📢 Для Hearts of Iron 4 бясплатна можна забраць тры DLC

Нядаўна ў Steam стартаваў вясновы распродаж, у гонар якога распрацоўнікі з Paradox падрыхтавалі невялікі падарунак фанатам ґлябальнай стратэгіі пра Другую сусьветную!

Да 21 сакавіка бясплатна можна забраць наступныя тры дапаўненьні:

*🔹***Expansion — Hearts of Iron IV: Death or Dishonor (пашырэньне для СССР, Ґерманіі, а таксама Вугоршчыны, Румыніі, Чэхаславаччыны і Югаславіі);
*🔹Expansion — Hearts of Iron IV: Waking the Tiger* (пакет пашырэньняў для ўсіх краін азіяцкага фронту (пераважна для Кітая й Японіі));
*🔹Expansion — Hearts of Iron IV: Together for Victory* (пашырэньне, якое цалкам прысьвечана Брытанскай садружнасьці, а таксама дамініёнам, калёніям і марыянэткам у цэлым).

📰 Watch Dogs атрымае кінаадаптацыю

Папулярная франшыза Watch Dogs ад Ubisoft атрымае сваю адаптацыю!

У працы над праектам прызнаўся францускі рэжысэр Мацьё Туры (стваральнік фільмаў "Спуск у бездань" і "Выжылыя"), яму ж, дарэчы, даручана стварэньне адаптацыі іншай гульні — A Plague Tale: Innocence.
Аб сюжэце пакуль што нічога не вядома, але над сцэнарам ужо працуе Крысьці Леблан, вядомая па навукова-фантастычным трылеру "Кісларод".

Акторскі склад таксама яшчэ невядомы. Паводле дадзеных выданьня Deadline, перамовы аб удзеле ў фільме вядуцца з акторкай Сафі Ўайлд, вядомай па камэдыі "Бюро магічных паслуг".

Адаптацыяй Watch Dogs займаецца кінакампанія New Regency.

🎥 Вітаем новага беларускамоўнага стрымера — Vulharys
У палку беларускіх стваральнікаў кантэнту папаўненьне!
Сёньня, а 18:00 па Менскiм часе, на Twitch-канале Vulharys, адбудзецца першы стрым па Outer Worlds, куды наш стрымер-пачатковец запрашае ўсіх жадаючых!

Раім далучыцца і падтрымаць аўтара, яму будзе прыемна, а вам (спадзяемся) цікава!

📢 Electronic Arts выпусьціла ў Steam калекцыю сваіх клясычных гульняў

Electronic Arts абвясьціла аб выпуску ў Steam дзевяці сваіх клясычных гульняў, якія ў дадзены момант прадаюцца са зьнижкай у 60% і ўключаны ў падпіску EA Play.

Зараз карыстачы Steam могуць пазнаёміцца з калекцыяй Command & Conquer The Ultimate Collection, у якую ўключаны The Covert Operations, Red Alert, The Aftermath, Generals, Renegade, і іншыя часткі.
Таксама ў краме даступная трылёгія Populous, Sid Meierʼs Alpha, Centauri Planetary Pack, Sim City 3000 Unlimited, Dungeon Keepe, Gold, Dungeon Keeper 2, The Saboteur.

YouTube

EA Games on Steam (March 2024)

Let the nostalgia begin! 9 classic EA games are available to play on Steam starting TODAY! ***➡️*** https://go.ea.com/q8AKj ***🪖*** Command & Conquer - The Ultimate Collection ***🏗️*** SimCity 3000 Unlimited ***🌎*** Populous ***🌎*** Populous 2: Trials of the Olympic Gods ***🌎*** Populous:…

​​📰 Больш за 13 тысяч гульняў атрымалі падтрымку Steam Deck
Сайт SteamDB заявіў, што на дадзены момант Steam Deck падтрымлівае практычна 14 000 гульняў (поўная падтрымка ёсьць у 4355, яшчэ для 13 106 можа спатрэбіцца дадатковая настройка).

У рэальнасьці колькасьць падтрымліваемых Steam Deck гульняў можа быць значна большым, бо адпаведная адзнака зьяўляецца ў краме толькі пасьля таго, як гульню пратэстуюць супрацоўнікі Valve.

Не падтрымліваецца Steam Deck у цяперашні час 3720 гульняў, у асноўным з-за выкарыстаньні анты-чыт праґрамнага забесьпячэньня й функцыяў, зь якімі не працуе Steam Play Proton (якая неабходная для запуску гульняў на Linux).

📢 Netflix паказаў першыя кадры другога сэзона мультсэрыяла «Аркейн»

Netflix апублікаваў першы тызер-трэйлер будучага другога сэзона мультсэрыяла "Аркейн". У ім паказаны альхімік Сінджэд, стваральнік таямнічага наркотыку Мігаценьне, які заняты пераліваньнем крыві паміж сабой і велізарным монстрам!

Нагадаем, што прэмʼера першага сэзона «Аркейна» (заснаванага на сусьвеце League of Legends) аказалася сапраўдным посьпехам, мультсэрыял узначаліў топ-10 англамоўных шоў Netflix у 87 краінах. Ён заваяваў прэмію "Эмі" і цэлы шэраг іншых узнагарод!

YouTube

Arcane: Season 2 | First Look | Netflix

A nightmarish augmentation. Brace yourself for Season 2 of Arcane, only on Netflix November 2024. Watch on Netflix: https://www.netflix.com/title/81435684 About Netflix: Netflix is one of the world's leading entertainment services with over 247 million…

​​🎄 Вітаю спадарства! 🎄
Вось і падыходзіць да свайго лягічнага завяршэньня чарговы год, у сувязі з чым мы зноў падводзім яго вынікі!

Сёлета канал амаль дабраўся да адзнакі ў 1 000 чалавек (крыху не хапіла, але не бяда), а мая графаманія насачыняла ўжо больш за 2 500 навін, якія вы па-ранейшаму чытаеце, адпраўляеце сваім сябрам (і нават суполкам) і камэнтуеце, за што я вам неверагодна ўдзячны!

Асобна дзякую ўсім, хто адпраўляў нашаму боту цікавыя навіны, а гэтак жа адэкватна ўказваў на памылкі (ну куды бязь іх), дзякую сваім мадэратарам у Discord за іх пільнасьць і ўдзел у жыцьці супольнасьці, сваім рэдактарам (нават тым, хто не ведае, што яго ўжо запісаў у свой працоўны калектыў 😅), якія хай і не часта, але пішуць цікавыя допісы, падкідаюць новыя ідэі й заўсёды гатовы прыйсьці на дапамогу ў складаных сытуацыях!

Для мяне гэты год быў адным з найскладанейшых і найзмрачнейшых у жыцьці, і хай не заўсёды хапала часу, але прыходзіць сюды, пісаць допісы ды артыкулы, чыць вашыя камэнтары й чуць словы падтрымкі было той аддушынай, якая дапамагала мне трымацца!

Дзякуй вам усім за гэта! ❤️
Жадаю каб гэты Новы год, стаў для нас усіх па-сапраўднаму й па добраму незабыўным і шчасьлівым!

Да сустрэчы ў 2024-м!