اللهم صلِ وسلم على نبينَا محمد .

بكره تشع إن قالها الله أمانيك
مهما غفت في ليل الأقدار شمسك .

‏من لا يعيش العمر سامي ومتغاضي
‏ماهيب دايم ظروف الوقت خادمته
‏
كنز القناعه غناة النفس للراضي
‏يعيش دنياه .. فاهمها وفاهمته .

‏ماعادت صدورنا شماليّه كلٍ يقضب أرضه .

ان جيت قلنا مرحبا والله يحيّيك
وان رحت مانت اعز من راح عنّا .

قليل حيله لكن إن قال يارب
‏تبرك له الصَّعبات من غير حيله .

‏" الشيب ماطلع لكبّر سنك
‏طيب الفعايل بيضت لك سواده "

‏عطني من الصبر يارب اللي اطوى به دروبي
‏ واتحلى به على الايام لين اكسب رحبها .

‏ياجعلك الجنّه ياوجهٍ ماغابت ملامحه عن بالي .

أمّا تجي صافيٍ مثل ما عهدناك
ولا الجفى دربه وسيع و تدلّه .