Wasiirka Gaashaandhiga XFS Cabdulqaadir Maxamed Nuur ayaa maanta booqasho dhiirrigalin ah ugu tagay Ciidanka Qaranka ee ku sugan deegaanka Geerile ee Gobolka Galgaduud oo dhawaan Cadowga khawaarijta lagu jabiyey .
Wasiirka oo la hadlay warbaahinta ayaa ka warbixiyey howlgalada sida ballaaran uga socda gobolada dalka.

https://www.facebook.com/share/v/j6EK6Nm1bf7LdbDR/

WAR SAXAAFADEED

Ciidamada Qalabka Sida oo mar kale Khawaarijta jab culus ku gaarsiiyay Galgaduud iyo Shabeellaha Dhexe.

Muqdisho, October 08, 2024: ilaa iyo 59 ka tirsan Khawaarijta ayaa lagu dilay hawlgalo ay horkacayeen Ciidanka Qalabka Sida oo kaashanaya dadka degaanka iyo saaxiibada caalamka oo laga fuliyey deegaano ku yaalla bariga Gobalka Galgaduud iyo Shabeellaha Dhexe.

Hawlgalka koowaad oo lagu dilay 32 dhagar-qabe ah oo isugu jiray horjoogayaal iyo maleeshiyaad Khawaarijta ka tirsanaa ayaa ka dhacay aagga Garilay oo u dhow deegaanka Coosweyne ee Gobalka Galgaduud, waxaana sidoo kale hawlgalkaasi ku shahiiday afar askari oo ka tirsanaa Ciidanka Xoogga Dalka Soomaaliyeed.

Hawlgalka labaad oo lagu laayay 27 dhagar-qabe ayaa wuxuu ka dhacay goob ay cadowgu isku aruursanayeen oo ku taalla tuulada Yaaqle oo dhow deegaanka Xawaadlay ee Gobolka Shabeellaha Dhexe, waxaana sidoo kale hawlgalkaasi lagu burburiyay fariisinkii uu cadowgu isku aruursanayay.

Hawlgalada bartimaameedka ah ee lagu beegsanayo horjoogayaasha iyo maleeshiyaadka Khawaarijta ayaa la kordhiyay, iyadoo maalmihii ugu dambeeyay si wayn cadowga loogu naafeeyay.

-Dhammad-

Prof. Cismaan Dufle oo ka sheekeeyey sidii loo helay Isbitaalka Keysaney oo markii hore ahaa Xabsi, xiligii ay dagaallada sokeeye ka socdeen magaalada Muqdisho. https://www.facebook.com/sntvnews/videos/511449988376447

Cabdishariid Khaliif Xaashi "Qof Soomaali ah oo cadowgiisa doortay inuu u nacamleeyo yaan waqti la isaga lumin, Soomaaliya hadafkeedu waa muuqdaa, qofkii doqonimo doorta isagaa khasaaray."

Ciidanka Kumaandooska Xoogga Dalka Soomaaliyeed ee Danab ayaa howlgal ay ka fuliyeen deegaanka Kaam-Jaroon ee gobolka Jubbada Hoose waxay dileen maleeshiyaad badan iyo horjoogayaal ka tirsanaa Khawaarijta, sida ay Warbaahinta Qaranka u xaqiijiyeen saraakiisha hoggaamineysa howlgalka.

Howlgalkaan jabka xooggan lagu gaarsiiyay Khawaarijta ayaa sidoo kale looga soo furtay hub iyo saanad ciidan, waxaana lagu burburiyey goobihii ay ku dhuumaaleysanayeen.

Saraakiisha Ciidanka Qaranka ayaa soo bandhigay sawirrada Khawaarijtii lagu dilay howlgalka iyo hubkii laga furtay.