عشت بدموع الرزيه.....
بويه محنيه الزچيه.....
والمدينه امست خليه..... .......وامحمداه

تنزل ادموع المصيبه........والحزن قصة جراحي
تنرسم بعيوني حسره........ماهدئ ليلي وصباحي
والمصاب يعيش بيه......يبتدي جرحي ونياحي
والهضيمه مات حيلي......ينكسر ظلعي ورواحي

باب   حزني   والليالي
الفاگده ابدنيتهه غالي
والظلع  چان عله بالي.........وامحمداه

بلهفتي لحضانك اسعى.....والدمع جّرّح خدودي
چانت ايامي سعيده.....وانت تدري بكل وجودي
اشخلفت بعدك زماني......والحزن صاير شهودي
لو انام الليل وحدي........برکعتي انعه وسجودي

ميته احلامي العشتهه
بويه   بعدك  ما ردتهه
والمصايب من شفتهه.........وامحمداه

اتوالمت بيه النواعي........يا حزن اگدر اعوفه
والفگد بعدك عيونه.........للنظر ماباقي شوفه
چلمه البويه اشگبرها.......والحلم ياخذ طيوفه
والعطر بثيابي باقي........لو اشم نسمة چفوفه

فرگتك يصعب حچيهه
اشلون   دارك   اعتنيهه
روحي بعدك شلي بيهه.......وامحمداه

حضرت بيت النوايب.....والنفس بالگوه يسري
الغايب الوالد عليهه.....كل وكت دمعتهه تجري
انهض بفرگة محمد.......بالوسن ودعته عمري
چانت اسوالفنه حلوه....ونتهت بالحسره تدري

من غيابك احني ظلعي
وبهمومي تدري وضعي
بالمصايب يجري دمعي .......وامحمداه

اتزاحمت بيه المصايب.....والحزن فاتح لي بابه
نايم انت وتدري بعدك.....صارت انواع الذيابه
والحرك داري بحقدهم.....ينحسب من الصحابه
ياوسف بنتك غريبه.......والظلع يحچي بمصابه

نار  تسعر   وانه   نوحي
راح اسولف كل جروحي
بويه  عگبك ميته روحي......وامحمداه

حدبت مابيه نهضه....والمصيبه ابروحي تحدي
افلان وفلان الدفعني ...والدمع يچوي عله خدي
والظلع بعدك تشوفه.....بالمصيبه اولهه يبدي
ونتظر للثار باچر.........بالفرج ننتظره مهدي

يبدي  محكمته  العظيمه
ايّطلع    احقاد الجريمه
گلبي يشفه من الهضيمه.......وامحمداه

#تمت بعون الله تعالى
الشاعر.......يوسف الفتلاوي

عن قريب.......عالسفر ناوي رحيلك
عن قريب.......بويه لاتمشي دخيلك
عن قريب.....الباب حاقد واشتكيلك
فاطمه تدري بخبرها....

امر  من  رب  الجلاله
لنبي     بين   خصاله
بيك مختومه الرساله
... ..................يالحبيب
خبر عاجل هسه نازل
صار جبريل  المراسل
الملك  بالعتبه  واصل
.....................يالحبيب
انتظر وبعيني  صوره
السمه  صارت غيوره
تبچي بغيابه وشعوره
......................يالحبيب

بالسماء.....كل ملك اسمع ينادي
بالسماء.......ياهلا بجيت الهادي
بالسماء.....بويه مرتبطه بدليلك

نزل  جبريل  اعله  بابه
يشكي كل همه وعذابه
دمعته  وحسرة  غيابه
...........................يالرسول
فاطمه تنادي  اباها
حضرت نفسك يطه
الملك بالباب  اجاها
........................يالرسول
قصة الباب  ومصابك
واكفه الدنيا عله بابك
شاهد  الامه  بغيابك
........................يالرسول

بالدخول .....استأذن الهادي يجيلك
بالدخول .....الموت يحضر يعتنيلك
بالدخول .......تلتقي هسه  بخليلك

خله صار الدين عرشه
بالسماء  اليوم  دهشه
الهادي لو شيعو نعشه
.......................كلبي ذاب
كلبي  مسجد  صار اسره
من المدينه وشفت نظره
تيتمت   فاطمه   الزهره
.........................كلبي ذاب
وحشه  دارك  ياولينه
طلعت تنادي المدينه
ظلمه   هاليله   علينه
....................     كلبي ذاب

بالنداء ....اتوجهت صوب الخليقه
بالنداء...........عافت الامه الوثيقه
بالنداء .........نكرت الدنيا سبيلك

من رحيلك شوف حالي
ضاكت  بعيني   الليالي
كلشي   بالدنيا  صفالي
.........................بس جروح
والنبي  بعده  بمصابه
نام   والهادي   بعذابه
هجمت  اعليه صحابه
........................بس جروح
لوعتي  حسره وخفيه
وين صارت هالوصيه
بويه يم داري  الرزيه
.......................بس جروح

كلشي راح.....بضعة الهادي انكروها
كلشي راح.......فاطمه  بعدك ولوها
كلشي راح..... حتى منعوني اجيلك

والعجب شوف السقيفه
كسرو اظلوع  العفيفه
ما رضو  حيدر  خليفه
...........................اعتراض
الحقد  عدهم   عقيده
يوصي بحفاده اليريده
يبغض  بنهج  الصميده
............................اعتراض
دين ما عدهم حسافه
بالذبح  صارت  ثقافه
كلشي يمهم ظل خرافه
............................اعتراض

بالنحيب........تستمر دمعة حدادي
بالنحيب.......والجرح هسه بفؤادي
بالنحيب........اني كل ليله اعتنيلك

خادم الرسول الاعظم  ص
يوسف  الفتلاوي

اخاف ......باچر يبويه ينحرك بابك
اخاف....تنفي الوصيه ابهجرك اصحابك

وامحمداه...........وامحمداه

بويه تدريني وحيده ودمعي اسيله
شلون وافراگك صعب ما بيه حيله
يارسول الله الدمع صاير وسيله
وصحابي من غبت شو طال ذيله

اخاف........بالهجمه يوصل بويه لعتابك
اخاف....تنفي الوصيه ابهجرك اصحابك

بعدك انشوف الخلك هجمت علينه
خالفو نهج الرساله اشگد حچينه
گال فاطم بضعه مني نص ولينه
من سألهم طه گالوله نسينه

اخاف...من كلشي بي ريحة غدر صابك
اخاف...تنفي الوصيه ابهجرك اصحابك

بويه ما احمل غيابك والله صعبه
چنه صار البيت بويه كله غربه
والحنين ابكتره لو گعدني گربه
چان يستأذن محمد طيب گلبه

اخاف........بالعتبه كلشي يروح بغيابك
اخاف...تنفي الوصيه ابهجرك أصحابك

وامحمداه.............وامحمداه

چنه بويه الموت گرب من جبينك
مددت رجليك اشوفك تغفه عينك
شلون تختم عمرك واسمع ونينك
حسره الموداع ذبحني من سنينك

اخاف.....بالحسره اموتن والله بمصابك
اخاف...تنفي الوصيه ابهجرك أصحابك

لیش خانت امتك عهد الوصيه
بغيبتك هجمت نوايا شر عليه
گال واحد بيهم اعصرها الزجيه
بويه والعله ابتدت بنتك ضحيه

اخاف.........النار باچر توصل اطنابك
اخاف...تنفي الوصيه ابهجرك أصحابك

اه يالفاگد حبيبه يعيش مجروح
توالم وياي الحزن بس يكثر نوح
انه يتراولي طف حسين مذبوح
چنه مسموم الحسن صوبني بالروح

اخاف.....شيبك يبويه امبين اخضابك
اخاف...تنفي الوصيه ابهجرك اصحابك

تمت بعون الله
خادمكم .....يوسف الفتلاوي

امودعينك......يارسول الله بدمع
امودعينك.........امتك تكسر ظلع

يارسول الله ......يارسول الله

اتغير نظام اهل العرش....عزريل واكف بالدرب
هذا الوحي ابابك هتف يخجل عالهادي يطب
يستأذن اگبالك يجي....ويعاين الموقف صعب
حتى المراسيل اختفت ..ظرف الرساله
بيا كتب

نادبينك......دمعه وأصوات وعويل
نادبينك.......صعبه لحظات الرحيل

يارسول الله .....يارسول الله

سولفلك انواع الحزن ...جرحك تعيشه فاطمه
لوعة مراسيل الهجر.....جبريل جايبلك دمه
اول ملمات الغدر ... مكسور چن ظلع السمه
بعدك تشوف الي جره...يفجعون حماي الحمه

بالمدامع.......ينوح أذان الصبح
بالمدامع.....يعني فاطم تنجرح

يا رسول الله......يا رسول الله

فجوه اعله تيجان العرش...صوت النعي ماينوصف
چن القيامه بهالامر ...شفناها والموقف
كلف
مكه ومنه طلعت تون...جبريل بدموعه هتف
والدنيا امست مظلمه... كلشي بغيابك مختلف

گاصدينك........والدمع عالخد نزل
گاصدينك........ينتحب خير العمل

يارسول الله .....يارسول الله

تمطر مجرات الدمع.....والحسره عاشت
بالهجر
ما ظلت الدنيا بأمل ....صبت حقدهه بهالامر
ماغزر اتعاب النبي ...طعنوك شيمتهم
غدر
گالو رسول الله هجر ...وصحابك تريد
العذر

امعذبينك.........ذوله خانوا بالوفه
امعذبينك.........ابلا درايه ومعرفه

يارسول الله .......يارسول الله

فضلك تنكره امتك......بعدك تشوف الي جره
مابيهم اليسوه العتب ...والفحمه بانت وذره
والهجمه چانت من وگت.. مجروح ظلع الطاهره
معقوله باب الله احترك.... يحتار يوگف حيدره

بالسموات......بيهه بس نوح وحزن
بالسموات......فگدك المصحف يون

يا رسول الله ... يارسول الله

تركت وصيتك ناكره....ماعدهم بعهدك ثقه
والامه عافت رحمتك.....خانت وثيقة امصدقه
باهلت بيهم عترتك......نجران چانت ملتقه
كل هذا عافوا حيدره.....تركوا حديثه ومنطقة

امشاهدينك......امر من رب السمه
امشاهدينك......أرث تنطي فاطمه

يارسول الله ....يارسول الله

تمت بعون الله
خادمكم .....يوسف الفتلاوي

ياخويه... اجيتك  ياخويه
وبهمي... اعتنيتك ياخويه

بالدموع ...والآهات....رجعت احبابي
يشوفون...يعرفون ...عذاب امصابي

بجروحي اتعذبت.....يحسيني حشمت
.......مهضومه انه ام عون
رديت ابدمعتي.....تدريني بلوعتي
....تسمعهه ون الضعون

ياروحي اشلگيتك ياروحي
بجروحي اعتنيتك بجروحي

بالفراگ.....والشواگ....اجيت اخواني
يعباس.....بالاحساس....جرح تلگاني

ياخويه ابشيمتك......انهضلي ابرايتك
...مشتاگه راحة البال 
تذبحني غربتي..........تعبانه ابرجعتي
...ملهوفه جبت العيال

بالشيمه ...ارتجيتك  بالشيمه
بالهيمه......نخيتك.......بالهيمه

بالاحزان....والشجان......تون مجروحه
اعله بنهه......وحزنهه.......تظل مذبوحه

عبدالله نادتك......بالحسره شبگتك
......ياعمري ماتت الروح
يم گبرك وگفتي........وبمهدك  حسرتي
......يتجدد جرحي ونوح

بنفاسي.. احتويتك..بنفاسي
نوماسي..بحميتك..نوماسي

الهجر نار......بالاعبار.......عذاب افراگه
بالونين......والسنين........اظل مشتاگه

يالاكبر دمعتي........يم رحلك ناگتي.
......ردينه اگعد وشوف
ملهوفه الشوفتك......يوليدي بنظرتك
تجرحنه  ويلي الطفوف

بالنظره... ارتويتك... بالنظره
بالعبره ......بديتك...بالعبره

الگلب طاح......بالنياح.......بقيت ابحيره
يمهيوب.......يمحبوب.......يراعي الغيره

يالقاسم  حنتك.......مذبوحه ابونتك
....يالنايم جوه التراب
محجوبه ياشمس...ماظل ثوب العرس
..يحنيني تالي المصاب

مالحظه.. نسيتك......مالحظه
كل نبضه..قريتك...كل نبضه

بالمصاب......والتراب...ترسنه الشيله
غربيات......عفيفات.......رجعنه العيله

التمينه عالگبر......ردنه من السفر
......والينه اجينه بالنوگ
يم كبرك نجتمع.......نتعاتب بالدمع
....ماتدري بطبت السوگ

بأهاتي......بچيتك بأهاتي
لوعاتي.....لكيتك  لوعاتي

تمت بعون الله تعالى الشاعر_يوسف_الفتلاوي

يزوار........يزوار

يشوك الخدامه.........هلا تنگل هلا
نودكم....نحبكم.....عشك بس كربله
مشيكم....سعيكم...نسهل كلشي اله
هتفنه......وشرفنه....ابجبينه انقبله

أهلاً گناله
الزاير هنياله
اجره واعماله
شرف بيتي يزاير طب

يالاحرار............يالاحرار

يتاج الكرامه..........علي وياكم علي
خدمكم...عطركم......يهم كل ينجلي
وفائه......ودعائه.......فرق بي نعتلي
نعزب.....نرحب.......يطب عتبة هلي

وتعنه البيتي
حققهه امنيتي
بالموكب صيتي

فارش روحي وسط الموكب

بالاعبار .........بالاعبار

فتحنه المضايف.....بده يرف الگلب
اليطبنه...يحبنه....قصص طول الدرب
الجانه......لگانه.....صدرنه اشگد رحب
رسمنه ....ابقيمنه......أمم فخر العرب

كلمن مضمونه
ينطيهه اعيونه
وفاها اديونه

صار ابروحه چنه امعزب

يالانصار.........يالانصار

فرشنه الجوادر.....وصل صيت الخدم
اليودنه......گصدنه.....فتح باب الشيم
مصيره......ضميره....يسولف بس كرم
الخدامه.......بهيامه.....رفع رايه وعلم

معروفه اعلومه
نغسله اهدومه
تنزاح اهمومه

يمنه الراحه يزاير طب

بالاصرار.......بالاصرار

عجيبه اليزوره.............اخذ اكبر أجر
عله همه....نشمه....مسك واجمل عطر
ونينه.....وحنينه.......يحج طول العمر
تعنه........وصلنه.......رصيد النه وذخر

طلعت مشايه
محلى الوفايه
مرفوعه الرايه

ما ملينه يحسين اشهد

عله النار........عله النار

ابمشينه يخادم..........الك دعوة فجر
الخدمنه.......يهمنه.......اله انقدم شكر
يخيمه....ويديمه.....يعوده اعليه عمر
شهامه......وكرامه......وحك ام الخدر

امعزب نوفيله
نمشي ونهديله
انصلي وندعيله

الله ايزيده مو بس يطبخ

للاطهار.........للاطهار

تمت بعون الله تعالى
خادمكم..... يوسف الفتلاوي

تهتف ....الوفايه
هذا صوت الرايه
........عاشك انه احسيني
معتني مشايه

يالله شد الرايه.....وعتني مكصودك
سبح بنفاسك........بالمشي مشهودك
معجزات تشاهد......هذا وافر جودك
كلشي لجل الزهره..قدمت مجهودك

بيها تلكه انفاسك
عابس ابحساسك
........والموالي ينادي
شيعتك عنايه

اعمه شفنه بدربك......مايشوف بعينه
بروحه لمن كاصد..بالمشي الله يعينه
كال اشوف بكلبي.....والبصيره بدينه
الوفي بيمانه...كلشي ينطي احسينه

بالمشي انتباها
فاطمه نلكاها
......تمشي والله ويانه
لو نسوي اقرايه

فاطمه اتلكينه.......شوفي هاي احبابج
ماتعوف احسينج....نجري دم بمصابج
فدوه لو شمينه............ذره من اترابج
دم نشوف اعيونج......مانشف بهدابج

بالمسيره انواصل
هيه بس تستاهل
........انتي كلشي بروحي
روحي يمج هايه

وزعتلك روحي..كلشي لجل انطينه
اشرت دمعاتي.......الكربله اتودينه
بوصلت. احلامي......بدربك ادلينه
والعذر تقصيري......والله ماوفينه

كاتب ابحساسي
حيدري عباسي
.......فاطمي دمعاتي
وانه منطي احچايه

كل مسيره انواصل ...بربعينك جينه
اتوزع الزوارك......ماي شفنه سكينه
يم حسن خطارج.......فاطمه تلكينه
والكمر شد واهس.....والعزم منطينه

ياعلي نادينه
ماتهم رجلينه
......كل تعب مابيها
هيه هاي الغايه

تمت بعون الله
خادمكم..... يوسف الفتلاوي