See you next autumn in Uzbekistan!

We thank all partners, speakers, companies and participants, who helped to make this year's ICT Week Uzbekistan a success!

www.ictweek.uz
https://www.linkedin.com/in/sherzod-shermatov

Mana so‘ngi ikki yildirki “ICTWEEK UZBEKISTAN” haftaligini IT taʼlim uyushmasi tomonidan amalga oshirilib kelinmoqda.

Mazkur yilda 50 dan ortiq davlatdan tashrif buyurgan xalqaro tashkilotlar bilan aloqa o‘rnatish hamda networking qilish istagida haftalikka tashrif buyurganlar soni ikki barobarga o‘sib 20 ming nafarni tashkil qildi.

Haftalikning umumiy maydoni ham 2 barobarga oshib, o‘tgan yilgi 5 ming kv.metr o‘rniga 10 000 kv.m maydonni egalladi. “ICT Expo - 2024” ko‘rgazmasida jami 200 dan ziyod xorijiy va mahalliy IT kompaniyalar ishtirok etdi. Haftalikda birinchi marotaba Koreya, Xitoy, Qatar va Latviya kabi davlatlarining 50 dan ortiq TOP IT kompaniyalari joy olgan milliy pavilonlar tashkil etildi.

ICT Week Uzbekistan - 2024 davomida 20 dan ortiq forum, sammit va panel muhokamalari tashkil etildi, bu ham o‘z navbatida mazkur tadbirning nechog‘lik mintaqamizda muhim o‘rin tutib borayotganidan dalolatidir. 93 ta xalqaro darajadagi spikerlar AI, BPO, Startup, IT Investment va boshqa dolzarb mavzularni ichiga olgan tadbirlarda taqdimotlar, tahlillar va fikrlar bilan o‘rtoqlashdilar.

“IT sohasida ayollar: Imkoniyatlar va muammolar”, “IT taʼlim va frilansing”, “Raqamli dunyoda teng imkoniyatlar” mavzularida tashkil etilgan konferensiya va forumlar mamlakatimiz yoshlari, ayollar hamda imkoniyati cheklangan IT sohasida muvaffaqiyatli karyera qurishga intilayotgan hamyurtlarimizni ilhomlantirish va qo‘llab-quvvatlash, shuningdek, to‘siqlarni bartaraf etish va mukammallikka erishish uchun ajoyib imkoniyatlarni taqdim etdi.

Birinchi marotaba, takroran ayta olaman birinchi marotaba ICT Weekda hamkorlik istagini bildirgan tashkilotlar soni 16 taga yetdi, bulardan 12 tasi xorijiy hamkorlar sanaladi.

Fursatdan foydalanib, yurtimiz AKT sohasida ahamiyati yuqori bo‘lgan tadbir tashkilotchisi sifatida bizni qo‘llab quvvatlagan Raqamli texnologiyalar vazirligi, haftalikning asosiy hamkorlari bo‘lgan UZUM, Data Volt, Startup Qatar, Yandex, Dell, ZTE, Huawei, AIJ, IT PARK Uzbekistan, IT taʼlim sohasini yurtimizda qo‘llab-quvvatlashga beqiyos hissasini qo‘shayotgan CompTIA, Amity Universiteti, HP va Gem Spase tashkilotlariga hamkorlik uchun o‘zimizning minnatdorligimizni izhor qilmoqchiman. Bundan tashqari haftalikda ishtirok etgan qolgan barcha tashkilotlarga ham o‘z minnatdorchiligimizni izhor etamiz.

Ishonamizki, to‘rt kun davom etgan ICT WEEK UZBEKISTAN 2024 haftaligi O‘zbekistonni axborot texnologiyalari sohasidagi mintaqaviy markaz – IT-xabga aylantirish, IT va unga aloqadar barcha tashkilotlar uchun biznes maydon shakllantirish yo'lidagi navbatdagi muhim qadam sifatida katta hissa qo'shdi.