03 فبراير 2024, 08:26 PM

قصيدة الامام الكاظم عليه السلام

سجنوني بالضلمة اعداي
   بس، الله يعلم. بلواي
گيدي بدية... امسجل عليه
    بس الله يعلم بلواي
*
سئلوني يا موسى شلون عايش وسجنك ظلمه
الله الك ماينساك ولظالم الله يحطمه
مسجون ويدير العين موسى صبح من خصمه
واليگظن اسنينه ابسجن يتعود اعله الظلمه
    بس الله هوه الجبار
     من هالظلم. .ياستار
  گيدي بدية... امسجل عليه

اكظي العمر وسط السجن والسجن صبح بيتي
بس دمعه ومصلايتي وقراني هاي امنيتي
هارون ماعنده بخت. يحرمني من ذريتي
واسنين ماشوف الاهل منا لحد امنيتي
      من الحديد امتوني
      توجعني ويضلموني
كيدي بدية.. امسجل عليه

ابخدي اثر من الدمع وتلزمني حسره ودمعة
والعايش بسجن العده بس الله وحده ايسمعه
واليدعي يارب العرش من المطامر طلعه
ياحيف مسموم وكظه مولانا يوم الجمعه
      بيه استقام الاسلام
      مات بسجون الضلام
  كيدي بدية... امسجل عليه

احنه اهل بيت الوحي من عدنه يبدي التشريع
لهل الغدر ندفع. ثمن. دمنه وأمر الله انطيع
هارون صار النه خصم واهل  الظلم والتطيبع
حسباله ابن جعفر خفي،و نوره من ظلمه ايضيع
     ياشيعه اَنه المسجون
     سجني بأمر من هارون
كيدي بدية... امسجل عليه

ومصابي كل ما وصفة بعد اكبر انه الكيتة
سجاني ضالم صار الي كلمن اهو وتربيته
من مثلي بسجون الخصم .بالسم تصير،  امنيته
جابولي سم اويه التمر  لگلبي صعد. حسيته
   سمي ترة ما موجود
   چبدي انمرد يالمعبود
كيدي بدية... امسجل عليه

الشاعر والخادم حسين عبد الحريشاوي

**جافيتــك مرات احس ابحالي
وارجعلك شايل ندامـــه ابالي
وادعيلك عجل ظهــور الغالي

اكبر طمــوحي واكثر جروحي
تاخذهه روحي تعبتك اشكثر
قربني يـــــمك ونطيني همـك
محتاج افهمك ياسيد العصر
عقلي وضميره حبيبي
يمك مصـــيره حبيبي
رايد بصــــيره حبيبي

دعوة غريب اشگد دعيت الغربتك
الدنيا ماهي ابخـير وانته ابغيبتك
يرجع بختنه ابيـوم نسمع رجعتك

امنيـــتي شيبك يغـــــير لوني
من لونك يبيض سواد عيوني
اعميـــلك كون الخلگ يلگـوني

لو صاحي انطرك ماضگتــه صبرك
چـــابيش انصرك معناها مو صدگ
جرحك ترســـني وحبـــك همسني
كون اعله حـزني ياگلبي تحـــترگ
عايش مصـايب حبيبي
جرح الخــرايب حبيبي
واهلك غــرايب حبيبي

يالملتــــهي بعماتك وذاك القصر
واحنه بكتر ياسيدي وانته بكتر
كون اليحبك گلبه صايرلك جمر

تقصيري خايف كثـــــر جدامك
مامچوي ليهسه مــــن اخيامك
ذوبنـــي خاطر اعـــيش الامك

فشله اليحــــــبك ماجـــازه تعبك
يالمچوي گــــلبك بحرورة الرمح
خليني آعــــــاني وانه ابمچــاني
هيچ اليــــــــتاني مايبرد الجرح
انطـــــيني دمعه حبيبي
للطــــــف اجرعه حبيبي
والزيــــــنب انعه حبيبي

صوره بخيــــالي الكربله ماتنحمل
اشلون يگـعد عالرمح راس الطفل
ياهي التكسرك هاي لو جـر الحبل

كل عمري لو رادو ايحســـــبونه
محـــلاها عايشــــــلك ايكتوبنه
متـــــندم عالضيـــــــعتهن دونه

منك بديـــــــته عمري وگضـــيته
دربك مشــــيته وخطواتي تنسمع
عيوني وبچيهه بس انـــــته بيهه
سيد علـــــــيهه يمغزر الدمــــــع
رايد عـــــذابي حبيبي
يگضي شـبابي حبيبي
انته مصــــابي حبيبي

ماتيهت بيك ابحـــــــــلم وبيقضتي
ذاك انته كلما ذكرك اتصب دمــعتي
چا يمته نتلاگــــــه واسولف حالتي

خادم القصيده
شاكر الصيمري**

**حينما استشهد إمامنا موسى بن جعفر
كان عمر السيدة المعصومة ٨ أو ١٠ سنوات فلها أنين على فراق أبيها .

فزت أبيوت المدينة
بونـة من گلب الحزينة
اتون : يبـويه الغُربة ما تنراد ..

يل خذوك وما لَحگنـه
انوادعك يابو المَحنــة
وهسـه گالـُـوا ميّت ابغداد ...

اگول ايرد ... الي الما خيّب اظنونــي
العلي مبعد ... يردلي ابردته لونــي
الك ثــامن ...سنــة يمفارگ اعيونــي..
الأبـو خيمة  ...وانه ابلا خيمة... خلـــونـي

ليلي.خلَص ....دمعة ..وگلبـ فاگــد يحنّ
چبت العمر ....كلـه انتظر ،حزن بحزن
المن بعد ..اتنفس ...واشتم هوى
وجانه الخبر..مسموم ابوكـم بالسجن ..
•••••••••••••••••••••••
اعله الدموع اتگابلينه
كل گلب بويه ونينه
اتيتميـنه وماتت البسمات

ميّت أنتَه وما دريـنه
عالجســر طايح ولينه
وحـدك وعينـك تصب دمعات

غريب ايظل ..الما عنده أهل تحضر
يخلونـك ....حرام اعله الجسـر بالحر
يصب دمك ...وتمـر بيك الخلگ غربـة
ولا واحــد ...يمك گلبــه يتعثـر

گلبي انكسر ... كسرة غصن ما ينجبـــر
أغلى بشـر ..... بگيوده مرمي اعله الجسر
بيك اذكرت ....جدي الغريب بكربله
ظل عالترب .... وبس الحوافر بي تمر
••••••••••••••••••••••
ياهو التمنيته عندك
بالسجن بويه اليوسدك
من ابقيت اتصارع اللوعات

بويـه ساعــة احتضارك
يا حزن مر  ابديارك
ابهاي دارك ما ضون شماعات

انعصر گلبي ... وصحت يا بويه متلوعـة
وعلي فزت .... المدينة وجفـني صب دمعة
بدمع عيني .... انطفت يابويه چم شمعة
يتيمة اصبح......بزغر اسنيني شبسـرعة

ما مر صدى ...منّي وإجالـك للسجن ؟
بويه صحت ...واسمـع : يفاطم گلبي حن

ليش انحرم ...من والدي الكل هلا
يا هو البعد ....يمسحلي دمعات الجفن
•••••••••••••••••••••••
للرضا اصبح نظرنه
مثلك ايبارينه كلنه
ولن خذتني اويه الحزن آهات

ياهو ظل العمتي زينب
من بقت بويه اتعذّب
وكل أخو بشهگة حوافر مـات

تدير المن ...نظرها وكل أخـو طايــح
وتصيح ومن ..الهضم كل صوتها رايح
وحچي جارح ...يسمعوها ونظـر جارح
اشبقه بيها ...وجـفنها امن الدمع شابـح

فوگ الهزل ...يسبوها والوادم غرب
ومن الحبل ...مجروحة والدمعة تصب
بدار الهضم......وحال التظل ابلا أهل
تموت ابقهر..... وذايب حزن بيها الگلب

اللّٰهم بدموع الإمام موسى بن جعفر وضراعاته المتصلة عجل لوليكَ الفَرجَ

قاسم المالكي**#اللهم_عجل_لوليك_الفرج

**[ فحـلُ عليـﮯ ]

صـاح . الڪـمر زمجر بيهم
صـاح . غـضـب الله عـليهم
صـاح . انا هــوه الڪـــافـل . القــــاتل . سـاطركم ســطࢪ
حـــاࢪ . والــجيوش بحيره
حـــاࢪ . ڪـله زود وغــيره
حـــاࢪ . والــفوارس حارت . وحـتـارت . بـعيون الــڪمࢪ

مـــن يـطك بســيفه
الـموت ضل بڪيفه
بـروس ياخذ حــيفه .  مـولآي آبـو فـآضـل

لــــو خــزر بـعيـونــه
الجيش يـخطف لونه
يــاحـــلات فـنـونــــه . مـولآي آبـو فـآضـل

يـــازلمه صـد و وڪفله .. وڪباله سـيف الڪمࢪ
وبـخزرة يـاخذ حيـاتــه .. يـا ڪلف يــــمه الـيمࢪ
صنديد وڪت الحرايب .. عـاشـك العرڪه عشك
ڪاسـر ضـهور الفوارس .. ڪضاها بـيهم شَـــــمر

آبـنُ عليـﮯ . يـا آبا الفضـل مـدد

?????????????

خـيل . يـــــسحل وخــياله
خـيل . ترهب من خــــياله
خـيل . مـاتت مـن عــيونه . يـهابونـه . ڪل جيـش الڪفࢪ
صـار . الــمايـصـير بـديـره
صـار . الـجيش كله بحيره
صـار . والڪـتايب شـافت . وارتـابت . مــن ضـيم الـڪمࢪ

يـاثــڪـل صمصامــه
لو ســـــطر عل هـامه
مـايــــــــرف جـدامـه . مـولآي آبـو فـآضـل

الڪمر طب عــليـــهم
الحومه ضاڪت بيهم
زامـــــــط ويـفـنـيـهم . مـولآي آبـو فـآضـل

خــربط زلمهم سـيفه .. والڪــلف بيهم لـبد
بارز عـضيد حـسـينه .. عــباس مامثله احـد
تجـدح عيونه شراره .. ســـدو عــليه الـــنهر
مـاڪامت الـهم رايه .. صـاحو الڪافل مدد

آبـنُ عليـﮯ . يـا آبا الفضـل مـدد

?????????????

ضـيم . ســـــوه بالـخـيالـه
ضـيم . يــــا ڪلف يدنالـه
ضـيم . لـو بــرز بـالـحومـه . حــل يـومـه . ڪلمن گــابـله
مـوت . صـاير مـن جفوفـه 
مـوت . جـفه ڪل حروفـه
مـوت . هوه بيده اليـقبـض . والـينڪـض . روحـه مو اله

الـموت بيد الـڪافل
غـضب يـوم يــقـاتل
سـبع مـــن ينــــــازل . مـولآي آبـو فـآضـل

ڪلف شـيخ الــساده
يـاحـلات عــــــــناده
ذب رڪــبها الـــقاده . مـولآي آبـو فـآضـل

شـيخ الـهواشم يومـه .. يــسطر بجفه سـطر
وبـخـزره مـن عيـونـه .. يــبـس ريــاك الــنهر
طشــر رڪبهم بـيــده .. والـجثث ماتـنحسب
هـوه ڪلف من زغـره .. شـيوصفه هذا الگـمر

آبـنُ عليـﮯ . يـا آبا الفضـل مـدد

?????????????

شـيخ . تــلوك بـس للڪافل
شـيخ . هـوه هذا أبو فـاضل
شـيخ . غــــير ابــن بـدويــه .  وعـربيـه . سـبع الڪنطره
مــاي . الــنهر جـابه وجـرفه
مــاي . طــــشه کلـــه بـجفه
مــاي . طــــشه فـوك عــياله . واطــفاله . راعي الـمفخره

هــوه خيــرُ الخــــالق
هــوه بالــطف نــاطق
هــوه للــــــحب رازق . مـولآي آبـو فـآضـل

ڪبش الكتيبه افعـاله
مــاخـضع يـم خــــاله
وراح ذب عڪـــــــاله . مـولآي آبـو فـآضـل

ضهضب عـجيد الــساده .. وعـــن امر خـاله زلـف
والعرڪه بيد الــهـواشم .. والعرڪه مـــــو للعرف
مـحد يــــلاوي جـفـوفه .. وهد غيضه لمن غضب
رد ورجـــع لـحـسـيـنـــه .. مـاعـــــنده غـيرة ولـف

آبـنُ عليـﮯ . يـا آبا الفضـل مـدد

?????????????

آلخويـدم:
عباس العيداني

اللـهـم؏ـجـل لـوليگ الفـࢪج**

**[ يا عُظمَ القمر]

جميلاً بوصفهِ يا عُظم القمر
ونــورهُ تلألأَ مصفات الـدرر
ومقبلاً للهيجـا کيوم الحشر

مـنو مثله .. بگلب ڪل جندي خـلاله الف عله
مـنو مثله .. ياگلف جيدوم يكدر يوصل الحله

يـمعذب الفرس يذابح كلمن شـهم
يالوصفك حير عقل كلمن بي علم
يـالمعة عينك شبهت لمع الـــنجم

دخـيلك  .  يا ابا الفـضل

?????????????

عـظيماً بـقدرهِ شـــــــبلُ القسـوره
مـهيباً وفـارسـاً ســــــــبع القنطره
عبوسـاً وسيفهِ في الطف محشره

شـبل قسـور  ..  مـن عوده تعلم عل عدو محشر
شـبل قسـور  ..  يـرگ الـزلم بيده والعجيد يــفر

يالجايب رڪب زلم بيدك للخيم
يابن حيدر يسمك ساقي والنعم
يـاحيد وڪل صعبه يمـك تـنثلم

دخـيلك  .  يا ابا الفـضل

?????????????

عـجيباً وسـيفكَ حـداً للــــــــــسقر
جـهنماً وحـطمةً للـكفرِ مــــــــــــقر
ضيائكَ لايعتم  ، هل يخفى القمر؟

مـنو يجبله ..  سيـفه گالـسعير الكافل يـسله
مـنو يجبله ..  خـزراته لـظى ويـرچفن فحله

يمڪضي الـزلم شـمر بيدك ياڪلف
غـاضب طب إعليهم مايعرف عرف
يشوس بيهم كاطع نسل الموشرف

دخـيلك  .  يا ابا الفـضل

?????????????

لـهُ اسماً في الطفِ سـقاء الهدى
ولا يـهاب الــموتَ يـومَ الملتقى
اذ هـوَ الـعباسُ عـل نـهرِ ارتــقى

هـوَ السـاقي  ..  عـطشان ويروي عياله لو باقـي
هـوَ السـاقي  ..  دره وطلعت بـس من نبع راقـي

هـمه صـغار إعـليهم مـو گــلك تـطب
بيهم كـافي خـيالك يمگضي الصعب
يا چـلمة حك انته ومن اشرف صِلب

دخـيلك  .  يا ابا الفـضل

?????????????

آلخويـدم:
عباس العيداني

اللـهـم؏ـجـل لـوليگ الفـࢪج**

يا صاحب الزمان.?
مولاي عذرآ سيدي .
ان كنت بل ذنوب .
اخرت قرب الموعدي.
يا صاحب الزمان ?

**راحت
ام المحنه وماترد
راحت
مهضومه نامت باللحد
راحت
لخاطرها ظل محني الورد

لو بس تجي بطيف وتمر بعيوني لحظه
وشويه بالخاطر.. همس... ياعالم ارضه
وبغير فاطم هالگلب مايسوه نبضه

ام الحسن.. سالفتي ياناس وهلي
ام الحسن.. بعدج فلا عايش علي

..............................

حالي
بعد الحنينه بلا سكن
حالي
وضلوعي من ضيمي انحنن
حالي
بت روحي لفاها الجفن

اهنا تگعد اهنا سولفت ساعه وحجينه
واهنا تذكرنه النبي وشكد بجينه
ياربي والفارگ ولف الله يعينه

راحت بعد.. مايرجع النام بگبر
راحت بعد.. ياريته ماطال العمر

.....................................

شوگي
ظل ياكل بروحي شكثر
شوگي
ماينفع لفگدج صبر
شوگي
ولياوكت راح انتظر

اتخطر ايامي المضت والباري يدري
وبلايه فاطم ياخلگ ماريده عمري
فگد الزجيه يادهر كاسرلي ظهري

شيّب علي..وسفه وبعد ماننجمع
شيّب علي.. وكون المشه يرده الدمع

.......................................

فاطم
صبر اليفارگ مو سهل
فاطم
بعدج جذب ماظل عدل
فاطم
فراگج صدگ يكتل كتل

شيسوي بيامه الفگد روحه ودفنها
والعين لو شح الدمع ذبّل جفنها
والكاع لو ما حوّه آدم ماسكنها

هوّه العمر.. بعدج يفاطم بس جرح
هوّه العمر.. بعد الحنينه بلا ملح

..............................

زينب
بالباب ظلت تنتظر
زينب
حسبالها يرد العمر
زينب
طفله ويتعبها الهجر

والراحت امه يحس غريب وباقي وحده
كل مغرب يهل الدمع وأيده اعله خده
فارغ مكان الوالِده ومحد يسده

كلش صعب... طفله وتموت امها بعجل
كلش صعب.. تعاين على وجوه الأهل

علي طعمه البطاط**#اللهم_عجل_لوليك_الفرج

**آه يمه. يا فاطمه يا يمه

......................................................

گعدت زينب ابليله
يم گبر امها تشكيله
وحنانچ والبن. يمه الرضعته
فارگتچ وحس الدنيه ميته

يم گبر امها زينب سولفت هايه
علي يمه بغيابچ تايه ابرايه

يبچي .. علي كلما يصد لينه
يبچي ... ويخنگ صدره بونينه
يبچي ... الكاسر خاطره حسينه

يمه احسين كل ليله ابغيابچ
يشعل شمعه ويتاني على بابچ
يسولف بالدمع يمه بمصابچ
حسين اشتاگلچ چا ما تجينه

......................................................

يخيمة بيتنه وحيلي
يخلص بلدمع ليلي

كلساع الزمن يلچمنه سكته
عمر الضيم بعدچ يمي عشته

من واحد لوحد نحچي ادمووع
ياهو المنكسر من عنده ضلووع

نحچي... عن ضلوعچ وعنه
نحچي.... ضلعچ يمه كاسرنه
نحچي.... يمه البيت خانگنه

البيت بلايه أم شيلم شملنه
واحس ركضة عُمر وبعاد اهلنه
ونصد لچفوفنه ونمسح دمعنه
البيت بلايه أم نص خيمه چنه
......................................................

عيني نفتحت بضلمه
وعشت بحسرة اليمه
گوم الحاربتچ حاربتنه
كسرة ضلعچ وكسرت گلبنه

من نصيح يمه يبچي ابونه
چا عالبيت چنتي شگد حنونه

يمه ... كلشي بعدچ اتغير
يمه ... علي بس عالدمع يگدر
يمه ...علي بالممشه يتعثر

رحتي وصار بيتچ بيت اليتام
يمه وانه واخوتي وحته ابولثام
نتغطه بعباتچ گمنه وانام
اليفارگ ريحتچ كل ليله يسهر
.................................................

نار الحرگت الباب
باچر نفس السباب
هاي النار تحرگلي العبايه
ونصير انه وخواتي من السبايه

تسلب اخدور من ضعن الهوشم
شعده النار يمه وي الفواطم

النار ... حرگتلي اخو وامّي
النار ... باچر تاكل اخيمّي
النار ... منها وغيرو اسمّي

اسمي أم عون جان ابين اخوتي
سموني السبيه وطلع صوتي
المن عيشتچ يا أم عون موتي
راسي مشيب ومحروگ هدمي
……………………………………………
محمد عيسى المنصوري**

**لـيلـة دواهـي
والميته ياهي .. أنها أمنا الزهراء
بصفعه عنيده
ماتـت شهيده .. أنها أمنا الزهراء

ياگلبي لوج ابحسرتي وبناري
سَل صدرها خُزانة الاسراري
مالـت عله البـاب وتـؤن حيل
هول المصيبه الاذهل افكاري

مضلومه فـاطمه .. وملطومه
مكسوره وناحله .. ومهضومه
ما ندري امن الم .. لـو عالصار
دمعتها اعله الجفن .. مرسومه

=========ـ

هــاي الجريـمـه
صعبه وهضيمـه .. أنها أمنا الزهراء
البـاب ابــدمعهه
هـشّـم ضـلـعهـه .. أنها أمنا الزهراء

دار الحبيبه وحشه يبچي اعليهه
غـربه الدموع الما نشف جـاريهه
والكسره لا مـا تـمـوت الـذكريات
راحت شهيده وهو يدري اشبيهه

طگوهه اعله الجفن .. طگـوهه
حرموهه امن البچي .. حرموهه
وأمچتـف بالـصـبر .. ذاك الـحيّد
ومحنيه امن الضلع .. خـلــوهه

======ـ

نبـچي الكسرهه
غــايــب گـبـرهه .. أنها أمنا الزهراء
المدفونه سكـته
همـهه اعله ؤنته .. أنها أمنا الزهراء

زهرة علي من بين ادينه طاحت
وخـلـت يـتـامه وللمـگـابر راحت
خـلـت علي ابلا حيل وابــلا روح
ناحت عليهه ارض وسمانه ناحت

مدفونه ابلا ضلع .. مدفونه
حيدر طاحت تراهي امتونه
موش انتي بالحد هاي اعيون
مـن هــلااه الــدمع .. بعيونه

=======ـ

طـال أنـتظـاره
ثــار الــغــيـاره .. أنها أمنا الزهراء
نحسب يجينه
المـهـدي ويـنـه .. أنها أمنا الزهراء

تنتـظره عيـن الزهره وين الرآيه
متحضرين احنه النصرته اهوايه
والمهدي بيـده ايصـلب الجـبتين
ونتـعنه گبــر الـطــاهـره مـشـايه

ثــار الله المنـتقم .. ثاراته
ويسدنهه الشمس .. رآياته
هل گرب موعده .. ليث الهاب
توصل حد السمه .. شاراته

=======ـ

- خيري الصفراني ✍️**

**.            واويـلاه واويـلاه     يـايُـمـه
             واويـلاه واويـلاه     يـايُـمـه

------------------------------*

أجـاچ الـرحـمـه مـاعـنـده
               الـمـايـعـرف شـنـو الـورده
               عـلـيـچ اجـاسـر الـملـعـون
               ولـلـبـاب أعـتـنـه بـحـقـده

------------------------------*

الـبـاب بــدمــچ اتــوضــه
               دفــعــاه الــعـثـر حــظـــه
               يالـزهـره أنـعـصـر گـلـبـي
               يـوم الصحـتـي يـا فـضـه

------------------------------*

الـظـالـم بـالـحـقـد أعـمـه
               مــا شــاف الـــورد يــمــه
               اجــاچ ابــنــاره مـتـعـنـي
               وعـطـر الـجنـه مــاٱشـمـه

------------------------------*

اشلـون العصـرتـچ أنـسـه
               أونـن ونّــت الـخــنــســـه
               شــفـت الـمـا عــبــد ربــه
               اگبالي وصدرچ ايـرفـسـه

------------------------------*

حـنـانـچ بـيش اعـوضـنـه
               وچنـتي الرحـمـه والجـنـه
               عــاشـرت الـحـزن عِـشـره
               وأســمــچ دوم أذكـــرنـــه

------------------------------*

ظلمه الحجره أشـوفـنـهـه
               حـگـي الـدمـعـه أهـلّـنـهـه
               أتــذكــر وازيــــد الــنــوح
               أسنيني بـمـگـبـره چـنـهـه

------------------------------*

خـادم الـزهراء ع
الشاعر رعد الجريخي**