لو غَلطة چان تهون لاچن كَسر عُود ..

وأكف بعَيني المَلح مَا أحچي بيك
وغمة گون سيوفي الك حديتها
ندمَتني بگد شعَر بالي عليك
وعمية عيني الشافتك وديتها
أستخدمتني لشوفتك چسبة لغَواك
ومن گضيت مَرايتك ذبيتها
الزاد مَو ترسة بطن ، عروة صديج
والمَلح للگصة يضهَر صيتها
أخوان يوسف مَن گصو رافگلة بير
وأنة بير حجايتك ضميتها
عيونك نفگت على الچان بگفاي
بلاية مَاي وگصتك بديتها
شايل أسمي وحافضك نجمة بسمَاي
عن الف نجمة بگتر عديتها
ميلت أعضاي عنك وأرتجيت
ومَيلتني وادمك رچيتها !
بصف شجرتي توهمَت راچيلي فاس
الندمَة يم المَاي مَن دنيتها
شلتك بعيني گحل بسَ مَن عفاك
طيحت روحك لمن بجيتها
.. طير حُر ورافگت مو مستواي
تهاونت وي صيدتي وهديتها
أنة عاشرتك بخت دلة ومضيف
ومَاتعرفلها نچفت بديتها ..!!
وهسة عشرتنا أنتهت ماتت بديك
هل قريت الفاتحَة وسديتها
أنتهت يالگاضي ليلي عليك واناه
وسَف جدمي بسلفگم شوگ واناه
يلاگيني برود أعصاب وانه الدرك واسفل جهنم شاب بية .

حَبيبي وداعتك كُل الحجيته يدور
يَندمك شَخص ثاني يحرگك بتنور
وتّحس بحالتي ودَمك يضل يفور
وتصير انت بمكاني تَسلمه عُمرك
ويجي هَوه بصلافه يقَرر يشمرك ..

عگدة برأس فكري كلي أحلها شلون آيس لو اضل للمَوت انطرنك ؟

عگدة برأس فكري
كلي أحلها شلون
آيس لو اضل للمَوت انطرنك ؟

أبشرَك مِن وراك إلليل ما نِمتهَ
وما خَليت موُقف ما ذكرتهَ
إچيت أبالي بِـ العَشرهَ
ورِحت من بالي بِـ سِتة
ودخِت مادري وِين أني
لأن مادري وين انتَ
تعال بداعَت العِشرة الكضيناها
لأن لو لحَكت تلگاني فوُك الگاع
اذا ما لحَكت تلگاني چواها
وحَك رَب العباد وعِزتهَ ودينهَ
خايف مِنك اول ما تلاكينة
واذا ما طَمنت گلبي أخلي بكلبي سچينة
افگدك لو تزاعلنة
وافگدك لو تراضينة .

مثل ما بالحَرب ينعبر اليموّت
عبرته الما حسبته إنسان عَابر
ولگيت أرخَص إحساس يمُر بالانسان
من تبرَد وسط روحَه المَشاعر  ..