إذا كان أولُ ليلةٍ من شهرِ رمضانَ صُفِّدَتِ الشياطينُ ومَرَدةُ الجنِّ ، وغُلِّقتْ أبوابُ النارِ فلم يُفتحْ منها بابٌ ، وفُتِّحَتْ أبوابُ الجنةِ فلم يُغلقْ منها بابٌ ، ويُنادي منادٍ كلَّ ليلةٍ : يا باغيَ الخيرِ أقبلْ ، ويا باغيَ الشرِّ أقْصرْ ، وللهِ عتقاءُ من النارِ ، وذلك كلَّ ليلةٍ

الراوي : أبو هريرة | المحدث : الألباني | المصدر : صحيح

﴿ يَا أَيُّهَا الَّذِينَ آمَنُوا كُتِبَ عَلَيْكُمُ الصِّيَامُ كَمَا كُتِبَ عَلَى الَّذِينَ مِن قَبْلِكُمْ لَعَلَّكُمْ تَتَّقُونَ﴾
[ البقرة: 183]

عامل أي يا صديقي؟
لو لسه فاكر أن رمضان هو شهر اللمة، شهر الأكل الحلو، شهر المسلسلات و المقالب، شهر السهرة الحلوة و الخروجات الجميلة، يبقى لازم تراجع نفسك شوية!
شهر رمضان هو تقريبا أسرع شهر بيعدي عليك في السنة، وهو أكتر شهر في عتقاء من النار في حديث "إن لله عند كل فطر عتقاء وذلك في كل ليلة. "

فتخيل شهر عتق من النار اللي انت اصلا مخلوق عشان هدفك الأول أنك تهرب من النار و تدخل الجنة وهو ده الفوز الحقيقي، فتخيل شهر بكل الكرم اللي ربنا مدهولك ده من رحمة منه عشان يغفرلك و يرحمك فأنت تضيعه في مسلسلات و سهرات و خروجات.
ما هو معلش أنت مش هتنول العتق من النار وأنت الصبح متابع مسلسل و بليل مقضيها و غيرك بيخلص في اليوم جزء أو أتنين و بيدعي الصبح و بليل بيقوم الليل و بيصلي الترويح! مين أحق بالعتق و الرحمة دي ؟!
أَمَّنْ هُوَ قَانِتٌ آنَاءَ اللَّيْلِ سَاجِدًا وَقَائِمًا يَحْذَرُ الْآخِرَةَ وَيَرْجُو رَحْمَةَ رَبِّهِ ۗ قُلْ هَلْ يَسْتَوِي الَّذِينَ يَعْلَمُونَ وَالَّذِينَ لَا يَعْلَمُونَ ۗ إِنَّمَا يَتَذَكَّرُ أُولُو الْأَلْبَابِ (9)
فعمر ما ده يستوي مع ده في الحكم بالرحمة و بالعتق.

و يمكن الصوم و رمضان بيجي يقولك أنت تقدر تبطل ذنوب كتير انت بتعملها، تقدر تبطل تتفرج، تبطل تشرب، تبطل تنم، تبطل تغتاب، ودي كثير من المعاصي اللي بتلزمك طول السنة، و بيجي يقولك تقدر تصلي في المسجد و تحافظ على موعيدها و تقدر تصوم وتقدر تعمل ورد للقرءان دايم معاك، وتقدر تعمل أعمال خير اللي أنت موقفها طول السنة ومش بتشتغل غير في الشهر ده بس، فاستعين بالله وخلي عندك إراده في ده لأنه شهر التقوى، شهر بيحسسك أنك حر بعيد عن العادات اللي كنت بتعملها و أقرب إلى الله.

و حديث عن زيد بن ثابت رضي الله عنه قال - تسحرنا مع رسول الله صلى الله عليه وسلم ثم قمنا إلى الصلاة قلت كم بينهما قال قدر قراءة خمسين آية.
ده حديث عن فضل تأخير السحور بس الغريب في الحديث أن الصحابة في رمضان كانوا بيحسبوا الوقت بالأيات يعني معندهمش وقت فراغ تقريبا، فتخيل أنت بتضيع تقريبا نص رمضان في حاجات مش هتفيدك بل ممكن كمان تنقص من أجر صيامك لو في عُري أو منكرات في اللي بتشوفه.
فالشاهد من الموضوع أننا نخلي رمضان ده من غير مسلسلات من غير تضيع الوقت، أنت كل دقيقة بتضيعها في رمضان بتضيع أجر كبير أوي و غفران ذنوب كتير اوي، فالدقيقه مهمة في شهر.
وسؤال أساله لنفسك عشان تطلع من رمضان كسبان أنت لو قالوا أنك قدامك شهر و تموت هتعمل اي في الشهر ده؟
فأعتبر رمضان هو الشهر ده و اشتغل و أنوي أنك هتكمل كده بعد رمضان لو ربنا أداك عمر لعله يكون بداية لتغير حياتك....

#موضوع_كل_جمعة

الشعور بالوحدة، أن تسير وحدك في الطرقات صامت، تنظر بشرود إلى المارة تفكر في اللاشيء، أن تجلس طول اليوم منتظرًا لرسالة من صديقك المفضل - أو الذي كان - ولا تجد مَن تتحدث معه، أن تحارب وحدك في طريق لا يعرف عنه غيرك، تمتنع عن مشاركة الآخرين خوفًا من الخذلان، من النصائح المعتادة، من السخرية من حديثك عن أحلامك و ضغوطاتك مع الحياة، و في النهاية تتهم نفسك أنك السبب في كل ما يحدث، أنت السودوي الذي وضع نفسه في هذه الحالة، أنت الفاشل اجتماعيا، وأنت في منزلك تفترش فراشك و يصيبك الأرق طوال الليل، حتى تنام من فرط التعب من التفكير الذي لحق بك.

- كريم عبدالعزيز

أحيانًا ينقصنا رسالة دعم، عناق، كلمة حنونة، شيء ما يجعلنا نُكمل طريقنا، ونستمر في السعي نحو التأقلم مع الحياة؛ فذاك الطريق الشاق يحتاج إلى شخص يربت على كتفك بعد عناق ويقول لك:
أنا أؤمن بك، وأنت ستحقق ما تريد؛ فقط استمر في العمل ولا تيأس.

- كريم عبدالعزيز

أتمنى أن تظلي عالقةً بي، ولا تُنسيكِ الأيام بهجة قلبي معك، ولا تمحي الطرقات صوت أملي فيكِ.. أن تبقي عالقةً بي كما لو أن هذا المكان مكانكِ الوحيد.

- كافكا.

{ أَلَم يَأنِ لِلَّذينَ آمَنوا أَن تَخشَعَ قُلوبُهُم لِذِكرِ اللَّهِ وَما نَزَلَ مِنَ الحَقِّ وَلا يَكونوا كَالَّذينَ أوتُوا الكِتابَ مِن قَبلُ فَطالَ عَلَيهِمُ الأَمَدُ فَقَسَت قُلوبُهُم وَكَثيرٌ مِنهُم فاسِقونَ }[ الحديد: ١٦ ]

عامل أي يا صديقي....
يمكن انهرده جي أفكرك ب أية عظيمة جدا في القرآن في سورة الحديد.
والأية دي مش بتتكلم عن الغافل أو الكافر لا دي بتتكلم عننا أحنا، عن المؤمنين يا مؤمن، أية بتصحيك من غفلتك و بتقولك "أي مش جه الوقت اللي تخشع لذكر الله؟" ، مش جه الوقت اللي تتدبر القرآن مش بس تقرأءه كده و خلاص بلا أي شعور؟، جه الوقت اللي لما تسمع حديث أو أية بتقول ده حرام و ده حلال تقول حاضر؟، جه الوقت اللي تتوب فيه من ذنوبك و متيأسش من رحمة الله؟، أية ربنا بيقولنا فيها انا مستنيكوا، أية ربنا بيفكرنا بيه و بيقولنا أنا موجود، ربنا عاوز يلحقنا من النار و عاوز يتوب علينا و هو الغني العزيز.
{ وَاللَّهُ يُريدُ أَن يَتوبَ عَلَيكُم وَيُريدُ الَّذينَ يَتَّبِعونَ الشَّهَواتِ أَن تَميلوا مَيلًا عَظيمًا }[ النساء: ٢٧ ]

و في قصة مشهوره لإسلام سيدنا الفضيل بن عياض اللي كان عبارة عن لص، قاطع طريق وكان بيحب جاريه، و هو بيطلع فوق الجدار عشان يشوفها سمع حد بيقرأء أَلَمْ يَأْنِ لِلَّذِينَ آمَنُوا أَن تَخْشَعَ قُلُوبُهُمْ لِذِكْرِ اللَّهِ وَمَا نَزَلَ مِنَ الْحَقِّ {الحديد:16}، فلما سمعها قال: بلى قد آن فتاب إلى الله و سُمي بعد كده بعابد الحرمين.
تخيل من كافر لص، لعابد الحرمين بسبب خشوعه في أيه وحده بس لمسة قلبه. فأحنا فين من ده ؟!
فمهما كان عملك و مهما كانت ذنوبك، ربنا غفور رحيم بس ابدأ أنت.

وكتير مننا بيسمع القرآن مبيحسش بحاجة، مفيش خشوع، فين المتعة في القرآن فين الراحة اللي بيقولوا عليها، فين الطمأنينة!! و يمكن ده بسبب معاصي في حياتنا كتير و يمكن أهمها هي سماع الأغاني فلما تاخد مشاعرك منها من حزن و فرح و حب؛ عمرك ما هتحس بشعور أيه في القرآن ربنا بينادي عليك فيها و بيقولك مش هتوب بقى أنا مستنيك؟

سورة الحديد بشكل عام جميلة جدا جدا جدا ياريت لو نقرأها بتدبر و نحسها في كل آياتها.

{ اعلَموا أَنَّمَا الحَياةُ الدُّنيا لَعِبٌ وَلَهوٌ وَزينَةٌ وَتَفاخُرٌ بَينَكُم وَتَكاثُرٌ فِي الأَموالِ وَالأَولادِ كَمَثَلِ غَيثٍ أَعجَبَ الكُفّارَ نَباتُهُ ثُمَّ يَهيجُ فَتَراهُ مُصفَرًّا ثُمَّ يَكونُ حُطامًا وَفِي الآخِرَةِ عَذابٌ شَديدٌ وَمَغفِرَةٌ مِنَ اللَّهِ وَرِضوانٌ وَمَا الحَياةُ الدُّنيا إِلّا مَتاعُ الغُرورِ }[ الحديد: ٢٠ ]

#موضوع_كل_جمعة

{ قالَ سَآوي إِلى جَبَلٍ يَعصِمُني مِنَ الماءِ قالَ لا عاصِمَ اليَومَ مِن أَمرِ اللَّهِ إِلّا مَن رَحِمَ وَحالَ بَينَهُمَا المَوجُ فَكانَ مِنَ المُغرَقينَ }[ هود: ٤٣ ]

عامل أي يا صديقي؟
في رحلة حياتك هيكون في أكتر من طريق ممكن تسلكه، بس في النهاية طريق واحد بس هو اللي بيفلح و هو طريق الحق، طريق الإيمان، طريق الجنة، طريق ربنا.
الطريق اللي كله مطبات، كله ابتلائات ويمكن الإبتلاء بيجي في أكتر حاجة بنحبها، طريق كله أستهزاء من اللي حوليك، و هتتحارب، و هتسمع كلام يجرحك، بس في الأخر ربنا بيقول سبحانه وتعالى : (فَاصْبِرْ ۖ إِنَّ الْعَاقِبَةَ لِلْمُتَّقِينَ﴾
[ هود: 49]

و القصة معانا هي قصة سيدنا نوح و أزاي قعد مع قومة 950 سنة يدعوهم للإسلام و عبادة الله و في الأخر ما أمن معه إلا قليل، و ده الدرس الأول في أنك مسؤل عن الدعوة بس مش مسؤل عن الهداية.

﴿ وَيَصْنَعُ الْفُلْكَ وَكُلَّمَا مَرَّ عَلَيْهِ مَلَأٌ مِّن قَوْمِهِ سَخِرُوا مِنْهُ ۚ قَالَ إِن تَسْخَرُوا مِنَّا فَإِنَّا نَسْخَرُ مِنكُمْ كَمَا تَسْخَرُونَ﴾[ هود: 38] ﴿ فَسَوْفَ تَعْلَمُونَ مَن يَأْتِيهِ عَذَابٌ يُخْزِيهِ وَيَحِلُّ عَلَيْهِ عَذَابٌ مُّقِيمٌ﴾
[ هود: 39]
و يجي مشهد تاني و سيدنا نوح بينصع السفينة و الكافرين بيستهزئوا به لكن سيدنا نوح كان مؤمن و عارف أن السفينة دي هي اللي هتنجيه من العذاب و الهلاك، ملتفتش لكلامهم ولا أستهزئهم بل بلعكس قالهم هنشوف في الأخر مين اللي هيفوز، و سفينتك في حياتك هو دينك و قربك من ربنا، وحبك له و طاعاتك هي اللي هتنجيك من العذاب، هي اللي هتشفعلك، هي اللي هتكون وسط جبال من الملذات، وسط جبال من الحرام، و زي ما كانت سفينة سيدنا نوح وسط جبال الامواج بس هو محمي و مش خايف، زي ما دينك و قربك من ربنا هيحميك من أي شر هيجي حوليك، هيطمنك و هيوصلك لبر الأمان، هيوصلك للجنة زي ما السفينة وصلت سيدنا نوح إلى الجودي بأمان وسط الرعب اللي حصل في العالم كله تخيل أمواج كالجبال و كله بيهلك حوليك وأنت راكب سفينة ولا همك حاجة و هو ده اللي الدين هيعملوا معاك و هو ده الطمئنينة اللي ربنا هيلهمهالك لما تقربله و تكون معاه في طريقه.
﴿ الَّذِينَ آمَنُوا وَتَطْمَئِنُّ قُلُوبُهُم بِذِكْرِ اللَّهِ ۗ أَلَا بِذِكْرِ اللَّهِ تَطْمَئِنُّ الْقُلُوبُ﴾
[ الرعد: 28]..

﴿ وَهِيَ تَجْرِي بِهِمْ فِي مَوْجٍ كَالْجِبَالِ وَنَادَىٰ نُوحٌ ابْنَهُ وَكَانَ فِي مَعْزِلٍ يَا بُنَيَّ ارْكَب مَّعَنَا وَلَا تَكُن مَّعَ الْكَافِرِينَ﴾
[ هود: 42]

و يجي أخر مشهد و هو أبن سيدنا نوح و هو متعلق في الجبل و سيدنا نوح يقوله أركب معانا مفيش حاجة هتنفعك، هو ده الطريق الوحيد اللي هتوصل بيه للجنة، هو ده الطريق الوحيد اللي فيه نجاح، هو ده الطريق الوحيد اللي هتسعد فيه في الأخر، ولكن للأسف كان أبنه عنده أمل في وهم و هو أنه طلع على جبل على أمل أنه يلحق نفسه مع أنه كان عنده فرصة إنه يركب بس الكبر و العناد منعوه.
و هو ده اللي بنشوفوا حولينا لما حد بيجري ورا الفلوس أو الشهرة أو أي طريق تاني يبعده عن دينه، فاكر إن ده هينقذة زي الجبل اللي طلع عليه إبن سيدنا نوح ولكن للإسف طريق خسران و في الأخر: وَحَالَ بَيْنَهُمَا الْمَوْجُ فَكَانَ مِنَ الْمُغْرَقِينَ﴾.

راجع نفسك في أختيار رحلة حياتك و متنساش دينك سفينتك اللي هتنقذك من النار، متنساش ربنا و طريقه و ده الطريق الوحيد اللي هتكسب فيه؛ عشان تكون من أهل الجنة إن شاء الله.

#موضوع_كل_جمعة

نحن لا نبكي على رحيل الشخص، بل نبكي على المشاعر التي أُهدرت في سبيله، على مستقبل خططناه معًا، على طموحات في مُخيلتنا معه، على حالنا في كل مرة كنا نتلهف إلى الحديث سويًا، بكينا في كل مرة كنا نحزن لحزنه وقد هان عليه حزننا، بكينا على الذكريات التي ظننا أنها خالدة، على الحب الذي كان، على أنفسنا و عودتها للوحدة من جديد بعد ما كان هو كل عالمنا.

كريم عبد العزيز

أيام ثقال، كل ما تريده فيها فضل الله، صحبة تفهم صمتك ومعاناتك، عائلة سوية لا تصدّر لك أي ضغوطات، شخص حنون يربت على كتفك، وطاقة تعينك على التعامل مع سفهاء الحياة.

كريم عبدالعزيز