🌿Agar siz tushkunlik holatingizni o‘z kuchingiz bilan yengishga qaror qilgan bo‘lsangiz, bu sog‘ayishning yaxshi belgisidir. Demak, siz noxush vaziyatni adekvat baholay olasiz va uni bartaraf etish choralarini ko‘rishga tayyorsiz. Klinik psixologlar depressiyani yengish bo‘yicha quyidagi maslahatlarni berishadi:

Uyquga to‘yish: uyqu - ajoyib dori va tananing o‘zini tartibga solish usulidir. Haddan tashqari charchatmang o‘zingizni. Bunda o‘z-o‘zingizni dori-darmonlar yoki spirtli ichimliklar bilan davolashga harakat qilmang. Bu holingizni yomonlashtirishi mumkin.

Sport. Har qanday jismoniy mashq tanangizga boshqa faoliyat turiga o‘tishda yordam beradi, bu esa stress va taranglikni yengishga ijobiy taʼsir ko‘rsatadi.

Agar imkoniyatingiz bo‘lsa, faoliyat turini o‘zgartiring yoki hech bo‘lmaganda o‘zingizga vaqt ajratib, biror qiziqarli mashg‘ulot toping.

Yolg‘iz qolib ketmang. Muammolaringizni do‘st yoki yaqinlaringizga aytib, dilingizdagi og‘riqni ularga to‘kib soling. Agar atrofingizda bunday odamlar bo‘lmasa, eng yaxshisi psixologga murojaat qilishdir.

Vaqtincha bo‘lsada, vaziyatni o‘zgartirishga harakat qiling: sayohat qilish, uydan tashqarida dam olish, hatto uyni taʼmirlash - diqqatingizni chalg‘itadigan har qanday narsa to‘g‘ri keladi.

To‘g‘ri ovqatlanishga eʼtibor bering! Oddiy shokolad va bananlar tarkibida ruhiy holatga ijobiy taʼsir ko‘rsatadigan endorfinlar mavjud. Shuningdek, tiamin moddasiga boy yong‘oqlar, pista, ayrim nonlar (parxezli), grechka va suli bo‘tqasi ham foydali. To‘g‘ri ovqatlanish, ortiqcha yeb yubormaslik va umuman ovqatdan voz kechmaslik uchun ovqatlanish tartibingizga rioya qiling.

Ayollarni reabilitatsiya qilish va moslashtirish Respublika markazi matbuot xizmati