شسويتلي
وهلگَد صرت مشتاقلك
انا ماناقصَني شَي بس
مدري ليش احَتاجلك .

ابعد شما بيك حيل وضل بعيد
اخ ياثوب المباعد لا كلك
واستلذ بمناطرك آنه شوراي
الله خالقني أعله مود اشتاكلك....

والله حاير
اني أحبنهَا ضحكتك
وانتَ ماتضحكلي صاير
يا برودك واني فاير
صورتك ما شككتها
تفيدني اشربها مِن اضوجن
تَدري ماأحب الجكَاير .

كُلشي يهُون
بعدك حتى كَلبي يهُون
بس وداعتك ودي أفهم شلونك؟
خلص كُل الحچي وانساك
بَس ، شنساك ؟
جيب اليشطب من الذاكره " عيونك "

مَرة گتلك
لو تفارگنة ، تعيش ؟
وگتلي مَن تروح ،
مَا اريد أي بشر
وأنتَ بعد فراگي
يومَين وهويت
شوية دصبُر عاد
خل يعبُر شهر .

ياهَو الگالك
مِن تبچي تِرتاح ؟
هايَ أنضحك بيها
اعَلىٰ ألمساكين
ألدمِع مالة عِلاقة
بنار ألگلوب
ألدمِع لو طاح ميطفَي البَراكين .

عشت عمري بقلق وياك
الرسايل من تجيني اللغام
اذا وصلني بتالي الليل
لا أفتحهن ولا نام
عملتك موش هينه اسهام
من يضلن يأذن ولا أكدر أطلعهن
أجني بوسط گلبي ولام.
جاا هيج برخص أنسام
ولك من گد معزتك جنت من أشتاگ
أرسمنك وأبوسنك عالضباب الجام.

هدايا الشوك يمك يا بردها
وعلية سيوف هجرك يا بردها
أيا ليلة وداعك يا بردها
متت لوما لحك حضنك علية .

أجيت تكضي وقتك ما أجيت تحبَ
واصدكنك واعرفك بالحجي تچذب
لو وياي كلك لو بعد ما أريد .
انه برزق وُادم غربةَ ماچلب