بل پاس ہونے کے بعد کئی حکومتی ارکانِ اسمبلی سے بات کرنے کی کوشش کی گئی تو انہوں نے کسی بھی بات کا جواب نہیں دیا۔
ایک حکومتی رکن نے تو نام ظاہر نہ کرنے کے شرط پر صرف اتنا کہا کہ “کیا بات کریں جو کارنامہ ہم نے کیا ہے اس پر بات کریں؟”

پاکستان: آرمی چیف کی مدتِ ملازمت پانچ سال کرنے سمیت چھ بل پارلیمان سے منظور

پاکستان کی پارلیمان نے آرمی چیف اور دیگر سروسز چیف کی مدتِ ملازمت پانچ سال کرنے اور سپریم کورٹ میں ججز کی تعداد 17 سے بڑھا کر 34 کرنے سمیت چھ بلز کثرتِ رائے سے منظور کر لیے ہیں۔ اپوزیشن ارکان نے اس دوران شدید احتجاج کرتے ہوئے بلز کی کاپیاں پھاڑ دیں۔
پیر کو قومی اسمبلی اور سینیٹ کے اجلاسوں میں حکومت نے برق رفتاری کے ساتھ چھ ترمیمی بلز منظور کرائے۔
ان بلوں کی منظوری کے لیے حکومت کو سادہ اکثریت کی ضرورت تھی اور اس کے لیے ‘یس’ اور ‘نو’ کے ذریعے فیصلہ کیا جاسکتا تھا۔
اپوزیشن نے اس دوران بھرپور شور شرابہ کیا جس کی وجہ سے اسپیکر ایاز صادق رسمی طور پر ‘یس’ اور ‘نو’ کا پوچھتے رہے۔ لیکن تمام بلوں کی تمام شقوں کو منظور کر لیا گیا۔
اسپیکر ایاز صادق کی زیرِ صدارت قومی اسمبلی کے اجلاس میں قرارداد سے قبل وقفہ سوالات معطل کرنے کی تحریک وزیرِ قانون کی جانب سے قومی اسمبلی میں پیش کی گئی جس کو کثرتِ رائے سے منظور کر لیا گیا۔
عام ایجنڈا معطل کرنے کی تحریک منظور ہونے کے بعد وزیرِ قانون اعظم نذیر تارڑ نے سپریم کورٹ کے ججز کی تعداد میں اضافے کا بل پیش کیا جس کے مطابق سپریم کورٹ کے ججز کی تعداد 17 سے بڑھا کر 34 تک کر دی جائے گی۔
اس کے بعد سپریم کورٹ پریکٹس اینڈ پروسیجر ایکٹ ایوان میں پیش کیا گیا۔ اس سے قبل یہ آرڈیننس تھا جو اب قومی اسمبلی میں منظوری کے بعد ایکٹ بن سکے گا۔
اسلام آباد ہائی کورٹ میں ججز کی تعداد نو سے بڑھا کر 12 کرنے کا بل بھی پیش کیا گیا۔
بل پیش کرنے کے دوران قومی اسمبلی میں اپوزیشن نے شدید ہنگامہ آرائی اور نعرے بازی کی تاہم اس دوران وفاقی وزیر قانون نے بل کے نکات سے ایوان کو آگاہ کیا اور کہا کہ سپریم کورٹ میں ہزاروں کی تعداد میں مقدمات زیرِ التوا ہیں۔ جس کی بنیاد پر ججز کی تعداد بڑھانا ضروری ہے۔
اسی کے ساتھ وزیرِ قانون نے اسلام آباد ہائی کورٹ ترمیمی بل 2024 قومی اسمبلی میں پیش کیا اور بتایا کہ ہائی کورٹ میں ججز کی تعداد نو سے بڑھا کر 12 کی جا رہی ہے۔
سپریم کورٹ کے ججز کی تعداد بڑھانے، سپریم کورٹ پریکٹس اینڈ پروسیجر ایکٹ ترمیمی بل 2024 اور ہائی کورٹس کی ججز بڑھانے سے متعلق تینوں بل بھی پارلیمان سے کثرتِ رائے سے منظور کر لیے گئے۔
تینوں سروسز چیفس کی مدت ملازمت بڑھانے کے لیے ترامیم
وزیر دفاع خواجہ آصف کی جانب سے پیش کیے گئے پاکستان آرمی ایکٹ 1952، پاکستان نیول ایکٹ 1961 اور پاکستان ایئر فورس ایکٹ 1953 میں ترمیم کے بل بھی منظور کر لیے گئے۔
قومی اسمبلی اور سینیٹ سے منظور کیے جانے والے ان بلوں کے مطابق تمام سروسز چیفس کی مدت ملازمت پانچ سال کرنے کا بل کثرتِ رائے سے منظور کر لیا گیا۔
پاکستان فوج میں جنرل کی ریٹائرمنٹ کے قواعد کا اطلاق آرمی چیف پر نہیں ہو گا۔ تعیناتی، دوبارہ تعیناتی یا ایکسٹینشن کی صورت میں آرمی چیف بطور جنرل کام کرتا رہے گا۔
پریکٹس اینڈ پروسیجر ایکٹ ترمیمی بل کا مسودہ
ترمیمی بل میں لکھا گیا ہے کہ اگر ممکن ہو تو آرٹیکل 184 کی شق تین کے تحت آئینی بینچ کے دیے گئے فیصلے کے خلاف لارجر آئینی بینچ میں 30 روز میں اپیل ہو سکے گی۔ پریکٹس اینڈ پروسیجر ترمیمی بل کا اطلاق 26 ویں آئینی ترمیم سے پہلے لاگو ہو گا۔
ترمیمی بل میں کہا گیا ہے کہ پریکٹس اینڈ پروسیجر قانون میں سات اے اور سات بی کی شقوں کو بھی شامل کیا گیا ہے۔ ہر کیس اپیل کو فرسٹ ان فرسٹ آؤٹ کی بنیاد پر سنا جائے گا۔
قانون میں نئی شق سات بی کو بھی شامل کیا گیا ہے۔ بل میں لکھا گیا ہے کہ سپریم کورٹ میں ہر مقدمے، معاملے یا اپیل کی سماعت ریکارڈ ہوگی اور باضابطہ نقل بھی تیار کی جائے گی۔
ریکارڈنگ اور نقول عوام کے لیے دستیاب ہوں گی۔ پچاس روپے فی صفحہ فیس کی رقم ادائیگی پر عدالتی کارروائی کی تصدیق شدہ کاپی عدالتی کارروائی کے لیے استعمال ہو سکے گی۔
اپوزیشن کی ہنگامہ آرائی
ایوان میں بل پیش کیے جانے کے موقع پر قومی اسمبلی میں بھرپور ہنگامہ آرائی دیکھنے میں آئی اور پاکستان تحریک انصاف کے ارکان اسمبلی نے تمام کارروائی کے دوران شور مچایا اور بل کی کاپیاں پھاڑ کر اسپیکر، وزیر قانون اور وزیر دفاع کی طرف پھینکیں۔
اس دوران پی ٹی آئی کے بعض ارکان کا حکومتی ارکان سے تصادم بھی ہونے کے قریب تھا لیکن بعض ارکان نے ان کے درمیان بیچ بچاؤ کرا دیا۔
اس ہنگامہ آرائی کے دوران سارجنٹ ایٹ آرمز بھی اسپیکر کے قریب موجود رہے۔
اسپیکر ایاز صادق شروع میں اپوزیشن ارکان کو چپ رہنے کا کہتے رہے اور بارہا کہا کہ حکومتی وزرا کو بات کرنے دی جائے تو انہیں بھی موقع ملے گا۔ لیکن اس کے بعد انہوں نے بھی بلز کو پاس کرنے پر زور دیا اور تمام بلز منظور کر لیے گئے۔

بلوچستان میں1لاکھ 50ہزار سے زائد ملازمین کا تعلق دیگر صوبوں سے ہے جو 80 ارب سالانہ اپنے صوبے منتقل کرتے ہیں.

اور بلوچستان کے %80نوجوان بےروزگار ہیں.

اسرائیل: اگر بشار الاسد ایران اور حزب اللہ کی حمایت کرتے ہیں تو ہم اسے گرا دیں گے

ایرانی اخبار نے لکھاہے:

اسرائیلی آئی 24 نیوز نیٹ ورک نے دعویٰ کیا ہے کہ اسرائیل نے بشار الاسد کو ایران کی حمایت بند کرنے کی دھمکی دی تھی۔

اس رپورٹ کے مطابق اسد کے نام ایک پیغام میں اسرائیلی حکومت نے دھمکی دی ہے کہ اگر اس نے ایران اور حزب اللہ کی حمایت جاری رکھی تو وہ شام کی حکومت کا تختہ الٹ دے گا

پاکستان/
کوکنگ آئل اور گھی کی قیمتوں میں فی کلو 80 روپے تک کا اضافہ

ملک بھر میں کوکنگ آئل اور گھی کی قیمتوں میں 20 روپے سے 80 روپے تک کا اضافہ ہو گیا ہے۔

نجی ٹی وی نے مارکیٹ ذرائع کا حوالہ دیتے ہوئے قیمتوں میں اضافے کی رپورٹ جاری کی، برانڈڈ گھی کی قیمت 370 سے بڑھ کر 450 روپے کلو تک پہنچ گئی ہے۔

مرغی کے گوشت کی فی کلو قیمت 533 روپے مقرر، انڈے مزید مہنگے

کوکنگ آئلز کی قیمت میں پچاس روپے تک اضافہ ہوا ہے، پکانے والا تیل 440 سے 530 روپے کلو تک فروخت ہو رہا ہے۔

بین الاقوامی مارکیٹ میں پائل آئل کی قیمت 300 ڈالرز فی ٹن کا اضافہ ہوا ہے، جس سے فی ٹن قیمت 1200 ڈالرز تک پہنچ گئی ہے

#فوری
حزب اللہ کی ایگزیکٹو کونسل کے سربراہ اور حسن نصراللہ کے وارث ہاشم صفی الدین کی لاش دحیہ میں ملبے کے نیچے سے ملی ہے ۔

بلوچستان نیشنل پارٹی کے سربراہ سردار اختر جان مینگل نے کہاکہ میں اب اپنی نئے نسل کے خواہشات کے مطابق چلونگا، ‏نئی نسل جو بھی فیصلہ کریں گے عالمی فورمز سے رجوع کرینگے، یہاں عوامی میدان میں ہم ان کے ساتھ ہونگے۔

سردار اختر مینگل نے کہا ہے کہ 26ویں آئینی ترامیم منظور کی نہیں گئی منظور کرائی گئی ہیں، آئینی ترامیم کے آخری دنوں میں میرے پاس بلاول کی کال آئی میں نے کہا ایک طرف آپ ہمارے لوگوں کو ڈرا دھمکا رہے ہیں انکی زمینوں پر قبضہ کر رہے ہیں، بچوں کو ہراساں کر رہے ہیں تو ایسے معاملات میں آپ لوگوں کیساتھ بیٹھنے کیلئے بھی تیار نہیں ہوں۔

ایک نجی ٹی وی سے گفتگو کرتے ہوئے انکا کہنا تھا بلاول نے پوچھا یہ سب کون کر رہا ہے میں نے کہا آپ ہی معلوم کرائیں، سندھ میں آپکی حکومت ہے ، انہوں نے مزید کہا کہ آج انہیں آئینی ترمیم کیلئے استعمال کیا جاسکتا ہے تو کل کو کسی اور مقصد کیلئے بھی استعمال کیا جاسکتا ہے۔

شکار پور: پولیس سے اسلحے سے بھری گاڑی چھین لی گئی، 3 اہلکار گرفتار

سندھ کے ضلع شکارپور میں نامعلوم ملزمان جیکب آباد پولیس سے اسلحہ سے بھری گاڑی چھین کر فرار ہوگئے جب کہ واقعے کے بعد سب انسپکٹر، ہیڈ محرر اور محرر کو گرفتار کر لیا گیا۔

رپورٹ کے مطابق جیکب آباد تھانہ صدر پولیس نے 2 اکتوبرکو دوران چیکنگ اسلحہ اسمگنگ کی کوشش ناکام بنائی تھی۔

رپورٹ کے مطابق کارروائی کے دوران پولیس نے 138 عدد نائن ایم ایم پستول اور 30 بور کے میگزین برآمد کیے تھے۔

حکام کے مطابق اسلحہ لاڑکانہ لیبارٹری میں چیکنگ کے لیے بھجوانے کے دوران شکار پور کی حدود میں ملزمان اسلحے سے بھری گاڑی چھین کر فرار ہوگئے۔

رپورٹ کے مطابق سینئر سپرنٹنڈنٹ پولیس (ایس ایس پی) نے کہا کہ اہلکاروں کو معطل کردیا گیا ہے، تفتیش مکمل ہونے کے بعد گرفتار اہلکاروں کو قانون کے مطابق سزادی جائے گا

نیوز الرٹ !!

راولپنڈی ضلع و شہر کے داخلی و خارجی راستے مکمل سیل !! غیر ضروری سفر سے گریز کریں !!

راولپنڈی شہر کو مختلف مقامات سے بند کردیا گیا

راولپنڈی، ٹی چوک، 26 نمبر چونگی ،فیض آباد، مندرہ، چکوال موڑ، جی ٹی روڈ بند

راولپنڈی، پارک روڈ، کلمہ چوک، ڈھوک سیدان روڈ، ٹینچ باٹا، منڈی موڑ 4TH 5TH 6TH ایونیو بند

راولپنڈی ،ناز سینما روڈ، راجہ بازار، گوالمنڈی، کچہری چوک مکمل طور پر بند

چکوال راولپنڈی روڈ بند !! بڑھانے پنڈی بند !! مری راولپنڈی روڈ بند ہونے کی اطلاعات

اس پیغام کو اپنے پیاروں کے ساتھ شیئر کیجئے