🎓2024/2025-oʻquv yili uchun Beruniy nomli davlat stipendiyasi sohibi - Mirzamurotov Maksudjon Farxod o’g’li - Yer resurslarini boshqarish va ekologiya fakulteti Yer kadastri va yer tuzish ta'lim yo'nalishi 3-bosqich talabasi

Ilmiy rahbar: Xudoyberdiyev Feruz Shamshodovich texnika fanlari falsafa doktori, dotsent

*🇺🇿 *"TIQXMMI" MTU BuxTRBI 🌐Telegram 🌐 Instagram🌐 YouTube🌐tiiamebb.uz

🎓2024/2025-oʻquv yili uchun Beruniy nomli davlat stipendiyasi sohibi - Asatov Jasurbek Sayitkulovich - Yer resurslarini boshqarish va ekologiya fakulteti Geodeziya va geoinformatika ta'lim yo'nalishi 3-bosqich talabasi

Ilmiy rahbar: Sattorov Shahzod Yarashovich texnika fanlari falsafa doktori, dotsent

*🇺🇿 *"TIQXMMI" MTU BuxTRBI 🌐Telegram 🌐 Instagram🌐 YouTube🌐tiiamebb.uz

Bugun – buxorolik atoqli shoir va jurnalist Toshpo‘lat Ahmad tug‘ilgan kun!

Toshpo‘lat Ahmad 1942-yil 13-dekabrda Shofirkon tumanida tug‘ilgan. 1964-yilda Samarqand davlat universitetining filologiya fakultetini tamomlagan.

Mehnat faoliyatini o‘rta maktab o‘qituvchiligidan boshlagan Toshpo‘lat Ahmad keyinchalik “Buxoro haqiqati” (hozirgi “Buxoronoma”) gazetasida (1965–1975; 1993–1996), O‘zbekiston Yozuvchilar uyushmasi Buxoro viloyati bo‘limida (1975–1993) xizmat qildi. Qolaversa, “Buxoro mavjlari” jurnalining bosh muharriri vazifasida faoliyat olib borgan. Uning “Buxoro yulduzi” nomli hujjatli qissasi (1971), “Qasam va qasos” (1973), “O‘g‘lingman, hayot!” (1974), “Qalbning oppoq gavhari” (1975) kabi ocherklar to‘plami, “Ochiq eshik” nomli hikoyalar to‘plami (1975), “Minorlar va chinorlar” (1980), “Oydin xayollar” (1984), “Tabassum bog‘i” (1986), “Ahli muslim mehrobi” (1991), “Imon qal’asi” (1994) singari she’riy kitoblari nashr etilgan.

Toshpo‘lat Ahmad tarjimon sifatida Jalol Ikromiyning “Qora quzg‘unlar” romanini, shuningdek, Rasul Hamzatov, Vladimir Solouxin, Avetik Isaakyan, Ovanes Sheroz, Loyiq Sherali, Ahmad Muxtor singari shoirlarning asarlarini o‘zbek tiliga tarjima qildi.

Keyingi yillarda shoirning Buxoroning 2 500 yilligiga bag‘ishlangan “Sharq tumori” (1996), “Fig‘on” (1994), “Buxoronoma” (Saylanma, 1997), “Chorbakr” (1996), “Gavhari jonim” (2009), “202 atirgul” (2013) nomli kitoblari chop etildi. “Fig‘on” pyesasi sahna yuzini ko‘rdi. “Qutlug‘ ostona” (2006), “Sharq gavhari” (Saylanma, 2007), “Qalam va alam” (2008), “Navro‘zingdan o‘rgilay” (2010), “Sajdagoh” (dostonlar, 2011) asarlari e’lon qilindi.

Toshpo‘lat Ahmadning asarlari rus, tojik, turkman, venger, ispan, turk, qozoq tillariga tarjima qilingan.

O‘zbekistonda xizmat ko‘rsatgan madaniyat xodimi Toshpo‘lat Ahmad 1998-yilda “Mehnat shuhrati” ordeni, 2007-yilda “El-yurt hurmati” ordeni bilan mukofotlangan. U “Oltin qalam” Milliy mukofoti uchun xalqaro tanlov g‘olibi bo‘lgan.

Ustoz Toshpo‘lat Ahmad 2019-yil 22-dekabrda vafot etgan.