Туяга "юкинг жуда оғирми? Нимадан норозисан?"' деб сўрашган экан, "Юкимни залвори парвоимга ҳам келгани йўқ. Шу карвонни бошидаги эшшакни кўряпсанми, шу эшшакнинг орқасидан кетаётганим алам қиляпти" деб жавоб берибди...

🖊Олинди

✍@umidaaziz

Мулоҳазага чорлайдиган, кишини ўйга толдирадиган постларга оғзи қулоғида кулган белги-муносабат қўядиган бефаросатлар шунда ўзини моллигини кўрсатган бўладими ёки ҳасаддан битта жойи қовурилаётганиними? Нима деб ўйлайсизлар?

P/S: Билмасдан, тушунмасдан бошқа белги-муносабат ўрнига тиржайган каллани босиб қўйган ёши катта кузатувчилардан узр сўрайман. 😊

Ибн Арабий: "Қалбдан ҳузун кетса, қалб хароб бўлади," дейди.
Маҳзунлигимизнинг ягона сабаби бу дунёга тегишли эмаслигимизда, деб ўйлайман.
Синиқлигимиз, ҳорғинлигимизнинг боиси эса оид бўлмаган жойимизда мажбуран қолишни хоҳлаётганимизда.

Шунинг учун ҳам, назокатли ва фаросатли кўнгилларга бу ер торлик қилади, сиғмайди...

✍️@umidaaziz

#жума_оқшоми_дуоси

Ўзингдан бошқа ҳеч нарсамиз йўқлигини бизга унуттирма, Аллоҳим!

✍️@umidaaziz

#вақти_чой

Кўнгил — инсоннинг қибласи.

Вайрон қилма, қурбоним...

✍️@umidaaziz

Баъзи кўчалардан соғинч ҳиди таралади. Қўл билан тутолмайсан, кўз билан кўролмайсан. Кечинмаларини, бошдан ўтганларини қалбинг билан ҳис қиласан...

✍️@umidaaziz

Нимадан ўкинганим номаълум бир гина ҳисси бўғзимни куйдиради. Қайда бўлмасам кемтик, қайга кетсам ортиқчадекман...

✍️@umidaaziz

Инстаграмда Япониядан Сурхондарёга келин бўлган қиз билан тайёрланган лавҳа олдимдан чиқди. Бир чиройли қишлоқ келини бўлиб гилам тўқиётган экан. Келинчакнинг маҳоратига таҳсинлар айтиб видеони томоша қилаётгандим, не борки, кўзим изоҳларга тушди.
"Эрсиз ўтсанг ҳам Японияда мазза қилиб юрмайсан-ми?!"лардан тортиб, "Нима десин энди, ҳа яхши, бахтлиман дейди-да"лар майлику, "Қизнинг паспортини қайтариб беринглар" деган изоҳга кулавериб кўзларим ёшланди. Ярим соатдан бери куламан ўзимга ўзим. ? Халқ ичида нақадар уста аскиячилар бор-а?

#nimadir

Bolalik paytlarimiz TVda "Ulker" firmasining pechenyelari reklamasi berilardi. Qimmat bo'lgan shekilli oyim hech ham olib bermaganlar, biz ham so'ramasdik.

Bir kuni qarindoshimiz aynan o'sha biz orzu qilgan qutichada pechenye olib keldi. Shunaqa quvondik, buni tasvirlab berolmayman. Hali ham ko'z oldimda ukam bilan sakrab, xursand bo'lganimiz ?

Shoshilib qutini amallab ochdik (yaxshilab skochlangan edi). To'q pushti rangli karton qutidan biz kutgan shirinlik emas, butunlay boshqa narsa chiqdi.

Suvga ivitib qo'ysada yumshamaydigan, toshdek qattiq, eskirgan ta'mga ega yoqimsiz pechenyelar...

Mehmon esa "Bollarim yemadi-da, shunga opkeldik, yevorarsilar", dedi. Biz ham bola edik...

O'sha kuni oyim yig'ladilar, biz ham. Lahzalik quvonch o'rnini cheksiz qayg'u egalladi. Va shu kundan katta xulosa oldim: HECH QACHON O'ZINGGA RAVO KO'RMAGAN NARSANI BIROVGA ILINMA!
Hozir kimgadir nimadir ehson qilmoqchi bo'lsam avvalo o'zimga: "Bollarimga shuni ilinamanmi?", deya savol beraman. Dunyoda hamma narsa saboq, dars bo'ladi. Faqat gohida bu darslarni yurakdagi darzlar evaziga o'zlashtiramiz :)))

@jalolova_1070