Hamma qilayotgan ishni emas, hamma qilmayotgan ishni qil. Shunda hamma ham erisholmaydigan natijaga erishasan.

Hamma ertalab 5 da uxlayotgan bo‘lsa, sen 5 da uyg‘oq bo‘l.

Hamma kitob o‘qimasa, sen o‘qi.

Hamma yakshanba dam olsa, sen o‘sha kuni o‘zingni rivojlantir.

Odatda to‘g‘ri ishni qiluvchilar kamchilik bo‘ladi, sen o‘sha kamchilik ahlidan bo‘l.

@kodirov_oybek

Aka biz ishni bitirishimiz kerak. Buni bitirish uchun nima qilish kerak boʻlsa shuni qilish kerak.

Aka biz ishni bitirishimiz kerak. Buni bitirish uchun nima qilish kerak boʻlsa shuni qilish kerak.

Boshqaruvchimisiz?
Hech qachon umumiy guruhga “Kim oladi-yo shuginani-yo” qilib vazifa tashlamang.

Aniq odamni ismi bilan belgilab, keyin ish buyuring.

“Kim qilib beradi” bilan boshlangan vazifa odatda “Hech kim qilmadi” bilan tugaydi.

@kodirov_oybek

O‘zbekistonda yaxshi marketolog yo‘q(mi?)
Shu gapni aytgan 3 toifa insonni uchratdim:

1. Yaxshi marketolog olishga puli yo‘q odam.

2. Yaxshi marketologni ishlatishga aqli yetmaydigan odam.

3. Yaxshi marketolog olib, o‘zi yastanib yotvoladigan odam.

1-toifa bo‘yicha: 3000 $ ga Malibu bermaydi. Bu – qonun. Bersa ham pachog‘i chiqqanini beradi. Yaxshi Malibu haydamoqchimisiz? Marhamat, kissangizda kamida 30 ming $ bilan keling.

2-toifa bo‘yicha: Sherlarni ishlatish uchun sizda kamida shercha kuch kerak. Siz tulki yo chiyabo‘ri bo‘lsangiz sherni boshqarishni eplolmaysiz. Shunchaki eplolmaysiz!

3-toifa bo‘yicha: Marketing bo‘limining asosiy vazifasi brendni tanitish va daromadni oshirish. Biznes – bu bir aravaga o‘xshaydi. Marketing bo‘limi esa uning bitta g‘ildiragi, xolos. Arava bitta g‘ildirak bilan yurmaydi. U g‘ildirak tilladan ishlangan bo‘lsa ham. Tadbirkor bitta g‘ildirakni ulagani yaxshi, qolganlarini ulash payida bo‘lishi shart.

@kodirov_oybek