Yaqinda bir loyiha uchun zudlik bilan Premium kerak bo'lib qoldi.

Bu yigit bizning kursda, aniqrog'i Zuhriddin akada o'qiganlar. Nimadir bo'lib kontaktimda bor ekanlar. "История"lari chiqib turar edi.

Xullas yozdim. 1 oylik obunani Telegram akkauntimga kiribgina olib bera olishlarini aytdilar. Bir seskanib tushdim)

😅 Keyin "E xay, pullar, kvartiralarning kaliti, arendadagi "нежилой" larning hujjatlari – hammasi 2 ta seyfda. Mashinalar – garajda. Olsa bir Telegramimni olar" – deb menga kelgan kodni aytdim. Hattoki erim bilan shaxsiy yozishmalarni ham o'chirmadim.

Baraka topgur, kirdilar-u ishlari bitgandan darrov akkauntimdan chiqib ketdilar.

😊 Shunaqa halol insonlarning daragini aytib qo'ygim keldi.

P.s: Xayollarim hazilligini eslatishim shart emas-a)
Alloh hammaga nasib qilsin.

https://t.me/abbostv_blog

Mana shu kanal bilan tanishib turing-da, hozir qizimning qornini to'yg'azib kelib 🐎🚿 (от души) reklom qilaman.

Armonda qoldim... Dadamni berib qo'ydik... Inna lillahi inna ilayhi rojiun Duo qiling

Ihm ihm?

Mana nimaga kopiraytingdan tanaffusda edim?

Biznes qalay?

"Muborak" Nafsning 7 martabasi:

1. Nafsi ammora
Yomonlikka buyuradigan, gunoh ishga tashviq qiladigan nafs.
Mushriklar, kofirlar, fosiq insonlarning nafsi. Lekin hammamizga ham eng kuchsiz, yolg'iz paytimizda yopishadi.

Quroli: nafrat, hasislik, adovat, shahvat, yolg'on.

2. Nafsi lavvoma

Bu nafsdagi odamlar ba'zan vijdonlariga quloq solishadi. Ishlarining gunoh ekanini tushunib yetib, tavba qilishadi. Qing'ir yo'lga boshlagan nafsi ekanini bilsalarda, tuzog'iga tushib qolaverishadi. Ular BILSA HAM BILMAGANLAR, AMMO FARQIGA BORADIGANLAR.

Ibodati jannat ne'mati yoki jahannam qo'rqinchi uchun, ya'ni nafsi uchun.

3. Nafsi Mulhima

Ahli ilmlar nafsi. Ilhom oluvchilar nafsi. Bu ilhom Allohdan keladi. Bunday kishilarda ilm, to'g'rilik, tavoze, jo'mardlik, sabr va shukr bo'ladi.

Mulhima nafs – nafsning shivir-shivirlari, vasvasalaridan najot topish chegarasida joylashgan. Shuning uchun bu darajada yana nafsi lavvomaga tushib qolish xavfi bor.

4. Nafsi Mutmainna

Ko'nglidan shubhalari arigan, qalbi huzur topgan, haqiqatni anglab yetgan nafs. Har bir ishning Allohdan ekaniga ishonch bor bu darajada.
Bunda shirk, zulm, yolg'onchilik, shahvatparastlik, kibr, hasislik, hasad yo'q.

Sifati– amal va ixlos, tavakkul, nafsni qiynash, ibodat, shukr, rozilik.

5. Nafsi rizoiya

Rozi bo'lgan, shukrona qiluvchi nafs. Bu oliy maqom valiy zotlarning martabasidir. Qanday natija bo'lishidan qat'iy nazar Allohga taslimiyat ko'rsatish, har bir ish Allohdan ekanini anglab yetish (intuitsiya juda kuchayadi)

6. Nafsi Marziyya

Alloh rozi bo'lgan nafs. Ilm va komillikda ilmning tubidagi valiy zotlardir.
Allohning barcha amrlarini chin ko'ngildan samimiy ado qilib, Allohdan rozi bo'lgani kabi, Robbim ham bu bandalardan rozi bo'ladi.

7. Komil nafs

Mukammal, poklangan nafs. Bu maqomda butun vujud, aql, ruh, nafs – barchasi nur bo'ladi.
Bu martabaga erishgan zotlar Alloh taoloning ilmidan, qudratidan nasibador bo'lib, ba'zi sirlardan ham boxabar bo'ladilar.

Sirlashamizmi?

Oxirgi oylarda ishlagan loyihalarimdan xizmat haqqimni olishim qiyin bo'lyapti.

Biri "Bugun-erta, ana-mana, vay uzr planlar o'zgarib ketdi, o'zimdan to'liyman shekilli. Qancha beriy?" – degandi. "Rozi bo'lganingizcha" deb javob yozgandim, mana, 1 haftadirki xabarni ham ochmadi. ($70 lik ish edi)

Ikkinchisidan umid bor, to'g'rirog'i kechikyapti xolos. $100 dan oshiqroq. "Alloh ulargayam osonlik bersin" deb duo qilib o'tiribman.

Muhimi bu emas!

Muhimi – ichimdagi ovoz.

Bir qonimni qaynatadiiiii....

⚠️ *Kopirayter sizga (sengamikin yoki) o'yinchoqmi? Plani bilan nima ishim bor? Vazifa berildi, yozdim, haqqimni bering...

Yozgan har bir harfimga, ketkazgan vaqtim tugul sekundimga rozimasman!

Muammosi bo'lsa menda nima ayb?
Vaqtida mas'uliyat bilan ishni topshirdimmi, boshqasi bilan ishim yo'q!*Sizniyam ichingizdan o'tganmi?
Nafs shudirda-a?

Mijozlarimga 1-2 xolisona eslatdim, lekin jimman.
Chumolini rizqsiz qoldirmagan Allohim meniyam haqqimni kerak vaqtida yetkazadi.

Ehhh, nafs, nafs...

Bolam 12 yosh...

⚠️ Negadir ustozining savollariga javob bermas ekan. Doskaga chiqqisi kelmaydi. O'zi biladiiii...

⚠️ O'g'lim doim ko'chadan kaltak yeb keladi. Buncha bo'sh-a bu bola! Kimga o'xshadiykin?

⚠️ Qizim o'zini g'alati tutishni boshladi. Oldin rossssa og'ir-bosiq edi. Hozir qiliq chiqarishni boshlagan. Gapimga kirmaydi. Gap qaytaradi. Birdan "tili chiqdi"...

⚠️ Dori ichirishmiii? Azob-kuuu! Na doktorga obora olaman buni. Tishi qurtlab tamom bo'ldi, stomatologga olib boraman desam dodlaydi. Kap-katta bola, ko'tarib olib bora olmasang...

⚠️ Oldin mayli kichik derdim. Endiyam shkafini taxlamaydi. Aqalli bitta piyolasini chayib qo'ymaydi. Ish buyursang eshitmaganlikka solib qochadi.

⚠️⚠️ Telefondan ajramay qoldi.
PUBG, Minecraft yana allambalo o'yinlar. Gapirsam bir tiyinga olmayapti. Onamanmi men o'zi? Kimmmaaaan bunga...

Azizam, tanishmi bu gaplar sizga? Yoki kelajakda bu holga tushishni istamaysizmi?
Hech bo'lmaganda 3 yoshidagi xatolaringizni anglab, endigi o'smirlik krizisida buni to'g'rilab olishni istaysizmi?

? 14:00 da audiochatda sizni kutaman.
Maksimum foydali efir bo'ladi, InshaAllah
@zakiyalar_klubi
@onalar_akademiyasi_N1

Ba'zida bolaning agressiyasi avj olishiga o'zimiz aybdormiz!

Tanish holat. Bolajoningiz bilan parkdasiz. Anchagina arg'imchoq uchildi. Endi esa ketish vaqti bo'ldi. Bola yana qolishni istayapti. Pulingiz qolmadi, boshqa rejalaringiz bor yoki kech bo'lib qoldi.

Bola isterika qilishni boshladi...

— Seni ikkinchi parkka olib kelmayman!
(Tanishmi?)

Do'kondasiz. O'yinchoq tanlayapsiz yoki shirinlik olib berayapsiz. Qaysidir nuqtada tanlovingiz 2 xil yoki siz uning xohishini olib berishni istamayapsiz.

– Endi umuman seni magazinga olib kelmayman!
(ssenariyning davomini tahmin qiling-chi?)

Bu haqida ham gaplashamiz.

? Doim har qancha ko'ngliga qaralsa ham "недовольный" qaytadigan bir mening bolam emasdir-a?
(Shu joyida bir xatoyimiz bor)

Dugonalaringizni chaqiriiiiiiing. Bolasi, nevarasi bor hammaniiiii.

@zakiyalar_klubi
@onalar_akademiyasi_N1

Instagramda bir ekspertning fikri e'tiborimni tortdi.

– Uyda kamdan-kam ovqat qilaman. Ko'pincha buyurtma qilaman yoki ko'chadan ovqatlanamiz...
Va bu gapga havasmanda kursiga yozilgan ayollar qancha...

Muhokama qilmayman va yashirmayaman. Qachondir o'zimda ham ishdan ortib vaqtim, kuchim yetmay nimadir taom buyurtma qilgan paytlarim bo'lgan.
"Bugun sizlarni mehmon qilay dedim" – derdim-u yelkamda yuk bor bo'lardi.

Hozir 4 soatlab vaqtim oshxonada o'tadi (Bu paytda eng kami 10 ta matn yozsam, $60?). Lekin ishoning, shunaqa zavqlanaman. Oldin esa shashkadagi oq katakka turib qolgan donachadek his qilardim
(O'zi faqat qorada yurish kerakmidi?)

Xullas shunaqa gaplar. Istasam ishga ham ulguraman. Lekin bu zavq bermayapti.
Birinchi zarbadan (bolam shamollasa, oilaviy tadbir, o'zgarishlar...) yana oilaning pallasini og'ir qilib olayapman.

Kimdir shundan bosib o'tilsagina muvaffaqiyat keladi deb hisoblar. Uzr, men uchun bunday emas.

Bu menga "Hey bandam, ayollingga qayt. Buyurganim bu emas" degan belgidek tuyilyapti.