قد يدعو العبدُ ربَّه في حاجةٍ،
فيفتح اللهُ عليه من لذَّة مُناجاته ما كان أحبَّ إليه من تلك الحاجة!
ابنِ تيميّة.

انا وسط سوق الحزن والدمع راس المال
‏شريت الحزن بالكاش والهمّ مجاني

‏يقولون لي وش هي علومك وكيف الحال؟
‏وانا من درى عن حالتي .. ما تحفّاني

والله ان قدلي وانا ماني بطيبّ
مونس خلف الضلوع العوج حرّه

اتغاضي واتغيشم واتسيب
واتظاهر بالامور المستقره

من نشدني من بعيد ومن قريب
قلت مافيه اطيب من الحال مره

واظهر الهيبه على العالم واغيّب
ضيقةٍ حطت لها فالصدر جرّه

اشهد ان ضيق الصدر ملعون صيب
ياكل ايام العمر .. والعمر مره

من لا يقدّر قيمة الشيّ فيديه
‏لا راح منّه ما تفيد الحسايف.

‏يقول خالد ماطر :

‏كل ما أصادم الراس القوي زدت قوّة
‏والردي لو يزيد الهرج ما زاد غلّي

‏والجبل كل ما لديت وأنا علوّه
‏ما يباريني براس الجبل غير ظلّي

‏ليه أعادي قليل الخاتمة والمروّه!!
‏لا تجملت فيه وصد خله يولّي

‏ودك أن الرجل يختار حتى عدوّه
‏قبل يختار خلان النشب والتسلّي

‏يا وجه الله الدايم علوم الحياة علوم
‏ما فيها صحيح إلا يا دنيا من أنتِ له.

الله يعين اللي يردد كل يوم "الله يعين"
‏يطرد ورا حلمٍ قضى عمره و هو ما حققه

وجودي وجود اللي تردى نصيبه لين
‏تديّن وتعب وخسر ما زانت اوضاعه

‏وعقب التعب كبر وتراكم عليه الدين
‏وطوى الياس من دنياه واللي معه باعه

‏على حاجةٍ حطت وعدها على بعدين
‏وانا خايف ان بعدين لا قامت الساعه

اللهم صَلي على النبي محمد .

عيدي معك حب ، وغرام ، ومواصيل
‏وعيدي مع باقي المخاليق . . واجب