*🍃*** Fatvo beruvchi koʻp, taqvo qiluvchi kam topiladi.
Shams Tabriziy

Shunday ekan najotni faqat Allohdan kuting!

📍 Siz bilan: @qudratulla

Xulqimizni Alloh o'zi isloh qilsin...

❄️

Shayton nayrang qilsa, sinmaganlarga,
Zaboni zikrdan tinmaganlarga,
Kibr tulporiga minmaganlarga,
JUMA AYYOMINGIZ muborak bo‘lsin!

Faqat xalol luqma yeguvchilarga
Nafsin Alloh uchun yenguvchilarga
Rasulim Muhammad (Alayhissalom) deguvchilarga
JUMA AYYOMINGIZ muborak bo‘lsin!

Yetim-u bevaning xolin so‘rganlar,
Dunyo yaylovidan savob o‘rganlar,
Meni Alloh uchun yaxshi ko‘rganlar,
JUMA AYYOMINGIZ muborak bo‘lsin!

Qalbi hurramlikka to‘lguvchilarga,
Dard guli ishq tuysa, so‘lguvchilarga,
Inshaalloh, jannatiy bo‘lguvchilarga,
JUMA AYYOMINGIZ muborak bo‘lsin!

Dard kirmasin ko‘ngil hududingizga,
Alloh sog‘lik bersin vujudingizga,
Iblis hasad qilsin sujudingizga,
JUMA AYYOMINGIZ muborak bo‘lsin!

Yetim-yesirlarni yo‘qlaguvchilar,
Savobni xirmondek to‘plaguvchilar,
Ey bir kun Kavsarni xo‘plaguvchilar,
JUMA AYYOMINGIZ muborak bo‘lsin!

https://www.instagram.com/saxifada

https://www.instagram.com/saxifada

Rizq

• Rizq ikki xil bo‘ladi:
• biri seni qidiradigan rizq;
• biri sen qidiradigan rizq.
• Seni qidiradigani ojiz bo‘lsang ham, seni topib boradi.
• Sen qidiradigan rizqqa esa faqat sa’y-harakat bilan erishasan. Bu ham rizqingdir.
• Birinchisi, Allohning fazli.
• Ikkinchisi, Allohning adolatidir.

©️ Ali ibn Abu Tolib

📍 Siz bilan: @qudratulla

Allohning eshigida sabr qilsa...

Fuzayl ibn Iyoz rohimahulloh dedilar:
 — “Men sabrni yosh boladan oʻrgandim. Bir safar masjidga ketayotgandim, uyining ichida bolasini urayotgan ayolni topdim. Oʻgʻli qichqirib eshikni ochib qochdi.
Ona uni orqasidan eshikni qulflab qoʻydi.

Qaytib ketayotganimda, qaradim. Bola onasini rahmini keltirib ozgina yigʻlagandan keyin eshik ostonasida uxlab qolganiga duch keldim. Onaning koʻngli yumshab unga eshikni ochdi”.

Fuzayl rohimahulloh  bu gaplarni ayta turib soqollari koʻz yoshlaridan hoʻl boʻlib ketdi. Soʻng:
— “Subhanalloh, banda agar Alloh azza va jall ning eshigida sabr qilsa (noumid boʻlmay, duo qilib soʻrasa), albatta Alloh unga eshigini ochadi” - dedilar.
Abu Dardo roziyallohu anhu dedilar:
— “Duoda jiddu - jahd qilinglar. Kim eshikni koʻp taqillataversa, albatta, tez fursatda unga ochiladi..!”, – dedilar. 🙂

📍 Siz bilan: @qudratulla

Ona – bu dunyoning eng bebaho farishtasi!
🥹 Ona – har birimizning hayotimizdagi muqaddas va o‘zgarmas shaxs. Uning o‘rnini hech kim bosa olmaydi. Onaning yuzidagi ajinlar, qo‘llaridagi charchoqlar siz, aka-opa, uka-singillaringiz uchun kurashgan mehnatlarning belgisi.

Ona o‘zini unutib, oilasi uchun yashaydi. O‘zi yemasa, sizga yediradi. Va ba’zan, farzandning bir tabassumi ham uning uchun eng katta mukofotdir.

Agar onangiz hayotda bo‘lsa, uni seving, qadrlang, ardoqlang. Yoshi o‘tsa ham, uning yonida bo‘lib, har bir so‘ziga mehr bilan javob qaytaring. Chunki, bir kun kelib, onangizni yo‘qotsangiz, bu dunyoda hech narsa unga teng kelolmasligini sezasiz.

Har kuni onaning duosini olishni unutmang, chunki uning qalbida siz uchun doimo ezgulik bor. Onaning yuziga baxt va mehr bilan qarasangiz, sizni dunyo dunyo baraka kutadi.

☺️ Ona – bu dunyodagi eng ulug‘vor duoni beradigan inson. Eslab qoling, unga qilgan har bir yaxshi so‘zingiz va har bir ehtiromingiz – bu haqiqiy savob.

Onani sevish – bu dunyodagi eng buyuk ehtiromdir!

📍 Siz bilan: @qudratulla