- الانجاز

اكبر انجاز بوقتنا هذا أن تبقى انسان محترم متربي وحاط الله بين عيونك تكدر تميز الصح من الخطأ مسيطر ع نفسك وسلوكك محافظ على كرامتك وسمعتك متحكم بإفعالك مو الناس متحكمه بيك ودائما خلي عندك مسطرة اخلاقية تمشي عليها ولو الظروف صارت صعبة ابقى مستقيم حته لو انعوجوا البقية ، ودائما خلي عندك قدوة دينية اخلاقية تربوية ثقافية تمشي بمقاييسها لان شما تكون بيك هاي الصفات شما زاد احترامك بلمجتمع واتوكل على الله بكلشيء وسوي انجازك يلا .

( وَعَلَى اللَّهِ فَتَوَكَّلُوا إِنْ كُنْتُمْ مُؤْمِنِينَ ) 🤍.

أنَ لبعضَ الضنِ أثمٌ .

لا تخلي وقت للفشل العاطفي
خلي وقت لمعالجة الفشل العضلي 💝.

- شلون اكدر اتخطى

اول شي لازم نعرف انو 90% من العلاقات هي علاقات تعلق وليس حب .
ف اذا تريد تتخطى ركز ع هذول
1- بطل تراقب يعني عوف الاسئلة عن الشخص واذا جنت تتابعه ع مواقع التواصل الاجتماعي احضره واتخلص .
2- بطل تسمع اغاني حزينة ممكن تذكرك بيه وابتعد عن الاشخاص والاماكن الي تذكرك بية وبنفس الوقت اتخلص من هداياه اذا جنت محتفظ بيهن .
3- لازم تحب نفسك لازم تعرف قيمة نفسك وتهتم بنفسك وتذكر انو انتَ انسان طيب وتستاهل شخص يحبك ويقدرك .
4- اهم من كل النقاط باختصار لازم تقتل نفسك يعني لازم تنشغل باشياء مفيدة وتخلي هدف بحياتك وتركز عليه وتذكر دائما انو رب العالمين ما يحرمك من شي الا ويعوضك عن شي احسن منه ( وَعَسَىٰٓ أَن تَكۡرَهُواْ شَيۡـٔٗا وَهُوَ خَيۡرٞ لَّكُمۡۖ وَعَسَىٰٓ أَن تُحِبُّواْ شَيۡـٔٗا وَهُوَ شَرّٞ لَّكُمۡۚ وَٱللَّهُ يَعۡلَمُ وَأَنتُمۡ لَا تَعۡلَمُونَ ) 🤍.

كربلاء المقدسة 🏴

- المبدأ

**كل شخص عنده مبدأ بل الحياة وكل شخص مسؤول عن تصرفاته كل واحد واختياره بل الحياة وشيريد هوا بنفسه يحصله ...
أما قصة المبدأ ف أنو معظم الناس ماشين على مبدأ ( الدنيه متكوف ع احد ) واني من ضمن هل الاشخاص الي نكول الله يعوض الراح ويجي بدال الشخص عشره وعشرين وميه '

ف بأختصار مو كلشي راح معناتها ماكو غيره عندك بدي انشك ومتكدر تلبسه لان بيه عيب فراح اول وتالي تبدله للبدي .

ف يا عزيزي/تي البشر هيج اذا صار بيه عيب مثل البدي يتبدل لان انتا مراح تموت ولا راح تتكسر ولا عيشتك عليه يجوز تصير احسن من الحال الي جنت بيها قبل ?.**

- مقارنة النفس

اذا باوعت للناس بحقد ، شنو عدهم وشنو عندك وعشت حياتك كلها بمقارنة ويا غيرك .
حياتك راح تتحول لصراع نفسي ما بين طموحك وحقدك ، حقدك راح يتغلب على طموحك وتوصل للأكتئاب ومن بعد الأكتئاب راح توصل لمرحلة الفشل أياك وبالك تباوع لغيرك وتقارن نفسك بغيرك لا انت احسن من احد ولا احد احسن منك حاول تخلي الاضواء ع نفسك وتباوع لنفسك فقط خلي دائما طموحك مناسب لقدراتك وامكانياتك وهدفك حتى تعرف تحققه ، مهما كانت سيارتك و بيتك وحياتك افتخر بكلشي عندك وخليك راضي بكل شي بسيط لا تقلل من انجازاتك ترا محد يعرف تفاصيل حياتك ومحد يعرف شنو تملك انت ،الجميع يكتفي بالنظر من بعيد الك ولعثراتك ولازم تكون مقتنع رب العالمين ما خلق الناس متساوين بالدنيا وخلقنا طبقات وانت طبقه من هاي الطبقات واكو طبقات اقل منك بهواي واسعد منك لان راضين وما حاقدين ( انته تراني بعين طبعك وانا اراك بعين طبعي ، فلا تقارن سمعك بسمعي ) ?.

- الوعي

بدايةً كمحاضرة سامعها للدكتور الوائلي رحمهُ الله يكول أنَ الأنسان يقسم النوعين من الطفولة الي هي طفولة جسد واكو طفولة عقل ...
يعني انتَ قد تلكالك واحد عمره 15 سنة ويحمل هموم مجتمع عنده ادراك وعنده وعي عنده عقل يحمل هموم امه هموم بيته هموم أسرته تشعر انهُ ناضج يعني متربي ...
وقد تلكالك واحد عمره 70 سنة وبعد بحاجه الى ان تحط بحلگه ممه ...
الي فهمته من هلبارت بهل محاضرة الي اختصرة الشيخ انو الوعي يتقسم الى عدة اقسام اكو الوعي الثقافي والوعي السياسي والوعي الاجتماعي والوعي النفسي ...
ف الانسان بحد ذاته يكون مسؤول عن تصرفاته بإي شكل من الاشكال على سبيل المثال انت دتناقش شخص بخصوص موضوع معين وهلشخص انفعل هل يا ترى انا انفعل مثله اكيد لا الربط بين المثال وموضوع الوعي انو الانسان يكون محدود بتصرفاته يعني كلشي يرادله تفكير ودراسة قبل لتسويه ...
اكو ناس عبالهم الوعي بلدراسة واكو ناس عبالهم الوعي بلشغل واكو غير وغير ف بحدود الموضوع او باختصار الوعي عند الانسان يصعد درجات من تجربة او حكمه او شي يعيشه الانسان وهيج راح يبدي يصير واعي بلحياة ?.

٢٠٢٤/٤/٢٤