طاح مسموم الحسن بيد العده
وين حيدر خل يحضره يشاهده
طاح مسموم
فاطمه اليوم
تهل دمعات المصيبه الواعده
:::::-----::::::
طاح  مسموم الحسن يا حيدره
كون حاضر يمه وتشوف الجره
ريت ابو فاضل يشوفه يحضره
وتهل دمعاتالمصيبه الطاهره
اطيح وتكوم
فاطمه اليوم
صوت واحد سوه اليوم اردده
:::::-----::::::
طاح مسموم الحسن بيد الطغات
وهذا من  بيت العلم  والذاريات
وعمن بفراكه  العيون الباصرات
هذا من بيت السفينه والنجاة
مرعب الكوم
فاطمه اليوم
والله خضهم  بالرساله الخالده
:::::-----:::::
الك لو هلينه دمعه يل حسن
عيون احبابك عليك اشكد بجن
الليله بفراكك عيوني الما غفن
يردن يشوفن ضريحك والصحن
الكلب مهموم
فاطمه اليوم
حزنك وياها السنين اتردده
:::::-----:::::
ربه خص الحسن بهوايه خصاص
الكامل الله مكمله بدون انتقاص
وباجر الباري  يوكفهم  قصاص
كون حاضر حيدر يشاهد العاص
الحسن مضلوم
فاطمه اليوم
ليش ابن بيت الرساله الوحده
:::::-----:::::
اليوم املاك السماء تبجي دمه
وتدمع عيون  الزجيه  فاطمه
هيه دوم أعلى المصيبه معلمه
بخيلها الدنيا أعلى دارج  هاجمه
بدارج اتحوم
فاطمه اليوم
بداره مسموم الحسن والوحده
:::::-----:::::
حسن صالح العيساوي

طاح الحسن يا ناس مسموم
:::::----::::
نكضي عمرنه بس بجي ونوح
يبقى الكلب يا ناس مجروح
وحيدر علينه  دمعه مسفوح
املاك السمه حزنانه هل يوم
:::::------:::::
اهل العصابه وحقد معروف
والله حقدهم صار مكشوف
بعين البصيره كمنه انشوف
لمو حقدهم  صبو اسموم
:::::-----:::::
جبد الحسن متكطع اوصال
وحشه المضيف وحشه الدلال
اي  وحك  زينب  والاعيال
زايل حقدهم  ابد  ميدوم
:::::-----:::::
ريت الصميده حاضر  وياه
يشوف الجراله بوليت اعداه
ويلي  عليك  الحسن  ويلاه
كلمن  يحب يبجي  بدموم
:::::-----:::::
كسرت ضهر لو مات الاحنين
وشحال كلبك ها يالحسين
تنصب عزيه اعليك صوبين
كلها البشر جي مات مضلوم
::::::-----::::::
ضلمه الوسيعه اعليك مولاي
طالت الغيبه سيدي اهواي
والمنذبح  ما  شارب  الماي
والبل  معارك جان  جيدوم
::::::-----:::::
ضجت  ملائكة السمه بنوح
وحسين منه  طلعت  الروح
الون  اليونه  ما يون  دوح
مصاب الحسن مامثله لدوم
:::::-----::::::
حسن صالح العيساوي

يمسموم بالوعد هنيالك
.
.
مـودع الله يالحسن علي وياك
وان شاءلله الشيعه مشي تتعناك
بسامره ويه المهدي نتلاكه هناك
ومــا نعوفك يالحسن مـا ننساك
.
وعد هاذ ودين يبقى اعلينه
تره الثار بلحضه مــا ناسينه
الموعود مشي يتعنالك
.
.
مسموم كطع كبدتك سم ضلام
وكون حاضر موتتك شيخ الـعـام
جـان رجعت كربله ومــا يللام
احنه نحسب للفرج صار اعوام
.
هاي اسنين مرت اعله اغيابك
منتضرين الفرج رد اجوابك
يموعود مانشوفه اهلالك
.
.
من كرامات الشهاده الكم قتل
لـو سيف يطبر لــو سم نذل
والحرم تمشي سبيه اعله الهزل
لـو عليلي مجتف بكيد الحبل
،
صار اعوام حقد بيهم واضح
للزهراء خـبـر فكدك جارح
ام حسين بطورها تنعالك
.
.
انتم اصحاب الرساله اهل العلم
نخطة بذكر الجلاله اعله النجم
لو ذبح بالسيف والمات اعله سم
عيون شيعتكم عليكم تبجي دم
.
السولف بيك ما كفن جلماته
حسين اعليك مايكف دمعاته
رب الكوم بالكتب خصالك
.
.
واضح مبين حقدهم و الغدر
ذوله اصحاب السقيفه والمكر
و باجر الباري شتكلوله بعذر
ان شاءلله مسكنكم يصير الجمر
.
معروفين بل غدر والحيله
واجنه وياك الدمع دم نسيله
ربع ايزيد المهدي خلها بالك
.
..
.
حسن صالح العيساوي

علي الاكبر ع
.
بطل كله بساله علي ياهو بجماله
نزل بالطف يجوله
شمر ذوله اعله ذوله
.
علي الاكبر مثل حيدر نزل بيها و فناها
نزل صايم ذخر هاشم عيون الكل عماها
لزم سيفه الحرب كيفه ارض من دم رواها
السلم شارد خبر وارد الوسيعه و زلزلاها
توسط وسط الميدان
تخرس مايحجي انسان
اخذ كاس البطوله
شمر ذوله اعله ذوله
.
نزل غاضب نسل طالب العساكر رجفاها
علي الثاني هتف اني المعالي تصدراه
لبس درعه شهم طبعه وخيم زينب حماها
مثل جده الوفه بوعده وفه العمته ورباها
اهلأ يا عالي الشان
ابن القاده الفرسان
شحدهم ما دنوله
شمر ذوله اعله ذوله
.
يمن تسأل تريد الحل كلف مامش مثيله
علي مدرب علي مجرب عله الصعبه وثجيله
السأل عنه علي جنه نزل حامي دخيله
اعله ابن غانم لزم صارم و لزومن ينحنيله
الاكبر مو ياهو الجان
وينه الكال انه فلان
علي كدها الرجوله
شمر ذوله اعله ذوله
.
شمر هدمه اندعت امه جمر ينزل دمعها
اندعت يرجع تهل مدمع تناديله و سمعها
صكر يفتر على العسكر يطشرها وجمعها
اسد بالكر يروي البر علي الاكبر وجعها
يسطر جفه العدوان
و لازم بيده البرهان
علي اصل البطوله
شمر ذوله اعله ذوله
.
نضر عينه لبو سكينه برز وسط العساكر
حنه ضهره يحير امره بقه حسينه يكابر
الولد غالي شكثر غالي عمه حسين النواضر
قسم بالطف يصفهم صف ولا يشفي الخواطر
يطلب ماي وعطشان
ضل الوالد حيران
ابوه وامه اندعوله
شمر ذوله اعله ذوله
.
حسن صالح العيساوي

باجر لو فزعنه نزلزل الكون
نكحلهن عيونج عمي يم عون
الكم خدم وانصار
فنه اليوصل الدار . احنه انصار الحسين
:::::-----:::::
باجر خل يشوف القاصي والداني
حسين دمي اليسري ابشرياني
باجر كل ارض ما تكفي ميداني
اخذي العهد مني و خادمج اني
عزيمه عدنه وصرار
فنه اليوصل الدار . احنه انصار الحسين
:::::-----:::::
عهد مني يزينب خلي اسمعنج
ام عون نموت بس مانبتعد عنج
و ابشري بينه يا زينب اكللج
نعوفج هيج هذا يصير كل ضنج
لتسمعين الاخبار
فنه اليوصل الدار . احنه انصار الحسين
:::::-----:::::
نضحي بالنفيس نضحي كل غالي
احنه الما نهاب الموت منبالي
فده العينج يزينب روحي وعيالي
اسمعي خلي اكلج هذا مرسالي
بيها الكون يحتار
فنه اليوصل الدار . احنه انصار الحسين
:::::-----:::::
باجر راح زينب عينج الشاهد
لحد احر نفسنه بالدمه نعاهد
غير حسين ماعدنه ابد القائد
واحد زينب الله واحنه هم واحد
بيد الباري لقدار
فنه اليوصل الدار . احنه انصار الحسين
:::::-----:::::
والمفروض احنه وكل اهالينه
مو بس العمر مولاتي ضحينه
اول بالشدد بالضيج تلكينه
الكدها احنه يزينب زين تدرينه
الكم فدوه لعمار
فنه اليوصل الدار . احنه انصار الحسين
:::::-----::::::
حسن صالح العيساوي

يمته ابو صالح يجي بتاره
يمته يالمهدي نشوف ادواره

يمته تضهر حته ينزاح الضلم
يمته يالمهدي يرف بيدك علم
يمته مولانه تكسر هل صمنم
والله تعبنه يمهدينه الحكم
حته تفضح هالضلم واسراره

اسرارهم ماتنفضح اله بسيوف
من تجي مولانه تلقيهم حتوف
انته راعي البيت والباقي ضيوف
يا كمرنه اليوم دنيانه بكسوف
و ضلمه دنيانه بدون انواره

نور مهدينه مثل نور الشمس
من يجينه اليوم نترحم لمس
ضاك من يومك يمولانه انفس
ناجح بكلهن يمن يمك درس
الما درس للزهره شنهو اعذاره

اعذاره شنهي الفاطمه والحيدره
دون شخصك كلشي كمت اتعذه
و يا نجاتي انته دنيانه و اخره
يا هويتي و انته اكبر مفخره
ويله يالمهدي تردها الغاره
*
غاره تكره سلم غايتها الضلام
وما يردها غير جفك يا امام
الك مشتاكين مايكفي الكلام
جارو اعلينه بحقد ويه انتقام
انهض الحيدر ولوها انصاره
.
.
حسن صالح العيساوي

الطور بدوي
.
.
ريض بهونك يمن تحدي الضعن
شافن عيوني شكثر ضيم ومحن
.
ريض بهونك يحادي لو سريت
مرني بالكافل اكلله مشيت
وخلي اكلله عليش اتعطليت
ليش جفينك يخويه اتكطعن
.
ريض بهونك تمرني اعله الكفيل
مرني للعباس ابو درع الثجيل
ادري مايقبل على دمعي يسيل
خلي اودعنه ولم جسمه بجفن
.
ريض بهونك يحادي اعله الهزل
ناكه عرجه و خاف كفالي زعل
عفيه كلبه اشلون عباس احتمل
من خواته وي غرب كمن مشن
.
ريض بهونك و نصي كلمتك
ولو سمع عباس يكطع ركبتك
انته بايعها الشهامه و غيرتك
انته لو تعرفني ياهي وبت امن
.
ريض بهونك يحادي انطي صبر
ناكه عرجه وخاف بالممشه تعثر
ومن اطيحن اشتكي يم الكمر
انطي اسمك وانته دبرلك مفر
ادري تشرد ما اشوفك خاطبن
.
ريض بهونك و راجع قصتي
عل شريعه ودعت كل اخوتي
ضلي ما ينشاف شافو دمعتي
عتبي موش اعليك اعتب عالزمن
.
حسن صالح العيساوي

اليله جبريل النصب هذا عزاء
اعليك فاطم تبجي واملاك السماء
•
اليله ابو اتراب الينوح و فاطمه
اليله  حزنانه  ملاكت السمه
تنوح الك ياسيدي بحسره ودمه
اي وحك جدك هذاك وصارمه
نحضر امصابك رغم كل ماجراء
•
تحضر امصابك لون مهما جره
تواسي البضعه البتول الطاهره
مانعوفك وحك نحره وخنصره
شلون باجر عل صرط و نعبره
غير بيكم وانتم ابواب الرجاء
•
انتم ابواب الرجاء عند الجليل
ما نعوفك ابد والله مستحيل
عالعهد مولاي وكتي شما يميل
يروح جيل يعاهدك من بعده جيل
و عاهدت للموت بيت الانبياء
•
عاهدت للموت ما كف الدمع
هذاحزني وحك فاطم والضلع
وانه بمصابك انوح و منفجع
شكد قرينه شكد دعينه مانفع
شكثر بندبه قرينه هل دعاء
•
يادعاء الندبه ماضل كالصبر
والله اذانه البعد يل منتضر
صار انه متانيك كالهذا العمر
من اسر نخلص يسلمنه الاسر
شفنه اشكال الضلم ويه الاذاء
*
حسن صالح العيساوي

ابو ذيات افراح على شكل قصيدة
.
احر من الجمر يبن الزجيه
تنتضرك يمهدي الرافضيه
❤️‍??❤️‍??❤️‍??❤️‍?
كلبي مناطر الجيتك وعيدك
فرحت كل محب يمك وعيدك
يمته نشوف رمضانك وعيدك
تفرح اكلوبنه الطلعه البهيه
❤️‍??❤️‍??❤️‍??❤️‍?
كلبي ويه العشك دومه تلاوه
العود الاخضر ابفكدك تلاوه
الجمعه نريد نسمعلك تلاوه
المهدي ونحضر نصلي سويه
❤️‍??❤️‍??❤️‍??❤️‍?
حبك واليحب معذور مرات
علينه ايام مرته حيل مرات
يبو صالح تمرنه نريد مرات
عله عناد السقيفه وال اميه
❤️‍??❤️‍??❤️‍??❤️‍?
تعال انضر دليلي شبيه مابيه
بس كلمن يضدك والله مابيه
مثل شجرة ثمينة ثمر مابيه
اضل امطر حنان وعاطفيه
❤️‍??❤️‍??❤️‍??❤️‍?
احبك مو لجل غايه ولامال
وكلبي ما جزع منك ولامال
كل عمري الك خادم ولامل
ولا كول اتعبت لو للمنيه
❤️‍??❤️‍??❤️‍??❤️‍?
غيرك انته والله مالي بالكون
حلم كمنه نسولف كان بلكان
يبو صالح نشوفك حلم بلكن
ويجمعنه القدر بلكت سويه
❤️‍??❤️‍??❤️‍??❤️‍?
حسن صالح العيساوي