O‘zbekistonda yilning eng yaxshi sportchilari aniqlandi

23 dekabr kuni Toshkent shahridagi Olimpiya va Paralimpiya shon-shuhrati muzeyida «Milliy sport mukofot-2024» taqdirlash marosimi bo‘lib o‘tdi.

Unga ko‘ra, yilning eng yaxshi erkak sportchisi boks bo‘yicha O‘zbekiston milliy terma jamoasi a’zosi Hasanboy Do‘smatov deb topildi. Dzyudo bo‘yicha O‘zbekiston milliy terma jamoasi a’zosi Diyora Keldiyorova esa yilning eng yaxshi ayol sportchisi bo‘ldi.

Shuningdek:

Yilning eng yaxshi murabbiyi – To‘lqin Qilichev;
Yilning eng yaxshi para sport murabbiyi – Yahyo Yakubov;
Yilning eng yaxshi terma jamoasi – boks bo‘yicha O‘zbekiston terma jamoasi;
Yilning eng yaxshi erkak paralimpiyachisi – Husniddin Norbekov (para yengil atletika)
Yilning eng yaxshi ayol paralimpiyachisi – Nurxon Qurbonova (para yengil atletika)
Muxlislar mehrini qozongan sportchi – Sitora Turdibekova (boks);
Muxlislar mehrini qozongan para sportchi – Ro‘za Qo‘ziyeva (para pauerlifting)
Yil kashfiyoti – Razambek Jamalov (erkin kurash) deb topildi.

Futbol bo‘yicha O‘zbekiston milliy terma jamoasi va Fransiyaning «Lans» klubi a’zosi Abduqodir Husanov yilning eng yaxshi yosh sportchisi deb topildi.

@gosportuz

Oleksandr Usik AND STILL!

Barcha hakamlar 116-112 hisobida Usik gʻalabasini eʼtirof etishdi!

@gosportuz

Yilning eng muhim jangi yakuniga yetdi. Hakamlar qarori qanday bo‘ladi, bilmadim, ammo mening hisob kitoblarimga ko‘ra Usik yana g‘alaba qozondi. 115-113.

@gosportuz

Vinisius FIFAning The Best sovrini sohibiga aylandi.

@gosportuz

Murodjon Ahmadaliev yana bir bor Naoya Inouega chaqiruv yoʻllagach Inoue Twitter orqali javob qaytardi: «Nega endi Tapalesga yutqazgan odamdan qochishim kerak?

Bunga hech qanday zarurat yo‘q.
Agar jang qilishni xohlasa, o‘z «qadrini» saqlab, kutib tursin!
Hozir esa butun e’tiborim Gudmanga qarshi jangga qaratilgan».

Uning bayonotiga oʻzbekistonlik boks blogeri yaxshi savol bilan javob qaytardi:
«Nimaga unda sen Murodjonga yutqazgan Romanga yutqazgan TJ Doeniga qarshi jang qilib yuribsan?»

@gosportuz

Abbosbek Fayzullayevning transfer bahosi yana 2 mln yevroga oshdi

Transfermarkt portali Rossiya Premyer-ligasida faoliyat yuritayotgan futbolchilarning transfer bahosini yangiladi. Unga ko‘ra, Abbosbek Fayzullayevning transfer bahosi 2 million yevroga oshib, 6 mln yevrodan 8 mln yevroga ko‘tarilgan. O‘zbekiston milliy jamoasining 21 yoshli yarimhimoyachisi Rossiya Premyer-ligasida transfer narxi eng ko‘p ko‘tarilgan futbolchilar uchligidan joy oldi.

Shuningdek, Abbosbek 8 mln yevro transfer narxi bilan SSKAning eng qimmatbaho o‘yinchilari orasida Ivan Oblyakovdan (9 mln yevro) keyingi 2-o‘rinda bormoqda.

@gosportuz

Saudiya 2034 yilgi jahon chempionati mezbonligini hech qanday raqobatsiz, ortiqcha muammosiz yutib olishini istagan FIFA Urugvay, Argentina va Paragvayni JCH-2030ning bitta o‘yinini o‘tkazish bilan aldab qo‘yibdi. Bahona zo‘r: JCH-2030 ilk marta uchta qit’ada o‘tadi. Ilk marta 6ta davlat mezbon bo‘ladi. Ilk marta 64 terma jamoa qatnashadi degan gap yetishmayapti faqat.

Bir paytlari jahon chempionligi mezbonligi uchun dahshatli kurash kechardi. Ovozlarni qo‘lga kiritish uchun da’vogarlar hamma yo‘lini qilishardi. Hozir Saudiyaga o‘xshaganlar shunchaki mezbonlikni yutib ketmoqda. Eng qizig‘i ularga mezbonlik berilishi qariyb bir yil oldin aniq edi.

Pul hal qila olmagan masalalarni katta pul hal qiladi © FIFA xalqaro maqoli

@gosportuz

Tailandda boks bo‘yicha Osiyo chempionati o‘z yakuniga yetdi. Erkaklar o‘rtasidagi bellashuvlarda O‘zbekiston terma jamoasining chempionlik uchun ringga ko‘tarilgan 10 nafar bokschisidan 8 tasi g‘alaba qozonib, qit’a birinchiligining g‘olibiga aylanishdi.

Yakunda erkaklar terma jamoamiz 8 ta oltin, 2 ta kumush va 1 ta bronza medallariga ega chiqishdi. Bu bilan terma jamoa umumjamoa hisobida birinchi o‘rinni egallashdi.

🥇 **Oltin medal:
-48 kg: Shodiyorjon Meliqo‘ziyev
-51 kg: Asilbek Jalilov
-57 kg: Mirazizbek Mirzahalilov
-63,5 kg: Adhamjon Muhiddinov
-67 kg: Mujbillo Tursunov
-71 kg: Havasbek Asadullayev
-75 kg: Javohir Ummataliyev
-80 kg: To‘rabek Habibullayev

🥈 Kumush medal:
-54 kg: Shahzod Muzaffarov
-86 kg: Jasurbek Yo‘ldoshev

🥉 Bronza medal:
+92 kg: Jahongir Zokirov**

@gosportuz

Dragan Cheran va «Paxtakor» hikoyasi tugadi

Jahongir Ortiqxo‘jayev: «Dragan Cheranga faoliyatini yakunlab, murabbiylik faoliyatini boshlashni tavsiya berardim. Keyingi yil uni «Paxtakor»da ko‘rmayapmiz».

@gosportuz