لا تحجيلي عـن اربع بنين
حتى عن الگمر عـباس الحـنين
گلي شنهو الصار بوليدي الحسين

روحي من افراكه احسن طالعه
تركض ام عباس مدري شسامعه

……………………………………………………………

حسين افديه بألف مـوش اربعه
كلـنه  فدوه نروح  بـس لاصبعه
بماي عيني لطفله اصيرن مشرعه
وذره اصيرن دون شمس التلسعه

يا رمحهم كون راسي الرافعه
تركض أم عباس مدري شسامعه

………………………………………………………..

راحـت  ابلاروح  لبيوت النبي
ادوّر اعل ام عون من بين العبي
بصفها ما عرفتها من ضيم السبي
انا  زيـنـب  يـمّـه  لا تـتـعـجـبي

من هـزل و اسياط ليكم راجعه
تركض ام عباس مدري شسامعه

……………………………………………………………

يمه انشدج عل الگمر و احواله
خاف قصّر وي اخوه بـفعاله
لا يـيـمه و نعـم  بـطـن الشاله
تشهد اعليه يمنته او يشـماله

و رايـته اعل لنـهر ظـلت واگعه
تركض ام عباس مدري شسامعه

…………………………………………………………….

ليش ما اشوفن رقيه وي الحرم
يمّه سـلوبها التراچي ابلا رحم
طفله ما تتحمل اسـياط وشتم
فوگ راس حسين ماتت بالهضم

و بخراب الشـام ظـلت ضـايعه
تركض ام عباس مدري شسامعه

…………………………………………………………
✍️ ( سيد خضر الزاملي ).**

**تعبانه كلش ياخلگ تعبانه
زينب وحيده تحشم العوانه
خلصو هلي وضليت هم عطشانه
ويانه ريت حسين هسه ويانه

بالسبي ومشتاكه
زينبك ع الناكه
خويه باوع لينه
بعد ما نتلاكه

##################

من ديره اطلع ودخل انه بديره
عالهزله زينب خويه هاي جبيره
الموت احسلي ولاهل حيره
غيره بكصصهم ماشفتها الغيره

حضرو تابوتي
هسه اريدن موتي
وينكم ياروحي
ماوصلكم صوتي

#################

الشام غربه وبالضحك موتوني
لو تدري يحسين شكثر غثوني
بالسوط ياخويه وعلي طكوني
شافوني ابجي ترضا هم شافوني

محد الباراني
غيركم يخواني
كلهم يشتموني
والشتم اذاني

##################

دخلوني انه ع القصر ترضاها
يحسيني اختك والشمر سباها
صاحالي وين اخوانج ويتباها
جدام راسك زينبك طكاها

والله يابوسكينه
كلها تنضر لينه
اتمنه تطلع روحي
بالقصر طبينه

###################

مابيه اعيشن انه ما مرتاحه
كلبي نكسر من البجي ونياحه
يخواني هاي الجلمه هم جراحه
ضل يشتم بوجهي الشمر بصياحه

مين اجيب الوالي
محترك دلالي
بعينه خله يناضر
شلون صاير حالي

#################
وداد البخاتري**

#أبوذيات **لمصيبة ام البنين عليها السلام
وبلسان الحال كأني بها تقول :

ليالي الچانت اويه احسين ... وينها
عزيزه ابجاله آمر چنت ... وانها
مشه او روحي يفت الصخر ... ونها
او لهو اليسمعني لاهو الراد أليه

وين الروحي ابدن ... ما تملهم
غير العطش والحر .... ماتم الهم
مشو . كل عمري عشته .. ماتم الهم
بلكت ماتم اينصبون أليه ...

ألومنكم لچن شيفيد .... لمكم
يمن وادي الطفوف اوصال ... لمكم
عجب يا يمه متگومون ...... لامكم
بس اسويعه من گبل المنيه ....

يولادي اليرف عالي ..... علمكم
جفيتوني فرد جفيه ..... علامكم
منهو الساعه اليصلي .... على امكم
او منهو الي يواريها الوطيه .....

اشكثر عل رمل ضامي ... لاج الحسين
انه ابهل ليله بيّه ......... لوجه لحسين
علي لا جه ابو فاضل .... لا جه لحسين
متت واعيوني تربي اعله الثنيه

ابو فاطمة الطائي**#اللهم_عجل_لوليك_الفرج

**لمولاتي أم البنين ع

سمعت بطف كربله گرّب هدت عباس
بالوغه ماقصرت تشهد جميع الناس
      ============≈=================
هاي أم اربع زلم عنده كل خادم علِم طلّعت بالحگ أسم
(ذبهه اهنااا اعليك التكلف)

عزه عدهه ومرجله لوحچت صاحو هله ما تهم اي مسأله
(الحر والطايح ينخاهه)

لو قريت الفاتحه تگضيلك الحاجات
خادم حسين وعلي ماخيبت بالذات
      ============≈=================
صوت ناده العايله جايه من طف كربله يادمعتي الهامله
(صبي اعليه المات اعله الحگ)

آه مفجوع الگلب ياعلي الحادث صعب گادوا الحره غصب
(بعد الجاه انشد معصمهن)

گالت الحادي بشر خبرني عن حسين
گلهه عباسچ تره ماظل أله چفين
      ============≈=================
ناحت وصار الدمع وبگلبهه المنفجع گالت حسين الشمع
(گلهه حسين من الحر ذابل)

شلون راعي الموزمه يكتل ابچبده الضمه والنواظر ملحمه
(تشوف حسينچ من ذبحوا)

كون عندي من الولد ميه فده العيناه
أو لون بالطف حاضره چا مت آنه وياه
      ============≈=================
حسين راعيه الفضل والملاحم والعدل طاح من طاح الحمل
(ماننسا الطف يمسنع)

دار وياي الدهر تعب اعيوني السهر أخذ عباس الگمر
(مني البين أشهد ياحيدر)

كون ميته ولا شفت هالحاله عند ام عون
بنتي حيل امغيره ويا شدة اليمشون
      ============≈=================
يلي عندك مشكله شيل همك واحمِله والامور العاجله
(ناخيهه مايرجع خايب)

أنطت اورود اربعه من الوفه للمشرعه والچفوف امگطعه
(لجل المارد لخيامه)

هاي ام سبع الحرب والكافل المقدام
من ثنايا العلگمي صارت مثل للعام
      ============≈=================
15/8/2022 الاثنين**#الشاعر_الميرزا_محمد_الساعدي

#قصيدة_ميمر_لأم_البنين_ع#الشاعر_الميرزا_محمد_الساعدي **لقضاء الحوائج

صفي الگلب لام عباس كل حاجه الك تگظيهه
==============≈======================
يلي قِسه وياك الزمان وجوره
صير المصابك بالمأتم جوره
صاحب طلبتك وگصد الهه بجوره

گلهه انه جار العباس دمعاتي دوم اجريهه
==============≈======================
أم البنين الما عرف منباهه
آية وفه بهيئة بشر منباهه
فاز الي دنيا وآخره منباهه

بيهه ام ابو راس الحار چلمة بخت نحچيهه
==============≈======================
عليچ التي اعليهه ابسبي ونخاهه
دهري المصايب عالظهر ونّخاهه
بكل شده مولاتي مدد ونخاهه

لا ما تخيبك والله بچفك گبل تنطيهه
==============≈======================
قِدم عريضة للذي بابلهه
وگله طلب عندي الفخر بابلهه
مايخسر الدگ ياخلگ بابلهه

اليگصدهه يرجع فرحان ويده الحوائج بيهه
==============≈======================
إني الموالي بلا فضل راعيهه
وحسين ابوي الخدمتچ راعيهه
مولاتي حالة خادمچ راعيهه

ماعندي غير الزهراء وغيرچ انه أدعيهه
==============≈======================
صرت انه خادم من قبل سِن عَشره
ودهري المشه ياهالخلگ سَن عِشره
ادعيلي واطلبي من علي سُن عُشره

كافي عليه من الموت روحي غداً يُنجيهه
==============≈======================
22/1/2021 الجمعه**#الشاعر_الميرزا_محمد_الساعدي

امیرالمومنین ع لما  قال أترکوني وحدي مع  جثمان السیدة الزهراء عليها السلام في  آخر اللحظات 
نعي لسان حال مولانا امیر المومنین

خلونی یمها عندي أعتاب

وگلها  یزهرا  یغله  الأحباب

اشلون اهیل أعلیچ التراب

?????

مخلوقین یازهرا البعضنه

وهاي المنیه  منین اجتنه

جتنه حسافه وفرگتنه
??????

شلون ذیچ العشره السنین

راحت حسافه برمشت العین

موگلتي ماعوفک یابوحسین
?????

وین الوعد ماتعوفیني

چا لیش هسه تفارگیني

شلون راح أگضي  أسنیني

??????

نعي بطور مختلف

لسان حال ألزهراء روحي لها الفداء

صح کتلک آنه یاعلي نبقه  سویه

ماراح أعوفک اي گلت بس موبدیه

هذا الأمر محتوم من رب  البریه

تعرف طبعها  بس  تفرگ هألمنیه

??????

✍کلمات انتظار الریاحي

في حق الزهراء. ع

روحي مرهونه عله بابج. يمه يمه
البيت وحشه من غيابج يمه يمه
وين رحتي. وعني غبتي
يمه يمه
__________
كمت اشم ريحت اثيابج روحي تتنفس حنين
كبال عيني الج صوره ظلت ابطول. السنين
يمه حته ارموشي شابن وباظن اعيوني الثنين
ليش عفتيني ومشيتي عني يمه رحتي وين

تجري ادموع المصايب. دمعه دمعه
حالي مثل الشمعه ذايب. دمعه دمعه
يا حسرتي. وعني غبتي
يمه. يمه.
___________
يمه شمعت روحي انتي بنار هجرانج طفت
وعيني سهرانه بغيابج. لحضه وحده ماغفت
يمه ظلعي انهشم مثلج ومحنتي بفكدج لفت
جروح. البكلبي. ييمه دوم. تنزف ماشفت

الباب سوه بكلبي عله . حسره حسره
العيشه من بعدج مذله. حسره حسره
من رحلتي. وعني غبتي
يمه يمه
__________
وين خدج خل اشمه بلجي اشبع منه شم
طفه نور اادنيه كله صوب اعيوني سهم
يمه بعده الجرح بيه من مشيتي يجري دم
احس مخنوكه يزهره يعصر بروحي الالم

صرت من بعدج يتيمه. غربه غربه
ينكسر ظلعج هظيمه. غربه غربه
يا محنتي. عني غبتي
يمه يمه
___________
يمه محرابج اصده مظلم وموحش عليج
رحمت الله كله تنزل يزجيه بين اديج
يمه قرانج اشوفه كبال عيني بين اديج
جنت انام وغفه يمج رجعي ليه ارتجيج

كون حفرو كبري يمج. . اغفه اغفه
خاطر من اشتاك اشمج. اغفه اغفه
من مشيتي. وعني غبتي
يمه يمه
_________
يمه من ادخل حجرتج انقهر وشبع بجي
كلت لو بلطيف مره ترجع الزهره وتجي
هم يرد يمه زماني شايله بكلبي حجي
كون انامن وغفه يمج وبحنانج انتجي

ونسه احزاني وهمي . ونسه ونسه
وسمع تناديني بسمي. ونسه ونسه
ليش رحتي. وعني غبتي
يمه يمه
__________

الخادم
رحيم الصالحي

*? دعاء يوم الثلاثاء ?*

?من أدعية الإمام علي بن الحسين السجاد (ع)

?بسم الله الرحمن الرحيم، أَلْحَمْدُ للّهِ وَالْحَمْدُ حَقُّهُ كَما يَسْتَحِقُّهُ حَمْداً كَثِيراً.وَأَعُوذُ بِهِ مِنْ شَرِّ نَفْسِي، إنَّ النَّفْسَ لاَمَّارَةٌ بِالسُّوءِ إلاَّ ما رَحِمَ رَبِّي،وَأَعُوذُ بِهِ مِنْ شَرِّ الشَّيْطَانِ الَّذِي يَزِيدُنِي ذَنْباً إلَى ذَنْبِي، وَأَحْتَرِزُ بِهِ مِنْ كُلِّ جَبَّار فاجِر، وَسُلْطان جآئر، وَعَدُوٍّ قاهِر.

? أَللَّهُمَّ اجْعَلْنِي مِنْ جُنْدِكَ فَإنَّ جُنْدَكَ هُمُ الْغالِبُونَ، وَاجْعَلْنِي مِنْ حِزْبِكَ؛ فَإنَّ حِزْبَكَ هُمُ الْمُفْلِحُونَ، وَاجْعَلْنِي مِنْ أَوْلِيآئِكَ؛ فَإنَّ أَوْلِيَاءَكَ لا خَوْفٌ عَلَيْهِمْ وَلا هُمْ يَحْزَنُونَ.أَللَّهُمَّ أَصْلِحْ لِي دِيْنِي فَإنَّهُ عِصْمَةُ أَمْرِي، وَأَصْلِحْ لِي آخِرَتِي فَإنَّهَا دارُ مَقَرِّي، وَإلَيْها مِنْ مُجاوَرَةِ اللِّئامِ مَفَرِّي، وَاجْعَلِ الْحَياةَ زِيادَةً لِي فِي كُلِّ خَيْر، وَالْوَفاةَ رَاحَةً لِي مِنْ كُلِّ شَرٍّ.

?أَللَّهُمَّ صَلِّ عَلَى مُحَمَّد خاتَمِ النَّبِيِّينَ وَتَمَامِ عِدَّةِ الْمُرْسَلِينَ وَعَلَى آلِهِ الطَّيِّبِينَ الطَّاهِرِينَ، وَأَصْحَابِهِ الْمُنْتَجَبِينَ وَهَبْ لِي فِي اُلُثلاثاء ثَلاثاً:لا تَدَعْ لِي ذَنْباً إلاَّ غَفَرْتَهُ، وَلا غَمّاً إلاَّ أَذْهَبْتَهُ، وَلا عَدُوّاً إلاَّ دَفَعْتَهُ.

? بِبِسْمِ اللهِ خَيْرِ الاَسْمآءِ، بِسْمِ اللهِ رَبِّ الاَرْضِ وَالسَّمآءِ، أَسْتَدْفِعُ كُلَّ مَكْرُوه أَوَّلُهُ سَخَطُهُ، وَأَسْتَجْلِبُ كُلَّ مَحْبُوب أَوَّلُهُ رِضاهُ. فَاخْتِمْ لِي مِنْكَ بِالْغُفْرانِ يا وَلِيَّ الاِحْسانِ.

?زيارة يوم الثلاثاء?

?وَهُو باسم عليّ بن الحسين ومحمّد بن عليّ الباقر وجعفر بن محمّد الصّادق صلوات الله عليهم أجمعين؛ زيارتهم (عليهم السلام)

?اَلسَّلامُ عَلَيْكُمْ يا خُزّانَ عِلْمِ اللهِ اَلسَّلامُ عَلَيْكُمْ يا تَراجِمَةَ وَحْيِ اللهِ اَلسَّلامُ عَلَيْكُمْ يا اَئِمَّةَ الْهُدى اَلسَّلامُ عَلَيْكُمْ يا اَعْلامَ التُّقى اَلسَّلامُ عَلَيْكُمْ يا اَوْلادَ رَسُولِ اللهِ اَنَا عارِفٌ بِحَقِّكُمْ مُسْتَبْصِرٌ بِشَأْنِكُمْ مُعاد لِاَعْدائِكُمْ مُوال لِاَوْلِيائِكُمْ بِاَبى اَنْتُمْ وَاُمّى صَلَواتُ اللهِ عَلَيْكُمْ

?اَللّهُمَّ اِنّى اَتَوالى آخِرَهُمْ كَما تَوالَيْتُ اَوَّلَهُمْ وَاَبْرَأُ مِنْ كُلِّ وَليجَة دُونَهُمْ وَاَكْفُرُ بِالْجِبْتِ وَالطّاغُوتِ وَاللاتِ وَالْعُزّى صَلَواتُ اللهِ عَلَيْكُمْ يا مَوالِيَّ وَرَحْمَةُ اللهِ وَبَرَكاتُهُ اَلسَّلامُ عَلَيْكَ يا سَيِّدَ الْعابِدينَ وَسُلالَةَ الْوَصِيّينَ

? اَلسَّلامُ عَلَيْكَ يا باقِرَ عِلْمِ النَّبِيّينَ اَلسَّلامُ عَلَيْكَ يا صادِقاً مُصَدِّقاً فِي الْقَوْلِ وَالْفِعْلِ يا مَوالِيَّ هذا يَوْمُكُمْ وَهُوَ يَوْمُ الثلاثاء وَاَنَا فيهِ ضَيْفٌ لَكُمْ وَمُسْتَجيرٌ بِكُمْ فَاَضيفُوني وَاَجيرُوني بِمَنْزِلَةِ اللهِ عِنْدَكُمْ وَآلِ بَيْتِكُمُ الطَّيِّبينَ الطّاهِرينَ.
┈┉┅━❀???❀━┅┉┈**

? عَود نفَسَك في كل يوم أن تتوجه للإمام #صاحب_الزمان **﴿عج﴾ ,
وانظرْ كيف ستتغير حياتُكَ نحو الأفضل كلمحِ البصر ..

أنتَ عندما ترى مُؤمناً أو عالماً أو فقيه ,
تقولُ له نسألكَ الدعاء ,
لثقتِتكَ بصفاءِ قلبِه , فما بالكََ حين يدعو لكَ صاحب الزَمان (عج) بالخَير ؟؟

هآمت بحبگ الأرواح
حتى عجزت عن وصف عشقگ الأقلام والكلمات#يا_أبا_صالح سيدي نسألك الدعاء ..**

?