Jawadstein1 👆🏻
+هذي صفحة الفيزياء الخاصة بطلاب استاذ جواد الزبيدي ع الانستگرام ♥️

حبايبي الابطال دفعة 2025🌼
يوم 5/30 راح نرتبلكم مجاميع على التلگرام خاصة بكُل معهد 💖

و بيها تنزل التعلميات الخاصة بيكم
من جدول محاضرات الفيزياء و الملاحظات الي ينطيها الكم استاذ جواد خلال المحاضرة
و اي استفسار او تبليغ يكون داخل الگروب 💖

و طبعاً قناة التليگرام هذي نسويلكم عليها فعاليات حلوة و مراجعات اسبوعية (الكترونية)للمادة 💯

انتظركم يوم الاربعاء ٥/٢٩ بالزعفرانية
يوم الخميس ٥/٣٠ بجسرديالى

🎁🎁❤️

شدوا حيلكم ابطال💪 استغلوا كل لحظة، الوقت هذا كلش مهم✨،
اهمشي انو تستمر هي العبرة هنا
انو هواي نجحوا هواي تفوقوا بس مو الكل استمر
سوي كل الي عليك و لاتقصر ابد و عوف النتائج على الله❤️

قال تعالى: ( هُوَ عَلَيَّ هَيِّنٌ )

الفصل الاول كامل ع اليوتيوب 👆🏻

هذا اكو واحد اسمه يونك🙆‍♂️ كال الضوء💡 موجات 🌈واثبت كلامه من خلال تجربة خاصة بي اسمها تجربة يونك
ورة فترة طلع واحد اسمه بلانك🤷🏻‍♂️ بسالفة جديدة كال لا عمي الضوء فوتون ✨( هو موجة بس يصرف مثل الجسم ) واثبت كلامه من خلال شي اسمه الجسم الاسود ⚫️

المشكلة ورة يونك طلع شخص جديد اسمه اينشتاين 👴اكد كلام يونك واثبت ان الضوء جسيم من خلال تجربته اسمها الظاهرة الكهروضوئية 🪫⚡️

صارت مشكلة يونك يحجي شكل وبلانك واينشتاين يحجون شكل رادت توصل كاتل ومكتول

دخل طباب خير عليهم شيخ ابن اجاويد وخير اسمه ديبرولي🤴 حلها بينهم بالتراضي وگاللهم الضوء مزدوج ( هو موجة وهو جسم )

اقتنع الطرفين بالكلام والسالفة عجبت ولد شاب اسمه هايزنبيرك 🏃🏼‍♂️هذا استلم سالفة السلوك المزدوج وطلعلهم بمبدأ جديد اسمه مبدأ اللادقة الي اثبت بي انو الاجسام منكدر نحدد مكانها ونحسب زخمها ( سرعتها ) بنفس الوقت لان ايصير خطا بالقياس

٣ طلاب تعاركوا ع سؤال بالفيزياء كل واحد عنده جواب شكل
نص السؤال ( ماذا يحصل لو ربطت متسعة مع مصدر للفولطية المتناوبة )

الاول گال تشحن بالربع الاول وتتفرغ من شحنتها بالربع الذي يليه

الثاني گال تشحن وتتفرغ على التعاقب وبسرعة كبيرة

الثالث گال تعمل عمل مفتاح مغلق

رادوا ايحلون المشكلة راحوا لأستاذ جواد گالوا الة استاذ منو الجواب الاصح

استاذ جواد جاوبهم تلاثتكم كلامكم صح وتاخذون عليه درجة كاملة بالوزاري

مع السلامة✋🏻

قال تعالى: ( فَإِنَّكَ بِأَعۡیُنِنَاۖ )

الشتوية محاضرتكم اليوم ب٥