كتلها نسيت،، وكلت جذب
انت اول ابنادم يعرك من يحب
ومثلك يتيه بعالم النسيان مثل ذاك الضوه الختنك با المغرب
كتلها بعد للسفر ماكو شراع
خايف نغرك وما نكدر نجلب
وكتلها بعد حيلي نجفه وما فيد
كالتلي السيوف الباشطه تحدب
كتلها فقير شعاجبج بيه
كلتلي الفقير بكلهن معزب
وبجت واسمعها وكالت لو الك لو الموت كتلها الحجي الما ينحجي يتعب
مو صاحب طويله وكلبي عايش خوف
وتفززه القطره تنزل من الحب
وكالتلي صبر يعقوب و ايوب
متنايتك بعدني وعلى الهلال احسب
وهاك القلم واكتب وهنه ثنين
لو ورقه وفاتي لو عقد تكتب
وما فاد الحجي ورديت الاول بيت
وكتلها نسيت وكالت تجذب

مضفر النواب

هذا شارِعكمَ، وصَلته
وجَايب وياي الخِريف
عَلمت رِوحي ، الشِجاعه
وبطَلت مِن ، الرجَيف
تِالي خفـَت الباب ادِكهه
وكمَت ادِك ، عل الرصيف .

.
ياصديقي الضحگه لو طالت تموت
ومن تموت الضحگه عيب اليبتسم
والمعاتب لو كثر تاليه خراب
الما يلزمه المستحه ما ينلزم

ننصحَك لا تهدد نِدري متروح
گلبك عاطِفي گليب الفخاتي
مثل اُمي بزَعلها تهَدد البيت
أهِجن راح و انطوني عَباتي
و نِنطيها العَباة و تضحَك تگول
أهِجن وره ما اكمل صلاتي
و نضحك و الزعل ينطِرد و يروُح
حنينه اُمي ضوه هيَ الحياتي
وصفاتَك حِيل تشبهها فَرد نوب
شلتوا اثنينكُم اجمل صفاتي
لذلِك من تهَدد نضحك هواي
ضل هدد احبنَك اغاتي
عِراقي انا بروحي تعِيش نَهرين
دِجله اُمي و اريدنك فُراتي

رد بيه الربيع منين ماجيت
وفض موسم حصادك لم السلال
صمت حد مافطر گلب الحياطين
بعشرتك ما شفت عيد ويا الهلال
بعدين اكتشفت الصار تمثيل
وصار سنين احبك وانتَ چتال
شلت بگلبي عيبك وما اهتميت
وهذاك انتَ گلبك بس حقد شال
بعد ماجيب طيفك يم العيون
ولا دني الصور يم چف الإحساس
كافي سنين اجامل ما اهتزيت
عليمن أبقى ساكت تعرف الناس
چم شجرة اعلمودك ذكره خليت
وشكص ياشجرة بيهن يتعب الفاس
اذا هوه الحرامي المنك وبيك
ابو نفس الرخيصة تكضه حراس.

ردت ادخل وأحاچي
وشِفت أخر رسالة
شلون چان الرَد
رَد يشبه سواد الليّل
شلون عيونه وبَعد أسود 
رَد بارد مُخيف هوايّ
مِثل ثلاجة الموتى
وبَعد أبرد