*💰*‼️23-ноябрда Улуттук банктын сайтына жарыяланган расмий валюта курсу менен таанышып алыңыздар**

*⚡️*‼️Экс-депутат Канатбек Исаевдин кармалганы айтылууда**

Бүгүн, 22-ноябрда Жогорку Кеңештин экс-депутаты Канатбек Исаевдин кармалганы айтылууда. Бул тууралуу «Азаттык» анын жактоочусу Бакыт Осмоналиевге шилтеме берип, жазып чыкты.

Маалыматта айтылгандай, жактоочу Канатбек Исаевди Улуттук коопсуздук боюнча мамлекеттик комитет (УКМК) 20-ноябрда кармаганын билдирген. 22-ноябрда сотто анын бөгөт чарасы каралат деп күтүлүүдө.

«Ал саясатчы кайсы иш менен кармалганы жана кайсы берене менен айып коюлганы азырынча белгисиз экенин айтты»,- деп жазды «Азаттык».

Учурда УКМК бул тууралуу маалымат бере элек.

*⚡️*‼️Ноокат РИИБинин жетекчисинин үстүнөн даттанган милиционер кызматтан бошотулду**

Ноокат РИИБде болгон окуя боюнча текшерүү аяктап чечим кабыл алынды. Бул тууралуу Ички иштер министрлигинин басма сөз кызматынан билдиришти.
Маалыматка ылайык, ИИМдин борбордук аппаратынын кызматкерлеринен турган комиссия Ноокат райондук милициясында болгон окуя боюнча текшерүү жүргүзүп чечим кабыл алынды.
• Ош ОИИБдин Ноокат РИИБдин К.Асранов атындагы Көк-Жар АМБнын башчысы милициянын майору Абдисатар уулу Темурду ички иштер органдарынан кызматтан бошотулду;
• Ноокат РИИБдин башчысы милициянын полковниги Осконалиев Талгат ээлеген кызматынан төмөндөтүү менен бошотулду;
• Ноокат РИИБдин башчысынын орун басары, ал эле КККнын башчысы милициянын подполковниги Исраилов Алмазбек ээлеген кызматынан төмөндөтүү менен бошотулду;
• Ноокат РИИБдин башчысынын кадрлар боюнча орун басары милициянын подполковниги Абдиев Бактияр ээлеген кызматынан төмөндөтүү менен бошотулду;
• Ноокат РИИБдин КККнын уруксат берүү системасы боюнча тескөөчүсү милициянын кенже лейтенанты Аскар уулу Акжол ээлеген кызматынан төмөндөтүү менен бошотулду;
• Ош ОИИБдин кадрлар бөлүмүнүн башчысы милициянын полковниги Сатаров Асан ээлеген кызматынан төмөндөтүү менен бошотулду;
• Ош ОИИБдин башчысынын кадрлар боюнча орун басары милициянын полковниги Ахунов Ашырбек кызматына толук эмес ылайыктыгы жөнүндө эскертүү тартиптик жазасы берилди;
• Ош ОИИБдин башчысынын коомдук коопсуздук боюнча орун басары милициянын подполковниги Бекташов Эрнист катуу сөгүш тартиптик жазасы берилди;
• Ош ОИИБдин башчысынын ыкчам иштер боюнча орун басары милициянын полковниги Увалиев Нургазы катуу сөгүш тартиптик жазасы берилди;
• Ош ОИИБдин башчысы милициянын полковниги Бурканов Нурланбекке, катуу сөгүш тартиптик жазасы берилди.
• Кыргыз Республикасынын ИИМдин ИИКтин Ош шаары жана Ош облусу боюнча ИИБнүн башчысы милициянын полковниги Жаманов Улукбекке сөгүш тартиптик жазасы берилди;
• Ош ОИИБдин КККнын башчысы милициянын подполковниги Алымов Таалайбекке катуу сөгүш тартиптик жазасы берилди.

Эске салсак, Ноокат районунун Көк-Жар аймактык милиция бөлүмүнүн айрым кызматкерлери өлкө бийлигине кайрылуу жолдоп, райондук милициянын жетекчиси Талгат Өскөналиевге каршы даттанышкан. Алар мамлекет башчысы Садыр Жапаровго, УКМКнын төрагасы Камчыбек Ташиевге жасаган видео кайрылуусунда Ноокат райондук ички иштер бөлүмүнүн башчысы менен иштеше албай турганын айтышкан.

*⚡️*‼️Бишкек шаардык кеңешине беш партия өттү**

Шайлоо участокторунун 97,22% нын маалыматтары боюнча, Бишкек шаардык кеңешинин депутаттыгына ат салышкан алты саясий партиянын бешөө өттү.

Бул тууралуу Борбордук шайлоо комиссиясы (БШК) билдирди.

Алар:

1.“Жаңы күч” партиясы – 29,40% (16 мандат);

1. “Эмгек” партиясы – 21,93% (12 мандат);

2. “Адилет” партиясы – 15,11% (9 мандат);

3. “Ынтымак” партиясы – 14, 02% (8 мандат);

5.”Эл үмүтү” 11,04% (6 мандат).

“Улуу журт” партиясы 1,34 % добуш алып, 5% чектен өтө алган жок.

Бишкек шаарында 8686 же 7,16% шайлоочу баарына каршы добуш берди.

#БулЖумада: Матраимов бошотулду, Жапаров сөз эркиндиги бар деди, жаңы айыл ачылды

Апта ичинде болуп өткөн маанилүү жаңылыктар менен таанышыңыз👇

https://youtu.be/jSFlBMqw3vE?si=qlha6D4KiOhgbGmW

⚡️‼️ИИМ Жумгалда дайынсыз жоголгон ата-баланын бирөөсүнүн сөөгү табылганын билдирди
Бүгүн, 14-ноябрда Ички иштер министрлиги (ИИМ) Нарын облусунун Жумгал районунда дайынсыз жоголгон 45 жаштагы жарандын жансыз денеси табылганын билдирди. Аны менен кошо жоголгон баласы табыла элек.

Маалыматка ылайык, ИИМдин Баңгизаттарды мыйзамсыз жүгүртүүгө каршы күрөшүү кызматынын Кинологиялык борборунун кызматкерлери иттердин жардамы менен жансыз денени дарыянын жээгинен табышкан.

«Ит жоголгон жарандын жытын алып, анын сөөгүн Көкөмерен суусунун боюнда аныктады. Учурда издөө иштери анын уулун табууга багытталган»,- деп айтылат маалыматта.

Эске салсак, ата-бала 16-октябрь күнү мал кайтарууга жайлоого кетишкен бойдон дайынсыз болуп жаткандыгы тууралуу маалымат 19-октябрь күнү кабарланган.

Бакальчук Кыргызстандын жарандыгын жазында алганын, жана бул кадам сонун жана достук мамиледеги өлкөдө ишкердик жүргүзүүгө жардам берерин айткан.

«Кыргызстан — биз ири логистикалык борбор курууну пландаштырган өлкөлөрдүн бири, эми мен компанияга кайтып келерим менен бул ишти мүмкүн болушунча натыйжалуу ишке ашыра аларыма ишенем»,- деген ал.

Ошондой эле Владислав Бакальчук Wildberries компаниясына кайтып келүүнү жана компаниянын кызыкчылыгы үчүн иштегенди улантууну пландап жатканын билдирген. «Орусиядан кетейин деген оюм жок»,-деген ал.

*⚡️*‼️ТМУ мамлекет башчылар саммитинин жыйынтыгы боюнча бир катар документтерге кол коюлду**

Бүгүн, 6-ноябрда, Бишкек шаарында Түрк мамлекеттер уюмунун (ТМУ) мамлекет башчыларынын кеңешинин 11-жыйыны болуп өттү. Иш-чаранын жыйынтыгы боюнча уюмга мүчө өлкөлөрдүн лидерлери тарабынан төмөнкү документтер кабыл алынды.

Бул тууралуу президенттин сайтында кабарланды.

Маалыматта айтылгандай, төмөнкү документтер кабыл алынды:

1. Түрк мамлекеттер уюмунун 11-саммитинин Бишкек декларациясы;

2. Туруктуу келечек үчүн биримдик Түрк “жашыл” көз карашын кабыл алуу чечими;

3. 2025-жылы Бишкек шаарын Түрк мамлекеттер уюмунун Санариптик борбору деп жарыялоо жөнүндө чечим;

4. Түрк дүйнөсүнүн жогорку ордени менен Венгриянын премьер-министри Виктор Орбанды сыйлоо чечими;

5. Түрк дүйнөсүнүн уставын кабыл алуу чечими;

6. Түрк мамлекеттер уюмунун башкы катчысынын орун басарларын дайындоо жөнүндө чечим;

7. Түрк мамлекеттер уюмунун Туруктуу өкүлдөрү жөнүндө жобону кабыл алуу жөнүндө чечим;

8. Түрк мамлекеттер уюмунун желегин кабыл алуу жөнүндө чечим.

Ошону менен бирге Түрк мамлекеттер уюмунун мамлекет башчыларынын саммитинин алкагында төмөнкү документтерге кол коюлду:

1. ТМУнун жарандык коргонуу механизмин түзүү жөнүндө макулдашуу;

2. Санариптик экономика боюнча өнөктөштүк келишими;

3. Жашыл каржы боюнча Түрк кеңешин түзүү жөнүндө өз ара түшүнүшүү меморандуму;

4. Түрк борбордук (улуттук) банктарынын кеңешин түзүү жөнүндө меморандум;

5. ТМУнун Жерди байкоочу технологиялык спутнигин түзүү боюнча өз ара түшүнүшүү меморандуму;

6. ТМУнун Чоң түрк тил моделин иштеп чыгуу боюнча өз ара түшүнүшүү жөнүндө меморандум.