علي ميران
للتواصل بخدمة الجميع👇
@Alimeran1999bot
تليجرام
القناة الرسمية والموثقة لـ أخبار وزارة التربية العراقية.
أخبار حصرية كل مايخص وزارة التربية العراقية.
تابع جديدنا لمشاهدة احدث الاخبار.
سيتم نقل احدث الاخبار العاجلة.
رابط مشاركة القناة :
https://t.me/DX_75
Last updated 1 Jahr, 3 Monate her
القناة الرسمية لشبكة ملازمنا كل مايحتاجه الطالب.
((ملاحظة : لايوجد لدينا اي حساب تواصل على تلكرام ولا نقوم بنشر اعلانات في القناة))
Last updated 1 Woche her
ثگيل #وسطية
ياعلي يابا الحسن _ ياعلي يابا الحسن
علي الطلعه الرشيده _ علي وبس هوه اريده.
علي القاهر _ علي باچر _ علي يعبّرني بيده
علي شمحلاته تعبه _ علي بكل شده اندبه
يربيني _ ويدليني _ علي ويعرفني احبه
الله وصّه نحب وصيه وگلنه طوعاً واستماع
الله شاف الگاع ضلــمه ونزل الها اكبر شــعاع.
لليـــسافر صوره لازم عـــنده من حــيدر متاع.
الــكون صايرله سفينه وحيـــدر اتنصب شـراع
يعني بيده القافله _ من الاخير الأوله
ياعلي يابا الحسن _ ياعلي يابا الحسن.
00000000000000000000000000
علي ديني وصلاتي _ علي روحي وحياتي.
علي الاول _ علي الاخر _ علي قارب نجاتي..
علي مكبرني بيده _ علي الكلمه الحميده
علي الريه _ النفس بيه _ علي مخجل القصيده.
انت ما مدفون ادري وعقلي هلشي فسّره
كون حيدر گبره بيها ضلمه ليــش المگبره
انت غيرت الله عندك صار سبع الگنــطره
واليحب حيدر نعرفه ايصير مثل المــبخره
عطره يملينه ملي _ بيا علياً ياعلي..
ياعلي يابا الحسن _ ياعلي يابا الحسن
00000000000000000000000000
علي الخدمه العضيمه _ علي الآيه الكريمه
علي القالع _ علي الراكع _ علي النيه السليمه
علي شچم قبله صلّه؟ _ علي تسبيحت الله
علي القصور _ عليُ الدر _ علي اليصعب نحصله
حيدر شمحلاته گلبك يا رؤوف ويا رحــيم
حيدر الله يحطه باچر علـ سراط المستقيم
هوه اليعرفه الله و احمد يا عضمته شگد عضيم
حگي لو حبيته حگي وحگي بحروفه أهيم
ياهو غير الحيدره _ ابو سبع الگنطره
ياعلي يابا الحسن _ياعلي يابا الحسن.
00000000000000000000000000
علي و بكيفه كلشي _ علي بشرياني يمشي
علي سنيني _ ونضر عيني _ اذكره ويغفه رمشي
علي اول رساله _ علي شيخ البساله.
علي المغرب _علي المرعب _ علي مخوف سلاله
بذكره اهيدن واطمئنن همي رأسن ينجلي.
الجنه مكتوب بوجها ادخلوها ابحب علي
فدوه اروحن لسمه اني وعمري وخواني وهلي
ماكو والي نحطه يرهم بس ابو الكافل ولي
غيره مايرهم أمير _ يگعد ابگلب الفقير
ياعلي يابا الحسن _ياعلي يابا الحسن
0000000000 000000.
علي ميران
#ندم خادم
جريت اذن گلبي وتبت ماعاود اعلى ذنوبي
وثوبي الگبل مابي نفع بدلّته أسود ثوبي
ندم شابع اجيتك وانت شابع ضيم
اعطشك وارتوي ومافكرت مرة
مولاي المثل شخصي حرام ايعيش
دور غير واحد يستحق عِشرة
نادم نادم .. اجيتك نادم اقبل
نادم نادم ..دورلي علكيفك حل
نادم نادم.. وسويني علجسمك ضل
حبيبي حسين.. حبيبي حسين
————————————————
يحسين وزهرة استحي كلما اجيك اتسامح
هم زحمه متحمل ذنب كلساعه جاي ورايح
امفكر بلذنب مافكرت فد يوم
شلون اخلِص وياك وياوكت انضف
اطب المجلسك واطلع اعدال اثنين
وارجع اذنب شما ذنبي احسن خف
نادم نادم .. اجيتك ذنبي يركض
نادم نادم.. اتوبن يمته واتفض
نادم نادم.. وفقط بس اسمك احفض
حبيبي حسين.. حبيبي حسين
————————————————
هاي آخر اذنوبي وبعد ما اذنب وما لچمك
يحسين صحيني وبعد خليني ابچي لهدمك
مولاي الذنب تعبني خل ارتاح
اخذ عمري علحبك ليلة العاشر
وحك اعيون زينب اني صح موخوش
بس يحسين واحد يكسر الخاطر
نادم نادم..احبك وادري مذنب
نادم نادم .. الذنب مولانا متعب
نادم نادم.. ندم خادمكم ايحب
حبيبي حسين.. حبيبي حسين
————————————————
مولاي حسسني ابغلط بس كلي قدر تعبي
واثنينهن رايد انه حبك ورايد ذنبي
مولاي اني واحد ما استاهل هيج
دلال وما استاهل خدمتك والله
مولاي انت اكبر اني فد افلان
يحس انجاز سوه ابيوم اذا صله
نادم نادم..اريدك انت جرني
نادم نادم .. علراي وصيغه حطني
نادم نادم..بوادي العشق ذبني
حبيبي حسين.. حبيبي حسين
————————————————
تستاهل انموت وعلي بس حرگتك مابينه
وشوف الشرف والله الخلَق من طينك مسوينه
يحسين الذنب مستولي گلبي اهواي
نضّف گلبي بيدك ايدك تنضفه
بلكت من ارد من محلسك فديوم
انام واگعد وكون الصبح اصفه
نادم نادم.. يبعد الماي كله
نادم نادم.. تصير الگلبي خلّه
نادم نادم.. عليك هواي سهله
حبيبي حسين.. حبيبي حسين
————————————————
✍️✍️ علي ميران
دخن غيض
طبهم سيل يبس حلگ البيهم خير
انه ادخيل ماتــكمل والرگبه اتطير
طفة اليل بتراب المهرة ومن صال
الصعبه تصير بچفوف المهيوب تصير
شد راس براس وغار
بس هاذه اليطلب ثار
علي علي _ ساحل زلم
علي علي _ ما ينهزم
علي علي _ شيخ القهر
علي علي _ يسحگ خشم
علي مولا _ علي الاكبر
0000000000 000000
لمّن صال صارت دخان ابلا نار
طب عباس گالو لو طب الكرار
شد السيف وقع بالدم يم حسين
روس الگوم كلها اتطير زغار اكبار
طگ عرجه ودخن غيض
گيض وحَر وسط الگيض
علي علي _ ماينگدر
علي علي _ راعي الشگر
علي علي _ موت لحمر
علي علي _ مدري شكثر
علي مولا _ علي الأكبر
0000000000 000000
غار وشاف ياهو المن عدهم ينلاح
اليركض طاح والما لحگ يركض طاح
يسمع گام كلنه ادخيل عله العباس
گلب الجيش ينبض خوف ودم وصياح
فرع للجيش وگال
ياهو البيكم رجال
علي علي _ عمه الحسن
علي علي _ شيخ الزمن
علي علي _ غار وعبر
علي علي _ ضيم ومحن
علي مولا _ علي الاكبر
0000000000 000000
رد لحسين جايب بشرى ويا من فات
كـــل رجال يم رجيـــــلن لاكبر مات
عفيه حسين گله وزودك للعباس
الذل وياك مايرهملك لا هيهات
رد غار عليهم حيد
عده الطف يوم العيد
علي علي _ ماينمحي
علي علي _ يطحن رحي
علي علي _ زود وفخر
علي علي _ زين لحي
علي مولا _علي الاكبر
0000000000 000000
علــــــــــي ميــــــــــران
https://www.facebook.com/syd.hsn.al.rdawy.2024?mibextid=ZbWKwL
أضافه للرابط فضلا منكم خدام الزهراء ع
❤️❤️
Log in or sign up to view
See posts, photos and more on Facebook.
رحلة عشگ واجمل سفر
من البحر حد النحر
000 0000000000000000000
معاجز بيها ما تُعقل تخلينه حياره
شفت افريقي متحزم يعزب بلزيارة
وذا تمشي وعفت زادة يبين انكسارة
يأول رحله بلعالم بلا رخصت سفارة
هاذ الدرب كلشي اختصر
من البحر حد النحر
رحله.... رحله
000 0000000000000000000
شفت طفله علفطرتها اليجيها اتگله بابه
وشفت شايبنه متحزم رجع حيله الشبابه
درب كل خمسه من ديره لجن جنهم گرابه
درب مستشفى نعتبره او يداوينه ابترابـه
بس الكرم بيه انتشر
من البحر حد النحر
000 0000000000000000000
شفت سني اجه يوزع مسيحي بصفه گاعد
عجيبه بدربك التمت طوائف كلها واحد
جوامع يمك وشفنه كنائس وي معابد
الزيارة الاربعينيه دليل وعدنه شاهد
حته اليضدك هم حضر
من البحر حد النحر
000 0000000000000000000
اهل ذي قار اهل فزعه عللـمضيعه التراجي
واهل ميسان اذا تتعب لسماوه الهم عواجي
شفت زلم الدوانيه على البصره خواجي
اليطب گاع النجف لازم نعزبله بواجي
وكل البقن تاج او فخر
من البحر حد النحر
000 0000000000000000000
علي ميران
اسمك مخوف الشوارب منه كلشي رتجف
والنهر منه جف _ حته لونه اختلف
يا جمال الله اعله مهره وچنه در النجف
الله يبو فاضل _ الله يبو فاضل
چفك القارعه موسى بسمه شگ البحر
وخلص من الخطر _ انت چفك نهر
يا حلاة الله دخيلك منخلق للـنظر
الله يبو فاضل _ الله يبو فاضل
مـــاشاء الله الله ياچف الله القاهر
سبحان الله الله يا موت اعللـعاشر
لا حول الله الله يا مستـــقبل حاضر
هاشم ياقمر هاشم
الخوّف الوادم
چفك الساقي
عاشگ الصارم
0000000000 000000
ابگصته طگ عرج الهواشم غيضه بيهم طفح
بالخيم من لمح _ گلب اخيته انجرح
ريجه ما يلحگ يبلعه الجندي راسه انذبح
الله يبو فاضل _ الله يبو فاضل
انت قرآن الله بالطف يــصركال الحشر
يالمتعب الشگر _ انت مدري شكثر
حسين قدملك تحيه وياها كلمة شكر
الله يبو فاضل _ الله يبو فاضل
مـــاشاء الله الله _ ياموت ويا قاتل
سبحان الله الله _ يا شيخ ويا كافل
لاحول الله الله _ الحط عاليها ابسافل
صافي يا ذهب صافي
وسيفه متعافي
ركض الوادم
للنهر حافي
0000000000 000000
حسين گلاله ابو فاضل غيّم عللنهر
يالمخجل المطر _ يالمخوف البشر
رعب بين القاده حل وبالجنود انتشر
الله يبو فاضل _ الله يبو فاضل
ريشت العباس چانت ترف وي رايته
ويذبح بنضرته _ وعلـمتن جربته
للــسماوات اوصلت چوتهن احرورته
الله يبو فاضل _ الله يبو فاضل
مـــاشاء الله الله _ يالمتشي وتتبختر
سبحان الله الله _ بيده الماي اتبخر
لاحول الله الله _ ماضل بيهم منحر
ذابح بالرگب ذابح
راجع او رايح
الملح ماصخ
والگمر مالح
0000000000 000000
صفت بيده الحومه كلها وكلها موته الزلم
والگمر مبتسم _ يطش بيها او يلم
كلشي قل بس ابو فاضل بي يزود العزم
الله يبو فاضل _ الله يبو فاضل
عاند الموت اعله كيفه وگال بيدي الاجل
دخيله غاض الكفل _ وعلــمحامل حمل
بين اعله اعيونه موت وشال سيفه وزعل
الله يبو فاضل _ الله يبو فاضل
مـــاشاء الله الله _ واجه كل العسكر
سبحان الله الله _ بيهم طب يتخير
لاحول الله الله _ الما يگدر يتكتر
قادر علحرب قادر
يحسب الباچر
خرب الدنيه
وهوه ضل عامر
0000000000 000000
علــــــــــي ميــــــــــران
القناة الرسمية والموثقة لـ أخبار وزارة التربية العراقية.
أخبار حصرية كل مايخص وزارة التربية العراقية.
تابع جديدنا لمشاهدة احدث الاخبار.
سيتم نقل احدث الاخبار العاجلة.
رابط مشاركة القناة :
https://t.me/DX_75
Last updated 1 Jahr, 3 Monate her
القناة الرسمية لشبكة ملازمنا كل مايحتاجه الطالب.
((ملاحظة : لايوجد لدينا اي حساب تواصل على تلكرام ولا نقوم بنشر اعلانات في القناة))
Last updated 1 Woche her